އެމްޓީސީސީން ގެނައި މިނީ ބަސް ވިޔަފާރި ބަނދަރުގައި.-- ފޮޓޯ: އެމްޓީސީސީ
16 ޖުލައި 2022 - 16:06
58 comments
މާލޭގައި މި މަހުގެ ފަހުކޮޅު މިނީ ބަހުގެ ހިދުމަތް ފެށުމަށް އެމްޓީސީސީން 30 އަށް ވުރެ ގިނަ ބަސް މިއަދު ރާއްޖެ ގެނެސްފި އެވެ.
އެ ކުންފުނީގެ ސީއީއޯ އާދަމް އާޒިމް "މިހާރު" އަށް ވިދާޅުވީ 20-25 އާ ދެމެދުގެ ޖާގައިގެ 36 މިނީ ބަސް ގެނައީ ރާއްޖޭގެ އެންމެ ބޮޑު ރަށްތަކުގެ އެތެރޭގެ ދަތުރުތައް ފެށުމަށް ކަމަށެވެ. އެއީ މާލެ އާއި އައްޑު އާއި ފުވައްމުލައް އަދި ލ. އަތޮޅެވެ.
އިލެކްޓްރިކް އެ ބަސްތައް މާލޭގެ ވިޔަފާރި ބަނދަރުން ކްލިއާ ކުރަމުން އަންނައިރު އެމްޓީސީސީން މަސައްކަތް ކުރަނީ މި މަހުގެ 31 އަށް އެ ހިދުމަތް ފެށުމަށް ކަމަށް އާޒިމް ވިދާޅުވި އެވެ.
The wait is over. Our Mini Bus fleet which includes 36 mini buses have now arrived and port clearance is ongoing. We will keep you updated every step of the way. #HappeningNow pic.twitter.com/gPaOdTZuc7
— MTCC Plc (@MTCCPlc) July 16, 2022
މާލޭގައި ބަހުގެ ހިދުމަތް ތައާރަފު ކުރުމަކީ ރައީސް އިބްރާހިމް މުހައްމަދު ސޯލިހުގެ ރިޔާސީ ވައުދުތަކުގެ ތެރޭގައި ހިމެނޭ ކަމެކެވެ. އެ ހިދުމަތް ފެށުމަށް ޓްރާންސްޕޯޓް މިނިސްޓްރީން އެމްޓީސީސީއާ ހަވާލުކުރީ 2019 ވަނަ އަހަރު އެވެ.
އެކަމާ ގުޅޭގޮތުން ހަދަންޖެހޭ ދިރާސާތައް ނިންމައި ޓްރާންސްޕޯޓް މިނިސްޓްރީއާ ހަމަ އެ އަހަރު ހަވާލުކުރި އެވެ. ނަމަވެސް ކޮވިޑުގެ ދަތިކަމާއި އެހެން ސަބަބުތަކާ ހެދި ލަސްވީ އެވެ.
އާޒިމް ވިދާޅުވިގޮތުގައި، ޕަބްލިކް ޓްރާންސްޕޯޓަށް ބޭނުން ޖެހިފައިވާ މާލޭގައި ކޮންމެ 10 މިނިޓަކުން ބަސް ސްޓޮޕަށް ދަތުރުކުރާނެ އެވެ. އަދި އެ ސްޓޮޕްތައް، ހުޅުމާލެ ބަސް ސްޓޮޕްތަކާ ގުޅޭނެ ކަމަށް އޭނާ ވިދާޅުވި އެވެ.
"ބަހުގެ ހިދުމަތް ފެށުމުން މާލޭގެ ދަތުރުފަތުރަށް ވަރަށް ފަސޭވަގެންދާނެ،" އާޒިމް ވިދާޅުވި އެވެ.
މިނީ ބަހުގެ ހިދުމަތް ފެށުމުން ބޮޑެތި ރަށްތަކުގެ ދަތުރުފަތުރުރަށް ދާއިމީ ހައްލެއް ލިބޭނެ ކަމަށް އެމްޓީސީސީން ބުނެ އެވެ.
