ކްރިމިނަލް ކޯޓު: ނޫމަރާގައި ކުޑަކުއްޖަކު މަރާލި މަންމަގެ މައްޗަށް އަދަބު ކަނޑައެޅުން ވަނީ ފަސްކޮށްފައި -- ފޮޓޯ/މިހާރު
06 ޖޫން 2022 - 10:28
1 comments
ށ. ނޫމަރާގައި ހަތަރު އަހަރުގެ ކުއްޖަކަށް ވަޅިން ހަމަލާދީ މަރާލި މައްސަލާގައި ކުށް ސާބިތުވެފައިވާ އެ ކުއްޖާގެ މަންމަގެ މައްޗަށް އަދަބު ކަނޑައެޅުން ފަސްކޮށްފި އެވެ.
ށ. ފުނަދޫ ދިނަށަ، އައިމިނަތު ޝާހިދާގެ މައްޗަށް މިދިޔަ މަހު ކުށް ސާބިތުވީ 2016 ވަނަ އަހަރުގެ ކުރީކޮޅު އޭނާ އަންހެން ދަރިފުޅު ނިދާފައި އޮއްވައި އެ ކުއްޖާއަށް ވަޅިން ހަމަލާދީ މަރާލިކަމުގެ ކުށެވެ.
ހަ އަހަރު ވަންދެން ސިއްރުކޮށްގެން ކުރިއަށް ގެންދިޔަ އަޑުއެހުންތަކަށްފަހު އޭނާގެ މައްޗަށް ކުށް ސާބިތުވުމުން އޭނާގެ މައްޗަށް އަދަބު ކަނޑައަޅަން ކްރިމިނަލް ކޯޓުން ތާވަލް ކޮށްފައި އޮތީ މިއަދަށެވެ. އެކަމަކު މިހާރު ނިންމާފައިވަނީ އަންނަ ބުދަ ދުވަހު އަދަބު ކަނޑައެޅުމަށެވެ.
ކްރިމިނަލް ކޯޓުން ބުނީ އަދަބު ކަނޑައެޅުން ފަސްކުރީ އިތުރު މީހެއްގެ ހެކިބަސް ނެގުމަށްޓަކައި ކަމަށެވެ.
އެ ކުއްޖާގެ ވާރިސެއްގެ ގޮތުގައި ހުރީ އެންމެ މީހެކެވެ. އޭނާ ކޯޓުގައި ބުނެފައިވަނީ މަރަށް މަރު އަދި މަރުގެ ދިޔަ ވެސް ބޭނުންނުވާ ކަމަށެވެ. އެހެންވެ، ޝާހިދާގެ މައްޗަށް އަންނާނީ ޖަލު ހުކުމެކެވެ.
އެ ކުއްޖާގެ މަރަކީ 2015 ވަނަ އަހަރު ވ. ރަކީދޫގައި އަނިޔާކޮށް މަރާލި މުހައްމަދު އިބްތިހާލްގެ މަރުގެ މައްސަލައަށްފަހު ރާއްޖޭގައި ހިނގި އެފަދަ ދެވަނަ މަރެވެ. އިބްތިހާލްގެ މަރާ ގުޅިގެން އޭނާގެ މަންމަ އާފިޔާ މުހައްމަދުގެ މައްޗަށް 20 އަހަރުގެ ޖަލު ހުކުމެއް ވަނީ އިއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރިޔާޒު ރަށީދު
06 June 2022
އަންހެނެއް ވީމައި. އޭނާ ކުށް ކުރާނީ އަބަދުވެސް ކުރެވޭ ނުކުރެވޭ އެއް ނޭންގޭތީ. ނުވަތަ ކުރިން ލިބިފައިވާ ހިތާމަތަކެއްގެ ސަބަބުން ރަހުމް ގެއްލިފައިވާތީ. ފިރިހެނުން ކުށްކުރާނީ ހަމަ ނުލަފާ ކަމުން. މިއީ ފެމިނިސްޓުންގެ އަގީދާގައިވާ އިންސާފަކީ.