ބްރިޖުގެ މަސައްކަތް ކުރިއަށްދަނީ. މި މަސައްކަތް އަވަސް ކުރަން 26 މިލިއަން ޑޮލަރު ހޭދަނުކުރަން ސަރުކާރުން ވަނީ ނިންމާފައި--ފޮޓޯ:މިހާރު
08 ޖޫން 2022 - 21:44
7 comments
ބްރިޖުގެ މަޝްރޫއު އަންނަ އަހަރުގެ ޖޫންމަހު ނިންމަން ސަރުކާރުން އިތުރު 26 މިލިއަން ޑޮލަރު (400 މިލިއަން ރުފިޔާ) ހޭދަކުރުމުގެ ވިސްނުމެއް ނެތް ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
މިއަދު ބޭއްވި ނޫސްވެރިންގެ ބައްދަލުވުމުގައި ރައީސް ވިދާޅުވީ، ބްރިޖް އަވަހަށް ނިންމަން ކޮންޓްރެކްޓަރު އެފްކޮންސްއާ އެކު މަޝްވަރާ ކުރީ، މަސައްކަތް އަވަސްކޮށްފި ނަމަ ލިބޭނެ ފައިދާ ބޮޑުވާނެތީ ކަމަށެވެެ.
މިގޮތަށް މަޝްވަރާކުރުމުން އެ ކުންފުނިންވަނީ ޕްރޮޖެކްޓް އަވަސްކުރަން އިތުރު 26 މިލިއަން ޑޮލަރަށް ޑިމާންޑްކޮށްފަ އެވެ.
"އަވަސްކުރަން ވާހަކަ މަޝްވަރާކުރަން. އެކަމަކު 26 މިލިއަން ޑޮލަރު ދީގެން އެކަން ކުރާކަށް ނުވިސްނަން. އެކަމަކު އަދިވެސް އަވަސްކުރަން ނެގޯޝިއޭޓް ކުރާނަން،" ރައީސް ވިދާޅުވި އެވެ.
އެ މަނިކުފާނު ވިދާޅުވި ގޮތުގައި އިތުރު ފައިސާ ހޭދުރުމުގެ ވިސްނުން މިވަގުތު ނެތް ނަމަވެސް އަންނަ އަހަރު ނިމޭއިރު ބްރިޖުގެ މަސައްކަތް ގުޅީފަޅާ ހިސާބަށްދާގޮތަށް މަސައްކަތްކުރުމަށް ވިސްނުން ގެންގުޅޭ ކަމަށެވެ.
ރައީސް ވިދާޅުވީ، ބްރިޖު މަޝްރޫއުއަކީ މި ސަރަަހައްދުގެ ތަރައްގީއަށް މުހިއްމު ޕްރޮޖެކްޓެއް ކަމަށެވެ. އިގްތިސާދީ ދަތިކަމެއް ކުރިމަތިވެފައި ވިޔަސް އެ މަސައްކަތް ހުއްޓާލުމުގެ ވިސްނުން ނުގެންގުޅުއްވާ ކަމަށް ރައީސް ވިދާޅުވި އެވެ.
ސަރުކާރުން ހިންގާ އެންމެ ބިޔަ އުމްރާނީ ތަރައްގީގެ މި ޕްރޮޖެކްޓްގައި މާލެ އާއި ވިލިމާލެ އާއި ތިލަފުއްޓާއި ގުޅިފަޅު ބްރިޖުން ގުޅާލާނެ އެވެ. މި މަޝްރޫއު ނިމޭނެ ކަމަށް ކުރިން ބުނެފައި ވަނީ 2024 އަށެވެ.
ތިލަފުއްޓާއި މާލެ ގުޅާލާ ބްރިޖް މަޝްރޫއަށް 500 މިލިއަން ޑޮލަރު (7.7 ބިލިއަން ރުފިޔާ) ހޭދަކުރަން ވަނީ ނިންމާފަ އެވެ. ބްރިޖު ޕްރޮޖެކްޓު ހިންގަން ދިވެހި ސަރުކާރުން ވަނީ އިންޑިއާގެ އެގްޒިމް ބޭންކުން 400 މިލިއަން ޑޮލަރުގެ ލޯނެއް ނަގައިފަ އެވެ. މިއީ ޕްރޮޖެކްޓު ނިމޭތާ ފަސް އަހަރު ފަހުން އަނބުރާ ދައްކަން ފަށަންޖެހޭ ލޯނެކެވެ. އަދި އިންޑިއާ ސަރުކާރުގެ ހިލޭ އެހީގެ ގޮތުގައި 100 މިލިއަން ޑޮލަރު މި ޕްރޮޖެކްޓަށް ދީފައިވެ އެވެ.
