އައިޖީއެމްއެޗްގައި ހުޅުވި ނޭޝަނަލް ޔޫރޯ ރީނަލް އެންޑް ފާޓިލިޓީ ސެންޓަރުން މީހަކު ފަރުވާ ހޯދަނީ: އެ ސެންޓަރު ހިންގަނީ އިންޑިއާގެ އެންޔޫ ހޮސްޕިޓަލާ ގުޅިގެން.-- ފައިލް ފޮޓޯ: މުހައްމަދު ޝަރުހާން/ މިހާރު
02 ޖެނުއަރީ 2017 - 11:08
4 comments
ދަރިމައިވުމުގައި ދިމާވާ މައްސަލަތަކަށް އައިޖީއެމްއެޗްގައި މިއަދު ފަރުވާ ދޭން ފަށައިފި އެވެ.
އެ ހޮސްޕިޓަލްގައި މި ހިދުމަތް ދޭނީ އިންޑިޔާގެ އެންޔޫ ހޮސްޕިޓަލާ ގުޅިގެންނެވެ. އެ ފަރުވާ އަށް ހާއްސަކޮށް "ނޭޝަނަލް ޔޫރޯ ރީނަލް އެންޑް ފާޓިލިޓީ ސެންޓަރު"ގެ ނަމުގައި ވަނީ ހާއްސަ ސެންޓަރެއް ވެސް މިދިޔަ ނޮވެމްބަރު 20 ވަނަ ދުވަހު ހުޅުވައިފަ އެވެ. ދަރިމައިވުމުގައި ދިމާވާ މައްސަލަތަކުގެ އިތުރުން ކިޑްނީގެ ބޮޑެތި ބަލިތަކާއި ކުޑަކަމުދާ ނިޒާމުގެ ބަލިތަކަށް އެ ސެންޓަރުގައި މިހާރު ވެސް އަންނަނީ ފަރުވާ ދެމުންނެވެ.
އައިޖީއެމްއެޗްގެ ޕަބްލިކް ރިލޭޝަންސް އެންޑް މީޑިއާ ޔުނިޓުގެ ޑިރެކްޓަރު އަހުމަދު މައުސޫމް ވިދާޅުވީ ދަރިމައިވުމުގެ މައްސަލަތަކަށް ފަރުވާދޭނީ، ދެ ޝިފްޓަކަށް ބަހާލައިގެން ދުވާލަކު 20 މީހުންނަށް ކަމަށެވެ. އެ ކަމަށް ފަރުވާ ހޯދަން މިހާރު ވެސް 200 އެއްހާ މީހުން ނަން ނޯޓުކޮށްފައިވާ ކަމަށް އޭނާ ވިދާޅުވި އެވެ.
މި ސެންޓަރުގައި ފަރުވާ ދެނީ ސުޕަ ސްޕެޝަލިސްޓް ޑޮކްޓަރުންނެވެ.
މައުސޫމް ވިދާޅުވީ ދަރިމައިވުމުގެ ފަރުވާ އާސަންދަ އިން ކަވަރު ނުކުރާނެ ކަމަށާއި އެކަމުގެ ޝަކުވާ ވެސް ލިބެމުންދާ ކަމަށެވެ. ނަމަވެސް އެ ފަދަ ހިދުމަތްތަކަކީ ދުނިޔޭގެ އެއްވެސް ހިސާބެއްގައި އިންޝުއަރެންސް ލިބޭ ހިދުމަތެއް ނޫންކަން އޭނާ ފާހަގަކުރެއްވި އެވެ.
ދަރިމައިވުމުގައި ދިމާވާ މައްސަލަތަކަށް ފަރުވާ ހޯދަން ގިނަ ބަޔަކު ބޭނުންވެފައި އެބަ ތިބި ކަމަށާއި އެ ހިދުމަތް ތައާރަފް ކުރުމުން އައިޖީއެމްއެޗަށް ވެސް ބޮޑު ކުރިއެރުމެއް ލިބޭނެ ކަމަށް މައުސޫމް ވިދާޅުވި އެވެ.
