31 މެއި 2022 - 16:56
50 comments
ޕްލާސްޓިކް ކޮތަޅުން ޓެކްސް ނަގާ ގާނޫނަކަށް ރާއްޖެ ތައްޔާރު ނޫން ކަމަށް މާވަށު ދާއިރާގެ މެމްބަރު މުހައްމަދު ސައީދު ވިދާޅުވެއްޖެ އެވެ.
ކުރީގެ އިކޮނޮމިކް މިނިސްޓަރު ސައީދު މިހެން ވިދާޅުވީ ސަރުކާރުގެ ފަރާތުން ހުށަހަޅާފައިވާ ކުނި މެނޭޖު ކުރުމުގެ ބިލަށް ރައްޔިތުންގެ މަޖިލީހުގައި މިއަދު ބަހުސް ކުރައްވަމުންނެވެ.
އެ ބިލުގައިވާ ގޮތުން ގާނޫނަށް އަމަލު ކުރަން ފަށާތާ 30 ދުވަސް ތެރޭގައި ވިޔަފާރި ހަރަކާތުން ޕޮއިންޓް އޮފް ސޭލްގައި ފޯރުކޮށްދޭ ޕްލާސްޓިކް ކޮތަޅުން ލެވީގެ ގޮތުގައި ކަސްޓަމަރުގެ އަތުން ދެ ރުފިޔާ ނަގަން ޖެހޭނެ އެވެ.
އެ މާއްދާ އަށް އިޝާރާތް ކުރައްވައި ސައީދު ވިދާޅުވީ މާލޭގައި އެއް އެޕާޓްމަންޓެއްގައި ގިނަ އާއިލާތަކެއް އެއްކޮށް ދިރިއުޅެމުން އަންނަ އިރު ކޮންމެ އާއިލާއަކުން ތިން ކޮތަޅު ނެރެ ކޮންމެ ކޮތަޅަކަށް ދެ ރުފިޔާ ދައްކަން ޖެހޭ ނަމަ އާއިލާތަކަށް ދަތިވާނެ ކަމަށެވެ.
"ގޭގޭގައި މި ބުނަނީ ތިން ކޮތަޅަށް ކުނި އަޅާށޭ. އެއް ގެ އެބަ ޝެއާ ކުރޭ ހަތަރު ފަސް އާއިލާ. ދެން ކުނި ބާލާފައި އަޅަން ވެސް މިޖެހެނީ އެއް ލޮރީ އަށް. ދެކޮޅު ނުޖެހޭ ކަންކަން ކުރީމަ ރައްޔިތުންނަށް އުނދަގުލަކަށް ވާނީ،" ސައީދު ވިދާޅުވި އެވެ.
އާމްދަނީ ހޯދަން ކޮތަޅު ޓެކްސް ނަގައިގެން 48 މިލިއަން ރުފިޔާ ހޯދަން ބަޖެޓުގައި ހިމަނާފައިވާ ކަމަށާއި އެއީ މޮޅު ކަމެއްގެ ގޮތުގައި މަޖިލީހުގައި ފާހަގަ ކުރަން ޖެހޭ ކަމެއް ނޫން ކަމަށް ސައީދު ވިދާޅުވި އެވެ.
ޑެންމާކާއި ނޯވޭ ފަދަ ގައުމުތަކުން އަމަލު ކުރަމުން އަންނަ މިފަދަ ގާނޫނެއް ތަރުޖަމާ ކޮށްލައިގެން ރާއްޖޭގައި ތަންފިޒެއް ނުކުރެވޭނެ ކަމަށް ވެސް ސައީދު ވިދާޅުވި އެވެ.
"މާލެ އާއި އަތޮޅުތައް މިކަމަކަށް އަދި ތައްޔާރެއް ނުވޭ، ރައްޔިތުން ބޭނުން ވަނީ އަވަސް ނަތީޖާތަކެއް ހޯދަން، ތަރައްގީ ގެންނަން،" ސައީދު ވިދާޅުވި އެވެ.