މި ޕްރޮޖެކްޓްގެ ދަށުން ބްރިޖު އެޅުމުގެ އިތުރަށް ބްރިޖް ތިލަފުށި ސަރަހައްދުގައި ކޮމާޝަލް ހާބަރެއް ތަރައްގީކުރާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގައިސް
09 June 2022
މިހާރު ފައިސާ ދީފަ ދެން އިތުރަށް ވިސްނާކަށްނުޖެހޭނެ
ޥިސްނާ
09 June 2022
މިކަހަލަ ކިންމެ ކަމެއްގަ 100 މ 200 މ ހިލޭ އެހީ ލިބޭވާހަކަ އޮންނާނެ ލިއުމުގަ، އާޙިރަތުގަ އެކަންނިމެނީ މިހިލޭއެހީ ވަކިބައެއްގެ ޖީބަށްވަދެ ހުސްވެ އެންމެފަހުން ނިކަމެތިރަށްޔިތުމީހާގެ ފައިސާކޮޅު އެކިގޮތްގޮތަށް ފެލައިގެން އެބައިވެސް ދަށްކާނީ ނޫނީ އެބައިވެސްކާލާނީ މިއޮތީވާ ގައުމެއް
ގޮރިއްލާ
09 June 2022
ގައުމު ބަނޑަށް މިޖެހެނީ ދައުލަތަށް ލިބޭހާ ފައިސާއަކާއި އޭގެ އެތައްގުނައެއްގެ ދަރަނި ނަގައިގެން ރާއްޖޭގެ އެންމެ ރަށެއްގެ ގަބީލާއަކުން ކުރަމުންދާ ހަރަދުތަކެއްގެ ސަބަބުން. ދަރަނި 100 ބިލިއަނަށް އަރާއިރު ރާއްޖޭގެ އެހެން ރަށްރަށަށް އެއިން 1 ބިލިއަންވެސް ހަރަދުކުރެވިފައެއްނެތް.
ދިއްދޫމީހާ
08 June 2022
ބަލަ ތިޔައީ އެގްރީމެންޓް ކޮއްފަ އޮތް ކަމެއް ނޫންތައް؟؟ އެގްރިމޭންޓްގައި އޮންނާނެ ނިންމަންވާ ތާރީހް، އެތާރީހްއަ ނުނިމޭނެކަން ޔަޤީންވީދޯ؟؟ ލޫކަސް ބުނިތާ އެކޮޅުކޮޅުން އޮވެ ފޮޓޯ ނަގާނެކަމަށް، އަހުން މިބުނަނީ ތިޔަ ބުރިޖް 2030އަ ނިމުނަސް އަހުން އެކޮޅުކޮޅުން އޮވެ ގަރުދިޔައާ ބަތާ ކަމުން ނަފްސީ ނަގާނަން…
ށަވިޔަނި
09 June 2022
ތިދާ ދުވެލީގަ ދާނަމަ ތި ނިމޭނީ ގިޔާމަތްވާހާތަނާ.
އުދުހޭ
08 June 2022
500 މިލިޔަން ޑޮރަރުގެ ބްރިޖެއް އެޅުމުގެ ގާބިލްކަމެއް ރާއްޖޭގެ އިގްތިސޯދަކު އަދި ނެތް. މިހާލަތުގައި މިކަން ކޮށްގެން ވަރަށް ހިތާމަކުރަންޖެހޭ ހާލަތަކަށް ގައުމު ގޮސްދާނެ. ރާއްޖެއަކީ 97% ބޭރު ގައުމުތަކުގެ އުފެއްދުންތަކަށް ބަރޯސާވާ ގައުމެއް. ލަންކާ މިހާރުގޮސްފައިވާ ހާލަތަށް އެގައުމު ދިޔައީ އިގްތިސޯދު މެނޭޖްނުކުރެވުމުން، ލޯނު ލިގެން އޮތީމަ ބަލާނުލާ އެ ހޯދީމަ.
ދގދސެފ×
08 June 2022
އެމީހުންކުރާ މަސައްކަތް ތާވަލާއެއްގޮތަށް ނުކުރެވޭނަމަ އެމީހުން ޖޫރިމަނާކުރަންޖެހޭނެ. ނޮރޮއި ކަންކަން ވާނީ.