ކްރިމިނަލް ކޯޓު: ދަރިފުޅު މަރާލި މަންމަ 17 އަހަރަށް ޖަލަށްލާން ވަނީ ހުކުމްކޮށްފައި.
18 ޖޫން 2022 - 19:18
6 comments
ށ. ނޫމަރާގައި ހަތަރު އަހަރުގެ ކުއްޖަކަށް ވަޅިން ހަމަލާދީ މަރާލި މަންމަ 17 އަހަރަށް ޖަލަށްލައި، މަރުގެ ދިޔައިގެ ގޮތުގައި އެއް މިލިއަން ރުފިޔާ ދައްކަން ކްރިމިނަލް ކޯޓުން ހުކުމްކޮށްފި އެވެ.
ފެބްރުއަރީ، 2016 ގައި ށ. ފުނަދޫ ދިނަށަ، އައިމިނަތު ޝާހިދާ އޭނާގެ އަންހެން ދަރިފުޅަށް ހަމަލާދީ މަރާލީ އެ ކުއްޖާ ނިދާފައި އޮއްވަ އެވެ. ޝާހިދާގެ މައްޗަށް ކުށް ސާބިތުވާ ކަމަށް މިދިޔަ މަހު ކްރިމިނަލް ކޯޓުން އޮތީ ނިންމައިފަ އެވެ.
ސިއްރުކޮށްގެން ކުރިއަށް ގެންދިޔަ ޝަރީއަތަށް ފަހު ޝާހިދާ 17 އަހަރަށް ޖަލަށްލުމަށާއި މަރުގެ ދިޔައިގެ ގޮތުގައި އެއް މިލިއަން ރުފިޔާ ދައްކަން ހުކުމްކުރީ މިިދިޔަ ބުދަ ދުވަހު އެވެ. އެ ހުކުމްކުރީ ވެސް ސިއްރު މަޖިލީހެއްގަ އެވެ.
އެ ކުއްޖާގެ ވާރިސުން ފުރަތަމަ ކޯޓުގައި ބުނީ މަރުގެ ދިޔަ އަދި މަރަށް މަރު ވެސް ބޭނުންނުވާ ކަމަށެވެ. ފަހުން ބުނީ މަރުގެ ދިޔަ ބޭނުންވާ ކަމަށެވެ. އިސްލާމީ ޝަރީއަތުގައި އޮންނަ ގޮތުން ދަރިން މަރައިގެން މައިންބަފައިންގެ މައްޗަށް ގިސާސެއް ނުހިފެ އެވެ.
ޝާހިދާ އެ ކުއްޖާ މަރާލި ސަބަބެއް އޭރު ފުލުހުން ހާމަކޮށްފައެއް ނުވެ އެވެ. އެކަމަކު އޭނާ އޭރު ދިޔައީ ނަފްސާނީ ކަމަކަށް ފަރުވާ ހޯދަމުން ކަމަށް ފުލުހުން ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްޑޫޅް
19 June 2022
ޖަލުގަ ހުރެގެން ކިހިނެއް ދިޔަ ދޭނީ؟
1828
18 June 2022
ބައެއް ކަންކަމުގައި ތަ ފުލުހުން ނަފްސާނީ ބަލި ކައުންޓް ކުރަނީ؟
ނަަލަ ނަލަ ރާއްޖެ
18 June 2022
އޮންލީ އިން މޯލްޑިވްސް
ގޯރުނުދޯރު
18 June 2022
އޯކޭ ދެން. އެކަމަކު އެއްމިލިއަން ނުދައްކައިފިނަމަ ދެނޯ؟ ކޮންމެ ރުފިޔާއަކަށް އެއްއަހަރުގެ މަގުން އެއްމިލިއަން އަހަރުގެ ޖަލު ހުކުމެއް ދޯ؟
1234
18 June 2022
ކޮބާ މީނާގެ ފޮޓޯ ކީއްވެ ނުޖަހަނީ؟ ގަހަކުން މުރަނގަ ފަތެއް ބިންމީހާގެ ފޮޓޯ ޖެހެންޔާ ކީއްވެ ކުޑަކުދިން މަރާ މީހުންގެ ފޮޓޯ ނުޖެހެނީ؟؟؟
ސަސ
18 June 2022
13 ވަރަކަށް އަހަރުވަންދެން ޖަލުގަ ހުރެގެން އޭނަ 1 މިލިއަން ރުފިޔާ ހޯދާނީ ކޮންތާކުންބާ؟