14 މެއި 2022 - 08:10
7 comments
އިންޓަނެޓް ދިނުމަށް ސްޕޭސްއެކްސް އިން އެތައް ސަތޭކަ ސެޓެލައިޓެއް ޖައްވަށް ފޮނުވައިގެން ފަށާފައިިވާ ސްޓާލިންކްގެ ހިދުމަތް މިހާރު 32 ގައުމަކަށް ލިބޭނެ ކަމަށް ބުނެފި އެވެ.
މަޝްހޫރު މަހުޖަނު އީލޮން މަސްކްގެ ސްޕޭސް ކުންފުނިން ބުނީ އެ ހިދުމަތް މިހާރު ލިބޭ ގައުމުތަކުން އޯޑަރުކޮށްފައިވާ ޑިޝްތައް "ވަގުތުން" ޝިޕް ކުރާނެ ކަމަށެވެ. ވަރަށް ގިނަ ގައުމުތަކުން، ގިނަ ބަޔަކު ވަނީ ސްޓާލިންކްގެ ޑިޝްތަކަށް އޯޑަރު ދީފަ އެވެ. ރާއްޖެއިން ވެސް ބައެއް މީހުން އޯޑަރުދީފައިވެ އެވެ.
އެ ހިދުމަތް ލިބޭ ގައުމުތަކުގެ މެޕެއް ވެސް އެ ކުންފުނިން އާންމުކުރި އެވެ؛ އެ މެޕުގައިވާ ގޮތުން، އަންނަ އަހަރު ރާއްޖެ އަށް ސްޓާލިންކްގެ ހިދުމަތް ލިބޭނެ އެވެ. މިދިޔަ އަހަރު ޕްރީ އޯޑަރަށް ހުޅުވާލުމުން، ރާއްޖެއިން ވެސް ބައެއް މީހުން ވަނީ އޯޑަރު ދީފަ އެވެ.
ސްޓާލިންކްގެ އިންޓަނެޓް މިހާރު ލިބޭ 32 ގައުމުގެ ތެރޭގައި ޔޫރަޕާއި ދެކުނު އަދި އުތުރު އެމެރިކާގެ ގައުމުތައް ހިމެނެ އެވެ. އަދި އޮސްޓްރޭލިއާ އާއި ނިއުޒިލެންޑާއި ވެސް ހިމެނެ އެވެ. އެ ހިދުމަތް އަންނަ އަހަރު ލިބޭނެ ގައުމުތަކާއި އަދި އެ ޚިދުމަތް ދޭނެ ގައުމުތައް ވެސް އެ މެޕުގައި ހިމަނާފައިވެ އެވެ.
Starlink is now available in 32 countries around the world. People ordering from areas marked “available” will have their Starlink shipped immediately → https://t.co/slZbTmHdml pic.twitter.com/CecM1pkf5D
— SpaceX (@SpaceX) May 13, 2022
އެކަމަކު، ރާއްޖޭގެ ޓެލެކޮމިއުނިކޭޝަން މިނިސްޓަރު އައިމިނަތު ޝައުނާ މިދިޔަ މާޗު މަހު ވިދާޅުވެފައި ވަނީ ސްޓާލިންކްގެ އިންޓަނެޓްގެ ހިދުމަތް ރާއްޖެ އަށް ދިނުމާ މެދު އަދިވެސް އޮތީ މަޝްވަރާގެ މޭޒުގައި ކަމަށެވެ. އެ ހިދުމަތް ފޯރުކޮށް ދިނުމަށް މިނިސްޓަރު ޝައުނާ އާއި ސްޓާލިންކްގެ މާކެޓް އެކްސެސް ޑައިރެކްޓަރު ރަޔާން ގުޑްނައިޓް ވަނީ މަޝްވަރާކޮށްފަ އެވެ.
އީލޮން މަސްކް ކުރިން ވިދާޅުވެފައިވާ ގޮތުގައި ދުނިޔޭގެ ބޮޑު ސަރަހައްދަކަށް ސްޓާލިންކް ހިދުމަތް ދިނަސް، އެއްވެސް ސަރުކާރަކުން ހިދުމަތް މަނާކުރާ ނަމަ އެ ގައުމަކަށް ހިދުމަތް ބްލޮކް ކުރާނެ އެވެ.