"ރާއްޖެ ޓްރާންސްޕޯޓް ލިންކް" (އާރުޓީއެލް) ގެ ނަމުގައި ޕަބްލިކް ޓްރާންސްޕޯޓުގެ ހިދުމަތް އެމްޓީސީސީން ދާދި ފަށައި، މާލެ އާއި ހުޅުމާލޭގެ ދެވަނަ ފިޔަވައްސާ ދެމެދު ދަތުރުކުރަން ވަނީ 15 ބަސް ގެނެސްފަ އެވެ. އެ ދަތުރުތައް މިހާރު ފަށާފައިވާއިރު، ބަހުގެ ހިދުމަތުގެ އަވަސްކަން ގިނަ ބަޔަކު ފާހަގަކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑެން
17 July 2022
ޑީސެލް ބަސްތަ މީ؟؟؟؟ ކޮބާ އެންވާރަމަންޓު މިނިއްޓަރު
ރަންނަ
17 July 2022
ތިކިޔާބަލަ ރަނގަޅަށް “ އިލެކްޓްރިކް އެ ބަސްތައް މާލޭގެ ވިޔަފާރި ބަނދަރުން ކްލިއާ ކުރަމުން އަންނައިރު އެމްޓީސީސީން މަސައްކަތް ކުރަނީ މި މަހުގެ 31 އަށް އެ ހިދުމަތް ފެށުމަށް ކަމަށް އާޒިމް ވިދާޅުވި އެވެ.”
އޮނަރަބްލް އަފީފު ދީދީ
17 July 2022
ހުކުރު ދުވަހު ހުކުރު ނަމާދަށް މާލޭމީހުން މިސްކިތްތައް ފުރި ބާރުވެގެން މަގުމައްޗާއި ސައިކަލް މަތީގައިވެސް ނަމާދު ކުރާތަން ފެނޭ. # މިކަމަށްވެސް ހައްލު ހޯދާދީ މާލޭ މީހުނަށް ފަސޭހަ ކުރުމައްޓަކާ މާލޭގެ މިސްކިތް ތަކުގެ ދެ ސަފު ދޭތެރޭގައި ސައިކަލް ޕާކް ކުރެވޭގޮތަށް މިސްކިތްތައް އަލުން ޑިޒައިންކޮށްގެން އަޅަންޖެހޭ.
ފަޒީމާ
17 July 2022
ދަބަރުޖަހަންދެން ތިއެއްޗެހިތައް ބަހައްޓާ. އޭރުން ރަނގަޅު ވާނެ. ފައިދާވާނެ ރައްޔިތުންނަށް.
ގުދުގުދާބެއްޔާ
17 July 2022
ހާސްކަނޑާލާ! އަހަރުމެން އެޗްޑީސީން ބޮޑުއަގުދީފައި ހުޅުމާލޭގައި ހެދި ކާރުޕާކިންތަންވެސް ދަބަރުޖަހާ ހަލާކުވަންދެން ބެހެއްޓީ! އަނެއްކާ އަނެތް ފައިސާގަނޑު ޚަރަދުކޮއް މިހާރު މަރާމާތު ކުރަމުން މިދަނީ! ދެންވެސް އަދި އެތަންތަން ދެވޭނެ ދުވަހެއް ނޭގޭ!
ޓެކްސީ
17 July 2022
މާލޭގައިދުއްވާނެ ޓެކްސީ ގެނެސްދެއްވާ!
ހަސަނު
17 July 2022
މާލޭ މަގުތައް ސިޓީ ކައުންސިލުގެ ދަށުން އަތުލައިގެން މާލޭގާ ރަނގަޅު ތަރައްގިއެއް ގެނެވޭނީ... ސިޓިކައުންސިލުން އަމިއްލަ ޖީބަށް ލާރިނުވަންނަ އެއްކަމެއް ކުރާކަށް ބޭނުމެއްނުވޭ.. ނިކަން ބައްލަވާ އެ ވިއްކާ ޕާކިން ލޮޓުތައް.. މާލޭ މަގުތަކަކީ ކައުންސިލަރުންގެ އަމިއްލަ ތަރިކަ މުދާ ކަމަށްދެކި އޭގެން އަމިއްލަ ޖީބަށް ލާރިވައްދާތަން ފެންނަނީ...
