ޚަބަރު / ހައުސިން، ލޭންޑް އެންޑް އާބަން މިނިސްޓްރީ

ކުޑަގިރި ޕިކްނިކް އައިލެންޑު ހުޅުވުން ފަސްކޮށްފި

ކުޑަގިރި ޕިކްނިކް އައިލެންޑުގައި ހަދާފައިވާ ރިސެޕްޝަން އޭރިޔާއެއް.-- ފޮޓޯ: އެމްޓީސީސީ

އާސިމާ ނިޒާރު، މިހާރު

25 ޖުލައި 2022 - 14:35

މާލެ ސަރަހައްދުގައި އުޅޭ މީހުން ދަތުރު ދިއުމަށް ސަރުކާރުން ހެދި ކުޑަގިރި ރަސްމީކޮށް ހުޅުވުން ކުރިން މާދަމާ އަށް ތާވަލު ކޮށްފައި އޮތަސް މުއްދަތެއް ނެތި އެ ކަން ފަސްކޮށްފި އެވެ.

ޕްލޭނިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން "މިހާރު" އަށް މިއަދު ވިދާޅުވީ ޕިކްނިކް އައިލެންޑް ހުޅުވުން ލަސްކުރީ އެ ރަށުގައި ފުރިހަމަކުރަންޖެހޭ ކަންތައްތައް ހުރުމުން ކަމަށެވެ. އޭގެ ތެރޭގައި ފެހި ކުރުމާއި ފެސިލިޓީތައް ފުރިހަމަކުރުން ހިމެނޭ ކަމަށް އަކްރަމް ވިދާޅުވި އެވެ.

ސަރުކާރުން ފުރަތަމަ ނިންމީ މާދަމާ ފާހަގަކުރާ މި އަހަރުގެ މިނިވަން ދުވަހު ކުޑަގިރި ހުޅުވާށެވެ.

މާލޭގައި އުޅޭ މީހުން ދަތުރު ދިއުމަށް ރަށެއް ހަމަޖެއްސުމަކީ މި ސަރުކާރުން 100 ދުވަހުގެ ތެރޭގައި ކޮށްދޭން ވައުދުވި ކަމެކެވެ. އެ ކަން ފުރިހަމަކުރުމަށް މާލެއާ ގާތްގަނޑަކަށް 10.5 ކިލޯމީޓަރުގެ ދުރުގައި އޮންނަ ކުޑަގިރި ފަޅުން އަށް ހެކްޓަރުގެ ބިން ހިއްކައިގެން ދަތުރު ދާނެ ރަށެއް ހެދުމަށް އެމްޓީސީސީއާ ސަރުކާރުން ހަވާލުކުރީ 41 މިލިއަން ރުފިޔާއަށެވެ.

އެ މަސައްކަތް ފެށިތާ އަށް މަސް ފަހުން މިހާރު ވަނީ، ކުޑަގިރި ތަރައްގީ ކުރުމުގެ ބޮޑު ބައެއް ނިންމައިފަ އެވެ.

We would like to share a glimpse of our hardworking members of #TeamMTCC tirelessly working to complete the Kudagiri picnic island. A place for everyone to enjoy, relax and spend quality time with your loved ones. #kudagiripicnicisland #RayyithungeKunfuni @ibusolih @FaisalNasym pic.twitter.com/dkp0ukzsIq
— Adam Azim (@adamazim) July 15, 2022

ކުޑަގިރިއާ ގުޅޭގޮތުން، އެ ރަށް ތަރައްގީކުރަމުން އަންނަ އެމްޓީސީސީން ހަދާފައިވާ ވީޑިއޯއެއް.

ނަމަވެސް އަކްރަމް ވިދާޅުވި ގޮތުގައި ދަތުރު ދިއުމަށް ކުޑަގިރި ހުޅުވާނީ ބާކީ ހުރި ކަންކަން ފުރިހަމަވުމުންނެވެ. އެހެން ނޫނީ އެ ރަށަށް ދަތުރު ދާ މީހުންނަށް އުނދަގޫވާނެ ކަން ފާހަގަކުރެއްވި އެވެ.

ރަށް ހުޅުވާނެ ވަކި ދުވަހެއް އަދި ނުބުނެ އެވެ. އަކްރަމް ވިދާޅުވީ އެ ކަންކަން ހަމަޖެހި، މުއްދަތު ކައިރިވުމުން އިއުލާން ކުރާނެ ކަމަށެވެ.

ކުޑަގިރި ހުޅުވާ މުއްދަތު ފަސްކުރިއިރު، އެ ރަށުގައި ގަސް އިންދުމުގެ މަސައްކަތް ސަރުކާރުގެ ކުންފުނިތަކުން ވެސް އަންނަނީ ކުރަމުންނެވެ. އަދި އެ މަސައްކަތްތައް ނައިބު ރައީސް ފައިސަލް ނަސީމް އަންނަނީ ވަރަށް ކައިރިން ބައްލަވައިލައްވަމުންނެވެ.

ސަރުކާރުން ކުރިން ޕްލޭންކުރީ މާލެ އަތޮޅުގައި އޮންނަ އެނބޫދޫފަޅުގައި ހިއްކާފައިވާ ރަށްތަކުގެ ތެރެއިން ރަށެއް ދަތުރު ދިއުމަށް ހަމަޖެއްސުމަށެވެ. އެކަމަކު ރަށް ތަރައްގީ ކުރާނެ ގޮތުގެ ޕްލޭން އާންމުކުރި ފަހުން ސަރުކާރުގެ ނިންމުން ބަދަލުކޮށް ދަތުރުދިއުމަށް ކުޑަގިރި ހަމަޖެއްސީ އެވެ.

