ވިޔަފާރި

ޖެޓް ފިއުލްގެ ސްޓޮކް ގެނެސްފި

ަަަވެލާނާ އިންޓަނޭޝަނަލް އެއާޕޯޓަށް ޖެއްސި ބައެއް މަތިންދަ ބޯޓުތައް. ޖެޓް ފިއުލްގެ އާ ސްޓޮކް ވަނީ ލިބިފައި--ފޮޓޯ:މިހާރު

ފާތިމަތު ޝަނާ މުހައްމަދު، މިހާރު

14 ޖުލައި 2022 - 17:02

12 comments

ޖެޓް ފިއުލްގެ އާ ސްޓޮކެއް ރާއްޖެ އަށް ގެނެސްފި އެވެ.

އެސްޓީއޯގެ މެނޭޖިން ޑިރެކްޓަރު ހުސެއިން އަމްރު ވިދާޅުވީ، ޖެޓް ފިއުލްއާ އެކު ބޯޓު މިއަދު ރާއްޖޭގެ ބަނދަރަށް ވަދެފައިވާ ކަމަށެވެ.

އާ ސްޓޮކްއާ އެކު ކޮންޓްރޯލް ކޮށްގެން ޖެޓް ފިއުލް ވިއްކުމުގެ ބަދަލުގައި އެއާލައިންތަކުން ބޭނުންވާ ވަރަށް ފޯރުކޮށްދެވޭނެ އެވެ.

ޖެޓް ފިއުލްގެ ޑިމާންޑް އެހާ ބޮޑަށް އިތުރުވީ އަވަށްޓެރި ލަންކާއިން ކުރިން ތެޔޮ ހޯދަމުން ދިޔަ ގިނަ އެއާލައިންތަކުން ރާއްޖެއަށް ތެޔޮ އަޅަން އަންނަން ފެށުމުންނެވެ. ކުރިން ދުވާލަކު 10،000 ލީޓަރު ވިއްކި މަތިންދާބޯޓުފަހަރަށް މިހާރު 40،000 ލީޓަރު ވިއްކަން ވަނީ ޖެހިފަ އެވެ. އެހާ ބޮޑަށް ޑިމާންޑް އިތުރުވި ނަމަވެސް ތެޔޮ ރައްކާ ކުރެވޭނެ އިތުރު ގޮތްތަކެއް އަދި އެމްއޭސީއެލްއަށް ފަހިވެފައެއް ނެތެވެ. އެހެންނަމަވެސް، އަންނަ ސެޕްޓެމްބަރު ހިސާބުގައި އާ ފިއުލް ފާމުގެ ބޭނުން ކުރަން ފެށުމުން ތެޔޮ ރައްކާ ކުރެވޭނެ ޖާގަ އިތުރުވާނެ އެވެ.

އެއާޕޯޓުގައި އަލަށް ހަދާ ފިއުލް ފާމަކީ 45 މިލިއަން ލީޓަރުގެ ކެޕޭސިޓީގެ ފިއުލް ފާމެކެވެ. އެ ފާމްގައި ތެޔޮ ރައްކާ ކުރަން ތިން ޓޭންކް ހުންނާނެ އެވެ. މިހާރު އެއާޕޯޓުގެ ފިއުލް ފާމް ކެޕޭސިޓީއަކީ އެންމެ 15 މިލިއަން ލީޓަރެވެ. އާ ފިއުލް ޓޭންކުތަކާ އެކު، ފިއުލް ފާމް ކެޕޭސިޓީ 60 މިލިއަން ލީޓަރަށް އިތުރުވާނެ އެވެ.

މިދިޔަ އަހަރުގެ ސެޕްޓެމްބަރު މަހު ވެސް އެމްއޭސީއެލަށް ޖެޓް ފިއުލް ސްޓޮކް އެއްވަރެއްގައި ހިފެހެއްޓުމަށް ދަތިތަކެއް ކުރިމަތިވި އެވެ. އެ ފަހަރު ވެސް އެ މައްސަލަ ދިމާވީ އާ ސްޓޮކް ލިިބުމުުގައި ލަސްތަކެއްް ދިމާވުމުންނެވެ.

އެމްއޭސީއެލް ވެލާނާ އިންޓަނޭޝަނަލް އެއާޕޯޓް

12 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޓެކްސް

16 July 2022

ލަދު ކަނޑާލާފައިވެސް އެބަ ޖެހޭ ކުރީ ސަރުކާރުން ކޮއްދިން ކަންކަމުގެ ބޭނުން ހިފަން. މިސާލަކަށް ފިއުލް ފާމް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރުމާ

15 July 2022

ވަރަށް ނަލަފޮޓޯއެއް ހީވަނީ ހަމަ ލަންޑަންގެ ހީތުރޯ ފެންނަހެން ފޮޓޯ ނެގުންތެރިޔާއަށް އަށްސަރިބަހާ ސާބަސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަބޭޝް

16 July 2022

މަށައްވެސް ހަމަ އަޅައިގަތީ މިފޮޓޯ ،،، ވަރައް ހިތްގައިމު ފޮޓޯއެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

15 July 2022

އާ ފިއުލް ފާމް ނުހުޅުވި ލަސް ވާ ސަބަބު ބަލާލަން ރަނގަޅެވެ. ސަރުކާރު ބަދަލު ވާ ކޮންމެ ފަހަރަކު ބޮޑެތި ޕްރޮޖެކްޓް ތައް ދެތިން އަހަރަށް ހުއްޓޭނަމަ އޭގެ ގެއްލުން ވާނީ ރައްޔިތުންނަށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުމައިން

15 July 2022

އަލަށްހަދާ ފިއުލް ފާމްއެއްނޫން، ހަދާފަ ޒާތީ ތަަައައްސުބުން ފުރި މިސަރުކާރަށް ނިންމާލާ ބޭނުންކުރަންފަށަން ނުކެރި ހުރި ފިއުލް ފާމް. އެހެން ނުބުނެވިގެން މިހާރު ކުދިންނަށް ތިއުޅެނީ ކީއްވެ؟ އެ ފިއުލް ފާމަކީ 45 މިލިއަން ލިޓަރުގެ ފިއުލް ސްޓޯރ ކެޕޭސިޓީ ހުރި ފާމްއެއް. އެފާމްގައި ތެޔޮރައްކާ ކުރީ 3 ޓޭންކް އެބަހުރި. އަހަރެމެންނަށް އެ 3 ޓޭންކް ފެންނަން ހުންތާ 4 އަހަރުވެއްޖެ. އެވަރުންވެސް މިކިޔަނީ 3 ޓޭންކް ހުންނާނެޔޯ!! ކާކަށް އޮޅުވާލަން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސަން88717

14 July 2022

ރާއްޖެ އެއާޕޯޓް ތަރައްގީ ވަނީ ފިނި ހަކަ ދުވެލީގައި މިއީ ދިވެހިންލަދުގަންނަން ޖެހޭ ކަމެއް.. އެއާ ޕޯޓަކީ ކޮންމެ މަހަކު މިލިޔަނުން ފައިދާ ލިބޭ ތަނެއް .. އަދިވެސް 80 އަހަރުތަކުގެ ފެންވަރު އެއާޕޯޓުގައި ހުންނަނީ..