މާލޭގެ ހުކުރު މިސްކިތް ސާފުކުރުމުގެ މަސައްކަތް ފެށުމަށް އިއްޔެ ބޭއްވި ރަސްމިއްޔާތުގައި ބައިވެރިވެވަޑައިގެންނެވި ބައެއް ބޭފުޅުން.---ފޮޓޯ: ސްޓެލްކޯ
22 ޖޫން 2022 - 09:51
4 comments
ސްޓެލްކޯގެ އިޖުތިމާއީ ޒިންމާގެ ދަށުން މާލޭގެ ހުކުރު މިސްކިތުގެ މުންނާރާއި އެ މިސްކިތުގެ ފެންވަޅުތައް ސާފުކޮށް ބެލެހެއްޓުމުގެ މަސައްކަތް ފަށައިފި އެވެ.
އެއީ ސްޓެލްކޯ އިން ހެރިޓެޖް މިނިސްޓްރީ އާއި ނެޝަނަލް ސެންޓަ ފޯ ކަލްޗާ އެންޑް ހެރިޓެޖާއެކު ހަދާފައިވާ އެމްއޯޔޫއެއްގެ ދަށުން 2019 ވަނަ އަހަރުން ފެށިގެން ކޮންމެ އަހަރަކު ވެސް ކުރަމުން އަންނަ މަސައްކަތެކެވެ.
މާލޭ ހުކުރު މިސްކިތުގެ ފެންވަޅެއް، ސްޓެލްކޯގެ ބައެއް މުވައްޒަފުން އިއްޔެ ސާފުކުރަނީ ---ފޮޓޯ: ސްޓެލްކޯ
މި އަހަރުގެ މަސައްކަތް ރަސްމީކޮށް ފައްޓަވައިދެއްވީ ހެރިޓެޖް މިނިސްޓަރު ޔުމްނާ މައުމޫނާއި ސްޓެލްކޯގެ މެނޭޖިން ޑިރެކްޓަރު އަހުމަދު ޝަރީފެވެ. އިއްޔެ ވަނީ މުންނާރު ސާފުކޮށް، އެ މިސްކިތުގައި ހުރި ހަތަރު ވަޅުގެ ދިޔަ ހިއްކައި ސާފުކޮށްފަ އެވެ.
ސްޓެލްކޯގެ ގިނަ މުވައްޒަފުންނާއެކު، އެ ކުންފުނީގެ ޗެއާމަން އިބްރާހިމް މުހައްމަދު ދީދީ އާއި އެމްޑީ ޝަރީފް އަދި އެހެން ބައެއް އިސްވެރިން އަމަލީ މަސައްކަތުގައި ބައިވެރިވަޑައިގަތެވެ.
ސްޓެލްކޯގެ އިސްވެރިންނާއެކު މިނިސްޓަރު ޔުމްނާ މިސްކިތުގެ ފެންވަޅެއް އިއްޔެ ބައްލަވާލައްވަނީ ---ފޮޓޯ: ސްޓެލްކޯ
މީޑިއާއާ ވާހަކަ ދައްކަވަމުން މިނިސްޓަރު ޔުމްނާ ވިދާޅުވީ، ތަރިކަ ރައްކާތެރިކޮށް ބެލެހެއްޓުމަކީ ވަކި ބައެއްގެ ކަމެއް ނޫން ކަމަށާއި އެއީ އެންމެންގެ ތަރިކައަކަށް ވުމުން އެއްބާރުލުން ދީގެން ކުރަން ޖެހޭ ކަމެއް ކަމަށެވެ.
"ސަރުކާރުގެ ކުންފުނިތަކާއި ރިސޯޓުތަކުންނާއި އަމިއްލަ ޖަމިއްޔާ، ޖަމާއަތްތަކާއި އަމިއްލަ ފަރުދުންގެ ވެސް އެއްބާރުލުން ބޭނުންވޭ. މިފަދަ ކަންކަމުގައި ސްޓެލްކޯ އިން އެ ދައްކައި ދެނީ ރަނގަޅު ނަމޫނާއެއް" ޔުމްނާ ވިދާޅުވި އެވެ.
ހުކުރު މިސްކިތުގެ މަސައްކަތްތަކާއި އެހެނިހެން ތަރިކަ ރައްކާތެރިކުރުމުގައި ސްޓެލްކޯ އިން ދޭ އެއްބާރުލުމަށް ޔުމްނާ ޝުކުރު އަދާކުރެއްވި އެވެ.