ސްޓާލިންކުން ކަނޑައަޅާއި އޮތް ސްޕީޑަކީ ސިކުންތަކު 50-150 މެގަބިޓެވެ. އަދި މިދިޔަ އަހަރުގެ ތެރޭގައި ސިކުންތަކު 300 މެގަބިޓް ސްޕީޑުގައި އިންޓަނެޓް ލިބޭނެ ގޮތް ވަނީ ހަދައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެންޓަނާ
15 May 2022
ކަލޭނޭ ސްޓާ ލިންކުގެ މަހު ފީއަކީ މިހާރު 110 ޑޮލަރު، 1700 އެއްހާ ރުފިޔާ، ޖީއެސްޓީ ނުލާ. އެވަރު މާ ބޮޑުވެގެން ދިރާގާ އުރީދޫން އަގު ތިރި ކުރުވީ. އަހަރުން މިދައްކަނީ 25 މެގަބިޓުގެ ސްޕީޑަށް 800 އެއްހާ ރުފިޔާ. ދެގުނަ ބޮޑުވޭދޯ އެބަ ސްޓާލިންކު އަގު. ދެން އެޔެއްވެސް ލިބެން ފެށީމާ ރޮއި ހޭރި ނުގަންނާތި އެޔަކު ސަރުކާރަށް ކުރެވޭނެ ކަމެއް ނޯންނާނެ.
އަސްލުވާގޮތް
15 May 2022
ކަލޭ ނުދަންނަންދޯ ސްޕީޑް އަދި ޔޫޒޭޖް ކެޕް ކިޔާއެއްޗެއް. ނޭގޭކަންތަކުގެ ވާހަކަ ނުދެއްކުން ބުއްދިވެރި.
ބޯގޯސް..
15 May 2022
ތިބުނާ 25 މބޕސ އިންނަނީ ވަކި ލިމިޓަކަށޭ މިހިރަ ފެންނަ މޮޔަޔާ.... ލިމިޓް ނީއްނަ ޕެކޭޖެއް ނުވެސް އުފައްދާނެ އެ ދަހި ދިރާގު އަދި އުރީދޫ އަކުން..
ޕިކްސް
14 May 2022
ސަރުކާރުން ސްޓާލިންކަށް ހުއްދަދިންހާ އަވަހަކަށް ރާއްޖެއަށް އެހިދުމަތް ލިބޭނެ. މިހާރުވެސް ސަރުކާރުތަކުން ހުއްދަ ނުދޭތީ ސްޓާލިންކް ގިނަ ގައުމުތަކަށް ނުދެވިގެން އުޅެނީ.
ސާތިރު
14 May 2022
ހަނދާންވޭތަ އިންޓަނެޓް އަގުހެޔޮ ކުރަން އުޅުނު އިރު ދެއްކި ވާހަކަ. ސްޓާލިންކް ހިދުމަތް ލިބުމަށް ސަރުކާރުން ހުރަހެއް ނާޅާނަމޭ ބުނި ވާހަކަ. މިހާރު ކިޔަނީ މަސްވަރާ ކުރަނީއޯ. ވާހަކަ ބަދަލުވީ. މީ އަސްލު އެމް ޑީ ޕީ. މުޅިންވެސް ހިޔަޅު ގޮތް
ކުޗީ
14 May 2022
އަބަދުވެސް ބަލާނީ ތިމާއަށް ނުވަތަ ތިމާއާ ގުޅުންއޮންނަ ބަޔަކަށް ބަޔެއް އެޅޭނެ ގޮތެއް ހޯދޭތޯ. ސްޓާލިންކް ގެ ހިދުމަތް ހޯދަނީ ސީދާ ކުންފުނިން ވީމައި އިންޑިޔާ އަށްވެސް ނުވަދިވެގެން އެއުޅެނީ. ކީއްކުރާނީ. ނުހައްޤުން ބައިއެޅުމަކީ މިސަރައްދު ގައުމުތަކުގެ ސިފައެއް. ނަމަނަމަ 2023 ވޯޓާއީ ސްޓާލިންކު އާއި ގުޅުވަން ނަހަދާތީ. މިއީކީ ސަޔާސީ ކަމެއް ނޫން.
އަފްރާސިޔާބު
14 May 2022
ކިހިނަކުންތޯ ސިޔާސީ ކަމެއް ނޫންކަން އެނގި ތިގޮތަށް ތިނިންމީ. އަސާސް ބުނެ ބުނެބަލަ. އެއީ ސިޔާސީ ކަމެއް. ކަލޭ މެންކަހަލަ ދުނިޔެ ނުދަންނަ މީހުން ބުނާނެ. އެނގިވަޑައިގަންނަވާތޯ ޓްވީޓަރ، ފޭސް ބުކް، ގޫގުލް ފަދަ ކުންފުނިތައް އެކުޅޭ ދައުރު. އެމެރިކާ ސަރުކާރުން ބުނާ ބަޔަކަށް ޚިދުމަތް ދިނުމާއި އެމެރިކާ ނުރުހޭ ގައުމުތަކާ ދެކޮޅަށް ޕްރޮޕެގެންޑާ ހިންގާ ތަންތަން ނޫންތޯ މިބުނި ތަންތަނަކީ. ތިބުނާ މަސްކަކީ އެއަށް އިތުރުވާ ބޮޅެއް. މުޅި މުވާޞަލާތް ކޮންޓްރޯލްކުރުން