އިސްކަންދަރު ސްކޫލުގެ އަހަރީ ދުވަސް ފާހަގަކުރަން މިދިޔަ މެއި މަހު އެ ސްކޫލްގައި ބޭއްވި ރަސްމިއްޔާތުގައި ޓީޗަރުންތަކެއް ބައިވެރިވަނީ--. ފޮޓޯ: ނިޝާން އަލީ /މިހާރު
04 އޯގަސްޓް 2022 - 20:43
21 comments
ޓީޗަރުންގެ މުސާރައަށް ގެނައި ހެޔޮ ބަދަލުތަކާ އެކު އެ ދާއިރާއަށް ޑިމާންޑު އުފުލިފައިވާ ކަމަށް އެޑިއުކޭޝަން މިނިސްޓްރީން މިއަދު ބުނެފި އެވެ.
އެ މިނިސްޓްރީގައި ބޭއްވި ބައްދަލުވުމުގައި ޕާމަނަންޓް ސެކްރެޓަރީ އަހުމަދު އަލީ ވިދާޅުވީ ހުޅުމާލޭގައި އަންނަ މަހުގެ ހަތަރެއްގައި ހުޅުވާ ކާމިލް ދީދީ ޕްރައިމަރީ ސްކޫލްގެ މަގާމުތަކަށް ކުރިމަތިލާން ހުޅުވާލުމުން ގިނަ ބަޔަކު ކުރިމަތިލި ކަމަށެވެ.
ޕްރައިމަރީ 20 ޓީޗަރުން ހޯދަން އިއުލާންކުރުމުން 56 މީހުން އަދި ޕްރީ ސްކޫލްގެ ހަ މަގާމަކަށް 39 ހުށަހެޅުމެއް ލިބިފައިވާ ކަމަށް އޭނާ ވިދާޅުވި އެވެ.
އެ ސްކޫލްގެ ޕްރިންސިޕަލްގެ މަގާމަށް އެކަނި ވެސް ނުވަ މީހުން ކުރިމަތިލާފައިވާ ކަމަށް އަހުމަދު ވިދާޅުވި އެވެ.
އެޑިއުކޭޝަން މިނިސްޓްރީން މީގެ ކުރިން ބޭއްވި ޕްރެސް ކޮންފަރެންސްގައި ޕީއެސް އަހްމަދު އަލީ އިންޓަވިއު ދެއްވަނީ-- ފޮޓޯ: ނިޝާން އަލީ/ މިހާރު
"ޝަރުތު ހަމަވާ މީހުން ކުރިމަތިލާފައިވަނީ،" އޭނާ ވިދާޅުވި އެވެ.
ޕީއެސް ވިދާޅުވި ގޮތުގައި މާލެ ސަރަހައްދުގެ ސްކޫލްތަކުގެ ޕްރިންސިޕަލުންނަށް އިއުލާންކުރުމުން މީގެ ކުރިން އެންމެ ގިނައިން ވެސް ކުރިމަތިލަނީ ހަތަރު މީހުން ކަމަށެވެ. އެކަމަކު، ޓީޗަރުންނާއި ޕްރިންސިލުންގެ މުސާރައަށް ގެނައި ބަދަލާ އެކު ތަފާތު ފެންނަކަން އޭނާ ފާހަގަކުރެއްވި އެވެ.
މިނިސްޓަރު ޑރ. އައިޝަތު އަލީ ވެސް ވިދާޅުވީ ޓީޗަރުންގެ ވަޒީފާއަކީ މިހާރު މާ ޝައުގުވެރި ވަޒީފާއެއްކަމަށެވެ.
މިދިޔަ މެއި މަހު އަމަލުކުރަން ފެށި އާ އޮނިގަނޑާ އެކު ޑިޕްލޮމާ ލެވެލްގެ ޓީޗަރަކަށް 13،266ރ. ޑިގްރީ ލެވެލްގެ ޓީޗަރަކަށް 19،467ރ. އަދި މާސްޓާސް ލެވެލްގެ ޓީޗަރަކަށް 20،895ރ. ލިބޭނެ އެވެ. ޕްރިންސިޕަލުންގެ ތެރެއިން ވެސް ރޭންކް 1 ގައި ހިމެނޭ ޕްރިންސިޕަލަކަށް 30،610ރ. އަދި ރޭންކް 2 ގައި ހިމެނޭ ޕްރިންސިޕަލަކަށް 33،075ރ. ލިބޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިވެހި މީހެއް
30 August 2022
އޮންލައިން ކޮށް ކޯސް ނުގެންދާ ވާހަކަ ދައްކަނީ އެކަމަކު ފޭސްޓުފޭސް ކޯސް ހެދި މީހާ ކުރިމަތިލީމާ ވަޒީފާ ދެނީ އޮންލައިންކޮށް ސެޓްފިކެޓް ގަންނަ މީހުނަށް..
މައު
06 August 2022
ނޫނޭ ސޯލްޖާ. ޢެއީ ތެދު. އަޅުގަނޑު ޓީޗަރެއް ވީމަ އެނގެނީ.. ރަނގަޅު ކަމެއް މިސަރުކާރުން ކުރި..?
