ސަމާލުކަމަށް؛ ފިހާރަތަކުން ކުނި ބިސް އެބަ ވިއްކާ!

ބޯޓުން، މީހަކު ބިސް ކޭހެއް ބާލުވަނީ.-- ފައިލް ފޮޓޯ: މިހާރު

އާސިމާ ނިޒާރު، މިހާރު

23 މެއި 2022 - 10:15

ބައެއް ފިހާރަތަކުން ކުނިވެފައި ހުރި ބިސް ވިއްކާ ކަމަށާއި އެކަމަށް ސަމާލުވުމަށް މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން މިއަދު އިލްތިމާސްކޮށްފި އެވެ.

އެ އޮތޯރިޓީން ނެރުނު ބަޔާނެއްގައި ބުނީ މާލޭގެ ފިހާރަތަކުން ވިއްކާ ބިސް ކުނިވެފައި ހުންނަ ކަމުގެ ޝަކުވާ ލިބެމުންދާ ކަމަށެވެ. އަދި އެ ކަހަލަ ބިސް ބޭނުންކުރުމަކީ އާއްމު ސިއްހަތަށް ނޭދެވޭ އަސަރުކުރާ އަދި ކާބޯތަކެތީގެ ޒަރީޔާއިން ނުރައްކާތެރި ބަލިތައް ފެތުރުމުގެ ފުރުސަތު އޮތް ކަމެއް ކަމަށް ބަޔާނުގައި ބުންޏެވެ.

އެމްއެފްޑީއޭއިން ބުނީ ފިނިކޮށްފައި ހުންނަ ބިސް ރައްކާތެރިކަމާއެކު ބެހެއްޓޭނީ ގިނަ ވެގެން ތިން މަސް ދުވަހަށް ކަމަށެވެ. ފިނި ނުކުރާ ބިސް 28 ދުވަހުގެ މުއްދަތަކަށް ބެހެއްޓޭއިރު، މުއްދަތު ހަމަވާ ތާރީހަށްވުރެ އަވަހަށް ވެސް ބިސްކުނި ވުމުގެ ފުރުސަތު އޮންނާނެ ކަމަށް އެ އޮތޯރިޓީން ބުނެ އެވެ.

"މުއްދަތު ހަމަނުވި ކަމުގައި ވިޔަސް، ހުންނަންޖެހޭ ފިނި ހޫނުމިނަށް ނުބަހައްޓާ ނަމަ ބިސް ކުނިވުމުގެ ފުރުސަތު ވެސް އޮންނާނެ،" ބަޔާނުގައި ބުންޏެވެ.

"ވީމަ، ބިސް ވިއްކަން ބަހައްޓާއިރު ރައްކާކުރުމަށް ކަނޑައަޅާފައިވާ ފިނިހޫނުމިން ކޮންޓްރޯލްކޮށް، މުއްދަތު ހަމަވާ ތާރީހު އެނގޭގޮތަށް ބިސް ވިއްކަން ބެހެއްޓުމަށް އަންގަމެވެ. އަދި ބިސް ގަންނަ ފަރާތްތަކުން މިކަމަށް ހާއްސަ ސަމާލުކަމެއް ދިނުމަށް އިލްތިމާސްކުރަމެވެ،"

ރޯދަ މަހަށް ފަހު ކޮންމެ އަހަރަކުހެން ވެސް ދުވަސްތަކެއް ވަންދެން ކުނި ބިސް ވިއްކާ ކަމުގެ ޝަކުވާތައް އޮވެ އެވެ. ރޯދަ މަހަށް ރާއްޖެ އަށް ވަރަށް ގިނަ އަދަދަކަށް ބިސް އެތެރެކުރެ އެވެ.

އެމްއެފްޑީއޭ ބިސް ހެލްތު މިނިސްޓްރީ

41 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސައިއްޓެ

23 May 2022

މިހެންވީމަ އިންޑިއާއިން ގެންނަ ބިހަށް ވުރެ ރަނގަޅު ބިސް ގެންނަންވީ. އިންޑިޔާއިން ބިސް ފޮނުވާ ސަޕްލަޔަރުގެ މައްސަލައެއް މީގަ އޮތްތޯ ވެސް ތަހުގީގު ކުރަންޖެހޭ. ރާއްޖެ ގެންނަ 4 ބިހުން 3 ބިސް ކުނިތޯ ވެސް ބަލަން ފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާށޭ

24 May 2022

ތީގަ ބޮޑަށް ވައްތަރީ ރާއްޖޭގައި ތިވިއްކާމީހުން ރަގަޅުބިސް އިންޑިޔާއިންގެނެސްފައި ހުއްޓަސް އެތައް ދުވަހެއްވަންދެން ހޫނުގައި ބަހައްޓާ ބިސް ކުނިވީމަވެސް ވިއްކާކަން. ތިމާމެންނަށްް ދިމާވާ މައްސަލަ އެހެންމީހުންގެ ބޮލަށް ޖެހުމަކީ ބައެއް އިންސާނުންގެ އާދައެއް. ބިހުގައި ތާރީޚުޖެހުން މުހިއްމު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢެޑްމުންޑޯ

