އިޒްރޭލު ސިފައިން އަގްސާ މިސްކިތަށް އަރައިގެންފި

30 އެޕްރީލް 2022 - 11:44

އިޒްރޭލުގެ ސިފައިންނާއި ފުލުހުން، ބާރުގެ ބޭނުންކޮށް އަގްސާ މިސްކިތުގެ ތެރެއަށް ވަދެގަނެ ކަރުނަގޭހާއި ބަޑިން ހަމަލާދީ ފަލަސްތީނުގެ 40 އަށް ވުރެ ގިނަ މީހުން ޒަހަމަކޮށްލައިފި އެވެ.

ފަލަސްތީނުގެ ރެޑް ކްރެސެންޓުން ބުނި ގޮތުގައި އިޒްރޭލު ސިފައިން އަގްސާ މިސްކިތަށް ވަދެގަނެ ހަމަލާ ދޭން ފެށީ، އިއްޔެ ހުކުރު ނަމާދަށް ފަލަސްތީނުގެ މުސްލިމުން އަގްސާ މިސްކިތަށް ޖަމާވަމުން ދަނިކޮށެވެ. އިޒްރޭލު ފުލުހުން ބުނި ގޮތުގައި އަގްސާ މިސްކިތަށް ވަދެގަންނަން ޖެހުނީ، މިސްކިތުގެ އެތެރޭގައި ތިބި ފަލަސްތީނުގެ ޒުވާނުންތަކެއް، މިސްކިތުގެ ބޭރުގައި ތިބި އިޒްރޭލު ފުލުހުންނާ ދިމާލަށް އޮއްގާ އުކައި ފަޓާސް ރޯކޮށްފައި އުކަން ފެށުމުންނެވެ.

މިއަހަރުގެ ރޯދަ މަހުގެ ކުރީކޮޅުން ފެށިގެން އިޒްރޭލު ސިފައިން ދަނީ އަގްސާ މިސްކިތަށް ވަދެ، އެ މިސްކިތުގައި އަޅުކަމުގައި ތިބޭ ފަލަސްތީނު މީހުންނަށް ހަމަލާ ދެމުންނެވެ. މި ރޯދަ މަހުގެ ތެރޭގައި އިޒްރޭލު ސިފައިން އެންމެ ފުރަތަމަ އަގްސާ މިސްކިތަށް ވަދެގަތީ، އަގްސާ މިސްކިތުގެ ގޯތިތެރެއަށް ވަންނަން ބޭނުންވި ޔަހޫދީންގެ ބަޔަކަށް އެކަމަށް މަގު ފަހިކޮށްދިނުމުގެ ގޮތުންނެވެ.

Israeli occupation forces assault a young Palestinian man near Bab al-Nazir in occupied Jerusalem. pic.twitter.com/AkTPtg5PJa
— PALESTINE ONLINE 🇵🇸 (@OnlinePalEng) April 29, 2022

އިޒްރޭލު ސިފައިން މިއަދު އަގްސާ މިސްކިތަށް ވަދެގަނެ ފަލަސްތީނު މީހުންނަށް ހަމަލާދިނުމަށް ފަހު، ފަލަސްތީނުގެ ތިން ޒުވާނަކު ވަނީ ހައްޔަރުކޮށްފަ އެވެ. އިޒްރޭލު ފުލުހުން ބުނި ގޮތުގައި އެ ތިން ޒުވާނުންގެ ތެރެއިން ދެ ޒުވާނަކު ހައްޔަރުކުރީ، އިޒްރޭލު ފުލުހުންނާ ދިމާލަށް އޮއްގައު އުކުމުގެ ސަބަބުންނެވެ. އަނެއް ޒުވާނާ ހައްޔަރުކުރީ ހަމަނުޖެހުން އުފެއްދުމުގެ ސަބަބުންނެވެ.

