އުދައްޔުގެ މަރުގެ ދައުވާލިބޭ ތިން މީހުން: އެ މީހުންނާ ދެކޮޅަށް 25 ސިއްރު ހެއްކެއް ހުށަހަޅާފައިވޭ
02 ޖޫން 2022 - 15:43
2 comments
މިދިޔަ އަހަރު ގއ. މާމެންދޫގައި ގްރޫޕަކުން ހަމަލާދީ މަރާލި އަހުމަދު އުދައްޔުގެ މަރުގެ މައްސަލާގައި ދައުލަތުން ހުށަހެޅި 25 ހެކިން ސިއްރު ކުރުމަށާއި މި މަސް ނިމުމުގެ ކުރިން ހުރިހާ ހެކިބަހެއް ނަގައި ނިންމާލަން ކްރިމިނަލް ކޯޓުން ނިންމައިފި އެވެ.
އުދައްޔުގެ މަރާ ގުޅިގެން ދައުލަތުން ދައުވާކުރަނީ އެ ރަށު ރިހިފަރުދާގޭ އަހުމަދު ޝަމީމާއި އެރަށު ބިލަތްމާގޭ ޝަރަފު ރަޝީދާއި އެރަށު ގުލްފާމްގޭ މުހައްމަދު މާޒިންގެ މައްޗަށެވެ.
އެ މީހުންނާ ދެކޮޅަށް ދައުލަތުން ހުށަހެޅި 25 ހެއްކެއް ސިއްރުކުރަން ދައުލަތުން އެދިފައިވާތީ، މިއަދު ބޭއްވި އަޑުއެހުމުގައި އެ މައްސަލަ ބައްލަވާ ގާޒީ އަލީ ނަދީމް ވިދާޅުވީ ހެކިންނަކީ ކޮން ބައެއްކަން އެނގިއްޖެ ނަމަ އެ މީހުންނަށް ނުރައްކަލެއް ކުރިމަތިވެދާނެތީ އެ ހުރިހާ ހެކިން ސިއްރުކުރަން ނިންމެވީ ކަމަށެވެ.
ކުށުގެ އަމަލުގައި ހިނގި ތަނުގައި ޝަމީމް ނެތްކަން ސާބިތުކުރަން އޭނާގެ ފަރާތުން ހުށަހެޅި ދިފާއީ ހަތް ހެއްކެއް ބަލައިނުގަތުމަށް ވެސް މިއަދު ގާޒީ ނިންމެވި އެވެ. އެއީ ކުށުގެ އަމަލު ހިނގި ތަނުގައި ނެތްކަމުގެ ދިފާއުއަކީ ތަހުގީގު މަރުހަލާގައި ފާހަގަ ކުރަންޖެހޭ ކަމެއް ކަމަށްވާއިރު، އެކަން ފާހަގަ ކޮށްފައިނުވާތީ އެވެ.
ޝަމީމާއި މާޒިންގެ ފަރާތުން ހުށަހެޅި ހުށަހެޅުންތައް ވެސް ގާޒީ ނިންމެވީ ބަލައިނުގަތުމަށެވެ.
ގާޒީ ވިދާޅުވީ ޝަރީއަތުގެ މަރުހަލާ މި މަހުގެ 12 ވަނަ ދުވަހު ފެށުމަށް ފަހު މި މަހުގެ 30 ވަނަ ދުވަހާ ހަމައަށް ރަސްމީ ކޮންމެ ދުވަހަކު ހެކިބަސް ނެގުމުގެ ބައި ކުރިއަށް ގެންދަވާނެ ކަމަށެވެ.
ކޮންމެ ދުވަހަކު ތިން ހެއްކެއްގެ ހެކިބަސް ނަންގަވާނެ ކަމަށާއި އެހެންވެ، ހެކިންނަށް އިސްކަން ދޭނެ ތަރުތީބު އެނގޭނެ ލިސްޓެއް ފޮނުވަން ގާޒީ ދައުލަތަށް އެންގެވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްޑޫޅް
02 June 2022
އުދައްޔޭ؟
ތުއްތީހުލްޕިން
03 June 2022
ހެހެ! ދެކޮޅުވެސް އޮވޭތިކަމުގަ! ލޯބިން މިކިޔާ ނަންތަކައް ވިސްނާލީމަ ސަޅި ވާނެ ވަރައް! އަޑުއަހާލަން ރީތި ނަންނަމުގެ އަސްލު އަރަބި މާނަ ތަކައްބަލާލީމުތަ؟ އުވަދޯނި، އުދަލި. ފަސްއޮއް. ކުނިކޮތަޅު. ފެހި ޖަންބުރޯލު. ނޫމަސް. ފަންސުރު. އަރިކަށިބިނާ.