އެލައިޑުން ޔޮޓް ޓުއާސްއަށް ދޭން ޖެހުނު 22 މިލިއަން ޑޮލަރުން ސަލާމަތްވެއްޖެ

ހައި ކޯޓު: ޔޮޓް ޓުއާސަށް 22 މިލިއަން ޑޮލަރު ދައްކަން އެލައިޑްގެ މައްޗަށް ކުރި ހުކުމް އެ ކޯޓުން ވަނީ ބާތިލް ކޮށްފައި -- ފޮޓޯ/މިހާރު

މުއިއްޒު އިބްރާހިމް، މިހާރު

11 އެޕްރީލް 2022 - 14:12

13 comments

ޔޮޓް ޓުއާސް މޯލްޑިވްސް އަށް 22 މިލިއަން ޑޮލަރު (339 މިލިއަން ރުފިޔާ) ދައްކަން އެލައިޑް އިންޝުއަރެންސް ކުންފުނީގެ މައްޗަށް ކުރި ހުކުމް ހައި ކޯޓުން މިއަދު ބާތިލްކޮށްފި އެވެ.

ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު އަބްދުﷲ ޖާބިރުގެ މަސްލަހަތު އޮންނަ ޔޮޓް ޓުއާސް އިން ކުރިން ހިންގި ހއ. އަލިދޫ ރިސޯޓަށް 2014 ވަނަ އަހަރު މޫސުން ގޯސްވެ، ލިބުނު ގެއްލުންތަކާ ގުޅިގެން އިންޝުއަރެންސްގެ ފައިސާ ހޯދަން އެ ކުންފުނިން އެލައިޑްގައި އެދުމުން، އެ ކަމަށް އެ ކުންފުނިން ދެކޮޅު ހެދި އެވެ. އެ މައްސަލަ ކޯޓަށް ހުށަހެޅުމުން 22 މިލިއަން ޑޮލަރު ދައްކަން ސިވިލް ކޯޓުން ހުކުމްކުރީ 2020 ވަނަ އަހަރު އެވެ.

އެ މައްސަލަ އެލައިޑްގެ ފަރާތުން އިސްތިއުނާފް ކުރުމުން ހައި ކޯޓުން މިއަދު ކުރި ހުކުމުގައިވަނީ އަލިދޫ ރިސޯޓަށް ލިބުނު ގެއްލުންތަކަކީ އިންޝުއަރެންސް ޕޮލިސީގެ ތެރޭގައި ބަޔާންކުރާ ފަދަ ގެއްލުމެއްކަން އެ ކުންފުންޏަށް ސާބިތުކޮށް ނުދެވޭ ކަމަށެވެ. އަދި ގެއްލުމެއް ލިބުމުން އެކަން އެލައިޑަށް އަންގަން ޖެހޭ ގޮތަށް އެއްބަސްވުމުގައި އޮތްއިރު، އެކަން އެ ކުންފުނިން ފުރިހަމަ ކޮށްފައިވާ ކަން ލިޔުންތަކުން އެނގެން ނެތް ކަމަށް ހުކުމުގައިވެ އެވެ.

ގެއްލުން ލިބުނު ކަމަށް ޔޮޓް ޓުއާސް އިން ބުނާ ތާރީޚުތަކާއި އެ ކުންފުނިން ހުށަހެޅި ލިޔުންތަކުގެ ތާރީޚުތައް ދިމާނުވާތީ އެ ގެއްލުންތަކާއި މޫސުން ގޯސްވުމާއި ގުޅުވޭނެ ގޮތެއް ނެތް ކަމަށް ހުކުމުގައިވެ އެވެ. އަދި އެ އެ ދުވަސްވަރު އެ ސަރަހައްދުގެ މޫސުން ގޯސް ކަމަށް ޔޮޓް ޓުއާސުން ބުންޏަސް، އެލައިޑުން ކޯޓަށް ހުށަހެޅި މޫސުމާ ބެހޭ ރިޕޯޓް އޮތްގޮތުން އެ ދުވަސްވަރު އެ ސަރަހައްދުގެ ކަނޑު ގަދަ ނޫން ކަމަށް ވެސް ހުކުމުގައި ބުނެފައިވެ އެވެ.

ހުކުމުގައިވާ ގޮތުން ޔޮޓް ޓުއާސް އިން ހިސާބުތަކެއް ހުށަހެޅިޔަސް، އެއީ މޫސުން ގޯސްވެގެން ލިބުނު ގެއްލުންތަކުގެ ހިސާބެއް ނޫނެވެ. އަދި އެކަންކަން ސާބިތުކޮށް ނުދެނީސް، ބަދަލުގެ ވަރާ މެދު ގޮތެއް ކަނޑަނޭޅޭނެ ކަމަށް އެ ހުކުމުގައިވެ އެވެ.

ހައި ކޯޓުން އެ މައްސަލަ ބެއްލެވި ތިން ފަނޑިޔާރުންގެ އިއްތިފާގުން ކުރެއްވި އެ ހުކުމުގައިވަނީ ދަށު ކޯޓުގެ ހުކުމް ބާތިލްކުރާ ކަމަށެވެ.