ހަސަނާދޯ
17 July 2022
މިހާރު ޕީޕީއެމް ކައުންސިލެއް އޮތީމަތަ ތިކަން ފެންނަނީ؟ އަނެއްކާ އަންނަ ދައުރު އެމްޑީޕީއަށް ލިބޭއިރަށް ހުރިހާ ބާރެއް ސިޓީ ކައުންސިލަށް ދޭންވާނެދޯ މަގޭ ޕާޓީ ނޫން މީހަކު ތަނެއްގަ ހުރެގެން ރަގަޅުވާނެ ޒަމާނެއް ދެން ނާންނާނެ މިގައުމަކަށް.
ޒުހައިރާ
18 July 2022
ކަލޯ ސަރުކާރުން ކުރާކަމެއް ނިކަންބުނެލަދީބަލަ ކަލޯ މެން ގުނބޯ ހައްދާފައި ހުރިހާ ކުޅިވަރެއް ވަނީ ފަށާނިންމާފައި ގައުމު ސަދޫމު ސިޓީ އަށް ހަދާލައިފި އިންޑިއަށް ވިއްކާ އަޅުވެތިކޮށްފި.
ޜާޖާ0000
17 July 2022
މި ބަސްތަކުގައި ގަވައިދާ ހިލާފަށް އުޅޭ ބިދޭސީންނަށް ދަތުރުކުރަން ފުރުސަތު ނުލިބޭނެގޮތަށް ކާޑް އަދި ޑިޖިޓަލްޕޭމަންޓް އެކަނި ބޭނުންކުރެވޭނެގޮތެއް ހަދަން ފެނޭ. ޥޯކްޕަރމިޓް ނެތް ބިދޭސީންގެ ކިބައިން ސަލާމަތްވާން މަސައްކަތްކުރަން އެެބަޖެހޭ
ކާޖާ
17 July 2022
މިވެރިކަމުގެ މީހުން ބޭނުމެއް ނުވޭ ޕާރމިޓް ނެތް މީހުންގެ ފަރާތުން ސަލާމަތްވާކަށް.
ޙޙ2022
17 July 2022
ޢާޒިމްބުނީ މުއިއްޒު ހުއްދަ ނުދީގެންނޯ.... ބޮއިހަލަކި
މުފީދާ
17 July 2022
ބަހުގެ ޚިދުމަތް ރަނގަޅު އިންތިޒާމެއްގެ ދަށުން ދެވޭކަމުގައި ވަނީނަމަ އެއީ ޢާންމު ފަރުދުންނަށް ލިބޭ ވަރަށްބޮޑު ފަސޭހަޔަކަށް ވެގެންދާނެ. ދިވެހިންނާއި ބިދޭސީންނަށް އަގުގެ ތަފާތެއް ބެހެއްޓުމަކީވެސް ވަރަށް ރަނގަޅު ކަމެއް. ނަމަވެސް މިކަން މިހެންވާނެކަމަށް ވަރަށް ޤަބޫލު ނުކުރެވޭ. ބަހުގައި ދަތުރުކުރާއިރު ބިދޭސީންގިނަކަމުން ބައެއްފަހަރު ޖެހިލުންވޭ. އެކަމަކު ޤަބޫލުކުރަންޖެހޭ ކަމަކީ މިޤައުމުގައި ދިވެހިންނަށްވުރެ ބިދޭސީންގެ އާރާއި ބާރު ގަދަކަން.