ސޯލްޖާ
05 August 2022
ކަނޑައެޅިގެން ދޮގު! އިންޑިޔާ މީހުންގެއޭ ބުނި ނަމަ ރަނގަޅުވީސް
ާއުނިމާ
05 August 2022
ތީ ހަމަ މީޑިޔާ ސްޓަންޓްއެއް
އޮޅިފަ
05 August 2022
މީހަކު ހައިރާނެއް ނުވާނެތަ؟ އެއީ އެކި ސަބަބު ތަކާހެދި އެހެން ސްކޫލްތަކުން ކެނޑިގެން އެތަނަށް ވަނަްނަން ދާ މީހުން. ދެން ހުސްވި މަގާމްތައް ފުރަނީ ކިހިނެއް؟ ޓްރޭނިންގް ދޭ ތަންތަނުން އެބުނަނީ ޓިޗިންގް ކޯސްތަކަށް ކުދިން ކުރިމަތި ނުލާ ވާހަކަ.
ޑިމާންޑްބޮޑުވާނެއޭ
05 August 2022
ޓީޗަރުންނަށް މުސާރަ ބޮޑު ކުރަންވީ އަދިވެސް ތިއޮތް ރައީސް އިބޫ އަކު އިންޑިއާ އަށް އެކަނި ދަތުރު ކުރަން ވެސް ދައުލަތުގެ ބަޖެޓުން 25 މިލިއަން ޑޮލަރު ހޭދަކޮށްލާ އެއިން ބައެއް މޮދީ އަށް ވެސް އަޅާ އިންޑިއާގެ އެހީގައި އަންނަ ރިޔާސީ އިންތިޚާބުގެ ވޯޓް އިން ވައްކަން ކުރަން އުޅުމުގެ ބަދަލުގައި އެދަތުރު ނުކޮށް ވާރޗުއަލް ކޮށް އެބައްދަލުވުން ބާއްވާ އެ 25 މިލިއަން ޑޮަލަރުން މާލެ ސަރަހައްދުގައި 500 އެޕާރޓްމެންޓް ހިމެނޭ ފްލެޓެއް ހުޅުމާލެ 2 ގައި ބިނާ ކުރި ނަމަ
ަޓިޕިކަލް
05 August 2022
ފެންއޮތްތާކަށް މަސްދުވާނީ
ޙަސީ
05 August 2022
ޓީޗަރުންގެ މުސާރަ ބޮޑުވި އިރު ކުރަން ޖެހޭ މަސައްކަތް ހަ ގުނަ އިތުރުވީ. ފިއްތުންތައް އެހާބޮޑު.ސިޔާސީ މަންފާއަކަށްޓަކައި ކަމުގެ ހަގީގަތް އޮޅޭ ގޮތަށް ވާހަކަ ދެއްކި ދާނެ. ހަގީގަތަކީ ބޮޑުވި މުސާރައަކުން ލިބުނު އުފަލެއް ނެތްކަން.
އިއްތިހާދު
05 August 2022
ޓީޗަރުންގެ މުސާރަ ބޮޑުކުރީމަ ޓީޗަރުންގެ ވަޒީފާއަށް ޑިމާންޑް ބޮޑުވުމުގެ މާނައަކީ ލާރި ފަހަތުން ދުވާ މީހުންނޭ ތިއީ. ކުޑަ އެއްޗެެއް ލިބިގެންވެސް ރަނގަަޅު ތައުލީމެއް ދިނުން ދޯ މީގެ މޯރަލްޓީއަކީ.
މޯރަލްޓީ
05 August 2022
މޯރަލްޓީއަކުން ބަނޑެެއް ނުފުރެޔާ
ބަތްކައްކާ
05 August 2022
ހޮޅި ވާހަކަ. ޢެހެންވީމަ މަށަށް ފެނޭ ރައީސުން ޑޮކްޓަރުންނަށްވެސް 12000/- ދީގެން މަސައްކަތްކުރުވަން. އެންމެ ރަނގަޅަށް އެކަންތައް އެމީހުން ކުރާނީ އޭރުން. އިންޖިނިެަރުން އާކިޓެކްޓުން ޕައިލެޓުން މިހުރިހާއެންމެންވެސް މުސާރަ ކުޑަކުރީމަ އެކަމުގަ އުޅޭނީ އަސްލު އެކަން ކުރަން އެންމެ ރަނގަޅު މީހުން.
ތުތީ
06 August 2022
މިހާރަކު ނުއުޅޭ ހަގީގީ ދީންވެރި މީހުންނެއް. ގުރުއާނުގައި އެތައް ވަރަކަށް އަންގަވާފަ އޮވޭ ދަތި ހާލުގައި ކެތްކުރަން. މުސާރަ ކުޑަވެގެން މަސައްކަތް ދޫކޮށްނުލާ ކެތްކޮށްލައިގެން ތިބިނަމަ މި ރަގަޅު ދުވަސްވެސް އެމީހުންނަށް ފެނުނީސް. ލިބޭ ކުޑައެއްޗަކަށް ޝުކުރުވެރިވުމަކީ އެމީހާއަށް ގިނައިން ދެއްވާނެ ކަމެއް. އެފަދަ އެއްވެސް ހިކުމަތެއް ނޭނގި ޝަކުވާކުރާ މީހުން އެކަމު މިހާރު ގިނައީ.
އެކަލޯ
05 August 2022
މައުލޫމާތު ލިބޭ ގޮތުގައި އެތަނުގެ ވަޒީފާއަށް ކުރިމަތިލި މީހުންގެ 90 އިން ސައްތައަކީ މިހާރުވެސް އެހެން ސުކޫލުތަކުގައި ވަޒީފާ އަދާކުރާ ފަރާތްތައް. އެހެން ކަމުން އާ ބަޔަކު ކުރިމަތި ނުލަނީނަމަ ޑިމާންޑު ބޮޑުވިކަމަށް ބުނުން ރަގަޅެއް ނޫން. މިކަން އިތުރަށް ސާފުކޮށްދިނުމަށް މިހާރު ނޫހުގައި އެދެން.