ރަން މެޑަލް ހޯދުމަށް ފަހު އަޒްނީން ދިވެހި ދިދަ އުފުލާލައިގެން ---ފޮޓޯ: ނިޝާން އަލީ | މިހާރު
17 ޖުލައި 2022 - 20:02
15 comments
ރާއްޖޭގައި މިއަދު ފެށި އޭޝިއާގެ ބޮޑީ ބިލްޑިން މުބާރާތުން ރާއްޖޭގެ އަޒުނީން ރަޝާދު ރަންމެޑަލް މިރޭ ހޯދައިފި އެވެ.
ސްޕޯޓް ފިޒިކް 170 ސީއެމް ކެޓަގަރީގެ ފައިނަލުގައި އަޒްނީންއާ ވާދަކުރީ އިންޑިއާ އަދި ޕާކިސްތާންގެ އެތުލީޓުންނެވެ. އަޒްނީން ރަންމެޑަލް ހޯދީ އެ ދެ އެތުލީޓުން ފަހަތަށް ޖައްސާލައިފަ އެވެ.
މިއީ އޭޝިއާގެ ބޮޑީ ބިލްޑިން މުބާރާތުގެ ތާރީހުގައި ރާއްޖެ އިން ހޯދި ދެވަނަ ރަން މެޑަލެވެ. އެންމެ ފުރަތަމަ ރަންމެޑަލް ރާއްޖެ އިން ހޯދީ 2017 ގަ އެވެ.
ރާއްޖޭގެ މުހައްމަދު އިމްރާހް ވެސް މިރޭ ވަނީ އޯވާ 180 ސީއެމް ކެޓަގަރީން ބްރޯންޒް މެޑަލް ހޯދައިފަ އެވެ. އަދި ރާއްޖޭގެ އަލީ ސަލީމް ވެސް ވަނީ އަޕް ޓު 175 ސީއެމުން ފަސްވަނަ ހޯދައިފަ އެވެ.
މިއަދު ކުރިއަށް ގެންދިޔަ އިވެންޓްތަކުގައި ރާއްޖޭގެ ހަތް އެތުލީޓުން ފަސް އިވެންޓެއްގައި ވާދަ ކުރި އެވެ. ސްޕޯޓް ފިޒިކް 170 ސީއެމް ކެޓަގަރީގައި އަޒްނީންގެ އިތުރުން އަހްމަދު ނައީމާއި އިބްރާހިމް ހަމްދާން ވެސް ވާދަ ކުރި އެވެ.
ސްޕޯޓް ފިޒިކް އަޕް ޓް 180 ސީއެމްގައި ރާއްޖޭގެ ރާއްޖެގެ ލިޔާއު ވަހީދު ވާދަ ކުރި އެވެ. މިދިޔަ އަހަރު އުޒްބެކިސްތާންގައި ބޭއްވި ވޯލްޑް ބޮޑީ ބިލްޑިން އަދި ފިޒިކްސް ޗެމްޕިއަންޝިޕްގައި މުހައްމަދު ރަޝީދު (ރަޗޭ) ވަނީ މާސްޓާސް ކެޓަގަރީގައި ވާދަކޮށްފަ އެވެ.
