އައްޑޫގައި ޖިންސީ ގޯނާގެ ތުހުމަތުވި މީހާ ބަންދުކުރީ ރަނގަޅަށް: ސުޕްރީމް ކޯޓް

ޖިންސީ ގޯނާއާ ދެކޮޅު އެއްވުމެއް: އައްޑޫގައި ޖިންސީ ގޯނާގެ ތުހުމަތުގައި ހައްޔަރުކުރި މީހާ ބަންދުކުރީ ރަނގަޅަށް ކަމަށް ވަނީ ނިންމާފައި -- ފޮޓޯ/މިހާރު

މުއިއްޒު އިބްރާހިމް، މިހާރު

31 މެއި 2022 - 14:14

19 comments

އައްޑޫގައި ހަ އަހަރުގެ ކުއްޖަކަށް ޖިންސީ ގޯނާކުރިކަމުގެ ތުހުމަތުގައި ހައްޔަރުކުރި އުމުރުން ދުވަސްވީ މީހާ ބަންދުކުރީ ރަނގަޅަށް ކަމަށް ސުޕްރީމް ކޯޓުން ވެސް މިއަދު ނިންމައިފި އެވެ.

މިދިޔަ މާޗް މަހު ފެންމަތިވި އެ މައްސަލާގައި ހައްޔަރުކުރި 59 އަހަރުގެ އަންހެން މީހާ ޝަރީއަތް ނިމެންދެން ބަންދުކުރަން ހިތަދޫ ކޯޓުން ނިންމި ނިންމުމަށް ހައި ކޯޓުން އޮތީ ތާއީދުކޮށްފަ އެވެ. އޭގެފަހުން އޭނާގެ މައްޗަށް ދައުވާ ނުކުރަން ނިންމުމުން އޭނާ މިހާރު ވަނީ އެއްކޮށް ދޫކޮށްލައިފަ އެވެ.

ހައި ކޯޓުގެ ހުކުމް އިސްތިއުނާފްކުރަން އެ މީހާގެ ފަރާތުން އިސްތިއުނާފް ކުރުމުން ސުޕްރީމް ކޯޓުން މިއަދު ކުރި ހުކުމުގައިވަނީ އެ މީހާއަކީ ބަންދުކުރަން ދަށު ކޯޓުން ނިންމި ނިންމުމަށް ހައި ކޯޓުން ތާއީދުކުރީ ރަނގަޅަށް ކަމަށެވެ.

ހުކުމުގައިވަނީ އެ މީހާއަކީ ސްކޫލެއްގައި މަސައްކަތްކުރާ މީހަކަށް ވާއިރު، ހެކިބަސް ދޭން ތިބި މީހުންގެ ތެރޭގައި އޭނާއާ އެކު މަސައްކަތް ކުރާ މީހުން ތިބުމަކީ ބަންދުކުރަންޖެހޭ ސަބަބެއް ކަމުގައި ދަށު ކޯޓުން ބަލާފައިވާ ކަމަށެވެ. އެހެންވެ، އެއީ ގާނޫނުގައިވާ ގޮތުގެ މަތިން ހެކިތަކަށް ރިއާޔަތްކޮށް ނިންމާފައިވާ ނިންމުމެއް ކަމަށް ސުޕްރީމް ކޯޓުގެ ހުކުމުގައިވެ އެވެ.

ސުޕްރީމް ކޯޓުގައި މިއަދު ހުކުމް އިއްވަނީ

ހުކުމުގައިވަނީ އަނިޔާ ލިބުނު ކުއްޖާގެ ބަޔާނެއް އެވަގުތު ދަށު ކޯޓަށް ހުށަހަޅާފައި ނެތަސް، އެއީ ދެން ހުރި ހެކިތަކަށް ބުރަދަން ނުދެވޭނެ ސަބަބެއް ނޫން ކަމަށެވެ. އަދި ކުއްޖާގެ މަންމަގެ ބަޔާނާއި މެޑިކޯ ލީގަލް ރިޕޯޓް ހުށަހެޅިފައި އޮތުމުން ގާނޫނުގައިވާ މިންވަރަށް އެ ހާލަތުގައި ހެކި ލިބިފައިވާ ކަމަށް ހުކުމުގައި ބުނެފައިވެ އެވެ.