ރާއްޖޭގައި ގޭބިސީތަކުން އުފައްދާ ކުންޏަށް ވުރެ މައްސަލަ ބޮޑީ އިންޑަސްޓްރިއަލް ވޭސްޓް ކަމަށާއި ރިސޯޓުތަކުން އުފައްދާ ކުނި ތިލަފުއްޓާ ހަމަޔަށް ގެންނަން ދޯންޏަކަށް ލައްކައެއްހާ ރުފިޔާ ދޭން ޖެހޭ ކަމަށް ސައީދު ވިދާޅުވި އެވެ.
ނަމަވެސް ގިނަ ފަހަރަށް އެ ފަރާތްތަކުން ގޮސް ކުނި އުކާލާނީ ޓޫރިޒަމްގެ މުހިންމު ސަރަހައްދުތަކަށް ކަމަށާއި އެކަންކަން ހުއްޓުވަން ޖެހޭ ކަމަށް ސައީދު ވިދާޅުވި އެވެ.
"ބައެއް ބޭފުޅުން ބޭނުންވީމަ ކުނި އެބަ އަޅާ ވޭލް ޝާކް ޕޮއިންޓަށް މިޔަރު ޕޮއިންޓަށް މަންތާ ޕޮއިންޓަށް. އެކަމަކު އާންމު ރައްޔިތުން މި ޖެހެނީ ފައިސާ ދީގެން ގޭގައި ތިން ކޮތަޅު ބައިންދަން ކޮތަޅަކަށް ދެ ރުފިޔާ ދީގެން." ސައީދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަންންނިބުއްޅަ
02 June 2022
މި ސަރުކާރުގެ ތަރައްގީ އަކީ މިކަހަލަ އެއްޗެއް. 1 ކޮތަޅު ކުނި 3 ކޮތަޅަށް ބަދަލުކޮށްލީމަ އެއޮތީ ތަރައްގީވެފަ
ކޮތަޅުސަރުކާރު
02 June 2022
މިކަމުގައި އެންމެ ދެކޮޅުނުޖެހޭ ކަމަކީ، ކޮތަޅުން %200 ޑިޔުޓީ ނަގާފަ އަދި އެވަރުން ނުފުދިގެން 100 ގްރާމް ލޮނުމެދު ގަންނަ މީހާވެސް މިޖެހެނީ ދެރުފިޔާދީފަ ކޮތަޅެއްވެސް ގަންނަން. ކުނިއުކާލަންވެސް ދުވާލަކު މަދުވެގެން 3 ކޮތަޅު. މިގޮތަށް ކޮތަޅުންވެސް ރައްޔިތުން ފެލަންޏާ މީހުން ކިޔަންފަށާފާނެ "ކޮތަޅުސަތުކާރު". ޕްލާސްޓިކޭ، ތިމާވެއްޓޭ، ކިޔާފަ ރައްޔިތުންނަށް ކޮތަޅުގަންނަން މަޖުބޫރުކިރީމަ ވަރަށް ތާހިރު އެބަވޭ.
މާވަށުކޮތަޅުބެ
02 June 2022
އެއްޗެހި ގަންނަން ފިހާރައަށް ދާއިރު އަޅާނެ ކޮތަޅެއް ހިފައިގެން ދޭބަލަ. އޭރުން ޕްލާސްޓިކު ކޮތަޅު ގަންނާކަށް ނުޖެހޭނެ. ގޮޅިޖެހި ގަމީހެއްލައިގެން އައި ފޯނެއް ހިފައިގެން އުޅުނަކަސް އަދި ތަރައްގީއެއް ނުވާނެ.
އަލީ32
01 June 2022
މިމީހުންގެ ވެރިކަމުގައި ރާއްޖެ ސިންގަޕޫރަށް ހަދައިގެންތިބިމީހުންގެހާލަތު!! ދިވެހީން އެބަޖެހެ ތަރައްގީވާން..!
