ސްޓެލްކޯއިން އަޅާ ފްލެޓުގެ ބޮޑު ބައެއް ވިލިމާލޭގެ ރައްޔިތުންނަށް ލިބޭނެ: ނަހުލާ

ސްޓެލްކޯގެ މެނޭޖިން ޑިރެކްޓަރު އަހުމަދު ޝަރީފް، މާލޭ ސިޓީ ކައުންސިލްގެ ވިލިމާލެ ދާއިރާގެ މެމްބަރު ނަހުލާ އަލީއާ ބައްދަލުކުރައްވަނީ--

މާއިދާ މުހައްމަދު ރަޝާދު، މިހާރު

24 ޖުލައި 2022 - 20:45

20 comments

ސްޓެލްކޯ އިން ވިލިމާލޭގައި ހިންގުމަށް އިއުލާންކުރި ބޯހިޔާވަހިކަމުގެ މަޝްރޫއުގައި 500 ހައުސިން ޔުނިޓް އަޅާނެ ކަމަށާއި އޭގެ ތެރެއިން ބޮޑު އަދަދެއް ކަނޑައަޅާފައި ވަނީ ވިލިމާލޭގެ ރައްޔިތުންނަށް ކަމަށް ސިޓީ ކައުންސިލްގެ ވިލިމާލޭ ދާއިރާގެ މެމްބަރު ނަހުލާ އަލީ ވިދާޅުވެއްޖެ އެވެ.

ސްޓެލްކޯގެ މުވައްޒަފުންނާ އެކު ބޭއްވި ބައްދަލުވުމެއްގައި އާ ހައުސިން މަޝްރޫއެއް ކުންފުނީގެ މެނޭޖިން ޑިރެކްޓަރު އަހުމަދު ޝަރީފް އިއުލާންކުރެއްވި ނަމަވެސް މާބޮޑު ތަފްސީލެއް ނުދެއްވަ އެވެ.

އޭނާ ވިދާޅުވީ ވިލިމާލޭގައި ކުރިއަށް ގެންދާ އެ މަޝްރޫއުއަށް ކުންފުނީގެ ބޯޑުގެ ހުއްދަ ހޯދުމުގެ މަސައްކަތް ކުރަމުން އަންނަ ކަމަށެވެ.

ވިލިމާލޭގެ ރައްޔިތުންގެ ބޯހިޔާވަހިކަމުގެ މައްސަލައަށް ސަރުކާރުން ހައްލު ހޯދައިނުދީ ސްޓެލްކޯގެ ފްލެޓު އެޅުމަށް ރައްޔިތުން ތާއިދުނުކުރާނެ ކަމަށް އެ ދާއިރާގެ މަޖިލިސް މެމްބަރު އަހުމަދު އުޝާމް ވިދާޅުވެފައިވަނިކޮށް ކައުންސިލްގެ މެމްބަރު ނަހުލާ ވިދާޅުވީ އެ މަޝްރޫއުއަކީ ކައުންސިލްގެ ފަސް އަހަރުގެ ސްޓްރެޓީޖިކް އެކްޝަން ޕްލޭންގައިވާ 500 ހައުސިން ޔުނިޓްގެ މަޝްރޫއު ކަމަށެވެ.

އެ ކުންފުންޏާ އެ މަޝްރޫއު ހަވާލުކުރުމަށް ކައުންސިލްގެ ފަރާތުން އަދި ވިލިމާލޭ ދާއިރާގެ މެމްބަރުގެ ހައިސިއްޔަތުން އޭނާ އާއި ކައުންސިލްގެ ކޮންސަލްޓަންޓަކު އެކި ފަހަރު މަތިން ސްޓެލްކޯގެ މެނޭޖިން ޑިރެކްޓަރާ ބައްދަލުކުރައްވައި މަޝްވަރާކުރައްވާފައިވާ ކަމަށް ނަހުލާ ވިދާޅުވި އެވެ.

STELCO inn boahiyaavahikamuge aa mashroo eh iulaanukoffi, mi faharu flat alhanee Vilimale gai

The most trusted news source in the Maldives

Mihaaru

އޭނާ ވިދާޅުވި ގޮތުގައި އެ މަޝްރޫއު މިހާރު އޮތީ މަސައްކަތް ފެށުމުގެ އެއްބަސްވުމުގައި ސޮއިކުރުމުގެ މަރުހަލާގަ އެވެ.