މުސްލިމުންގެ ތިން ވަނަ ހަރަމްފުޅަށް އިޒްރޭލު ސިފައިން މިރޯދަ މަހުގެ ތެރޭގައި ވަދެގަނެ ދިން ހަމަލާތަކުގައި ފަލަސްތީނުގެ 300 އެއްހާ މީހުން ވަނީ ޒަހަމްވެފަ އެވެ. އިޒްރޭލު ސިފައިންނާއި ފަލަސްތީނު މީހުންނާ ދެމެދު އަގްސާ މިސްކިތް ސަރަހައްދުގައި، މި ރޯދަ މަހުގެ ތެރޭގައި ހަމަނުޖެހުންތައް އުފެދެން ފެށީ، ހިފާފައިވާ އިރުމަތީ ގުދުސްގައި ދިރިއުޅޭ ޔަހޫދީ ވަޒަންވެރިން، އަގްސާ މިސްކިތުގެ ތެރެއަށް ވަންނަން ފެށުމުންނެވެ.

ޔަހޫދީން އަގްސާ މިސްކިތަށް މިވަންނަން ފެށީ، ޔަހޫދީންގެ އީދުލް ފުސްހު ފާހަގަކުރުމުގެ ގޮތުންނެވެ. ޔަހޫދީންގެ އީދުލް ފުސްހަކީ، ފިރްއައުނުގެ އަނިޔާވެރިކަމުން ސަލާމަތްވުމަށް، ބަނީ އިސްރާއީލު ވަންހައިގެ މީހުން މިސްރުން ފައިބައިގެން ދިޔުން ފާހަގަކުރާ މުނާސަބަތެވެ. އީދުލް ފުސްހު ފާހަގަކުރުން އޮންނަނީ ކޮންމެ އެޕްރީލް މަހެއްގެ 15 ވަނަ ދުވަހުން ފެށިގެން ހަފުތާއެއްގެ މުއްދަތަށެވެ.

އިޒްރޭލް ފަލަސްތީން ޔަހޫދީ ވަޒަންވެރިން

9 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިލްމީ ފަރަގަ މާބޮޑު.

02 May 2022

މިއީ ޖާހިލް ވީމަ ވާ ކަންކަން. ހަގުރާމާގައި ބަލި ގަބޫލު ކުރަން ދަސްކުރަންޖެހޭނެ. އެއްބަޔަކު ހެސްކިޔާފަ ކިޔަވާފަ، މަސައްކަތް ކޮއްފަ، އިލްމީގޮތުން ދުނިޔޭގެ އެންމެ ކުރީސަފުގައި އުޅޭތާ އެތައް ހާސް އަހަރު. އަނެއްބަޔަކު ފެށުނީއްސުރެ ކަންނެތްކަންމަތީގައި. ހަތިޔާރެއް ހެދިކަމަކު، ފަންސުރެއް ހެދިކަމަކު، ބަލި ތަކުގެ ޝިފާއެއް ހޯދި ކަމަކު، ހަގުރާމައިގެ ހުނަރުތަކައް ބެލިޔަސް، އެއްބަޔަކު ކުރިހޯދަމުން ދާތަން ފެންނަނީ. އަނެއްބަޔަކު އަވާމެންދުރު ފެނިގެން އުޅެނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންދީ

02 May 2022

ނުބައި ނުލަފާ ޝައިތާނުންނަށް އިންޝާﷲ ދުވަހަކުވެސް އެބިން މިލްކޮށް ހަމަޖެހިގެން ނޫލެވޭނެ ﷲގެ ކުޅަދުންވަންކަން އެއައްވުރެ މާބޮޑުވާނެ ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިކިލީކްސް

