ބްލެކްޕިންކް އަންނަ މަހު އެނބުރި އަންނަނީ

ބްލެކްޕިންކްގެ މެމްބަރުން (ކ-ވ) ރޮޒީ، ލީސާ، ޖެނީ، ޖިސޫ

އަހްމަދު ޖައިޝަން

07 ޖުލައި 2022 - 06:08

ދެކުނު ކޮރެއާގެ މަޝްހޫރު އަންހެން މިއުޒިކް ގްރޫޕް "ބްލެކްޕިންކް"، އާ ލަވަތަކާ އެކު އަންނަ މަހު އެނބުރި އައުމަށް ތައްޔާރުވާން ފަށައިފި އެވެ.

ބްލެކްޕިންކްގެ ހަތަރު މެމްބަރުން އެކީގައި އަލްބަމެއް އެންމެ ފަހުން ނެރެފައި ވަނީ 2020 ވަނަ އަހަރުގަ އެވެ. އެއަށް ފަހު އެ ގްރޫޕުގެ މެމްބަރުން ވަކިވަކިން މިއުޒިކް އުފެއްދި ނަމަވެސް އެކީގައި ފެނިފައެއް ނުވެ އެވެ.

އެ ގްރޫޕުގެ ރެކޯޑް ލޭބަލް ވައިޖީ އެންޓަޓެއިންމެންޓުން ވަނީ އެ ގްރޫޕު އަލުން އެނބުރި އަންނާނެ ކަމަށް ރޭގައި އިއުލާނުކޮށްފަ އެވެ.

ނަމަވެސް އެ ގްރޫޕުން ނެރޭނީ ލަވައެއް ނުވަތަ އަލްބަމެއް ކަމެއް ވެސް އަދި ހާމަކޮށްފައެއް ނުވެ އެވެ.

ވައިޖީ އިން ބުނީ މި އަހަރުގެ ފަހުކޮޅު އެ ގްރޫޕް ޓުއާ އަށް ވެސް ދާނެ ކަމަށެވެ. އެ ޓުއާ އަކީ މިހާތަނަށް އެ ގްރޫޕުން ކުރިއަށް ގެންދާނެ އެންމެ ބޮޑު ޓުއާ ވާނެ ކަމަށް ވެސް ބުންޏެވެ.