"ވިލިމާލޭގައި ހައުސިން ޔުނިޓްތަކެއް ގާއިމުކުރެވި ބޯހިޔާވަހިކަމުގެ ދަތިކަމަށް ހައްލެއް އައުން އެއީ ދާއިރާއަށް ލިބިގެންދާނެ އެދެވޭ ކުރިއެރުމެއް،" އޭނާ ވިދާޅުވި އެވެ.

އެކަމަކު، އެ މަޝްރޫގައި ވިލިމާލޭ ރައްޔިތުންނަށް އަދި ސްޓެލްކޯގެ މުވައްޒަފުންނަށް ފްލެޓް ކަނޑައަޅާނެ ސީދާ އަދަދެއް ނަހުލާ ވިދާޅެއް ނުވެ އެެވެ. އޭނާ ވިދާޅުވީ 500 ފްލެޓްގެ ތެރެއިން ބޮޑު ބައެއް ހާއްސަކުރާނީ ވިލިމާލޭ ރައްޔިތުންނަށް ކަމަށެވެ.

ނަހުލާ ވިދާޅުވި ގޮތުގައި ވިލިމާލޭގައި ކުދިކުދި ތަންކޮޅުތަކުގައި ދިރިއުޅޭ މީހުންގެ އުއްމީދަކީ ގެދޮރުގެ ދަތިކަމަށް ހައްލެއް ލިބުމެވެ. އެ މީހުންގެ ބޯހިޔާވަހިކަމުގެ މައްސަލަ ހައްލުކުރުމަށް ސަރުކާރާއި ކައުންސިލަށް ވެސް އެއްބާރުލުން ދޭނެ ކަމަށް ނަހުލާ ވިދާޅުވި އެވެ.

ވިލިމާލޭގައި ފްލެޓް އެޅުމަށް ސްޓެލްކޯއާ ހަވާލުކުރަން ތައްޔާރުވެފައިވާއިރު އެކުންފުނިން ވަނީ އެތަނުގެ މުވައްޒަފުންނަށް ހާއްސަކޮށް ހުޅުމާލޭ ދެވަނަ ފިިޔަވަހީގައި ވެސް ފްލެޓް އަޅައިފަ އެެވެ. އެތަނަށް އަންނަ މަހުގެ ހައެެއްގައި ވަދެވޭނެ ކަމަށް އެ ކުންފުނިން ބުނެ އެވެ.

ވިލިމާލެ އަހުމަދު ޝަރީފް (ސްޓެލްކޯގެ ކުރީގެ އެމްޑީ) ބޯހިޔާވަހިކަން ސްޓެލްކޯ ފްލެޓް

20 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކިމް

26 July 2022

ބަދިގޭ ކަބަޑުސެޓެއްތަ އެހެރީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލާބޮޑު

25 July 2022

ބަލަގަ މާލެ އަތޮޅުގަ ހިއްކާ ކޮންމެތަނެއްވާންޖެހޭނީ މާލެމީހުންގެ ތަންތަނަށްތަ؟ ކަލޭމެން ބޭނުންވަނީ ރަށްރަށުމީހުން އަބަދު އަޅުވެތިކޮށްގެން ތަޅުވަންތަ؟ އަހަރެން މާލެއައީ ރަށުގަ ތައުލީމު އޭރުގަ ލިބެންނެތީމަ، ދެންކިޔަވާ ނިމުންއިރު ވަޒީފާއެއް ރަށަކުނެތް.. އަހަރުމެންނަށްވެސް ބޭނުންވާ ހުރިހާ ވަޞީލަތްތަކެއް ރަށުން ލިބެން އޮންނަނަމަ މިތާ މާލޭގަ ތެޅޭކަށް ނައީމުހޭ…