ހައްޔަރު އަމުރު ހޯދުމާއި ބަންދުކުރަން އެދުމުގައި ފުލުހުން އަމަލުކުރި އިޖްރައާތާ މެދު ވެސް އެ މީހާގެ ފަރާތުން ސުޕްރީމް ކޯޓުގައި ސުވާލު އުފެއްދި އެވެ. އެކަމަކު ހުކުމުގައިވާ ގޮތުން އެއިން އެއްވެސް ކަމެއްގައި ވެސް ގާނޫނީ ގޮތުން ގޯހެއް ނެތެވެ.

Judgement Details:
Case Numbers: 2022/SC-A/44
For more info: https://t.co/YsOOzexlku pic.twitter.com/sBofel65Ze
— Supreme Court of the Maldives (@SCMaldives) May 31, 2022

އުއްތަމަ ފަނޑިޔާރު އަހުމަދު މުއުތަސިމް އަދުނާނު ރިޔާސަތު ބެލެހެއްޓެވި ބެންޗުގައި ދެން ތިއްބެވީ ފަނޑިޔާރު މަހާޒް އަލީ ޒާހިރާއި ފަނޑިޔާރު ހުސްނުއްސުއޫދެވެ.

އެ މީހާ ހައްޔަރުކުރީ އޭނާއާ ދެކޮޅަށް އައްޑޫގައި މުޒާހަރާތަކެއް ކޮށްފައި ވަނިކޮށެވެ. އަދި އޭނާ ހައްޔަރު ކުރުމުން އޭނާ މިނިވަން ކުރަން ގޮވާލައި އައްޑޫގައި ޕެޓިޝަނެއްގައި ވެސް ސޮއިކުރި އެވެ. ޕީޖީ އޮފީހުން ނިންމީ އޭނާގެ މައްޗަށް ދައުވާ ކުރެވޭނެ ހެއްކެއް ނެތް ކަމަށެވެ.

ކުށްކުރުން އައްޑޫ ސުޕްރީމް ކޯޓް ކުޑަކުދިންގެ ހައްގުތައް ކުދިންނަށް ޖިންސީ ގޯނާކުރުން

19 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަދީ

01 June 2022

ބަންދުކުރީ ރަނގަޅަށޭ ނިންމުން މާނައެއް ނުކުރެވޭނެ އެމީހާ އެކަން ކުރި ކަމަކަށް. ބަންދުކުރުމުގަ ފުރިހަމަކުރަން ޖެހޭ ޢިޖުރާތްތައް ފުރިހަމަކޮށްފަވާނަމަ ބަންދު ރަނގަޅުވާނެ ދޯ. އޭނައަށް ތުހުމަތުވާ ކަންތައް ކުރިތޯ ނުވަތަ ނޫންތޯ ބެލުން އަދި އޮތީނުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިރާ

01 June 2022

ޤާނޫނު އަސާސީ 49 މައްދާގައި ގައި މީހަކު ބަންދު ކުރެވޭނެ 5 ހާލަތެއް ލިޔެފައިވޭ .. އޭގެ ތެރެއިން ހާލަތެއް މެދުވެރި ވެގެން ނޫން ގޮތަކަށް މީހެއްގެ ބަންދު ނުކުރެވޭނެ. އަދި ބަންދު ކުރި ކަމުގައިވިޔަސް ޖިނާޢީ ބޮޑުކުށެއް ނަމަ އަވަހަށް ތަޙްޤީޤުކޮށް ދައުވާ ކުރަން ފޮނުވަންޖެހޭ. ކުށް ސާބިތުކޮށް ނުދެވިއްޖެއްޔާ ބަންދު ކުރުމުން ލިބުނު ނަފްސާނީ ،ޖިސްމާނީ ،އަދި މަދަނީ ގެއްލުމުގެ ބަދަލު ލިބެން ޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައިވަކަރުއޮޑި

31 May 2022

ޔާމީނު ނަންވާނީ ސުޕްރީމް ކޯޓުގެ އަމުރަށް ތަބާނުވާ ކަމަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑޫ ގާޒީ

31 May 2022

ދަނގެތި މީހުން ފުރަތަމަ މަރުގެ ތުހުމަތު އެޅުވީ ކުށްނުކުރާ މީހުންގެ ބޮލުގަ، އައްޑޫމީހުން މިއުޅުނީ ކުއްކުރި މީހާ ސަލާމަތްކުރަން. މީ ޖަޒުބާތުގަ ޖެހިގެން ހަވަރުން އިންސާފު ހޯދަން ނިކުތީމަ ވާ ގޮތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

31 May 2022

ޢާއްމުން މާބޮޑަށް މި މައްސަލާގައި މާބޮޑަށް ވިސްނުމުގެ ބޭނުމެއް ނެތް. ވަރަށް ކުރުކޮށް ވިސްނާލާ، ދޮގުހެކި ދީގެން މައުސޫމް މީހުން ހުރަގޭގައި އެތައް އަހަރެއް ހޭދަކުރާކަން. މީގެ އޭގެ މައްސަލައެއް. ގާތުގައި ތިބި މީހުން އެތިބީ އެތައްތައާ ދެކޮށް ހެކިދޭން ފޫގަޅާފަ. މިކަމުގައި ގާޒީން ކުރާނެ ކަމެއް ނޯންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑުއަންސް

31 May 2022

އެރެސްޓް ހާރ ނަވް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުވަދޫ އަލިބެއްޔާ

31 May 2022

އާމިންދައްތަ ހިތަށް އަރާނެ ސަހަރޯއެ އިސްތިއުނާފް ނުކުރެވުނު ނަމައޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުކުން

31 May 2022

ކޮންފާޑަކަށް ކޮށްފައިއޮތް ހުކުމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުކުން

31 May 2022

ޙުކުމް ސަޅި. އުއްތަމަ ފަނޑިޔާރާއި ސުޕްރީމް ކޯޓުގެ ފަނޑިޔާރުންނަށްވުރެ މި ގައުމުގެ އެންމެން މޮޅުވާނެ. އެންމެ މޮޅުވާނީ ކޮމެންޓްކުރާ ޕްރޮފިސަރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިރާސ

31 May 2022

ދެން ހެކި ހުރިއްޔާ ކީއްވެ ދައުވާ ނުކުރީ.. ހައްޔަރު ކުރަން ހެކި ހުރެފައި ދައުވާ ކުރަން ހެކި ނުހުރޭ.. ބޯހަލާކު ، އާދައިގެ ނިކަމެތި މީހެއްވީމައި ބޮޑު ބަދަލެއް ދޭން ޖެހިދާނެތީ އެންމެންގެ ކުރިމަތީ ދައުލަތް ސަލާމަތް ކޮށްދިނީ.. އެންމެންނަށް އެނގޭނެ ތިޔަ މައްސަލަ ދިޔަގޮތުން އެ އަންހެންމީހާއަށް ދައުލަތުން އެމީހާ ބަންދުގައި ބެހެއްޓި މުއްދަތައް ބަދަލު ދޭން ޖެހޭނެކަން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިމަބިހި9

31 May 2022

އެއީ އިއްޒަތްތެރި މެމްބަރުން ގާނުނުގަ ލިޔުނު ގޮތް. ތުހުމަތު ކުރެވޭ މިންވަރަށް ހެކި ހުރިނަމަ ހައްޔަރު އޯކޭ. ކުށް ސާބިތުވާ މިންވަރަށް ހެކި ނެތިއްޔާ ދައުވާ ނުކުރެވެ. ގާނޫނު ކިޔާބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިރާސ

31 May 2022

ޙިމަބިހި9 އަށް ދަންނަވަން އޮތީ ތުހުމަތުވާ ހެއްކާއި ކުށްސާބިތުވާ ހެއްކާއި އެއީ ދޭއްޗެއް ނޫން. ތުހުމަތު ކުރެވޭ ވަރަށް ހެކި ހުރިއްޔާ އެ ހެކި ކުށް ސާބިތު ކުރުމަށް ކޯޓަށް ހުށައެނޭ. ދިވެހި ރާއްޖޭގައި އަމަލު ކުރަމުންދަނީވެސް އެހެން. ޢެންމެ ފުރަމަތަ ހޯދާ ހެކީގެ ބުރަދަންވެސް އިތުރަށް ދެވޭ. މި މައްސަލައިގައި ދައުވާ ނުކުރީ ޕަބްލިކް ޕްރެޝަރ ބޮޑުވުމުން. އެހެންނޫންނަމަ ދައުވާކޮށް ޖަލަށްވެސް އެ ފަކީރު ލާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަރީނާ

31 May 2022

އޯއެމްޖީ ސިސްޓާ ދިރާސ. ތުހުމަތު ކުރެވޭ ވަރުގެ ހެއްކަކީ %50 އަށްވުރެ ބޮޑަށް އެކުށް އޭނާ ކުރި ކަމަށް ގަބޫލު ކުރެވޭ ހެކި. މިކަމާ ބެހޭ ބޮޑު ސުޕްރީމް ކޯޓު ހުކުމެއްވެސް އޮންނާނެ. ދައުވާ ކޮށް ސާބިތު ކުރެވޭނީ ޖިނާއީ މައްސަލަ ވެއްޖެޔާ ޝައްކެއް ނެތް މިންވަރަށް ސާބިތުވާ ވަރަށް ހެކި ހުރެގެން. އެވަރަށް ހެކި ނެތް ކަމަށް ޕީޖީއަށް ގަބޫލު ކުރެވެންޏާ ދައުވާ ނުކުރާނެ. ގޯ ރީޑް ސަމް ލޯ ޓެކްސްޓްބުކް ސިސްޓާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިރާސ

01 June 2022

ޒަރީނާ ސިސްޓަރ ކުށްސާބިތު ކުރޭވޭވަރަށް ހެކި ނެތިގެން ، ދައުވާނުކުރާ މައްސަލަތަކުގައި،ހަމައެކަނި ތުހުމަތަށް ހައްޔަރު ކޮއްފައި ދޫކޮށްލި މައްސަލަ ތަކުގައި ސްޕްރީމް ކޯޓުން މީގެ ކުރިން ހައްޔަރުގެ ބަދަލު ހޯދަން ދައުވާ ކުރެވޭނެ ކަމަށް ކަނޑައަޅާފައިވޭ. ސްޕްރިމް ކޯޓްގެ ޤަޟިއްޔާ 19 އަދި 20 ބައްލަވާލައްވާ.އެހުކުމް އައިސްފައި ވަނީ ކޮންބަޔެއް ހައްޔަރު ކޮށްގެންތޯ ދަންނަވަން ނެތިން ފޯކަސް އެނބުރިދާނެތީ. ނިކަމެތިންނަށް ނިކަމެތި އިންސާފު މިގައުމުގައި އޮތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯގަޅި

31 May 2022

ލަދުން ބޯހަލާކު. ދެން ކުއްޖާގެ ކާފަ ކޮން ބަދުނާމެއް ކުރަމުން މުޅި މީޑިއާގަ ދިޔާއީ؟ ކޮބާ އެއާއިލާގެ ކަރާމާތް؟ މިޙެންވެ ބުނަނީ ރައްޔިތުން މަގުމަތިން އަޑުގަދަ ކޮށްގެން ހައްޤު ނުހޯދޭނެޔޭ.