23 May 2022

މީ ވަރަށް މަޖާ ގައުމެއް !!! ކުނިބިސް ވިއްކުމަކީވެސް ހުއްދަ ކަމެއް ! ޑްރަގު ވިއްކުމަކީވެސް ހުއްދަކަމެއް ! ޒަހަރު ވިއކިއަސް އޯކޭ ، ސަރުކާރުން މިއަންގަނީ ގަންނަމީހުން ސަމާލުވުމަށް ، ވިއްކުމަކީ މައްސަލައެއްނޫންކަނަށް !!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްލާ

23 May 2022

ދެން ފުޑްއެންޑް ޑްރަގް އޮތީރިޓީ މީ ކިއްކުރާތަނެއް. ކޮންމެ މަހަކު ބަރާބަރަށް މުސާރަޔާ އޯވަޓައިމް ނަގައިގެން ކުރާކަމެއް ހަރާމް. ކުނިބިސް، ކުނިމަސް ވިއްކިޔަސް އެކަން ހުއްޓުވާ މީހަކު ނޫޅެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިސްޓަރ ޓިނޭ

23 May 2022

ތިޔަކަމަކީ އާންމު ކަމެއް، ބިސްކޭހުގަ އެކްސްޕައިރީ ޑޭޓެެއް ޖަހާފައިނދޭ، އެކަމު އެޔަކާ އެތެރޭގައި ހުންނަ ބިހަކާ ވާކަމެއް ހަރާމް، އެކަން ބަލާނެ ބަޔަކު ނެތް، ވިޔަފާރިވެރިން ގެނެސްގެން އުޅޭ ކޯލިޝަން ގައި، ރައްޔިތުންނަށް ކުނިބިސް، މަހުޖަނުން އަތުން ސަރުކާރަށް ލިބެންޖެހޭ ފައިސާ ކޮޅުވެސް ބަލަނީ ކުޑަ ކުރެވޭތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރުސޫރަރީތިތުއްތުމަނިކު

23 May 2022

ސަމާލުވެގެން އަބަދުވެސް މިތިބެނީ. އެކަމަކު ވިޔަފާރިވެރިޔާ ބެނުންގޮތަކަށް ބޭނުން އަގަކަށް ވިއްކަނީ. ބައެއްކަހަލަ ތަރުކާރީ މޭވާަތަށް ގަނެގެން ގެއަށް ގެނެސްބަލާލާއިރު ފީވެފަ ކުނިވެފަ ހަލާކުވެފަ. ދާނީ ކޮންތަނަކަށް. ބޮޑުވިޔަފާރިވެރިޔާއަށް ކުލިކުޑަކޮށްދީފަ މެދުފަނތީގެމީހުން ބެނުން ގޮތަކަށް ކުޑަވިޔަފާރިވެރިޔާ ގަންނަންދާމީހާ ފޭރެނީ. ބޮޑުއެތި ކުޑައެތި ކާލާއުސޫލު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިންގާ

23 May 2022

ފިހާރަތަކުން ކުނިބިސް..ރަށުތެރެއިން ކެނަބިސް.ގޯސްގޯހެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދޮރު ނެތް މާލޭމީހާ

23 May 2022

ފިހާރަތަކުން ކުނިބިސް ކޭސް ނުވިއްކާ އިރެއް ދިޔަތޯ? ނޭނގޭތީ ހަމަ އަހާލީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޯމީސާ

23 May 2022

މި ރޯދަ މަހު ގަތް ބިސް ކޭހުގައި ގިނައީ ކުނި ބިސް އެ ބިސްތައް ބޭނުންނުކުރެވިގެން ކަންމަތީ ފިހާރައިން ގަތީމަ ވެސް ކުނި ބިސްތައް ލައްވާލީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިކަމެތިރައްޔިތުމީހާ

23 May 2022

ތިޔަށް ވުރެ ކުރިން ތި އެމް އެފް ޑީ އުވާލާ! ތީ ބޭކާރު ތަނެއް! އަހަރަމެން ވެސް ތި ޒާތުގެ އާރުނެތް ބަޔާނެއް ނެރެލާނަން! ތި ތަނަކީ ގާނޫނެއް ގަވާއިދެއް ތަބްފީޒު ކުރެވޭ ބަޔެއް ނަމަ އެއްވެސް ފިހާރައަކށް ވަދެ އެތަންތަން ޖޫރިމަނާ ނުވަތަ ބަންދު ކުރާނެ! ފިހާރަތަކުގަ ހުންނަ ބިހެއްގެ އަތް ލުމެކޭ އޫރެއްގަ އަތްލުމެކޭ ތަފާތެއް ނެތް! އެހާ ވެސް މުޑުދާރު. އަނެއްކާ ސައުވީސް ބިހުން ހައެއްކަ ބިސް ވެސް ކަމަކު ނުދޭ!