ވެލާނާ އިންޓަނޭޝަނަލް އެއާޕޯޓުގައި ޖެޓުތައް މިއަދު ޕާކުކޮށްފައި.-- ފޮޓޯ: މުހައްމަދު ޝަރުހާން/ މިހާރު
01 ޖެނުއަރީ 2017 - 17:40
36 comments
އާ އަހަރު ފާހަގަކުރަން ރާއްޖެ އައި މުއްސަނދިންގެ އަމިއްލަ ޖެޓުތަކުން ވެލާނާ އިންޓަނޭޝަަލް އެއާޕޯޓް މިއަދު ފުރާލައިފި އެވެ.
ރާއްޖޭގެ ޓޫރިޒަމް ސީޒަނަކީ ޔޫރަޕް ހިސާބަށް ފިނި މޫސުން ކަމަށްވާ ނޮވެމްބަރުން އޭޕްރީލް މަހާ ދެމެދު އެވެ. މި ދުވަސްވަރު އަންނަ ކްރިސްމަސް އާއި އާ އަހަރާ ދިމާކޮށް ގިނަ އަދަދެއްގެ ޓޫރިސްޓުން ރާއްޖެ އަންނަ އިރު، އޭގެ ތެރޭގައި ބޮޑެތި މަހުޖަނުންނާއި އެކި ދާއިރާތަކުން ދުނިޔޭގައި ފާހަަގަކޮށްލެވޭ ފަރާތްތައް ވެސް ހިމެނެ އެވެ.
އެމްއޭސީއެލްގެ އެސޯސިއޭޓް ޖެނެރަލް މެނޭޖަރު ހަސަން އަރީފް މިއަދު ނޫސްވެރިންނާ ވާހަކަދައްކަަވަނީ.-- ފޮޓޯ: މުހައްމަދު ޝަރުހާން/ މިހާރު
އެއާޕޯޓުގައި ޕާކުކޮށްފައިވާ ޖެޓުތައް ނޫސްވެރިންނަށް ދައްކާލެއްވުމަށް ފަހު، މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ އެސޯސިއޭޓް ޖެނެރަލް މެނޭޖަރު ހަސަން އަރީފް މިއަދު ވިދާޅުވީ އަމިއްލަ ޖެޓުތަކަށް ހާއްސަކޮށް އެއާޕޯޓުގެ އުތުރުގައި ހެދި އާ އޭޕްރަންގައި މި ވަގުތު ވެސް 36 ޖެޓް ބާއްވާފައިވާ ކަމަށެެވެ. އަދި މައި އޭޕްރަންގައި ޕާކުކޮށްފައިވާ ހަ ޖެޓާ އެކު، ޖުމްލަ 42 ޖެޓް އެ އެއާޕޯޓުގައި ޕާކުކޮށްފައިވާ ކަމަށް އޭނާ ވިދާޅުވި އެވެ.
"އިތުރު ޖެޓުތައް މިހާރު ވެސް އެބަ އާދޭ،" ހަސަން ވިދާޅުވި އެވެ.
އެއާޕޯޓުގައި ޖާގަ ނެތިގެން މީގެ ކުރީގެ އަހަރުތަކުގައި ޖެޓުތައް ޕާކުކުރަން ޑޮމެސްޓިކް ބައެއް އެއާޕޯޓުތަކަށާއި އަވަށްޓެރި ގައުމުތަކަށް ވެސް ފޮނުވި ކަމަށް ހަސަން ވިދާޅުވި އެވެ. ނަމަވެސް، އުތުރު ކޮޅުގައި ތަރައްގީކުރި އޭޕްރަން ބޭނުން ކުރަން ފަށާފައިވުމުން ޖާގަ ތަނަވަސްވެފައިވާ ކަމަށާއި އޭގެ ސަބަބުން އެމްއޭސީއެލް އަށް ލިބޭ އާމްދަނީ އިތުރުވެގެންދާނެ ކަމަށް ވިދާޅުވި އެވެ.
"މިހާރު ވެސް ވަރަށް ބައިވަރު ޕްރައިވެޓް ޖެޓްތައް މި ހުުރީ ޕާކުކޮށްފައި. އެމްއޭސީއެލް އަށް ވަރަށް ބޮޑު އާމްދަނީއެއް ލިބިގެންދާނެ ކަމެއް ޕާކިން ސްޕޭސް މިހެން އޮތުމުން،" ހަސަން ވިދާޅުވި އެވެ.
މަތިންދާބޯޓުގެ ކުޑަ ބޮޑު މިނަށް ބަލައި ކޮންމެ ޖެޓަކުން ދުވާލަކަށް ފީއެއް ނަގަ އެވެ. އަދި ޖެޓުތަކަށް އަޅާ ތެލުން ވެސް އެމްއޭސީއެލް އަށް ބޮޑު އާމްދަނީއެއް ލިބެ އެވެ.