އޮރެންޖްބެރީ
17 July 2022
އަހަރެން 25 ގައުމަށް ދިޔައިން. ދުވަހަކުވެސް އެހެން ގައުމެއްގައި ދިވެއްސަކީ ބިދޭސީއަކަށް ވާތި ބަހުގެ ޓެކްސީގެ އަގު ތަފާތުކޮށްފައެއް ނުވޭ. ދުނިޔޭގައި ބިދޭސީން އުޅެނީ ރާއްޖޭގައި އެކަނިތަ. އާ މުޅި ދުނިޔޭގައިވެސް ހާއްސަ އިއްޒަތް ލިިބިގެންވާ ދޭސީންނަކީ "ދިވެހިން" ދެން ދުނިޔޭގައި އުޅޭ އެންމެންނަކީ ހުސް އިއްޒަތެއް ނެތް ބިދޭސީން. އަހަރުމެންނަކީ މުސްލިމުން، މި ދޭސީ ބިދޭސީ އަށްވުރެ މުސްލިމުންގެ ގޮތުަގައި ތިމާ ދެކުމަކީ މާ މުހިއްމުކަމެއް.
ފުވާދު
17 July 2022
ހުރިހާ ބިދޭސީންނަކީ ބިރު ވެރި ބައެއްތަ. ހުރިހާ ބިދޭސީންނަކީ ކުށްވެރިންތަ؟ އަހަރެންގެ އަންހެނުންނަކީ ބިދޭސީއެއް. މުފީދާ އަންހެނަކަށް ވާތީ މުފީދާ އަހަރެންނަށް ވުރެވެސް އަހަރެންގެ އަންހެނުންނާ ޖެހިގެން އިށީނަން ޖެހިލުންވާނެބާ؟ މުފީދާ ބިދޭސީން ދެކެ ޖެހިލުންވާތީ ބޭރު ގައުމަކަށް ބޭހަކަށް، ނުވަތަ ހައްޖަކަށްވެސް ނުދާނަންތަ؟
ދޭސީބިދޭސީ
17 July 2022
މުފީދާއަކީސް ރާއްޖެއަށް ކުރީ ޒަމާނެއްގައި އައި "ބިދޭސީ"އެއްގެ ދަރިއެއްގެ ދަރިއެއްގެ...ދަރިއެއް. މިގައުމުގައި ވެރިކަންކުރަނީ ދިވެހިން. ބިދޭސީންގެ ބާރު ތި މާނަކުރަނީ ކިހިނެތް. އާ މުފީދާ ލައިގެން ހުރި ހެދުން، އަރާ ފައިވާން، ކާ ބަތް، އަޅާ ގަހަނާ، ނިދަން އޮށޯންނަ ގޮދަޑި، ލިޔަން ބޭނުންކުރާ ގަލަން، ކާން ބޯން ގެންގުޅޭ ތަށިތައް، ...މީ ހަައްތަހާވެސް ބިދޭސީން ހަދާފަ ހުރި އެއްޗެހި. ދުނިޔޭގައި އުޅެންވީ އެއްބަޔަކާ އަނެއްބަޔަކާ މުއާމަލާތްކޮށްގެން ގުޅިގެން.
ހިނގާމީހާ
17 July 2022
ދިވެއްސަކަސް ބިދޭސީއަކަސް، ފަގީރަކަސް، މުސްކުޅިއަކަސް އެންމެނަށްވެސް އަދުލުވެރިގޮތަކަށް ހަަމަޖެއްސީމަ އޯކޭވާނެ. ޕްރައިސް ޑިސްކްރިމިނޭޓްކުރާނެ ކަމެއް ނެތް. ނަމަވެސް މުސްކުޅިންނަށް ހިލޭ ހަމަޖައްސާދިނުން އެއީ ރަނގަޅުކަމެއް.
މުނީ
17 July 2022
ސާބަސް ރައީސްސޯލިހު މަނިކުފާނުގެ ކެއްތެރިކަމަށްވެސް.
އިދުރީސް
17 July 2022
ބަސް ނެރުމުގެކުރިން މާލޭގެ ހަތަރު އަވަށުގެ ސަހަރާތަކުގައި ޙަތަރު ފުރޮޅުލީ އުޅަނދުތައް ޕާކް ކުރެވޭނެ ގޮތެއް ހަދާދީ ބަލަ. އޭރުން މަގުތައް ގަރާޖަށް ނުހަދާ ވާނެ.