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހުތާން

25 July 2022

ދުލުގެ ތެތްކަމެއް ނެތްނަމަ އެދޫތަކުން ނިކުންނަ ވާހަކަ ގަބޫލުކުރާނެ މީހުން މަދުވާނެ! ޢަމަލުގައި އިޚްލާޞްތެރިކަމެއް ނެތްނަމަ އެ ޢަމަލު ބަލައިގަންނަ މީހުން ނުތިބޭނެ! ދަޢުލަތުގެ ކުންފުނިތަކަކީ ބަޔަކު ބަނޑުއަޅަން ހަދާފައިވާ ތަންތަންތޯ؟ އެ ކުންފުނިތަކުން ބޮޑުތަނުން ފައިދާވެ ބޭނުންނުވާވަރަށް މުވައްޒަފުން ވައިދައި ނާޗަރަނގީ ކުޅޭއިރު ރައްޔިތުންގެ އަތުން ނަގާ ފީ ކުޑަނުވުމަކީ ދެރަކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަަމަކުނުދޭ..

25 July 2022

ހަދަންވީ ގޮތަކީ ސަރުކާރުން ފްލެޓްއަަޅާފަ އޭގެ އެންމެ ހައްގުވެރީންނަށް ދޭންވީ. އެއިރުން ސްޓެލްކޯގެ މުވައްޒަފަކަށްވެސް، ފްލެޓް ހައްގިއްޔާ ލިބޭނެ. އޭރުން އެންމެން ހަމަހަަމަވާނި. ސްޓެލްކޯ މަސައްކަތް ކުރަންވީ ކަރަންޓް ރަގަޅަށް ދޫކުރެވޭތޯ. ދެން ސަރުކާރުންވެސް ސްޓެލްކޯއަށް މިމަސައްކަތް ކުރުމަށް ބިން ދިނުމަކީ (އެއީ ވިޔަފާރި އުސޫލުން ނަމަވެސް) ވަރަށް ބޮޑު ގޯހެއް. އެހެން ހަދާފިނަމަ އެވާނީ ފްލެޓް އެންމެ ހައްގު ރައްޔިތުންނަށް ލިބޭ ބޭއިންސާފަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެވެލި

25 July 2022

ވެމްކޯ އިން ފްލެޓް އަޅަންވީ. އަދި އެމްއެމްޕީއާރުސީ އިންވެސް ފްލެޓް އަޅަންވީ. އޮޑިޓް އޮފީހުންވެސް ފްލެޓް އަޅަންވީ. އޭރުން ފެންނާނީ ދުވަސްކޮޅަކުން ގައުމު ބަނޑަށް ޖެހިފައި އޮންނަ ތަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ެއަލީ

25 July 2022

އެހެންތަ. އެހެންވީމާ ހުޅުމާލެއިންވެސް ބިން ދޭނީ ހަމައެކަނި ހުޅުމާލޭ މީހުންނަށްތޯއެވެ. މާފަންނާއި ގަލޮޅު މީހުންނަށް ދޭން މިއުޅެނީ ކީއްވެތޯއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރާފަ

25 July 2022

ކީއްވެ ތަ ސްޓެލްކޯ ގެ މުައައްޒަފުންނަށް މި ފުރުސަތު މި ލިބުނީ؟ ޥިލިމާލެގެ އެތައް ބަޔަކު އެބަތިބި މި ފުރުސަތު ނުލިބިގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެހިންތައް

25 July 2022

"ވިލިމާލެ ރައްޔިތުންނަށް" ވަނީ ވިލިމާލެގައި ދާއިމީކޮށް ރަޖިސްޓްރީވެފައި ތިބި މީހުން. މިމީހުންނަކީ މިހާރުވެސް ވިލިމާލެއިން ގޯތި ލިބިފައި ތިބި މީހުން. އަލުން މިބައިމީހުންނަށް ބޯހިޔާވަހިކަން ދޭންވީ؟ ނޫނީ ވިލިމާލޭގައި ކުއްޔަށް އުޅޭ ރައްޔިތުންނަށް ބޯހިޔާވަހިކަން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮވަލިކަން

25 July 2022

މީދެންކޮންފަދަ ކަމެއް ކަރަންޓުދޭ ކުންފުނިން ހައުސިން ޕްރޮޖެކްޓު ހިންގަންވީ ކަލޭމެން އިންޖީނުގެ އަޅާ ޖަނަރޭޓަރު ބަހައްޓަބަލަ އަސްލަމު އެބަޖެހޭ ސަރުކާރު ކުންފުނިތަކުން މިފަދަ ސަކަރާތް ޖެހުން ހުއްޓުވަން