އެއާޕޯޓުގައި މިއަދު ޖެޓުތަކެއް ޕާކުކޮށްފައި: އާ އަހަރު ފާހަގަކުރަން ދުނިޔޭގެ އެކި ހިސާބުތަކުން މުއްސަނދިން ރާއްޖެ އަށް ޒިޔާރަތް ކުރޭ.-- ފޮޓޯ: މުހައްމަދު ޝަރުހާން/ މިހާރު
ހަސަން ވިދާޅުވި ގޮތުގައި މި ސީޒަންގައި 508 އެއާކްރާފްޓް މޫވްމަންޓް ވަނީ ރިކޯޑް ކުރެވިފަ އެވެ. އެއީ 336 ސީޕްލޭންގެ މޫވްމަންޓާއި 172 ރަންވޭ މޫވްމަންޓެވެ.
"މީގެ ކުރީގެ އަހަރުތަކުގެ މި ސީޒަނާ އަޅާ ބަލާފައި އެއާކްރާފްޓް މޫވްމަންޓް މިއީ ރެކޯޑް އަދަދެއް،" އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އއހ
03 January 2017
މިފަހަރު ސީޒަންގަ ވަރަށް ފައިދާވާނެ ހެންހީވޭ އެއާޕޯޓަށް... ޖެޓް އެބޮތް ބައިވަރު...އަނެއްކާ ކޮޅުބު އެއާޕޯޓު ބަންދުކުރާ ގަޑީގައި މިކޮޅަށް ލޭންޑު ކޮއް ނައްޓާލާ ބޯޓުފަހަރުންވެސް ރަނގަޅުއެއްޗެއް ލިބޭނެ
ދޮޅިދާން
02 January 2017
ޖެޓް ތަކުން އޭޕްރަން ފުރުނަސް މައުމޫނު މެން ހާ ހިކުމަތު އަމަލީ އެއް މި ރައީސުން ގެކިބާގައި ނެތްކަން އެގޭ ! އެއޮތް ބޮޑު ސުނާމީގެ ކާރިސާއިން ދިވެހިން މަސަލަސް ކޮށްލީ ވެސް ގައުމުގެ ރިޒާވްގަ އަތްވެސް ނުލާ ! މައުމޫނުގެ ވެރިކަމަށް ތައުރީފު ހައްގު !
އޭއިއޭއި
02 January 2017
އޭއި " ދޮޅިދާން" ތީ ދެން ކިހާ ދެރަ ކަމެއް ނޫންތޭ ތަމެންނާއި ހެދި. ޑިފަމޭޝަން ޖައްސަންވީތޭ..
އަބްދުއްލާ އަލީ
02 January 2017
މަށަށް ނުލިބުނަސް އެތަކެތިން އެއާޕޯޓަށް ލިބޭ ފައިސާއިން ބީއެމް އެލް އަށް ޖަމާވެގެންދާ ފައިސާގެ ސަބަބުން ބޭންކްގެ ހާލަތު ރަނގަޅުވެ އޭގެ ފައިދާ ހުރިހާ ފަރާތަކަށްވެސް ކުރާނެ.
ޣުނ
02 January 2017
މަށަށް ކީއް އައްޔާ ނައްޔާ. މަށަށް ލިބޭ އެއްޗެއް ނެތް. މައަތުން ނަގާނީ ޓެކުސް، ގިނަބޯޓު ޖައްސަގެން ހަލައިކު ވީމާ.
އޭއި
02 January 2017
ތަމެން ނާއި ހެދި ތީ ދެން ކިހާ ދެރަ ކަމެއް ނޫންތޭ. ތަމެން ބަލަގަ ތަމެން ޓްވިޓަރ ގައި ކުރާ ޓްވީޓް ތަކަށް އެންމެ ޖަވާބެއް ވެސް އަޅެ ތަމެންގެ ރަންރީނދުލޭ މެންގެ ތެރޭން އެކަކު ވެސް ދޭތޯ ދޯ. ކީއްކުރާނީ ދެން.
ައަލީ
02 January 2017
ތަންކޮޅެއް ރީތި ފޮޓޯ ޖަހާބަލަ
އިލެވެން
02 January 2017
ޖެޓް ތަކުން އެެއާރޕޯރޓް ފުރާލީ އެ ވެދާނެ ދޯ އެއާރޕޯރޓްގެ ނަން ވެލާނާ އަށް ބަދަލު ކުރުމުން ކަމަށްވެސް. ވެލާނާ އަކީ އެއީ 55 ދޯ. ދެން 5 ޕްލަސް 5 އީކްއަލް 10 ދޯ. ދެން 1 ޕްލަަސް 0 އީކްއަލް 1 ދޯ. ދެން 1 އިންޓު 11 އީކްއަލް 11 ދޯ. ދެން 11 އިންޓް 11 އީކްއަލް 121 ދޯ. މިވާ ގޮތް ވެސް ހިސާބުގެ އިލްމު ގެ ބޭނުން ކޮށް ގެން ބަލަންވީ އެވެ. މިއަހަރު ރާއްޖޭގެ އެއާރޕޯރޓް އަށް ސީޒަން ތެރޭގައި 121 ޖެޓް އަންނާނެ ކަމަށް ދިރާސާ ތަކުން ދައްކައެވެ.