ޔޫރޯ ރީނަލް އެންޑް ފާޓިލިޓީ ސެންޓަރު ގާއިމް ކުރީ ހަމައެކަނި ޑޮކްޓަރަށް ދައްކާލާފައި ނިންމާ ގޮތަށް ނޫން ކަމަށާއި ބަލިމީހާ އަށް އިތުރަށް ފަރުވާ ބޭނުންވާ ނަމަ އޭގެ ހުރިހާ މައުލޫމާތެއް ދޭނެ ކަމަށް މައުސޫމް ވިދާޅުވި އެވެ.
"އާދައިގެ ގޮތަކަށް ހިދުމަތް ދޭން ފެށި ކަމުގައި ވިއަސް ކުރިމަގުގައި މި ސެންޓަރުން ދެމުން އަންނަ ހިދުމަތްތައް ފުޅާކުރާނަން،" މައުސޫމް ވިދާޅުވި އެވެ.
މިދިޔަ އަހަރުގެ ތެރޭގައި އައިޖީއެމްއެޗުން ވަނީ ބޮޑެތި ބަދަލުތަކެއް ފެނިފަ އެވެ. އޭގެ ތެރޭގައި އެ ތަނުގެ މަރާމާތުގެ މަސައްކަތްތަކާއި އާ ހިދުމަތްތައް ތައާރަފް ކުރުން ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގޮއްޔެ
03 January 2017
ތިޔަތާ ކިޔުގެ ވާހަކަ ނުދައްކާ. ކިޔޫގައި ތިބި އެތައްބަޔަކު މިހާރުވެސް ވެއްޖެ ކަށްވަޅުގައި. ދެން ޚިދުމަތުގެ ފުރިހަމަކަން ނުވިސްނިއަސް އެނގޭނެ.
ޙުސެން
02 January 2017
މީޑިއާ ހެޑްލައި އެއް ތީ. ޢެއްވެސް ކަމެއް ނުވާނެ
އަލިކޮ
02 January 2017
ކުރިއަށްވުރެ ގޯސް. ކުރިން ނުނިދާ ކިޔުގަ އިނދެގެން ލިބޭ އެޕޮއިޓްމަންޓަށް އެހަފްތާތެރޭގަ ދެއްކޭ، މިހާރު ވެއިޓިން ލިސްޓްގަ ޖައްސައިގެން ދެމަސް ދުވަސް ވާއިރުވެސް ނުދެއްކޭ، ކޮބައިތޯ ހާލަތު ރަނގަޅުވެފަ؟ އެކި ނަންނަމުގަ ޑިޕާޓްމަންޓްތައް އިތުރުކުރުމަކީ ހިދުމަތްދިނުމެއްނޫން. ހިދުމަތް ބޭނުންވެގެން އުޅޭމީހުން ހިދުމަތް ލިބިގަންނަން ދާއިރު އެވަރުގެ ކެޕޭސިޓީ ނެތިއްޔާ އެނުވާނެ ހިދުމަތް އެދެވޭގޮތުގައި ދޭ ތަނަކަށް. ތިތަނަށް ރަނގަޅު ފެންވަރުގެ ޑޮކްޓަރުން އިތުރުކޮށްބަލަ. ހާއްސަބަލިތަކަށް ބޭނުންވާ ޑޮކްޓަރުންނަށް ތިހޮސްޕިޓަލްގަ ބެލެނީ ދުވާލަކަށް 12 ނޫނީ 10 ޕޭޝަންޓުން. އެކަމަކު ކުލިނިކްތަކަށް ފައިސާދީގެން ޑޮކްޓަރަށް ދެއްކީމަ އެތަނުގަ ހުންނަ ޑޮކްޓަރުންނަށް ދުވާލަކު 50 ޕޭޝަންޓުންވެސް ބެލޭ. ކީއްވެހޭ ހޮސްޕިޓަލުގަ އެޑޮކްޓަރުންނަށް އެވަރަށް ޕޭޝަންޓުން ނުބެލެނީ؟ މިހާރު ހިދުމަތްވެސް ދެނީ ވިޔަފާރިއަށް، ފައިސާ ގިނައިން ލިބެންޏާ ގިނަޕޭޝަންޓުން ބަލާނީ.
ގަބުޅި
02 January 2017
ހުސް ނަންބޯޑު ތި އަޅުވަނީ. 4 މަސް 5 މަސް ކިއުގަ. މާމޮޅު ސިއްޙީ ނިޒާމެއް. ދުނިޔެ އަދި ނުދެކޭ މިފަދަ ކަމެއް.