ހުކުރު މިސްކިތު މުންނާރު ސާފުކުރުމުގައި ސްޓެލްކޯގެ މެނޭޖިން ޑިރެކްޓަރު ޝަރީފް އިއްޔެ ބައިވެރިވެވަޑައިގަންނަވަނީ ---ފޮޓޯ: ސްޓެލްކޯ
"މި ދޭތެރޭގައި ފެނިގެން ދިޔަ މުންނާރު ކުޑަކޮށް، ހަޑިވެފައި ހުރި ތަން. އެހެން ނަމަވެސް ކުރިމަގުގައި މަހުން މަހަށް އެ ތަން ބަލައި ޗެކުކޮށް، ސާފުކުރުމާއި ރަނގަޅަށް ބެލެއްހެއްޓުމުގެ ޒިންމާ އަޅުގަނޑުމެން ނަގާނަން" ސްޓެލްކޯގެ މެނޭޖިން ޑިރެކްޓަރު ޝަރީފް ވިދާޅުވި އެވެ.
ހުކުރު މިސްކިތް ބެލެހެއްޓުމުގެ އިތުރުން އެހެން ތަރިކަތަކާއި އާސާރީ ބައެއް ތަންތަން ބެލެހެއްޓުމުގެ ކަންކަން ސްޓެލްކޯގެ އަމިއްލަ ހަރަދުގައި ކޮށްދޭނެ ކަމަށް ޝަރީފް ވިދާޅުވި އެވެ.
ހެރިޓެޖް މިނިސްޓްރީގެ ސްޓޭޓް މިނިސްޓަރު ތޯރިގް، މުންނާރު ސާފުކުރުމުގެ މަސައްކަތުގައި އިއްޔެ ބައިވެރިވެވަޑައިގަންނަވަނީ. ---ފޮޓޯ: ސްޓެލްކޯ
ހެރިޓެޖް މިނިސްޓްރީގެ ސްޓޭޓް މިނިސްޓަރު އަހުމަދު ތޯރިގު ވިދާޅުވިގޮތުގައި، މާލޭގައި ހުރި ހުރިހާ އާސާރީ ތަންތަން ސާފުކޮށް، ބެލެހެއްޓުމަށް ސްޓެލްކޯ އިން ވަނީ އެއްބަސްވެފަ އެވެ.
މާލޭ ހުކުރު މިސްކިތުގެ މުންނާރަކީ ރާއްޖޭގެ އިސްލާމީ ސަގާފަތާ ގުޅިފައިވާ އެންމެ ތާރީހީ އެއް ބިނާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަނީދ
22 June 2022
އީސީ ސަރީފް ރައީސް ކަމަށް ގެންނަން ފެނޭ!
އަހަރުމެން ދޫކުރޭ.
22 June 2022
ދައުލަތުގެ ޙަޒާނާވެސް ކ.އަތޮޅު މާލެއަށް. ދައުލަތުގެ ކުންފުނިތަކުގެ ތިޖޫރިވެސް ހުސްކުރަނީ މުޤައްދަސް ރަށްކޮޅުގެ ކަންކަމަށް. އެހެން ރަށް ރަށުގެ މީހުނަށް ބޯނެ ސާފު ފެންފޮދެއްވެސް ލިބޭނެ ގޮތެއްނެތް. ކީއްކުރަން މިމީހުންގެ ދަށުގައި ތިބެންވީ.
ޑެބީ
22 June 2022
ތިކަން ކުރަންތިބޭނެ މުސާރަ ދީފަ ތިބޭ މީހުން. ކަލޭމެނާ ހަވާލުކޮށްފަ އޮތް މަސައްކަތް ކުރެވޭތޯ ބަލާބަލަ. ދެދުވަހުން އެއްދުވަހު ކަރަންޓު ކެނޑޭއިރުވެސް ބިލުވަނީ ބޮޑު.
ރަދީފްއޮފިޝަލް
22 June 2022
`. ޕެއިންޓް ސްކްރެޕާއެއްގަ މުޅި އުމުރުގަ ވެސް ހިފާ ނުލާ ތިބި މީހުން ކަންދައްކަން ނިކުމެ ތިބި ގޮތެއް ބަލާބަލަ.ތިޔަ މަސައްކަތުގަ ބަރަކާތް ލައްވާށި.އާމީން.ވ.ވެދުން