މަސްޖިދުލް ހަރާމްގައި އަޅުކަންކުރަނީ. -- ފޮޓޯ: އޭއެފްޕީ
31 ޖުލައި 2022 - 11:20
2 comments
އުމްރާގެ އަޅުކަމަށް މަސްޖިދުލް ހަރާމް އަށް ޒިޔާރަތްކުރުމަށައީ މަސްޖިދުއް ނަބަވީގެ ރައުދާ ޝަރީފްގައި އަޅުކަން ކުރުމަށް 1443 ވަނަ އަހަރު 70 މިލިއަން ހުއްދަ ދޫކުރި ކަމަށް ސައޫދީގެ ހައްޖު އެންޑް އުމްރާ މިނިސްޓްރީގެ ތަރުޖަމާނު ހިޝާމް ސައީދު ވިދާޅުވެއްޖެ އެވެ.
އަލް އިޚްބާރާއަށް ދެއްވި އިންޓަވިއުއެއްގައި ހިޝާމް ވިދާޅުވީ މި ފެށުނު 1444 ވަނަ އަހަރަކީ އުމްރާގައި ކޮވިޑްގެ ބަލިމަޑުކަމުގެ ކުރިން އޮތް އާންމު ހާލަތާ އެއްގޮތަކަށް ކަން ހިނގާނެ އަހަރެއް ކަމަށް ގަބޫލުކުރެއްވޭ ކަމަށެވެ. އެހެންވެ މިދިޔަ ދެ އަހަރު ކޮވިޑާ ހެދި އަޅާފައިވާ ފިޔަވަޅުތަކަށް އަދިވެސް އިތުރު ލުއިތައް ސައޫދީން ދީފާނެ ކަމަށް ވަނީ ބެލެވިފަ އެވެ.
އޭނާ ވިދާޅުވީ އުމްރާގެ އަޅުކަން އަދާކުރުމަށް ގައުމުތަކަށް ކޯޓާ ކަނޑައަޅާފައި ނުވާ ކަމަށާއި އަމިއްލައަށް ވިސާ އަށް އެޕްލައިކޮށްގެން ވިސާ ހޯދައިގެން ސައޫދީ އަށް އެތެރެވެވޭނެ ކަމަށެވެ.
ހިޖުރީ އާ އަހަރާ އެކު އުމްރާގެ އާ ސީޒަނެއް ފެށުނީ ކަމަށާއި މި އަހަރަށް ވިސާ ދޫކުރުމުގެ މަސައްކަތް މިހާރުވެސް ކުރިއަށްދާ ކަމަށް ހިޝާމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައުދާ
01 August 2022
ރައުދާތަ؟ ރައުޟޯތަ؟ އިންގްލިޝްއިން ރައުދާ އިނަސް ދިވެހިބަހުން ލިޔާއިރު އެހެން ލިޔެފަ ހުންނަ ތަން ނުފެނޭ
ކޮރަލް
31 July 2022
ގައުމު ދަރަނިވެރި ވާތީ ޖީއެސްޓީ ނަގަނީ އެވެ.