ބޭގް
01 June 2022
މިލިޔަން ޑޮލަރުން ފައިދާވާ ރިސޯޓްތަކުން ކުނި މޫދަން އަޅަން ހުއްދަ ދީފަ ނިކަމެތިން މި ޖެހެނީ މިމީހުން ބުނާ ޒާތަކަށް ކުނި ވަކި ކޮއްފަ 6 ވައްތަރު ކޮތަޅަށް އަޅާފަ އެއަށް ވެސް އަގު ދޭން.
ޖާހިލު
01 June 2022
ތިޔަކަމަކީ ކޮންމެހެން ކުރަންޖެހޭ ކަމެއްނޫން. ޑަސްބިން ގެންގޮސް ކުނިލޮރީއަށް އެޅީމަ ނިމުނީ ހުރިހާ ކަމެއް. ތީ ވެމްކޯއިން ކުރަންޖެހޭ ކަމެއް. ދެން ކަރުދާސް ފޮށިގަނޑުގަ ހުންނަ ކުންޏެއް ވެމްކޯއަކުން ނެގެންދޭ. ބުނަނީ ކޮތަޅަށް ލީމަޔޯ ގެންދެވޭނީ. އެކަމކު މިއުޅޭނީ ތިމާވެއްޓާ ރައްޓެއްސޭ ކިޔައިގެން. ހުރިހާ ފައިސާއެއް ލިބޭނީ ވަކި ކުންފުނިތަކެއްގެ ޖީބަށް
މަންޑޭލާ
01 June 2022
ތިމާވެއްޓާ ނުރައްޓެހި ތަކެތި އިމްޕޯރޓްކުރުން 1 ޖޫން އިން ފެށިގެން މަނާކުރެވިފައިވާ ކުރުން ތަންފީޒް ކުރުަމކީ މުހިއްމުކަމެއް. އެކަމަކު ޕްލާސްޓިކް ކޮތަޅުން ޓެކްސް ނެގުމަށް އެކްލަވާލި ބިލްއަކީ މިކަމަށް ހޯދުނު ހައްލެއްނޫން. ސަރުކާރުން ބޭނުންވަނީ ޓެކްސް ފައިސާ އިތުކުރުން. ފިހާރަތައްހިންގާމީހުން އެހެން ސޮލިއުޝަން ހޯދުން މުހިއްމީ ފުރަތަމަ.
އިމަނާ
01 June 2022
ތިޔަ ވިދާޅުވަނީ ތިން ކޮތަޅުނޫންތޯ؟ ހަކޮތަޅަށް 12 ރުފިޔާ ސަރުކާރަށް ދައްކަންޖެހުނަސް ދައްކާނެ. ސަރުކާރުން ކަމެއް ފަށާއިރު މިކުރެވެނީ ކޮންކަމެއްތޯ ނުބެލުން މައްސަލައަކީ؟ ތަނަކުން ގާނޫނެއް ފެނުނީމާ ތަރުޖަމާކޮށްލާފަ، ހުށަހަޅާލަނީ. މީގެން ޖީބަށް އެއްވެސް އަސަރެއްކުރަންޏާ، މަޖްލިސް މެމްބަރުންގެ އެލަވަންސަށް 5000ރުފިޔާ ބޮޑުކޮށްލީމަ އެނިމުނީނު. ސިވިލްސާވަންޓުންގެ މުސާރަ އިގްތިޞާދު ދައްވެގެން ބޮޑުކޮށްނުދީ،މަޖްލިސްގެ މެމްބަރުންނަށް 20000ހަމަޖައްސާލީ.ސަޅިދޯ
ޖާބެ
01 June 2022
އޮކްސިޖަނުންނވެސް ޓެކްސަ ނަގާނެ ދެން ނޭވާލާތި،، ވައްކަންކޮށްގެން ދައުލަތުގެ ޙަޒާނަ ހުސްވީމާ ދެން ދުނިޔެއްއް އައްނަ ކޮންމެ މީހަކު ނޭވާލާތިވެސް ޓެކްސް ދައްކަންޖެހޭނެ... އަނެއްކާ ދޭންވެެސް ދޭނެ ދިވެހިން މީގެން ފުލުހުންގެ މުސާރަވެސް ދެވޭނީ ނޫނީ އެމީހުން އައްނާނެ ކަސްތޮޅުއަޅުވަން.. ޢެމީހުނގެ ކެއިންބުއިން ގުޅިފައިވަނީ މިކަމާ..
