ކޭބަލް ޓީވީ ޚިދުމަތުގެ ކޮންޓްރޯލް އޮންނަން ޖެހޭނީ ދައުލަތުގެ ދަށުގައި: ޕީއެސްއެމް

ޕީއެސްއެމްގެ ޑެޕިއުޓީ މެނޭޖިން ޑިރެކްޓަރު އިކްރާމް ވާހަކަ ދައްކަވަނީ. ބޮޑެތި ކުންފުނިތަކުން މީޑިއާ ހިންގުމަކީ ނުރައްކަލެއް ކަމަށް ޕީއެސްއެމް އިން ސިފަކުރޭ -- ފޮޓޯ: ރައީސް އޮފީސް

މުއިއްޒު އިބްރާހިމް، މިހާރު

29 ޑިސެމްބަރ 2016 - 15:53

32 comments

ކޭބަލް ޓީވީ އާއި މައުލޫމާތު ފެތުރުމުގެ ޚިދުމަތުގެ ކޮންޓްރޯލް އޮންނަން ޖެހޭނީ ދައުލަތުގެ ބާރުގެ ދަށުގައި ކަމަށް ޕަބްލިކް ސާވިސް މީޑިއާގެ ޑެޕިއުޓީ މެނޭޖިން ޑިރެކްޓަރު އިކްރާމް އަބްދުއްލަތީފް މިއަދު ވިދާޅުވެއްޖެ އެވެ.

ކޭބަލް ޓީވީގެ ޚިދުމަތް ދިނުމުގެ މަސައްކަތް ފަށަން ޕީއެސްއެމް އިން ތައްޔާރުވަމުން ދާ ދަނޑިވަޅެއްގައި، އިކްރާމް އެގޮތަށް ވިދާޅުވީ ޕީއެސްއެމްގެ ދީނީ ޓީވީ ޗެނަލް "މުންނާރު" ލޯންޗް ކުރަން ރައީސް އޮފީހުގައި ބޭއްވި ރަސްމިއްޔާތުގައި، ރައީސް އަބްދުﷲ ޔާމީންގެ ކުރިފުޅުމަތީގަ އެވެ.

އިކްރާމް ވިދާޅުވީ ޕީއެސްއެމްގެ މަގްސަދުތައް ގެއްލޭ ގޮތަށް ބައެއް ބޮޑެތި ކުންފުނިތަކުން މަސައްކަތް ކުރަމުންދާ ކަމަށެވެ. އެ ކުންފުނީގެ ނަން ވިދާޅުނުވެ އޭނާ ވިދާޅުވީ އެގޮތަށް އެކަން ނުކުރެވޭނެ ގޮތަކަށް ގާނޫނުތައް ބަދަލުވާން ޖެހޭ ކަމަށެވެ.

ދުނިޔޭގެ އެހެން ގައުމުތަކުގައި ކޭބަލް ޓީވީ އާއި މައުލޫމާތު ފެތުރުމުގެ ޚިދުމަތް ދެނީ ދައުލަތުގެ ކޮންޓްރޯލް އޮވެގެން ކަމަށާއި ރާއްޖޭގައި ވެސް އެކަން އެގޮތަށް ބަދަލުވާނެ ކަމަށް އުއްމީދުކުރައްވާ ކަމަށް އިކްރާމް ވިދާޅުވި އެވެ.

"އަޅުގަނޑު އުއްމީދު ކުރަނީ ޕަބްލިކް ސާވިސް މީޑިއާގެ އަމާޒުތަކަށް ވާސިލްވާއިރު އެކަން ވާނެ ކަމަށް،" އިކްރާމް ވިދާޅުވި އެވެ.

އެ ރަސްމިއްޔާތުގައި ޕީއެސްއެމްގެ ޗެއާމަން އިބްރާހިމް އުމަރު މަނިކު ވިދާޅުވީ އެކި ވިޔަފާރިތައް ރާއްޖޭގައި ހިންގާ ބޮޑެތި ކުންފުނިތަކުން މީޑިއާތައް ހިންގުމަކީ އެހެން މީޑިއާތައް ބަލިކަށިވެގެންދާނެ ކަމެއް ކަމަށެވެ. އެކަން އެގޮތަށް ކުރެވެނީ މީޑިއާ ހިންގުމުގެ ސިޔާސަތުތައް ކަނޑައެޅިފައިވާ ގޮތުން ކަމަށާއި ސިޔާސަތު ކަނޑައަޅާ ފަރާތްތަކުން އެކަމަށް ވިސްނަން ޖެހޭ ކަމަށް އޭނާ ވެސް ވިދާޅުވި އެވެ.

"މިކަން ފަށައިގެން އުޅެނީ ގާނޫނުގެ ކޮން މާއްދާއެއްގެ، ކޮން އަކުރަކުން، ކޮން ފިއްޔަކުން ބާރު ދީގެން ކަމެއް ދަންނަވާކަށް ނެތިން،" އުމަރު ވިދާޅުވި އެވެ.

