މުސްހަފު މާލްދީފުގެ 100،000 ކޮޕީ މާދަމާ ބަހަން ފަށަނީ

މުސްހަފު މާލްދީފުގެ ފުރަތަމަ ކޮޕީ އިސްލާމިކް މިނިސްޓަރު އަހްމަދު ޒިޔާދު، ރައީސް ޔާމީނަށް އަރުވަނީ: މުސްހަފު މާލްދީފު މަޝްރޫއުގައި 300،00 ކޮޕީ ޗާޕްކުރަން ވަނީ ހަމަޖައްސާފައި. --ފޮޓޯ: ރައީސް އޮފީސް

ފަޒީނާ އަހުމަދު، މިހާރު

28 ޑިސެމްބަރ 2016 - 13:15

15 comments

ކޮންމެ ދިވެއްސަކަށް މުސްހަފެއް ދިނުމަށް އިސްލާމިކް މިނިސްޓްރީން ފަށާފައިވާ މަޝްރޫއުގެ ދަށުން މިހާތަަނަށް ޗާޕްކޮށްގެން ރާއްޖެ ގެނައި 100،000 ކޮޕީ މާދަމާ ބަހަން ފަށާނެ ކަމަށް އިސްލާމިކް މިނިސްޓްރީން މިއަދު ބުނެފި އެވެ.

އެ މިނިސްޓްރީގެ މީޑިއާ ކޯޑިނޭޓަރު މުހައްމަދު އަހުސަން ވިދާޅުވީ މުސްހަފުތައް ބަހަން ފަށާ ގޮތަށް ހަމަޖައްސާފައި ވަނީ ރައީސް އޮފީހުގައި ބާއްވާ ރަސްމިއްޔާތެއްގައި ކަމަށެވެ. މުސްހަފުތައް ބައްސަވަން ފައްޓަވާނީ ރައީސް އަބްދުﷲ ޔާމީން ކަމަށް ވެސް އަހްސަން ވިދާޅުވި އެވެ.

"ފުރަތަމަ ޝިޕްމަންޓު ބަހައި ނިމޭ އިރު ކޮންމެ ގޭބީސީއަކަށް ވެސް މުސްހަފެއް ލިބޭނެ،" އޭނާ ވިދާޅުވި އެވެ.

އާއްމުންނަށް މުސްހަފު ދޫކުރާނެ ތަނެއް އިސްލާމިކް މިނިސްޓްރީން އާއްމެއް ނުކުރެ އެވެ. ބޮޑަށް ބެލެވޭ ގޮތުގައި މުސްހަފްތައް ބަހަން ހަވާލުކުރާނީ ކައުންސިލްތަކާ އެވެ. އަހްސަން ވިދާޅުވި ގޮތުގައި ބެހުމުގެ ހުރިހާ އިންތިޒާމުތަކެއް ހަމަޖެހުމުން އެކަން އާއްމުކުރާނެ އެވެ.

ރާއްޖެ ގެނެސްފައިވާ 100،000 މުސްހަފްގެ އިތުރުން 200،000 މުސްހަފް ޗާޕު ކުރުމުގެ މަސައްކަތް ކުރިއަށް އެބަދެ އެވެ. އެ މުސްހަފުތައް ރާއްޖެ ގެނައުމާ އެކު ކޮންމެ ދިވެއްސަކަށް މުސްހަފެއް ދޭނެ ކަމަށް އިސްލާމިކް މިނިސްޓްރީން ވަނީ ބުނެފަ އެވެ.

ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމްގެ ބެއްލެވުމުގެ ދަށުން ފެށި މި މަޝްރޫއުގެ ދަށުން މުސްހަފު ޗާޕުކުރަނީ ބަހުރައިނުންނެވެ.

މުސްހަފުގެ ބޭރުގަނޑާއި އެތެރޭގެ ކުރެހުންތަކާއި ލޭއައުޓްގައި، ހުކުރު މިސްކިތުގައި ހިމެނޭ އަތްތެރި މަސައްކަތުގެ ފަންނުވެރި ކުރެހުންތައް އެކުލެވޭ ކަމަށް އިސްލާމިކް މިނިސްޓްރީން ވަނީ ބުނެފަ އެވެ.