ފަނޑިޔާރު މުހައްމަދު ނިޔާޒް ރިޔާސަތު ބެލެހެއްޓެވި އެ މައްސަލަ ބެލި ބެންޗުގައި ދެން ތިއްބެވީ ފަނޑިޔާރު ހުސައިން ޝަހީދު އަދި ފަނޑިޔާރު ޝުއައިބު ހުސައިން ޒަކަރިއްޔާ އެވެ.

ސިވިލް ކޯޓް ހައި ކޯޓް އެލައިޑް އިންޝުއަރެންސް ޔޮޓް ޓުއާސް މޯލްޑިވްސް އަލިދޫ އައިލެންޑް ރިސޯޓް

13 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފިނރުޓޭ

13 April 2022

2/2 ފަހުން ޖާބިރު ގެ ދޮންވެލި ރިސޯޓާ މި ރަށާ 'ލާ' ޖައްސައިގެން މި ރަށް ހޯދީ، ދުވަސް ކޮޅަކު ހިންގާފަ އެސްޓީއޯ ބޮލުގަ އަޅުވަން! އެއީ އޭރު އެސްޓީއޯ ގެ ޗެއަރ އަކަށް ހުރީ ޖާބިރުގެ ފްރެންޑެއް ކަމަށް ވާތީ! އަޑު އިވޭ ގޮތުން ވެއްޖެއްޔާމުން 50 މިލިޔަން ޑޮަލަރަށް! އެކަމު ޑީލު ނުނިމެނީސް ސަރުކާރު ބަދަލުވެގެން އެކަން ނުކުރެވުނީ! މިހާރު މި އުޅެނީ، އެރަށް ބޭނުންކޮށްގެން ބަދަލު ހޯދަން! ކީކޭ ދެން ފަހެ އަޅެ ބުނާނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިނރުޓޭ

13 April 2022

މި ރަށް ރިސޯޓުހަދަން ފެށިގެން އައިގޮތް ބަލަމާ ހިނގާ! ހއ. އަލިދޫ އަކީ ރާއްޖޭގެ މި އޮތްހާ ރީތި ރަށްތައް ހުއްޓާ ރިސޯޓު ހަދަން ހެޔޮވެސް ވާވަރު ރަށެއް ނޫން! ވަށައިގެން ގޮއް ރާޅު އަރާ ރަށެއް! މޫދެއް ނޯންނަ ގާމަތީ ރަށެއް! މި ގޮތަށް ކަންކުރީ މި ރަށަށް ބިޑު ކުރާނެ މީހަކު ނުވާނެތީވެ، ދަށް އަގެއްގަ ބިޑުކޮށްގެން ބޭރުބަޔެއްގެ ބޮލުގަ އަޅުވައިގެން ލާރިގަނޑެއް ހޯދުމަށް! އެކަން އެގޮތަށް ކުރީ ޖޯންކީލްސް ކިޔާ ލަންކާ ބަޔެއްގެ ބޮލުގަ އަޅުވައިގެން! 1/2

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަށީދު

13 April 2022

ތީ ހައިކޯޓު ގަބޫލުކުރާގޮތްތާ ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖާބެ

12 April 2022

އިންސިއުރެންސް ކުރަންވެސް ދެންދާވީ ކޯޓުން ހުކުމް ކުރުމުން، ހިތަން އަރާ ތީ ކީތްކުރަން ކުރާކަމެއްބާވޭ. ކޮބާތޯ އޭގެ ނަފާއަކީ. ރައްޔިތުމީގެ މުދާ ވީރާނާވީމަ ރިކަވަރީއަކީ ކޮބާތޯ؟ ކޮންމެ ޗެކް ޕޮއިންޓަކުންވެސް އެބަ އަހާ 3 ޕާރޓީ އިންސިއުރެންސް ސްޓިކާ ކޮބާތޯ؟ ސުވާލަކީ އޭގެން ކީންހޭ ކުރެވެނީ؟ ކިތައް ސައިކަލް ހެދިއްޖެތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިޔާނާގެ ވަތުއަޑި

12 April 2022

ތި އަލިދޫގަ ރިސޯރޓް ހަދަންވެސް 22 މިލިއަން ހަރަދުނުވާނެ ޔަގީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޫމޯޓޯސަމަން

12 April 2022

މިއުޅޭ ރިސޯޜޓް އޯނަރުން މިއުޅެނީ ކިހިނެއްތަ އަބަދުވެސް ކޮންމެވެސް ކުންފުންޏެއް މީހެއް ސަރުކާރު ފެލާލެވޭތޯ ބަލަން މިއުޅެނީ އިހަށްދުވަހު ގާސިމު ބޮޑު ލާރިގަނޑެއް އެނެގީ ސަރުކާރުން މިހާރު ޖާބިރު ދެން އެއުޅޭ ޝިޔާމުވެސް ހިލްޓަން ފަހަތުން އެދުވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަޙުމަދު

12 April 2022

ޖަބިރު އިނސުރެންސުންް ލާރިތަކެއް ހޯދަން އެއުޅެނީ މީހާ ހަފުސްވެގެން. ޢިންސުއަރެންސުން ވެސް ދޭންޖެހޭ އެއްޗެއް ވިއްޔާ ދޯ ލިބޭނީ. ދެން ވައި އަޅުވާނީ ކާކަށް ކަމެއް ނޭންގެ. މީނައަށް ދަސްވެފަ މިހިރެ އުޅުމެއްދޯ.