އެމްޑީޕީ ޗެއާޕާސަން އިންތިހާބުގައި ވޯޓުލާ މީހެއްގެ އިނގިލީގައި ފާހަގައެއް ޖަހަނީ-- ފައިލް ފޮޓޯ: މިހާރު
16 މެއި 2022 - 10:46
7 comments
މިދިޔަ ހޮނިހިރު ދުވަހު ބޭއްވި އެމްޑީޕީގެ ޗެއާޕާސަންގެ އިންތިހާބާ ގުޅިގެން ކެންޑިޑޭޓުންގެ ފަރާތުން ހުށަހެޅި ޝަކުވާތައް ބަލައި ނިންމާފައިވާ ކަމަށާއި ނަތީޖާ އަށް ބަދަލު އަންނާނެ ވަރުގެ މައްސަލައެއް ނެތް ކަމަށް އެ ޕާޓީން މިއަދު ބުނެފި އެވެ.
އިންތިހާބާ ބެހޭ ކޮމިޓީގެ މުގައްރިރު އިބްރާހިމް މަނިކު "މިހާރު" އަށް ވިދާޅުވީ، އެ އިންތިހާބާ ގުޅޭ ގޮތުން ޝަކުވާ ކޮމިޓީ އަށް ލިބިފައިވާ ހުރިހާ މައްސަލައެއް ބަލައި ނިންމާފައިވާ ކަމަށެވެ. ވަރަށް ވާދަވެރި އިންތިހާބުގައި ވާދަކުރެއްވި ދެ ކެންޑިޑޭޓުންގެ ފަރާތުން ވެސް ޝަކުވާ ލިބިފައިވާ ކަމަށާއި ނަމަވެސް ނަތީޖާ އަށް ބަދަލު އަންނަ ވަރުގެ މައްސަލައެއް ނެތް ކަމަށް މަނިކު ވިދާޅުވި އެވެ.
"އިންތިހާބުގެ ނަތީޖާ އަށް ބަދަލު އަންނާނެ ކަމަކަށް ނުބެލެވޭ. އިންތިހާބު ޖުމުލަކޮށް ދިޔައީ ވަރަށް ރަނގަޅަށް،" މަނިކު ވިދާޅުވި އެވެ.
އިންތިހާބާ ގުޅޭ ގޮތުން ހުށަހަޅާފައިވާ ޝަކުވާތަކުގެ ތެރޭގައި ގަލޮޅު ސްކޫލުގެ ފޮއްޓަށް ގަނޑުކޮށް ވޯޓުކަރުދާސް އަޅާފައިވާ މައްސަލަތަކަކާއި ބައެއް ދާއިރާތަކަށް ގެންދިޔަ ފޮށީގެ ލިސްޓު ބަދަލުވުން ފަދަ މައްސަލަތައް ހިމެނޭ ކަމަށް މަނިކު ވިދާޅުވި އެވެ.
އިންތިހާބު ނާކާމިޔާބުވި މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ (އިންތި) ގެ ކެމްޕެއިން ޓީމުގެ ފަރާތުން ވަނީ ވޯޓުގެ ވަގުތު ހަމަވެފައި ވަނިކޮށް ގަޑި އިތުރު ކުރި މައްސަލަ ވެސް ހުށަހަޅައިފަ އެވެ.
މަނިކު ވިދާޅުވިގޮތުގައި، ވަގުތު އިތުރުކޮށްފައި ވަނީ ވޯޓު ގަޑި ހަމަވުމުގެ މާ ކުރިންނެވެ. އެކަން ލަހުން ޓުވީޓު ކުރި ނަމަވެސް އެތެރޭގެ ގްރޫޕުތަކުގައި އެ ވާހަކަ ދައްކައި އަންގަން ޖެހޭ ފަރާތްތަކަށް އަންގާފައިވާ ކަމަށް އޭނާ ވިދާޅުވި އެވެ.
އެމްޑީޕީގެ އާ ޗެއާޕާސަނަކަށް އިކޮނޮމިކް މިނިސްޓަރު ފައްޔާޒު އިސްމާއިލް އިންތިހާބުކުރީ 58 ޕަސަންޓު ވޯޓުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
16 May 2022
ވައުދު ނުފުއްދިޔަސް، ބޯހިޔާވެހިކމެއް ނެތަސް ސިއްޚީ ފަރުވާއެއް ނުލިބުނަސް ތިއޮތީ ކޮންމެވެސް ބްރޯއަކަށް ވޯޓްލާ ތިކންވެސް ނިމިފަ.
މަހޭޝް
16 May 2022
ކޮބާ އެއްކަލަ ފޮނު އެރުވި މީހުން
ޖާންޓޭ
16 May 2022
ޝަކުވާކުރިޔަސް ބޮންޑޭ މެންފަދަ އެމްޕީންލައްވާ ބެރުޖެއްސަސް ތިޔަކު އަޑެއްނެތް ނަޝާނެ ބަޔަކުވެސް ނެތް. ވަރަށް ސާފް
ބިޝާރާ
16 May 2022
ޝަކުއާ ކޮށްގެން ހޯދޭނެ މޮޅެއް ނެތް
ލޮލީޖޮލީ
16 May 2022
އަންނި ސިޔާސީ ކަންކަން ހުއްޓާލާފަ ދެރަދު ފޮތް މާކެޓް ކުރޭ. ލާރިއެއް ލިބޭނެ އިތުރު މަސައްކަތެއް ކުރައްވަނީ އެއްނޫން. ތިވަރުން ދައްޏާ މަޖްލީސް ރައީސްކަންވެސް ދުއްވާލާނެ.
މޑޕ
16 May 2022
މަރުހަބާ މޑޕ. ތިވަރުގެ ވާދަ ވެރި އިންތިހާބެއް ކާމިޔާބު ކަމާއި އެކީ ގެންދިޔައިމަ. އެހެން ޕާޓީތަކަށް މިސާލެއް.
ލ.އަތޮޅު
16 May 2022
ފުރަތަމަވެސް ދިގަކުން މިސާލުޖެއްސެވީ... 94000 ގެ މެމްބަރުން އަދި ލާނިމުނު އިރު 40،000 އަކަށް މެމްބަރުން..ބާކި އޮތް 54000 މެމްބަރުން ތިބީ ތަޅުއަޅުވާ ކުޑަގޮޅީގަ ބަނދުކޮށްފަތަ ވޯޓް ލަފާނެތީ..... 54000 މެމްބަރުން ތިވާނީ ނަސީދުގެ މީހުން......