ބަހްރައިންގެ ގުރުއާން ކެއާ ސޮސައިޓީ އާއި ރާއްޖޭގެ ގުރުއާނާ ބެހޭ މަރުކަޒާ ގުޅިގެން ކުރިއަށް ގެންދިޔަ މި މަޝްރޫއުގެ މަސައްކަތް ގިނަ ދުވަސްތަކަކަށް މަޑު ޖެހުނެވެ.

ސަރުކާރުން މި މަޝްރޫއު ކުރިއަށް ގެންދަނީ ދިވެހި ބައެއް ކުންފުނިތަކާއި އާންމުން ހަދިޔާ ކުރި ގިނަ އަދަދެއްގެ ފައިސާ އިންނެވެ. އަދި ޖިއްދާގައި ހުންނަ އިސްލާމިކް ކޯޕަރޭޝަން ފޯ ދަ ޑިވެލޮޕްމަންޓް އޮފް ދަ ޕްރައިވެޓް ސެކްޓަ (އައިސީޑީ) އިން ވަރަށް ބޮޑު އެހީތެރިކަމެއް މި މަޝްރޫއަށް ލިބުނު ކަމަށް ދިވެހި ސަރުކާރުން ބުންޏެވެ.

ރައީސް އޮފީސް އިސްލާމިކް މިނިސްޓްރީ ޤުރުއާން ރައީސް އަބްދުﷲ ޔާމީން

15 ކޮމެންޓް, 31 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢިލްމަށްޓަކާ

28 December 2016

ޢަޅެ، ލާރި ގިނައީތޯ، ހެޔޮއަގުގަ ބާޒާރުން މުސްހަފު ލިބެންހުއްޓަ ކޮން ސަކަރާތެއް ތި ޖަހަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާސަންދަ

28 December 2016

ހަނޑޫ ކިލޯ ެަށް އެކަނި ބަލާލިޔަސް އޭގެން ލިބޭ ނަފައިން ވެސް މުޞްޙަފެއް ކީއްކުރަންތޯ ރާއްޖޭގެ ކޮންމެ ގެއަކަށް 4 މުޞްޙަފުވެސް ދެވޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

GAN Island

28 December 2016

ދުނިޔެ ކުރިއަރާވަރަށް އަހަރުމެން ދިވެހިންވެސް ކުރިއަރާން ޖެހޭ. ވަކިވައްތަރެއްގެ ޤުރުއާން ޗާޕް ކޮށް އެފަދަ ދެއްކުން ތެރިކަން ކުރިއަށް ނެރުމަކީ އަހަރުމެންގެ ދީނުގައި އޮތްކަމެއްނޫން. . . ޑްރީމް ލައިނާ ފަދަ ޒަމާނީ އަވަސް ދަތުރު ފަތުރު އޮތް ދުވަސް ވަރެއްގައި ޖަމަލު ދަތުރު ފަތުރަށް ބޭނުން ކުރެވޭނީ ކިހިނެއް. ޑިޖިޓަލް ޒަމާނުގައި މިރާއްޖޭގެ ސަރުކާރުން ތިފަދަ ބޮޑު އިސްރާފެއް ނުކޮށް ސާފު ބޯފެން އަދި ނަރުދަމާގެ ހިދުމަތުން މަހުރޫމް ކޮށްފައި ތިބި ދިވެހިންގެ ތެރެއިން ކޮންމެވެސް ބަޔަކަށް ބޭނެ ސާފު ފެންފޮދެއް ހޯދާދޭން ތިޔަ ފައިސާ ހަރަދު ކުރިނަމަ އިސްލާމް ދީނަށް ބާރުލިބޭފަދަ ސިއްހަތު ސަލާމަތުން އޮތް ޖީލެއް އުފެދުމަށް ފުރުސަތު ލިބުނީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

