ވިޔަފާރި / ސަރުކާރު ލޯނު

ގުޅިފަޅު އިތުރަށް ހިއްކަން 1.6 ބިލިއަން ރުފިޔާގެ ލޯނެއް ނަގައިފި

ފިނޭންސް މިނިސްޓްރީ ލޯނު އެގްރީމެންޓްގައި ސޮއި ކުރުން--ފޮޓޯ:ފިނޭންސް މިނިސްޓްރީ

ފާތިމަތު ޝަނާ މުހައްމަދު، މިހާރު

16 ޖޫން 2022 - 15:50

48 comments

ގުޅިފަޅުގެ ދެވަނަ ފިޔަވަހި ހިއްކުމުގެ މަސައްކަތަށް ސަރުކާރުން 1.6 ބިލިއަން ރުފިޔާގެ ލޯނެއް ނަގައިފި އެވެ.

މި ލޯނު ނެގީ ތިން ބޭންކެއް މެދުވެރިކޮށެވެ. އެއީ އޭކޭއޭ ޔޫރަޕިއަން އެކްސްޕޯޓް އެންޑް ޓްރޭޑް ބޭންކާއި ނެދަލޭންޑްސްގެ އޭބީއެން އޭއެމްއާރްއޯ ބޭންކާއި އައިއެންޖީ ބޭންކެވެ.

ރާއްޖޭގެ ފަރާތުން މި ލޯނު އެއްބަސްވުމުގައި ސޮއިކުރެއްވީ ފިނޭންސް މިނިސްޓަރު އިބްރާހިމް އަމީރެވެ.

ލޯނު އަނބުރާ ދައްކަންޖެހޭ މުއްދަތާއި ލޯނުގެ އިންޓްރެސްޓް ރޭޓާ ގުޅޭ މައުލޫމާތު ފިނޭންސުން އަދި ހާމައެއް ނުކުރެ އެވެ.

މި ލޯނުގެ ދަށުން ގުޅިފަޅު އިތުރަށް ހިއްކައި، އާ ޕޯޓެއް ތަރައްގީކޮށް މާލޭގައި މިހާރު ބޭނުންކުރާ ވިޔަފާރި ބަނދަރު އެތަނަށް ބަދަލުކުރެވޭނެ ކަމަށް ފިނޭންސުން ބުންޏެވެ.

މި ލޯނުގެ އިތުރުން ސަރުކާރުން މި އަހަރުގެ މިހާތަނަށް ދެ ލޯނެއް ނަގާފައިވެ އެވެ. އެއީ ބަޖެޓް ސަޕޯޓަށް ކާގިލް ފައިނޭޝަލް ސާވިސް އިންޓަނޭޝަނަލް (ސީއެފްއެސްއައިޓީ) އިން ނެގި 100 މިލިއަން ޑޮލަރު (1.5 ބިލިއަން ރުފިޔާ) ގެ ލޯނާއި އިސްލާމިކް ޑިވެލޮޕްމެންޓް ބޭންކުން ނެގި 18 މިލިއަން ޑޮލަރު (278 މިލިއަން ރުފިޔާ) ގެ ލޯނު ހިމެނެ އެވެ. މި ލޯނު ނެގީ ސަރުކާރުން ހިންގާ ކުނި މެނޭޖްމެންޓް ޕްރޮޖެކްޓަށެވެ.

The Government has today signed a loan agreement of EUR 101 million with ABN AMRO Bank N.V., AKA European Export Trade Bank and ING Bank N.V. for the Greater Male’ Reclamation Project Phase II.@governmentmv pic.twitter.com/VqPZQVTiMD
— Ministry of Finance (@MoFmv) June 16, 2022

ފިނޭންސް މިނިސްޓްރީ ޓްވީޓް

މި ސަރުކާރުން މިހާތަނަށް ވަނީ 38 ބިލިއަން ރުފިޔާގެ ދަރަނި ނަގައިފަ އެވެ. އެއީ ލޯނުގެ ގޮޮތުގައި 37 ބިލިއަން ރުފިޔާ އާއި ސޮވެރިން ގެރެންޓީގެ ގޮތުގައި ނެގި 1.1 ބިލިއަން ރުފިޔާ އެވެ. ކުރީގެ ރައީސް އަބްދުﷲ ޔާމީންގެ ސަރުކާރުން ދަރަނީގެ ގޮތުގައި 39 ބިލިއަން ރުފިޔާ ނެގި އެވެ. އެއީ ލޯނުގެ ގޮތުގައި ނެގި 26.5 ބިލިއަން ރުފިޔާ އާއި ސޮވެރިން ގެރެންޓީގެ ގޮތުގައި ނެގި 12.6 ބިލިއަން ރުފިޔާ އެވެ.