މީޑިއާ ކޭބަލް ޓީވީ ޕީއެސްއެމް

32 ކޮމެންޓް, 111 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލީހއ ދިއްދޫ

31 December 2016

ބަޔަކު މީހުން ބޮޑު ޚަރަދު ކޮށް ރާއްޖޭގައި ކޭބަލްޓީވީ އެސްޓެބްލިޝް ކުރުމުން ދަޢުލަތުން މިކަންކުރާކަށް ނުޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމްސިއްޔާ

30 December 2016

ތިޔަމީހުންނަށް ބާރު ލިބިއްޖިއްޔާ ސަރުކާރާ ދޮކޮޅަށް ހިޔާލު ފާޅުކުރާ އެންމެ ޗެނަލެއްވެސް ނުފެންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަމްޒީ

30 December 2016

މިހާރު މީޑިއާނެޓާއި ޗެލެންޖް ނުކުރެވޭނެހެންހީވީދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތައްކާނު

30 December 2016

ދެން ބުނޭ މީހުންގެ އަގަވެސް ޕީއެސްމް ބެލުމުގެ ދަށަށް ގެނެސް ރަޖިސްޓްރީކުރާށޭ ޖެހެނީ... މިވެރިކަމުގެ އަޅުވެތިކަމުން ރައްޔިތުން އަވަހަށް މިންޖުވާނެކަމަށް އުއްމީދުކުރަން 2018 ގައި ރައްޔިތުންގެ ނިންމުމާއިއެކު...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބޫ

30 December 2016

ކޭބަލް ތަކާ ޗެނެލް އޭގެން ގެންނަ ޕްރޮގްމާމްގެ ކޮނޓެންޓާ އޭގައުޅޭމީހުންނާ ސެޓެލައިޓްތަކާ ފަޅުތަކާ ރަށްތަކާ ކަނޑުު ތައްވެސް މިވެރިކަންއައިފަހުން ތިމާގެ އަމިއްލަ މިލްކިއްޔާތެއްހެން ހީވެގެން ހުރިހާއެއްޗެއް ގައި ބަގުޑި ބައްދަންވެގެންވެސް އުޅޭ އައުވާނުން ތަކެއްވެސް އެބައުޅެ.. އަޅުގަނޑުވެސް ނަމެއް ދަންނަވާކަށް ނެތިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަނު

30 December 2016

ސަދޫމުގައި މިފަދަ ކިތަންމެކަމެއް ވެސް ހިނގާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާދާސީދާ

30 December 2016

ޔާﷲ! ހުރިހިތާމައެއްގެ ބޮޑުކަމާއޭ! ވެރިމީހާއަށް ސަޖިދަޖަހާ މީހުންނަށް ހެޔޮވިސްނުންދެއްވައި ހިދާޔަތުގެ އަލިމަގަށް ރުޖޫޢަކުރައްވާނދޭވެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ައަހްމަދު އީމާން

30 December 2016

އިކްރާމް އެވިދާޅުވީ ތެދުފުޅެއް: މުޅިރާއްޖެގެ ކޮންޓްރޯލް އަމިއްލަ ކުންފުންޏެއްގެ އަތުގަ އޮތުމުން ރާއްޖެތެރޭގެ އޮޕްރޭޓަރުންގެ އަތުންނަގާފީވެސް އަހަރަކުއެއްފަހަރު ބޮޑުކުރޭ ބައެއްރައްރަށުން ނަގާފީ 2017 އަށްވެސް =/32،000ރުފިޔާ އިތުރަށް ނަގަން ނިންމާފަވެއެވެ. އެވަރެއްނުވާނެ ދައުލަތު ކޮންޓްރޯލް އޮންނަނަމަކާ ވީމާ، ބަދަލުކު ކުރުން ވަރައް މުހިންމު އަވަސް ކުރަންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލްބެ

30 December 2016

އަހަރެންމީވެސް ކޭބަލްޓީވީ އޮޕަރޭޓަރެއް. މިހާރު ވިޔަފާރިކުރަނީ 50/50 އަށް. ޙިދުމަތް ވަރަށް ރަނގަޅު ވަރަށް ފަސޭހަ. ވައްކަން ކުރާމީހުން ގިނައިން ލާރިދައްކަންޖެހޭނެ ބަސްޓްވީމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޮންގޯރެން

30 December 2016

މީހާގެ އިސްކޮޅާ އެއްވަރުގެ ވާހަކަ ދެއްކުންމާ ބުއްދިވެރިވާނެ، ވަޒީފާގެ ދަހިވެތިކަމުގައި ރައްޔިތުންގެ ކުރިމަތީ ސޯޓުބޭލެނީ！

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޮގުބާ

30 December 2016

ކޭބަލްޓީވީގެ ޚިދުމަތް އޮންނަންޖެހޭނީ އިކުރާމް އަބުދުއްލަތީފުގެ ބެލުމުގެދަށުގަ ކޮންމެކަމެއްވެސް ތިއުޅެނީ ސަރުކާރުގެ ބޮލުގަ އަޅުވަންވެގެން ދެންއެހެންވިއްޔާމު ކޮބައިތަ ސަރުކާރުގެ ކުންފުނިތަކާ އަމިއްލަކުންފުނިތަކުގެ ބޭނުމެއް ސަރުކާރަކަށެއް ދިވެހިރާއްޖޭގެ ރަށްޔެތުން ބޭނުންވަންޔަވާހާކަމެއް ނުކޮށްދެވޭނެ އެއީ ދުނިޔޭގެ އެއްވެސްގައުމެއްގެ ސަރުކާރަކުން މިހާތަނަށް ކޮށްދެވިފައޮތްކަމެއްނޫ ސަރުކާރުން ނުކޮށްދެވިފަހުރި ކަންކަން ކޮއްދެންޖެހޭނީ ކުންފުނިތަކުން އިކުރާމް ތިއުޅެނީ ސަރުކާރުން ނުކޮއްދެވިފަހުރި ކަންކަމުގެ ތެރެއަށް ބޮޅެއްއިތުރުކޮށް ސަރުކާރާއެއްްކޮޅުގަކަށްހެދިގެންހުރެ ކޭބަލްޓީގެ ޚިދުމަތް ސަރުކާރަކަށެއް ދިވެހިރާއްޖޭގެ ރަށްޔެތުންނަކަށެއް ކޮށެއްނުދެވޭ ގޮވަންވެގެންނެ