12
02 January 2017
ކަލޭ ....؟؟؟
ދިސްވޭ
02 January 2017
ޖެޓް ތަކުން އެއާރޕޯރޓް ފުރާލާ މީ ރިކޯރޑް އަދަދެއް ކަމަށް ވާނަަމަ އޭގެއިން ފުރަތަމަ ވެސް މިއަންގާ ދެނީ އެއީ ލީޑަރޝިޕް މޮޅީ ކަމަށް ދޯ. ދެން މި ގޮތުން އެއާރޕޯރޓް އަށް ލިބޭ ފައިސާ އިން އެމްއޭސީއެލް އިން ކުރަންވީ ކަމަކީ ހުޅުމާލޭން ބިމެއް ގަނެގެން އެމްޓީސީސީ އަށް ދީގެން އެތަނުގައި ކޮންޑަމީނިއަމް އަޅަންވީ އަހަަރަކު 1000 ކޮންޑޯސް. އަދި އެ ފަދަ ކޮންޑޯސް ކުއްޔަށް ދޫކޮށްލަންވީ އެމްއޭސީއެލް ގެ މުވައްޒަފުންނަށް. އެއިރަށް މީގެ ފައިދާ ވަރަށް ބޮޑަށް ކުރާނެއެވެ.
ހަސަންދީ
02 January 2017
2016 އެމްއެމްޕީއާރުސީ މެދުވެރި ކޮށް ދައުލަތުގެ ތިޖޫރީން ކުރި ވައްކަން ވެސް މި ރެކޯޑުގާ ހިމަނާލާން ފެނޭ މިވެސް ރެކޯޑެއެއްވިއްޔަ
ޝީލަން
02 January 2017
ކީއްތަވާނީ ތިލިބޭ ފައިދާއިން ކޮންމެސް އެއް އަތޮޅެއްގެ އަތޮޅު ހޮސްޕިޓަލް އެންމެ ކުޑަމިނުން އަ ޖީ އެމް އެޗް ފެންވަރަށް ހަދާލީޔާ. މިސާލަކަށް އާބާދީ ބޮޑު ނުވަތަ ގިނަރަށްރަށުގައި މީހުން ދިރިއުޅޭ އަތޮޅެއް ރަނގަޅުވާނެ. މި ގޮތަށް އަހަރަކު އަތޮޅެއްގެ ހޮސްޕިޓަލް ނުވަތަ ދެއަަތޮޅުން އެއްއަތޮޅުގެ އަތަޅު ހޮސްޕިޓަލް އަޕްގްރޭޑް ކުރިޔަސް ރައްޔިތުންނަށް ސީދާ ގޮތުން ފައިދާ ތަކެއް ކުރާނެ. މާލެ ހޮސްޕިޓަލަށް ނައިސް އެމީހަކު ދިރިއުޅޭ ހިސާބަކުން ގިނަ ބަލިތަކަކަށް ބޭސް ކުރެވޭނެ. ޢަދި މާލޭ ސަރަހައްދުގެ އާބާދިވެސް ތަންފުކެއް ކުޑަވާނެ ތޯޗެއް
ކިއެއްކުރަން
02 January 2017
މަމެން މިއުޅެނީ އައިޖީއެމްއެޗް ތަޅާ ތިރި ކޮށްލާ އެތަނުގައި ވެސް 25 ބުރީގެ އިމާރާތެއް އަޅަން އިނގޭ. މިހާރު އައިޖީއެމްއެޗްގެ ދެކުނުން އެހަދާ 25 ބުރީގެ އިމާރާތް ނިމުމުން އެކަން ކުރާނީ. ރަށް ފުށުގެ އެންމެން ދެން ލަންކާ އިންޑިއާ އަށް ބޭސް ފަރުވާ އަށް ދިއުމުގެ ބަދަލުގައި މާލެ ސަރަހައްދަށް އަންނަން އުޅެގަ. އެއިރުން އެނިމުނީ އެެއް ނޫން ދޯ. ދެމީހުންނާއި ފަޅި އެއް އޮންނަ ތަންތަނުގައި ހޮސްޕިޓާ ނުހިންގޭނެއެވެ. ތިޔާ އައްޑޫ ހުޅުދޫގައި ވެސް 10 ގެއިން 9 ގެ ފަޅު ދޯ. ދެން ކިއެއްކުރަން އެ ތަނަށް އިންވެސްޓް ކުރަންވީ އެއް.
މީމަށޭ
02 January 2017
ސޭފްޓީ އާއި ސިކިއުރިޓީ ރަގަޅަށްބާ ހުރީ
1234
02 January 2017
ރިޒޯޓްތަކުން ރރައްޔިތުންނަށް ހިއްސާ ވިއްކުމަށް ގޮވާލަން، އަދި ކޮންމެ ރިސޯޓަކުންވެސް ސީއެސްއާރުގެ ދަށުން އރާއްޖެގެ ކޮންމެވެސް ރަށަކަށް ކޮންމއަހަރަކު 100 ފްލެޓް ނުވަތަ އާންމުނަނާ ގުޅޭ އިމާރާތަެއް ހަދައިދިނުމުަން ނޫނީ ރައްޔިތުްނަނށް ޢގެ ސީދާ މަންފާއެއް ނުކުރާނެ.