ދައުލަތުގެ ދަރަނި މި އަހަރު ނިމޭ އިރު 103 ބިލިއަން ރުފިޔާ އަށް އަރާނެ ކަމަށް އެމްއެމްއޭ އިން ލަފާކޮށްފައިވެ އެވެ. މިއީ އުފެއްދުންތެރިކަމުގެ ނިސްބަތުން 112 ޕަސެންޓެވެ. ނަމަވެސް އަހަރު ދެބައި ނުވަނީސް ދައުލަތުގެ ދަރަނި މިހާރު ވަނީ 99 ބިލިއަން ރުފިޔާއަށް އަރައިފަ އެވެ. އަހަރުން އަހަރަށް ދައުލަތުގެ ދަރަނި އިތުރުވާ އިރު ދަރަނި އަދާކުރަން ސަރުކާރުން ހޭދަކުރާ ވަރު ވެސް އަންނަނީ ވަރަށް ބޮޑަށް އިތުރުވަމުންނެވެ. މި އަހަރު ދައުލަތުން 5.7 ބިލިއަން ރުފިޔާ ދަރަނި އަދާކުރަން ހޭދަކުރާނެ އެވެ. އެންމެ ކައިރި މުސްތަގްބަލެއްގައި ދައުލަތުން ދަރަނި އަދާކުރަން އެންމެ ބޮޑު ހޭދަކުރާނީ 2026 ވަނަ އަހަރު އެވެ. އެ އަހަރު ދައުލަތުން ގާތްގަނޑަކަށް 9.2 ބިލިއަން ރުފިޔާ ދަރަނި އަދާކުރަން ހޭދަކުރަން ޖެހޭނެ އެވެ.

ފިނޭންސް މިނިސްޓްރީ ފިނޭންސް މިނިސްޓަރު ސަރުކާރު ލޯނު އިބްރާހިމް އަމީރު، ކުރީގެ ފިނޭންސް މިނިސްޓަރު

48 ކޮމެންޓް, 56 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހާމަކުރޭ

18 June 2022

ހިސާބު އަކުރެއް ތި ވަޒީރަށް އެނގޭނަމަ ރާއްޖޭގެ އެކޮނަމީގެ އިންޑިކޭޓަރސް ތަށް ހުންނާނީ ރަނގަޅުކޮށްފަ، ރޭޓިން ރަނގަޅު ކޮށްފަ މިނިވަން ބަޔަކުލައްވާ ވެރިފައިކުރަން ނުކެރެވިގެން ތިއުޅޭ ސަބަބު ރަށްޔިތުންނަށް އެނގޭ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަދޫ

18 June 2022

ފައްޔާޒަކީ ސިޔާސީ ދާއިރާގައި ލީޑާރޝިޕައް ކުފޫ ހަމަ ނުވާމީހެއްކަން އޭނާގެ ބަހުރުވައިން ސާބިތުވެއްޖެ. ސިޔާސީ ވާދަވެރިންނަކީ ދުޝްމަނުންނޭ ބުނާނީ ސިޔާސީ ދާއިރާއަށް ކުފޫ ހަމަނުވާ އިމެޗުއާރ މީހުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

18 June 2022

ބްރިޖް އެއް އެޅުމަށް ގުޅި ފަޅު ބޭޏުން ކުރުން މައްސަލަ އެއް ނޫނެވެ. އެކަމު އެފަޅު އެއް ކޮށް ހިއްލުމަކީ ރައްޔިތުންގެ އެތައް ބިލިއަން ރުފިޔާ އެއް ކަނޑަށް އަޅާ ލުމެވެ. އެއީ ފުން ފަޅެކެވެ. ހިއްކާ ރާސް ތަކުގަ ހުންނަ ނީ ވ ތިލަ ފަޅު ތަކެކެވެ. ވީމާ މިއީ ރައްޔިތުންނަށް ދޭ ގެއްލުމެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބުދުލް ޤާދިރު

17 June 2022

އެންމެފުން ބޭއްވި ނޫސްވެރިންގެ ބައްދަލުވުމުގައި ރައީސް ޞާލިހު ވިދާޅުވި ލޯނު ނަގައިގެން ދެން ބޮޑު މަޝްރޫއެއް ނުހިންގާނަމޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުމައިން

17 June 2022

ތިއޮތީ ޖަޒީރާ ރާއްޖެ މެކުހަށް ޖަހާފަ!! ޖަޒީރާ ވާން އުޅުނުު އެންމެނާ ޖަޒޒީރާތަރައްގީއަށް ދިންވޯޓު ކޮބާ؟؟ ދެން ބިނދެންދެން ހަތަރެސްފައި ޖަހާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

17 June 2022

ޔޫރަޕް އަދި އިންޑިޔާ އަޑީގައި ޔަހޫދީން ވެގެން މިގައުމު އިނދަޖައްސާލަނީ. ދެން ބީޖޭޕީ ސަރުކާރުން މިގައުމު ހިންގާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

17 June 2022

ޙާދަ އަގިބޮޑޭ. ތިޔަތަން ހިއްކަނީ ރަން އަޅައިގެންތަ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

17 June 2022

ކަނޑަށް ބިލިޔަނުން އަޅާލެވެނީ މިރާއްޖޭގަ ހިކިފަސްތަންކޮޅެއް ނެތިގެންބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަންމަތީ ސޭޓު

17 June 2022

ކޮބާހޭ އަހަރުމެން ކޮންމެ ދައްކާ ޖީއެސްޓީއާ ގްރީން ޓެކްސާ ބީޕީޓީއާ ދެންވެސް ދައްކާހާ ޖިޒީއެއް ސަރުކާރަށް؟ އޭގެން ކުރާ ބޭނުމެއް ރައްޔިތުންނަށް ހާމަ ކުރާށޭ މިކިޔަނީ. އަހަރުމެންގެ ދިޔަ ފެލައިގެން ދައުލަތް ހިންގާކަމަށް ބުނަނީ. އެހެންވިއްޔާ ތިޔަ ވަރަށް ލޯނު ނަގަން ޖެހޭ ސަބަބަކީ ކޮބާހޭ؟؟؟ އަހަރުމެން ޓެކްސަށް ދައްކާ ފައިސާއަށް ސޯލިހާ ސޯލިހުގެ އައުވާނުން އަޗާ ތަޅާފައި ގާތް މީހުންނަށް އެތައް ބޭކާރު ސިޔާސީ މަގާމެއް ދީފައި، ދެން ގައުމު ހިންގަން ނަގަނީ ލޯނު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

17 June 2022

އެބައިވެސް އަޅާލަނީ ކަނޑަށްކަމަށް ވެދާނެ ނޫންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮބާހޭ ހަރަދުގެ ތަފްސީލު؟؟؟؟؟

16 June 2022

އެކި ނަންނަމުގައި އެތައް ޓެކްސެއް ނަގައިގެން ވިޔަފާރިތައް ހަފުސް ކުރާއިރު އެފައިސާ އަށް ސޯލިހުމެން ހަދަނީ ކިހިނެތްބާ؟؟؟ އަދި އަމުދުން މެދު ފަންތީގެ ވިޔަފާރިތައް ފެލުމުގައި ވަރަށް ކުރީގައި އުޅޭ ސަރުކާރެއް މީ...ޓެކްސް ފައިސާ މިމީހުން ތަޅާ ބުރުވާފައި ދެން ބޭރުން ނަގަނީ ރައްޔިތުން ނަމުގައި ބިލިއަނުން ލޯނު. ލައްކަ ޖަރީމާ ހިންގާލައޭ ކަލޭމެން. އަހަރުމެން މިތިބީ ހަދާ ނަހަދާ ބަލަން. 2023 ގައި ވޯޓެއް ނުދޭނަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

2023

17 June 2022

ޓެކްސަށް ދައްކާ ފައިސާ ހަރަދުކުރާ ގޮތް އިގޭނީ ސޯލިހަށް. އެއެއް ލޮލަށް ފެންނަ ރައްޔިތަކު ނެތް. އިގޭ ކަމަކީ ކޮންމެ ހަފްތާ ބަންދެއްގައި ކޮންމެސް ހަފްލާއެކޭ ޖަލްސާއެކޭ ރަސްމިއްޔާތެކޭ ކިޔާ ރާއްޖޭގެ އެތަން މިތަނަށް މަތިންނާ ލޯންޗުކޮޅުގައި ސޯލިހުމެން ދަތުރު އަޅާކަން. ދެން އަނެއްކާ އިރުއިރުކޮޅާ މުސާރަ ބޮޑު ސިޔާސީ މަގާމެއް މުސްކުޅިކުރައްވާފައި ތިބި ސަރަކާރަށް ބަލަދުއެރި ކޮންމެސް ބޭފުޅަކަށް އެބަދޭ. ލައްކަ މަތީގައި މިސަރުކާރުގެ ވެރިން އުޅެނީ.