ގޮތަބަޔާ: އޭނާ ރާއްޖޭގައި މަޑު ނުކުރައްވާނެ ކަމަށް ބޭރުގެ މީޑިއާތަކުން ބުނޭ
13 ޖުލައި 2022 - 12:44
17 comments
ސްރީލަންކާގެ ރައީސް ގޮތަބަޔާ ރާޖަޕަކްސަ ފިއްލަވައިގެން ރާއްޖެ ވަޑައިގަތަސް، އޭނާ ރާއްޖޭގައި މަޑު ނުކުރައްވާނެ ކަމަށް ދިވެހި ސަރުކާރުގެ އޮފިޝަލަކާ ހަވާލާދީ ބޭރުގެ މީޑިއާތަކުން ބުނެފި އެވެ.
ލަންކާ ސަރުކާރާ ދެކޮޅަށް ކުރަމުންދާ މުޒާހަރާތައް ހޫނުވުމުން ގޮތަބަޔާ އާއި އޭނާގެ އާއިލާ ރޭ މެންދަމު އަސްކަރީ ފްލައިޓެއްގައި ރާއްޖެ ވަޑައިގަތުމުން އާންމުންގެ ފާޑުކިޔުން ދިވެހި ސަރުކާރަށް ވަނީ އަމާޒުވެފަ އެވެ. މިކަމާ ބެހޭގޮތުން ސަރުކާރުން އެއްވެސް އެއްޗެއް މިހާތަނަށް ހާމައެއް ނުކުރެ އެވެ.
ދިވެހި ސަރުކާރުގެ އިސް ބޭފުޅަކާ ހަވާލާދީ ބޭރުގެ ބައެއް މީޑިއާތަކުގައިވާ ގޮތުން ގޮތަބަޔާ ރާއްޖެ ވަޑައިގަތީ ޓްރާންސިޓް މަންޒިލެއްގެ ގޮތުންނެވެ. އެކަމަކު އޭނާ ދެން ވަޑައިގަންނަވާނެ ގައުމެއް އޮފިޝަލް ހާމަ ނުކުރާ ކަމަށް އެ މީޑިއާތަކުގައިވެ އެވެ. އަދި ގޮތަބަޔާ ރާއްޖޭގައި ހުންނެވި ތަނެއް ވެސް ހާމައެއް ނުކުރެ އެވެ.
ގޮތަބަޔާ ރާއްޖެ ވަޑައިގަތީ އޭނާ ޔުނައިޓެޑް އަރަބް އެމިރޭޓްސް (ޔޫއޭއީ) އަށް ވަޑައިގަތުމަށް އިއްޔެ މަސައްކަތް ކުރެއްވުމުން އެއާޕޯޓް މުވައްޒަފުން އެކަމަށް ހުރަސް އެޅުއްވުމުންނެވެ. އެހެންވެ، ރާއްޖޭގައި މަޑުކުރުމަށްފަހު ދެން އޭނާ ވަޑައިގަންނަވާނީ ދުބާއީއަށް ކަމަށް ވެސް ބައެއް މީޑިއާތަކުގައިވެ އެވެ.
ގޮތަބަޔާ ރާއްޖެ ވަޑައިގަތުމުގެ ކުރިން އެމެރިކާ އާއި އިންޑިއާއަށް ވަޑައިގަތުމުގެ ހުއްދައަށް އެދުމުން ވެސް އެ ދެ ގައުމުން އެކަމަށް ދެކޮޅު ހެދި އެވެ. އޭނާ ރާއްޖެ ވަޑައިގަތުމުގެ ހުއްދަ ދެއްވީ ރައްޔިތުންގެ މަޖިލީހުގެ ރައީސް މުހައްމަދު ނަޝީދު މެދުވެރިވެވަޑައިގެން ކަމަށް ވެސް ބޭރުގެ މީޑިއާތަކުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްޑޫޅް
14 July 2022
ބެއްޔާ، ފާޅުގަ ފުރައިފި.
މުޙުއްމާ
14 July 2022
ގޮޓަބާޔާ ސިންގަޕޫރަށް ނުފޮނުވާ ލަންކާއަށް ފޮނުވުމަށް ރައީސް ސޯލިހް އަށް ދަނަނަވަން ނޫނީ 2023 ހަނދާން ނައްތާލަން ދަންނަވަން. ދިވެހި ރައްޔިތުން މިތިބީ ލަންކާ ރައްޔިތުންނާއި އެކު.