01 May 2022

ފަހު 10 އަށް އެޅިއިރުވެސް އިނގޭ 14 ދުވަހުގެ ދީނީ އަޅުކަމުގަ ޔަހޫދީން އަގްސާއަށް ވަންނާނެކަން. ކުރީދުވަހުވެސް އަގްސާގެ އެތެރޭގަ ތިބެ މުސްލިމުން ޔަހޫދީންނާ ކުރިމަތިލީ އިސްވެ. އެނގޭނެ ދޯ ޔަހޫދީންގެ ރައްދު ވަރުގަދަވާނެކަން. މިހާރުވެސް ސައުދީއާ އީރާން އެއްގަލަކަށް އަރާބަލަ. އޭރަށް މިކަން ހުއްޓުވާލަން ފަސޭހަވެދާނެ. މުސްލިމުއަރަބިން ފޭކުވީމަ މިހެން މިވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެހި ސޭޚުން

30 April 2022

ތި ތަނަށް ދިވެހި ސޭޚުންގެ ޓީމެއް ފޮނުވައި މުސްލިމުން ވަރުގަދަވާނެފަދަ ފަންޑިތައެއް ހަދަން ފެނޭ. ސޭޚު އަލީ ރަމީޒު ލީޑްކުރާ ޓީމެއް ސަރުކާރުން ފޮނުވަން ވާނެ. ފަންޑިތަ ހަދަންވީ ހަމައެކަނި ރާއްޖެތެރޭ މީހުން ކާރިއެއް ނޫން. ބޭރު ދުނިޔެއަށްވެސް ފެންނަ ގޮތަށް ހަދާލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބީރުބޮލު ވަޒީރު.

30 April 2022

ތިއައީ މުސްލިމުންނާ ނަސާރާއިންނާ ޔަހޫދީންގެ ހައްގުތަކެއް އޮތް ތަނެއް. ހުރިހާ އެންމެންވެސް އަނެކުންގެ ހައްގުތަކަށް އަރައިގަނެގެން ނުވާނެ. ސުލްހަވެރިކަމާއެކު އެކީ އުޅެންޖެހިފައިވާ ބައެއް. ބާރުގަދަމީހާގެ ބާރުވެސް ދުވަސްކޮޅަކުން ނެތިހިނގައިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރުލާމީ

30 April 2022

” މިސްކިތަށް ވަދެގަންނަން ޖެހުނީ، މިސްކިތުގެ އެތެރޭގައި ތިބި ފަލަސްތީނުގެ ޒުވާނުންތަކެއް، މިސްކިތުގެ ބޭރުގައި ތިބި އިޒްރޭލު ފުލުހުންނާ ދިމާލަށް އޮއްގާ އުކައި ފަޓާސް ރޯކޮށްފައި އުކަން ފެށުމުންނެވެ. ” މީ އަރަބި ގައުމުތަކުން އަޅާނުލާ ސަބަބަކީ. ހަމާސްގެ ޔޫތު ވިންގް އިން މިކަން ކުރަނީ ދެންތިބި ޕާޓީތަކަކީ ކަމެއް ނުވާ ޕާޓީތަކެއް ކަން ދައްކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަކުނިބޯ

01 May 2022

ޢަރަބިލީގުގެ ޔަހޫދީންތަކުތެރޭ އުޅެލާފަ އައިސްތަ ތިހެންތިކިޔަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަވިޔަނި

30 April 2022

އިންސާނީ ހައްގުގެ ދިދަ އުފުލައިގެން މުޅިދުނިޔެ ފަތަހަކުރަމުންދާ އެމެރިކާ ކޮބާ؟ ހުޅަނގު ގެ އިންސާނިއްޔަތު ކޮބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރުސައި

30 April 2022

އަގުސާގައި އަޅުކަމުގެ ކަންކަން ކުރިޔަށް ގެންދަނީ އުރުދުން އާއި އިޒްރޭލުން ވެފައިވާ އެއްބަސް ވުމުގެ ދަށުން. މުސްލިމުން ނާއި ޔަހޫދީންގެ އަޅުކަން ތަކަށް ވެސް ފުރުސަތު ދޭގޮތަށް އޮންނަނީ. އަގުސާ ތެރެއިން ފުލުހުންނާ ދިމާލަށް ގާއުކާ ހެދުމަކީ ވެސް މައްސަލައެއް.