ދުނިޔޭގެ ތިންވަނަ ހޮޓަލަކަށް ހޮވުނު އިތާފުށި: "ބެސްޓް އައިލެންޑް އިން އޭޝިއާ" އެވޯޑު ލިބުނީ ރާއްޖެ އަށް. --ފޮޓޯ: އިތާފުށި މޯލްޑިވްސް
22 ޖުލައި 2022 - 18:30
6 comments
އޭޝިއާގެ އެންމެ ފުރިހަމަ ރަށަށް ދޭ "ބެސްޓް އައިލެންޑް އިން އޭޝިއާ" އެވޯޑު ރާއްޖެ އިން ހޯދައިފި އެވެ.
މަގްބޫލް މަންޒިލްތަކާ ގުޅޭ ހަބަރު ގެނެސްދޭ ދުނިޔޭގެ އެންމެ މަޝްހޫރު އެއް މަޖައްލާ "ޓްރެވެލް ޕްލަސް ލެޝާ" އިން މިދިޔަ ބުދަ ދުވަހު އެމެރިކާގެ ނިއު ޔޯކުގައި ބޭއްވި "ވޯލްޑް ބެސްޓް އެވޯޑްސް 2022" ޝޯގައި އެ އެވޯޑާ ހަވާލުވީ ރާއްޖެއިން އެމެރިކާއަށް ކަނޑައަޅާފައި ހުންނެވި ސަފީރު ތިލްމީޒާ ހުސެއިނެވެ.
ޓްރެވެލް ޕްލަސް ލެޝާ މަޖައްލާގެ ކިއުންތެރިންގެ ވޯޓުން ހޮވާ "ވޯލްޑް ބެސްޓް އެވާޑްސް" ގެ ދުނިޔެއިން އެންމެ ފުރިހަމަ ރަށްތަކުގެ ލިސްޓުގެ ދެވަނަ ވެސް ހޯދީ ރާއްޖެ އެވެ.
އެ މަޖައްލާއިން ކޮންމެ އަހަރަކު ވެސް ހޮވާ ވޯލްްޑް ބެސްޓް އެވޯޑްސް ބިނާވެފައިވަނީ ކިއުންތެރިންގެ ސާވޭއަކަށެވެ. އެ ސާވޭގައި ކިއުންތެރިން ދުނިޔޭގެ އެކި ހިސާބުތަކަށް ކުރާ ދަތުރުތަކުގެ ތަޖުރިބާތަކާއި، އެތަންތަނުގެ ގުދުރަތީ ރީތިކަމާއި، ގޮނޑުދޮށްތަކާއި، އެތަނުގެ ހަރަކާތްތަކާއި މީހުންގެ ގާތްކަން އަދި ހުރިހާގޮތަކުން ވެސް އެންމެ ކަމުދާ މަންޒިލްތައް ރޭޓް ކުރަން ޖެހެ އެވެ.
މި އަހަރުގެ "ބެސްޓް އައިލެންޑް އިން އޭޝިއާ" އެވޯޑުގައި ރާއްޖެއާ އެންމެ ކައިރިން ވާދަކުރީ އިންޑޮނޭޝިއާގެ ބާލީ އެވެ. އެ ކެޓަގަރީގެ ތިންވަނަ ހޯދާފައިވަނީ ތައިލެންޑްގެ ޕުކޭޓެވެ.
ދުނިޔެއިން ތިން ވަނަ ހޮޓަލަކަށް ހޮވިފައިވާ ވަލްޑޯފް އެސްޓޯރިއާ މޯލްޑިވްސް އިތާފުށިން ވަނީ އެ މަޖައްލާގެ އޭޝިއާގެ އެންމެ ފުރިހަމަ ރިސޯޓް ހޮޓެލްގެ އެވޯޑު ހޯދައިފަ އެވެ. އަދި އެ ލިސްޓުގެ ދެވަނާގައި ވާދަކުރަނީ ރާއްޖޭގެ ވަން އެންޑް އޮންލީ ރީތި ރަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަންމު
24 July 2022
ކޮވިޑުގެހާލަތުގައި މުވައްޒަފުންނާއިމެދު އެންމެ ނުބައިކޮށް ކަންކުރީ ކޮންރާޑް ނުވަތަ ތިޔަބުނާ މުޅިދުނިޔޭގެ އެންމެ ހޮޓާގިނަމީހުން ،އެތައްބައިވަރު މުވައްޒަފުން އެހެން ކުންފުނިތަކުންވެސް ވަޒީފާއިން ވަކިކުރި،ނަމަވެސް ޓުވަރިޒަމް ބެކްޓު ނޯމަލްވުމުން އަނބުރާ އެ މުވައްޒަފުންނަށް އިސްކަންދީ ވަޒީފާދިން ، ނަމަވެސް ހިލްޓަން ގުރޫޕުން އެމުވައްޒަފުން އެއްކޮށް ބާކީކޮށްލި.މިއީއާދައިގެ ހޮޓަލުގައި ކަން ކުރާގޮތެއްނޫން!ކޮބާ ނަން މަސްހޫރުކަމުގެ ހެޔޮކަމެއް ސްޓާފުންނަށް؟
ބޮޑުމީހާ
23 July 2022
ބެސްޓްވިޔަސް ދިވެހިންނަށް އޮތީ 24 ގަޑިއިރު މަސައްކަތްކޮށްގެން ލިބޭ ފައިސާއިން ކުލި ދެއްކުން
ބިރިޖީ
23 July 2022
ދެވަނަ އަށްވުރެ 3 ވަނަ މޮޅު ފަދަ ގޮތަކަށް މިއޮތީ ލިޔެވިފަ.
ސާމް 2023
23 July 2022
ބައްލަވާ! ރާއްޖޭގެ ފަތރުވެރިކަމުގެ ނަފާ ބޭރު މީހުން އެ ނަގަނީ، އެ މީހުންގެ އަމިއްލަ އެތައް މިލިޔަނެއްގެ ރުފިޔާ ރާއްޖެއަށް ޚަރަދު ކުރުމަށް ފަހު، އޭގެ ޙަލާލު ބައި. އެހެންވީމަ އެ އިންވެސްޓަރުން ކުޑައިމީސް ނުކުރައްވާ!
ހަސަދު
23 July 2022
އެއްވެސް ވަރަކަށް ފަޚުރު ވެރިވާންވީ ކަމެއްނޫން. ފައިދާ ހައެއްކަ މީހުންނަށާ ބޭރު ކުންފުނި ތަކަށް. ދިވެހިން ޑޮލަރަށް ސަލާން ޖެހުމުގައި. މިއީވާ ގައުމެއް.
ޙޙ2022
23 July 2022
ތި ހުރިހާ ޑޮލަރެއް ގެންދަނީ ޔޫރަޕްގެ މަހުޖަނުން....ބޮއިހަލަކި