modaf

28 December 2016

މިމީހުން މިދަނީ ހައްތަހާ ފަހަތަށް. މިއީ އަށްޑިހައިގެ ޒަމާނެއްނޫން މުސްހަފް ޗާޕްކޮށް ބަހަން. މިއީ ޑިޖިޓަލް ޒަމާން. ގިނަ މީހުނު މިހާރު މުސްހަފް ބޭނުމެއް ނުކުރޭ. ކޮންމެމީހަކުވެސް ކިޔަވަނީ އަތުގައޮންނަ ފޯނުން. ކޮންހާ ބޭކާރު ޚަރަދެއް ކުރާކައްތަ. ތިބުނާ މާލްދީފީ ވާރޝަންއިން އެޕެއް ހަދާފަ ދޫކޮއްލިނަމަ އަދި ޕީޑީއެފް ފޯރމެޓްގަ ބޭނުން މީހަކަށް ޑައުންލޯޑުކުރެވޭގޮތަށް ހަދާލިނަމަ މާރަނގަޅުވީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމާ

28 December 2016

މުސްހަފް ނެތިގެންތަ ނުކިޔަވަ މިތިބީ؟ މިސަރުކާރައް ބޭކާރުކަމެއްނޫނީ ކުރައްނޭގެނީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަމް

28 December 2016

އަޅުގަނޑު މިހާރު ޕްރިންޓެޑް މުސްހަފެއް ބޭނުމެއްނުކުރަން. ޑިޖިޓަލް މުސްހަފް ބޭނުންކުރަނީ. ކޮމްޕިއުޓަރުން ޕީޑީއެފް ކޮޕީ ނުވަތަ އިންޓަރނެޓުން ، ފޯނުން އެޕްތައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިޖިޓަލް އިޑިޔަޓް

28 December 2016

މާޑިޖިޓަލް ވެގެން ޒަމާނީ ވެގެން އުޅޭ ގަމާރުން ނަކަށް ނޭގޭ 24 ގަޑިއިރު ކޮންޕިޔުޓަރު ކުރިމަތީގަ އިނީމަ ސިކުނޑިޔަށް ކުރާ އަސަރު! މާ ޑިޖިޓަލް ވެގެން އުޅެނީ ތިކަހަލަ ގަމާރުން! ސައިންސުވެރިންގެ އެންމެ ފަހުގެ ހޯދުން ތަކަބެލިޔަސް މިކަން އިންގޭނެ! މީގެން އިންގެނީ ކަލޭމެންގެ މޮޔަކަން!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެހެހެހެ

29 December 2016

ތިބުނި ހޯދުމެއް ދައްކަބަލަ. މާއެނގޭމީހަކައް ހެދި ހުރެ އުމުރު ހުސް ތިވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަނގަގަދަ

28 December 2016

މިއުޅެނީ މުސްޙަފުތަށް ގިނަވެގެން ކިޔަވާލާނޭ ވަގުތު ނުލިބިގެން ލިބޭ ކުޑާއްމުދަނީއިން ގޭތެރެ ހިސާބުތަށް ނުނިމިގެން ވަގުތެއްވިއްޔާމުން މިކުރެވެނީ ފައިސާހޯދުމަށް މަސައްކަތެއް މިހާއަވަދި ނެތި އުޅިފަ މައިތިވެ ތަނެއްގައި ހަމަޖެހިލާފަ މިހުޅުވާލެވެނީ ފޯނު ހެނދުނާ ހަވީރުގެ ޒިކުރު ކުރނީ ފޯނުން ހުކުރުދުވަހު ކަހަފު ސޫރަތްކިޔަވަނީ ފޯނުން ދެންވެސް ކިޔަވާލަން ބޭނުންކިޔެވުންތަށް ކިޔަވަނީ ފޯނުންއިތުރު އުގެނުމެއްބޭނުންނަމަ ބަލައިލަނީ ފޯނުން ޤުރުއާން ތަފުސީރު ހަމަގައިމުވެސް މަގޭގޭގައިހުރި ޚަތިމުގޢަދަދު 10 އަކަށްއަރާ ހަފުތާއަކު އެއްފަހަރު އަތްލެވެނީ ހިރަފުސްފޮޅާލަން ގިނަހަފުތާގައި ޚަތިމުޣައި އަތްވެސް ނުލެވޭ އަޅުގަނޑަކަށް ތިޚަތިމު ބޭނުމެއް ނޫން ނުކިޔަވާ ފޮރުވަފާ ބާއްވާކަށް ހަމަގައިމުވެސް އއތްލެވޭނީ ފުރަތަމަ އަތަށް އަރާދުވަހު ފެންވަރާ ފޮޓޯތަށްބަލައިލަން މީއަޅުގަނޑުމެންގެ ޙާލު ހުރިގޮތް ދެންވަރަށް ސަލާމް ޚަތިމުގެ ބަދަލުގައި ކާޑު ގަތުމަށް ލާރިކޮޅެއްބަހައިދީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހަލްދީބު

28 December 2016

މާލްދީފުގެ ކޮންމެ ގެއަކަށް މުސްހަފު ބެހުމަށް ވުރެ ރައީސް އާއި ސަރުކާރާއި މުއަައްސަސާތަކުގެ ވެރިންނަށް މުސްހަފުގަ ވައްކަން ނުކުރުމަށް އަނިޔާވެރި ނުވުމަށް އަދި އިންސާފު ގާއިމުކުރުމަށް އޮތް އާޔަތްތައް ދެއްކުން ރަނގަޅު ވާނެ. މިއުޅެނީ ވެރިން ގޯސްވެގެން ރައްޔިތުންނަށް ވުރެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތުންގެ.ލޮލުގަ.އަނދުން.އެޅުވުމުގެ.ޕްރޮގްރާމް

28 December 2016

މީދެން ކޮން ކަމެއް. އަރަބި ބަސް ދަސްކޮށްދޭން މަސައްކަތްކުރީއާ މާ ރަގަޅެއްނު. ދިވެހިންނަށް އިނގިރޭސި ބަސް ދަސްކޮށްދެވެންޏާ އަރަބި ބަސް ވެސް ދަސްކޮށްދެވެންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޭމްސް

28 December 2016

ކޮންމެ ގޭ ބިސީއަކަށް މުސްހަފެއް ދިނުމަކީ ރާއްޖޭގެ ހާލަތަށް ބަލާއިރު ބޭނޫންތެރިކަމެއް ނޫނެވެ. މުސްހަފެއް ނުލިބިގެން އުޅޭ ގޭބިސީއެއް ވަރަށް ވަރަށް މަދުވާނެއެވެ. އަދި ގޭތެރޭގެ ކަންކަން ހުންނަގޮތުން މުސްހަފް ހިފައިގެން ކިޔަވާލަން އިދެވޭކަހަލަ ގެތައްވެސް ނިސްބަތުން މަދެވެ. މިޒަމާނަކީ އަތުގައި އޮންނަ ފޯނުން ބޭނުންތަނެއްގައި ބޭނުންވަގުތެއްގައި ގުރުއާން ކިޔެވުމުގެ ފަސޭހަކަން ތަނަވަސްވެފައި ޒަމާނެކެވެ. ނެތީ އެކަން ކުރުމުގެ އާދައެވެ. ވިސްނުމެވެ ނުއެނެގީ ނުވަތަ ވިސްނުމުން ކައްސާލަނީ އެ ކަމުގެ މަންފާއާއި މާތްކަމާއި ފައިދާއެވެ ވީމާ، ތިޔަ ފައިސާ ދީނީ ޝިއާރު ފާޅުކުރުމާއި އުގަނައިދިނުމަށް ޚަރަދުކުރިނަމަ މާބޮޑަށްވެސް ރަގަޅުވީއެވެ.