ޢަރުތަ
01 June 2022
ވައްކަންކޮށްގެން ދައުލަތުރުގެ ޚަޒާނާ ހުސްކޮށްލިކަން ކޯޓުގަ ސާބިތުކޮށްދީބަލަ، ޔާމީނާ ދިމާލަށް ވަގަށް ގޮވިހެން ތިކިޔަނީ، އެކަމަކު ޔާމީނު ވައްކަން ކުރިކަން ކޯޓުން ސާބިތެއްނުވި، އެހެންވީމަ ވައްކަން ނުކުރެ.
ސާބިތުނުވިޔަސް
02 June 2022
އަރުތާ. އޭނަގެ އެކައުންޓަށް މިލިޔަނުން ޑޮލަރު ވަދެފަ އެހެރީ މަތީގަ އޮތް އެކައުންޓުގަ ހުރި ލޯވަޅަކުންތަ. ވައްކަމުގެ މާހިރުން ކުރާ ވައްކަންތައް އަތުލައިގަންނަން އުނދަގޫ ވާނެ. އެހެންވެ ދިވެހި ހަރުބަހެއްގައިވެސް އޮންނާނެ ވަގަކަށް ހާސްދުވަހޭ ވެރިޔަކަށް އެއްދުވަހޭ. އަދި މަގޭހިތެއް ނުބުނޭ ތީގެން ބޮޑުބައި އެކައުންޓާއި ހިސާބަށްވެސް ދާނެއެކޭ. އެކައުންޓަށް ވަދެފައި ތިހުރީ ޕެޓީ ކޭޝްގެ ގޮތުގައި ބޭނުންކުރަން ހުރި އެތިކޮޅެއް.
ޖޯޖް
01 June 2022
ާމަހީކުރީ މީނަ ކުރީ ސަރުކާރުގެ އިކޮނޮމިކް މިނިސްޓްރ ެެކަކަށް ހުރީ އިކޮނޮމިސްޓަކަށް ވެގެން އޭގެ އިލްމް ހުރުގެން ކަމަށް އެކަމަކު މިހާރު މިއެނގެނީ މީގެ އެއްވެސް ތަޖުރިބާއެއްނެތް ހުސް އަނގަތާ މީހެއްކަންa
މހލދބ
01 June 2022
ދެރަ ނިކަމެތި ރައްޔިތުން ކޮތަޅު ޓެކްސްވެސް ދައްކަށްޖެހުނީމަ ދައްކާނެ. އެކަމު ސިޔާސީ ލީޑަރުންނާއި މަޖްލިސް މެމްބަރުން ޤައުމު ދަވާލަން ތިކުރާ ވައްކަންތައް ހުއްޓާލަން ތައްޔާރުތަ! އެކަން ހުއްޓާ ނުލާނަމަ ރައްޔިތުން ފެލައިގެން ބޮޑު ބަޖެޓް ފޫބައްދަށް މަސައްކަތްކުރުމުގެ އެއްވެސް މާނައެއް ނެތް. ވަރަށް ވެދުން
މިހާވިރާ
01 June 2022
ހީވާ ގޮތުން މަޖިލިސް މެމްބަރުން އިމްތިޔާޒުގެ ދަށުން ތިޔަ ޓެކްސްއިންވެސް އިސްތިސްނާ ވާނެ.