މަސްއޫދު: އޭނާއަށް ހަމަލާދިން މައްސަލަ ދައުލަތުން ވަނީ އިސްތިއުނާފް ކޮށްފައި
30 ޖޫން 2022 - 15:00
2 comments
ދިއެފްއެމްގެ ކުރީގެ ސީއީއޯ މަސްއޫދު ހިލްމީއަށް ހަމަލާދިން މައްސަލާގައި ދައުވާލިބުނު މީހާގެ މައްޗަށް ކުށް ސާބިތުނުވި މައްސަލަ ދައުލަތުން އިސްތިއުނާފްކޮށްފި އެވެ.
ލ. އަތޮޅުގައި އުޅެނިކޮށް މިދިޔަ އަހަރު އުޅެނިކޮށް މަސްއޫދަށް ހަމަލާދިނީ ސައިކަލުގައި އޭނާ އަނބިމީހާއާ އެކު ދަނިކޮށެވެ. އެ މައްސަލާގައި ދައުލަތުން ދައުވާކުރި ލ. ފޮނަދޫ ދިލްކުސާގޭ އަހުމަދު ޝަމީމްގެ މައްޗަށް ކުށް ސާބިތުނުވާ ކަމަށް އެރަށު ކޯޓުން ހުކުމްކުރީ މިދިޔަ އޭޕްރީލް މަހު އެވެ.
އެ މައްސަލަ އިސްތިއުނާފް ކުރަން މިމަހު ދައުލަތުން ހައި ކޯޓަށް ހުށަހެޅުމުން އެ މައްސަލަ މިހާރު ވަނީ ބަލައިގަނެ، ރަޖިސްޓްރީކޮށްފަ އެވެ.
އެ މީހާގެ މައްޗަށް ކުށް ސާބިތުނުވާ ކަމަށް ނިންމީ ހަމަލާދޭ މަންޒަރު ރިކޯޑްކުރި ފޯނު ފުލުހުން ހުޅުވީ ގާނޫނާ ޚިލާފަށް ކަމަށްވާތީ އާއި ދައުވާލިބުނު މީހާ އެ ހާދިސާ ހިނގިއިރު ހުރީ ގޭގައި ކަމަށް ދިފާއީ ހެކިން ބުނެފައިވާތީ އެވެ.
އެ މައްސަލަ ނިންމި ފަނޑިޔާރު އަމަލުކުރި ގޮތާ މެދު މަސްއޫދުގެ ފަރާތުން ޖުޑީޝަލް ސާވިސް ކޮމިޝަން (ޖޭއެސްސީ) އަށް ވެސް ޝަކުވާ ހުށަހެޅި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަކީލްް
01 July 2022
ޝަރީއަތަކީ ބޭރުފުށަށް ހިނގާއެއްޗެކެވެ. ގާޒީއަށް ސުބުހަައެއް އުފެދިއްޖެނަމަ ނުވަތަ އެކަށީގެންވާ ޝައްކެއްނެތް މިންވަރަށް ސާބިތުނުވާނަމަ އެމީހެއްގެ މައްޗަށް ހުކުމެއް ނުކުރެވޭނެއެވެ. ކުށެއްކުރި މީހެއްގެ މައްޗަށް ކުށްސާބިތުނުވެދާނެއެވެ. ނަމަވެސް ކުށެއް ނުކުރާ މީހަކު ޖަލަށް ލެވިގެން ނުވާނެެއެވެ. އެމިންގަނޑުން ގާޒީން ވަޒަންކުރާނެއެވެ.
ހުސައިންބެ
30 June 2022
ފޯނު ޤަވާޢިދާއި ޚިލާފަށް ހުޅުވިޔަސް، ފޯނުން އެއޮތީ ހެކި ލިބިފައެވެ. ޝަރީޢަތަށް ބޭނުންވާނީ ހެއްކެވެ. ފޯނު ހުޅުވިގޮތެއް ނޫނެވެ. ގަވާއިދާ ޚިލާފަށް ފޯނު ހުޅުވި މައްސަލަ ބެލުމަކީ ފުލުހުންގެ ކަމެވެ.