ޒިޔާންން
14 July 2022
ގޮޓާބަޔަ ރާއްޖެ އައީ އޭނާ އެހެން ގައުމުތަކަށް ވަޑައިގަތުމަށް ހުއްދަ ނުލިބުމުންނެވެ. އެމެރިކާ އާއި އިންޑިއާއިން ވެސް އޭނާ އަށް ހުއްދަ ނުދިން... ރާޖަޕަކްސާ ފިލަން ވާންނާނޭ ހާޔެއް ހޯދަނީ... ވެރިކަމުން އިސްތިއުފާ ދޭން ވާއިރަށް ވަދެ ފިލާނޭ ރަގަޅު ހާއްޔެއް.. ރައްޔިތުންނަށް ވަރަށް ނިކަމެތި ޙާލު ޖައްސާފަ ހުރި ވަގެއް ތިއީ... ކޮރަޕްޝަން ނިހާޔަތަށް ގޮއްސަ.. ލަންކާ ގެ ރައްޔިތުންނަށް އެންމެ އަސާސީ ބޭނުންތައް ނުފުދޭ...
ހިބިރިންބެއްޔާގެ ކުޑަސޮރު
13 July 2022
ޓުރާންސިޓަކަށްނަމަވެސް މިގައުމަށް ޖައްސާން ކާކުހޭ ހުއްދަދިނީ؟ އެމީހަކުވެސް ވަގުތުން ހިފާ ހައްރުކުރާންއެބަޖެހޭ. މިހާރު އަހަރެމެން މިތިބީ އަހަރެމެންގެ އަވައްޓެރި ސިލޯނާ މޫނުކެނޑިފާ. އެމީހުން ހޯދާންބޭނުވެފާވާމީހެކޭ އަހަރެމެން ހިމާޔަތްދީގެންމިއުޅެނީ. ނާޝީދު އައުޓް. ގޯޓާ އައުޓް. ??
ދުމައިން
14 July 2022
އިންޑިއާއިން ދިނީ. މިކުޅޭކާޑަކީ ލަންކާ މީހުންނަށް ދައްކަނީ އިންޑިއާއިން އެމީހުންދެކެ ލޯބިވަނީ، ކަމޭހިތާ އެހީވަނީ. ގޮޓާ އަހަރެމެން މި ގައުމަކަށް އެހެންވީމަ ނާރުވާނެތާ. އެކަމު އިންޑިއާގެ 27 ވަނަ ސްޓޭޓަށް އެރުވޭނެތާ އިންޑިއާއިން ބުނެލީމަ. ރަޝިޔާ ވޯޓުގަ ޔޫއެންގަ ވެސް ކުޅުނީ އެކާޑު. އިންޑިއާ ރަޝިޔާޔަށް ވޯޓުދީފަ ޕްރޮކްސީ ސްޓޭޓް ދޫނިރާއްޖެއިން އެމީހުނާ ދެކޮޅަށް ވޯޓު ދޭނެކަން އެމެރިކާޔަށް އެންގީ!ކަނޑުކޮހުންތިބޭ ސްޓޭޓެއްވީމަ ލައްކަފަސޭހަތާ!!
ކިނބު
13 July 2022
ބޭރުގެ މީޑިޔާ! ކެކެ. މިގައުމުގެ މީޑިއާ މީ ކީއްކުރާ ބައެއްތަ؟
އެހެ
13 July 2022
ބޭރުގެ މީޑިއާއިން ބުނާ އެއްޗެއް މިގައުމުގެ މީޑިއާއިން ގެނައުން އެއީވެސް މަސައްކަތެއް ކުރުން.
އާދަނު2
13 July 2022
ގޮޓަބަޔާ އަކީ ކުއްވެރިއެއްތަ؟ ނޫނީ އިންޓަރޕޯލް ރެޑްނޯޓިސްނެރެފައޮތް މީހެއްތަ؟!
ބާދަނު
13 July 2022
އެގައުމުގެ މީހުން އޭނަ ހޯދަން އުޅެ ފަހަތުން އެ ދުވަނީ ކަމެއްވެގެންދޯ. ކުށްވެރިވާ ކަމަށް ނުނިންމި ތިބި ރެޑްނޯޓިސް ނުނެރެވިފަ އޮތް އެކަމު ގައުމުތަކުން އެކި ކުށްކުށުގައި ފާރަލައިގެން ހިފަން ބޭނުންވާ އެންމެންނަށްވެސް ހިމާޔަތްދީފަ މަރުހަބާ ކިޔަންވީނު އެހެންވީމަ މިގައުމުން.