އެމްޓީސީސީ ކުޑަގިރި ޕިކްނިކް އައިލެންޑް ޕިކްނިކް ހައުސިން، ލޭންޑް އެންޑް އާބަން މިނިސްޓްރީ ސްޓޭޓް މިނިސްޓަރު އަކްރަމް ކަމާލުއްދީން

17 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލަމް 250

26 July 2022

އޭއި. މަބުނީ މާލޭގެ ކުދި ކުދި މަނިއްޕުޅުތަކާއި ބޭސް ފުޅިތައްވެސް ތިޔަ ލެއްގި ގިރިއަށް ދަތުރު ދާނެތީ ތިތަނުގައި އެމްޓީސީސީގެ މިނިބަސް ދަތުރު ތައް ނޯންނާނެ ތަ ؟ ޖެޓީއިން ކޮޓަރި އާއި ހަމަ އަށް ކޮޓަރި ތަކުން ބާބެކިއު އުދުންތަކާއި ހަމައަށް ބަސް ބާއްވަަދީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންދީ

25 July 2022

ކުރާކަމެއް ބުނާދުވަހަށް ނިންމުމުން ވާގެއްލުމަށްވުރެ އެކަމެއް ފުރުހަމަ ކޮށްފައި ނިންމުމުން އޭގެ ކޮލިޓީއާއި އަދި ބޭނުން ކުރަން ތިބޭ ބަޔަކަށްވެސް ލިބޭ ހިތްހަމަ ޖެހުން ވަރަށް ބޮޑުވާނެ، ގުރޭޓާ މާލޭ އޭރިޔާގައި އުޅޭ މީހުންނަށް ލިބިގެންދިޔަ ބޮޑު ހިތްހަމަ ޖެހުމެއް، ޓީމް އެމްޓީސީސީން މިތަނަށް ޓުރާންސްޕޯޓް އެރޭންޖު ކޮށް ދެއްވައިފި ނަމަ ރަށްޔިތުންގެ ޖީބަށް ވަރަށް ބޮޑު ލުޔެއްލިބިގެންދާނެ ވިސްނަވާނެ ކަމަށް އުއްމީދު ކުރަން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރީނަތު

25 July 2022

އެއް ކަމެއް ވެސް ބުނާ ތާރީޚަކަށް ކުރެވުނު ބައެއް ނަމަތާ. މާކުރިންވެސް އެނގޭ މިހެން ވާނެކަން. އެހެންވެ ދަތުރުދާ ޚިޔާލް ދޫކޮށްލައިގެން ހުރީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިމިނާ

25 July 2022

އެޗްޑީސީ އިންވެސް ކޮންޓެއިނާ ޕާކެއް މި ދިޔަ ރޯދަޔަށް ހުޅުވަން ބުނި. ނޭނގެ ވީ ހިސާބެއް ވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޗީ

25 July 2022

ފަހުވަގުތު ކުޑަގިރި ކެންސަލް. ދެން ވަހިއްދީން ކުޑަގިރި އަށް ހިތްފުޅާ ނުވެއްޖެޔާ ކިތަންމެހާވެސް ރަނގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

25 July 2022

ތިދެން އާ ކަމެއް ނޫން. ކުރިންވެސް އިގޭ މިސަރުކާރުގެ ސްޕީޑް. 100 ދުވަހުން ހުޅުވަން އުޅުނު ރަށް 4 އަހަރުވީމަ މިސަރުކާރުގެ ސްޕީޑް އިހްސާސްވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަސަންކަލޯ.

25 July 2022

ތިއީ ކ.އަތޮޅު މާލޭ މީހުން އަރަން ވެގެން ސޯލިޙް ތަރައްޤީ ކުރި ގިރިއެއް. އެހެންވީމާ ކުޑަގިރި ކިއުމުގެ ބަދަލުގައި ތިރަށަށް ކިޔަންވާނީ މާލެ ގިރި. އަނެއްކާ އަލަމް ގިރިއާއި ފުއްހިރި އަދި މާރިގި އަކީވެސް ،މާލެ އާއި ގުޅުން ހުރި ގިރިތަކެއް ނޫންތޯ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސެމި

25 July 2022

އެތައްހާސް ގުދުރަތީރަށެއްއޮތްއިރު ޢަމިއްލަގައުމުގަ މިލިބުނީ ފޭކް ރަށެްއް! ކިހާ ލަދުވެތި! ކިހާ ދެރަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސުމީ ބަދަލު!

25 July 2022

އެތަކެއް ހާސް ރަށެއް ނޯވޭ ދިވެހިރާއްޖެ އަކު! އެހެންވިޔަސް ފައްކާ ކޮމެންޓެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުލޭ

25 July 2022

އަލަމްގިރި ވެސް ބަންދު. ކުޑަގިރި ހުޅުވުން ފަސްކުރީމަ އެ ބަލިކުދިންކޮޅު ކިހިނެއް އުޅޭނީ. އެކުދިންކޮޅު އެއްތަނެއްގައި ކަރަންޓީނު ކޮށްލަނިކޮށް ވެސް ފޫހިފިލާގޮތް ވެދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުނިޔަ

25 July 2022

ގުދުރަރީ ރައްތަކުން ފުރިފައިއޮތް މަމެންގެ އަމިއްލަ ވަޒަނުން އަމިއްލަ ރައްޔިތުމީހާ، އުފާކޮށްލަން ދާންވެސް މިލިބެނީ ގަހެއް ރުކެއްނެތް ފަޅެއް ހިއްކާފަ ރަށެއްގެ ސިފަ ޖައްސާފައޮތް ހުސް ބިމަކަށް..އަމިއްލަ ގައުމުގަ ވަންނާނެ ގެދޮރުނެތް ރެފިއުޖީންނަށް ހައްގު މިންވަރަކީ މިއީތޯ؟ ިިި