އަޒްނީންގެ ރަން މެޑައްޔާއެކު އޭނާ ވެފައި ވަނީ ރާއްޖޭގެ ކުޅިވަރުގެ ތާރީހްގައި އަމިއްލަ ގައުމުގައި ބޭއްވި އޭޝިއާ ބައްރުގެ މުބާރާތަކުން ރަން މެޑަލް ހޯދި ރާއްޖޭގެ ފުރަތަމަ އެތުލީޓަށެވެ. އަޒްނީން ވަނީ މީގެ ކުރިން ވޯލްޑް ޗެމްޕިއަންޝިޕްގައި ލޯ މެޑަލް ހޯދައިފަ އެވެ. މިދިޔަ އަހަރު އޮކްޓޯބަރު މަހު އުޒްބެކިސްތާންގައި ބޭއްވި މުބާރާތުގެ ފިޒިކް ސްޕޯޓްސް 175 ސީއެމް ކެޓަގަރީން އޭނާ ވަނީ ބްރޯންޒް މެޑަލް ހޯދައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އއ
18 July 2022
ހަބަރު ލިޔާ އިރު ރަނގަޅަށް ލިޔަން ފެނޭ، ފައިނަލް ގަ ހުރީ 5 އެތްލީޓުން
އަބްޑޫޅް
18 July 2022
އަޒުނީންނަކީ ކޮން ބައެއް؟
ޝިރާނީ
18 July 2022
ޢަޒްނީން ގޯލްޑް ހޯދި ކެޓަގަރީގަ ވާދަކުރީ އެންމެ ދެ އެޓްލީޓުން. ލޮލް
ކުޗީ
18 July 2022
ސްޕޯޓް ފިޒިކް 170 ސީއެމް ކެޓަގަރީގެ ފައިނަލުގައި އަޒްނީންއާ ވާދަކުރީ އިންޑިއާ އަދި ޕާކިސްތާންގެ އެތުލީޓުންނެވެ. އަޒްނީން ރަންމެޑަލް ހޯދީ އެ ދެ އެތުލީޓުން ފަހަތަށް ޖައްސާލައިފަ އެވެ." ... ކޮމެންޓް ކުރާ އިރު ހަމައިގަ އިނދެ ލިޔެފަ އޮތް އެއްޗެއް ކިޔާފަ ކޮމެންޓް ކޮށްބަލަ.
ރޯންގް
18 July 2022
އަދި ކިއުއްވާ. 3 އެތީޓުން
ޚުޔިި
18 July 2022
ކަލެއަށް ނުކެރޭ ތިކަލަ މުބާރާތަކަށް އަރާކަން.ކޮން އަގައެއް ތަޅާކަން.
ސުރީނާ
18 July 2022
މިއީ އިސްކޮޅު ބަލާފަ އެކި އެޓަގަރީއަށް ބަހަނީ. ޢަޒްނީނު ތި އެރީ އެންމެ ކުރު މީހުންގެ ކެޓަގަރީއަށް. ގިނަ ގައުމުތަކުގެ ބޮޑީ ބިލްޑަރުން ދިގުވީމަ ތި ކެޓަގަރީގަ ބައިވެރިނުވެސްވޭ. ކުރު މީހުންގެ ކެޓަގަރީން ތިޔަ ވަނައެއް ލިބުނީ. އެންމެ މަދުން މީހުން ބައިވެރިވާ. ަ
ޭކުރުމީހާ
18 July 2022
ކުރަސް ދިގަސް އޭނަ ކުރިމަސައްކަތައް ދޯ އެ މެޱެލް އެލިބުނީ. މީހަކަށް ހިވަރުގެ ބަހެއް ނުބުނެވޭ އިރުގަ ތިގޮތަށް މަލާމާތް ކުރުމުގެ ބޭނުމެއް ނެތޭނުން
ރާއްޖެ
18 July 2022
ނޮޓް އަ ރިއަލް ސްޕޯޓް. އެކަމަކު މަރުހަބާ.
ކޮބާ
17 July 2022
ކީއްވެބާމިވަރުބޮޑުމުބާރާތެއް ލައިވްނުކުރަނީ އެއްވެސް ޗެނަލަކުން.
ލައިވޭ
18 July 2022
ލައިވްކޮއްފިއްޔާ އަނެއްކާ ކިޔާނެ ލާދީނީއޭ
ޙުމާމު
17 July 2022
މަދު ގައުމުތަކުން ބައިވެރިވިމަ އެ ލިބުނި
ވިސްނާށޭ
18 July 2022
އަހަރެން ބުނާނީ މަސައްކަތްކުރީމައޭ ލިބުނީ. މަރުހަބާ
ޢަލީލީ
17 July 2022
ށާބަހޭ ބުރަދާ
ކުޗީ
18 July 2022
ޝ ލިޔަނީ c + shift ބޭނުން ކޮއްގެން.