ގެދާނޯމޮސް
13 July 2022
ކޮރަޕްޓް ސަރުކާރު : ރނ މީހުން ހިފާހައްޔަރު ކުރާނެ ސަރުކާރެއްނޫނެވެ.
ޖިހާދ
13 July 2022
ޚިޔާލު ތަފާތުވިޔަސް ސިޔާސީ ބާރުގައި ކިތައްމެ ކަމެއްހިނގައެވެ. ކަންހިނގާ ގޮތަށްބަލާއިރު ތިޔައީ ލަންކާވެސް ބޭނުންވާގޮތްކަމަށްވެ ރިޔާސީ ދުސްތޫރާ ޕްރޮޓޮކޯލާ ގުޅޭކަމަކަށްވެސް ވެދާނެތާއެވެ. އިސްމީހުންނާ މުޖުރިމުން ކުރާކަމަށްބުނާ ވައްކަމާ ޚިޔާނާތުގެ އަގު ގިނަފަހަރަށް ދައްކަންޖެހެނީ ރައްޔިތުންނެވެ.ނުވަތަ ދަމައިގަންނަނީ ރައްޔިތުންގެ އަތުންނެވެ.
ލެޓް
13 July 2022
އިބްރާހިމް ދޮށިމޭނާ ކިލެގެފާނު ސިލޯނުގެ ގާލީއަށް ވަޑައިގެން ހިމާޔަތް ހޯއްދެވި ގޮތް. އޭގެ ފަހުން އެމްޑީޕީ އުފެެއްދުމަށް ހިތްވަރު ގަދަ ބަޔަކު ސިލޯނުގަ ކުރި މަސައްކަތް. އަދި ތަމަޅަ ތައިގަރުންގެ އެންމެ ނުރައްކާ ދުވަސްވަރު ދެވަނަ ލީޑަރު ކަރުނައި ރާއްޖެއަށް ސިއްރުން އައިސް ލަންކާ ސަރުކާރާއެކު ކުރި ސުލްހައިގެ މަޝްވަރާ.. އަދި މިއަދު ގޯޓާބޭ ފިލަން ކުރި ދަތުރުމަތީ ރާއްޖެ ވަގުތީ މަންޒިލެއްގެ ގޮތުގައި އިރުކޮޅަކަށް މަޑުކޮށްލުން. އެކުވެރި ދެގައުމުގެ ތާރީޚު.
ހާދަސަޅިއޭ
13 July 2022
ގޯޓާބޭ ދޫކޮށްލި ގައުމު އޮތް ދެރަ ހާލަތު ބަލާނެކަމެއް ނެތްދޯ؟ އެމްޑީޕީ އުފެއްދުމަށް ކުރި މަސައްކަތާ ލަންކާ ހަލާކުކުރަން ކުރި މަސައްކަތާ އެބަ އެއްވަރުވޭބާ. ކަމަކަށް ޒިންމާ ކުރުވާނެ ކަމެއްވެސް ނެތްދޯ؟ އެކުވެރި ދެގައުމުގެ ތާރީޚު ބޭއްވެނިކޮށް ނިމުނީ 20 މިލިއަނެއްހާ މީހުން ހާލުގަޖެހުނަސް މަށަށް ވަރިހަމަތާ.
ޒިޔާންން
13 July 2022
އެމްޑީޕީ ގެ ކުރިމަގު މުޅިން ބާނަ ވެއްޖެ... ގައުމް އާ ރައްޔިތުންނަށް ބިކަހާލު ޖައްސާފަ އެންމެ ޒަރޫރީ ބޭނުން ތަކުން މަޙުރޫމް ކޮށްފަ އޮތް ބޮޑު ކޮރަޕްޓް ވަގަކަށް ރާއްޖެ އެތެރެ ވާން ފުރުސަތު ދިނުމަކީ ވަރަށް ދަށުދަރަޖައިގެ ޢަމަލެއް... ޑިކްޓޭޓަރެއްގެ އަމަލެއް
ދާވޫދު
13 July 2022
ނަޝީދުވެސްގޮވައިގެންދާތި ތިދާތާކަށް. ދިވެހިރާއްޖެއަށް ބޭނުމެއްނުވޭ ގައްދާރުންނެއް.