މާމެންދު އަށް 35 އަހަރު ފަހުން އާ އިންޖީނުގެއެއް

މާމެންދޫގައި އަލަށް އިމާރާތް ކުރި ފެނަކަ އިންޖީނުގެ ---ފޮޓޯ: ފެނަކަ

އަހުމަދު އަރުޝަމް، މިހާރު

13 ޖޫން 2022 - 14:07

ލ. މާމެންދޫގައި 35 އަހަރުވަންދެން ހިންގަމުން އައި އިންޖީނުގެ ހުއްޓާލައި، އެ ރަށު އާ އިންޖީނުގެ ރަސްމީކޮށް ހުޅުވައިފި އެވެ.

ފެނަކަ އިން ރޭ ބުނީ ކުރިން ރަށު ތެރޭގައި ހިންގަމުން އައި އެ އިންޖީނުގެ ބަންދުކޮށް، މީހުން ނޫޅޭ ހިސާބަކަށް އިންޖީނުގެ ބަދަލުކޮށް ހިދުމަތް ދޭން ފަށައިފައިވާ ކަމަށެވެ.

ފެނަކައިން މިހާރު އަންނަނީ އެހެން ބައެއް ރަށްރަށުގައި ވެސް، އޮފީސް އިމާރާތަކާ އެކު އިންޖީނުގެތައް އަޅައިފަ އެވެ. މާމެންދޫގައި އިމާރާތް ކުރި އެ އިންޖީނުގެ އަކީ ފެނަކައިން އިމާރާތް ކުރި 56 ވަނަ އިންޖީނުގެ އެވެ.

ފެނަކަ އިން ބުނީ އާ އިންޖީނުގެ އަކީ ޓެކްނޮލޮޖީގެ ފަސޭހަތައް ހިމެނޭ، އަދި އާންމުންނަށް ދުމުގެ އަސަރު ނުކުރާނެހެން އިމާރާތްކޮށްފައިވާ ތަނެއް ކަމަށެވެ.

އާ އިންޖީނުގެއާއެކު ކަރަންޓު ނެޓްވޯކުތައް ވެސް އާކުރެވޭނެ ކަމަށާއި ފެނަކައިގެ އިންޖީނުގެތައް ހުންނާނީ އެނާޖީ އޮތޯރިޓީގެ ގަވައިދާ އެއްގޮތަށް 70 ޑެސިބަލް އަށް ވުރެ އަޑު ގަދަ ނުވާ ގޮތަށް ކަމަށް ވެސް އެ ކުންފުނިން ބުންޏެވެ.

އިންޖީނުގެ ފެނަކަ ކޯޕަރޭޝަން

1 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަދީފްއޮފިޝަލް

13 June 2022

މަރުހަބާ މާމެންދޫ ރައްޔަތުން.ޝުކުރިއްޔާ ފެނަކަ.ކުރިން މާލޭގެ ގަލޮޅުގެ ރައްޔަތުން ވެސް އުޅުނީ އިންޖީނުގެއްގެ މެދުގަ.އޭރު އެމަގުން (އަލިކިލެގެފާނުމަގު ، ފާށަނާކިލެގެ މަގު) ހިނގާފަ ދަމުން އެކަކު އަނަކަކަށް ދައްކާވާހަކަ ސާފެއް ނުވާނެ.އެހާވެސް އަޑުގަދަ.އޭރު ގެންގުޅުނު އިންޖީނު އެއީ ޒަމާނަށް ފެތޭ އެއްޗެހިކަމަށް ނުވާތީވެ އަޑުވެސް އެހާގަދަ.އުމުރުން 35 އަހަރުން ދަށުގެ މީހުންނަށް ފަހަރެއްގަ މިކަން ނޭނގިއޮވެދާނެ.ތޭންކްސް ސްޓެލްކޯ.ވ.ވެދުން