ޝިއާއުގެ މަރާ ގުޅޭ ބައެއް ވާހަކަތައް ފުލުހުންގެ ތަހުގީގުގެ އިސް ދެ އޮފިސަރަކު މީޑިއާ އަށް ކިޔައިދެނީ: އަދި ގިނަ ތަފުސީލުތައް ހުރީ ސިއްރު ކޮށްފައި.---ފޮޓޯ: ފަޔާޒު މޫސާ| މިހާރު
16 އޯގަސްޓް 2022 - 12:34
9 comments
މާލޭގައި މިދިޔަ ހަފުތާގައި ވަރަށް އަނިޔާވެރި ގޮތަކަށް މަރައިލި ޒުވާން އަންހެންކުއްޖާގެ ފޮޓޯތަކެއް ކަމަށް ބުނެ ސޯޝަލް މީޑިއާގައި މިހާރު ފަތުރާފައިވާ ފޮޓޯތައް ލީކުކުރީ ފުލުހުން ނޫން ކަމަށް ފުލުހުންގެ އިދާރާ އިން މިއަދު ބުނެފި އެވެ.
ފުވައްމުލަކަށް އުފަން ޝިއާއު މުހައްމަދު 22، މަރާލާފައި އޮއްވައި ފެނުނީ މިދިޔަ ހޮނިހިރު ދުވަހުގެ ރޭ ހ. ޝީރީންވިލާގެ ނުވަ ބުރީގެ އެޕާޓްމަންޓުގަ އެވެ. އޭނާގެ ހަށިގަނޑުގެ ޕޯސްޓްމޯޓަމް އިންޑިއާ އިން ހެދުމަށް ފަހު ރާއްޖެ ގެނެސް މިދިޔަ އާދިއްތަ ދުވަހުގެ ރޭ ވަޅުލީ ފުވައްމުލަކުގަ އެވެ.
އޭގެ ފަހުން ރެއިން ފެށިގެން ގެންދަނީ ޝިއާއު މަރާލާފައި އޮއްވައި ކަމަށް ބުނެ ބަޔަކު ނަގާފައިވާ ފޮޓޯތަކެއް ސޯޝަލް މީޑިއާގައި ދައުރު ކުރަމުންނެވެ. އެ ފޮޓޯތަކުން ފެންނަނީ މަރާލާފައިވާ އަންހެނަކު ގޭގެ ސިޓިންރޫމުގެ ބިންމަތީގައި ބާއްވާފައި އޮތް ތަނެވެ. އަދި ބަދިގޭގެ ބިންމަތީގެ ޓައިލްސްތަކުގައި ގިނަ އަދަދެއްގެ އަދަދެއްގެ ލޭ ހުންނަ ފޮޓޯއެއް ވެސް އޭގެ ތެރޭގައި ހިމެނެ އެވެ. ބިންމަތީގައި އޮތީ ޝިއާއު ކަމަށް ބުނާއިރު، އެ ފޮޓޯ އިން ބޮޑެތި ޒަހަމުތަކެއް ފެންނަން ހުއްޓެވެ.
އެ ފޮޓޯތައް ލީކުކުރީ ފުލުހުންގެ ތެރެއިން ކަމަށް ބުނެ ބައެއް މީހުން ފާޑުކިޔާތީ ނޫސްވެރިން މިއަދު ސުވާލު ކުރުމުން ފުލުހުންގެ މީޑިއާ އޮފިޝަލް ވިދާޅުވީ، ފުލުހުންގެ ތެރެއިން މިހާތަނަށް އެއްވެސް ފޮޓޯއެއް ލީކުވި ކަން އެނގިފައި ނެތް ކަމަށެވެ.
"އެފަދަ ކަމެއް [ފުލުހުންގެ ތެރެއިން ފޮޓޯތައް ލީކުވުން] ހިނގާފައިވޭތޯ މި ހިދުމަތުން ބަލާނެ،" ފުލުހުންގެ ތެރެއިން ފޮޓޯ ލީކުވިތޯ ނޫސްވެރިން ސުވާލުކުރުމުން ފުލުހުންގެ މީޑިއާ އޮފިޝަލް ވިދާޅުވި އެވެ.
ޝިއާއު އަށް ދީފައިވާ އަނިޔާގެ ތަފްސީލުތައް، އާއިލާގެ އެދުމުގެ މަތިން ފުލުހުން ހާމައެއް ނުކުރެ އެވެ. ޕޯސްޓްމޯޓަމްގެ ނަތީޖާ ވެސް މީޑިއާ އަށް އާންމެއް ނުކުރެ އެވެ.
ޝިއާއުގެ މަރާ ގުޅިގެން ފުލުހުން ވަނީ މަޝްހޫރު ސްކޭޓަރު، އަލީ ޝާހިލް 22، އެ އެޕާޓްމަންޓުން ހައްޔަރުކޮށްފަ އެވެ. އޭނާގެ ބަންދާ މެދު ގޮތެއް ނިންމަން ކްރިމިނަލް ކޯޓަށް ހާޒިރުކުރުމުން ވަނީ ތަހުގީގު ނިމެންދެން ބަންދުކުރަން އަމުރުކޮށްފަ އެވެ. ޝިއާއު އަށް ހަމަލާދިން ކަމަށް ބެލެވޭ ހަތިޔާރުތަކެއް ވެސް ޝީރީންވިލާގެ ނުވަވަނަ ބުރީގެ އެޕާޓްމަންޓުން ފެނިފައިވާ ކަމަށް ފުލުހުން ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕްރައިވޭޓް އިންވެސްޓިގޭޓަރ
17 August 2022
ފުލުހުންގެ ފަރާތުން ސީންގެ ފޮޓޯ ލީކުނުވާނަަމަ މިމައްސަލަ ބެލުން އިތުރަށް ފުޅާވާން އެބަޖެހޭ ..މިޖަރީމާގައި އިތުރު ބައެއްގެ އަތެއްވޭތޯ.؟ފުލުހުންނަށްވުރެ ކުރިން ކޮޓަރިއަށް އިތުރު ބަޔަކު ވަންތޯ ނޫނީ ގާތިލު ފޯނުން ނެގި ފޮޓޯ އެހެންފަރާތަކަށް ފޮނުވިތޯ.؟އަދި އެފޯނުގަ ހުރި ފޮޓޯތަކެއް ފުލުހުންގެ ފަރާތުން ލީކުވީތޯ.
ސަމީމް
16 August 2022
ފުލުހުންގެ ތެރޭގަ ގިނައީ ކޮރަޕްޓް ވެފަ ތިބި މީހުން. ފުލުހުން ނޫނީ އެހެން ބަޔަކަށް އެފޮޓޯ ނުވެސް ލިބޭނެ. މަތި ޖަހަން ނޫޅޭ
ޙަބީބު
16 August 2022
ފުލުހުންނަކީ ކޮންކަމެ އްކުރާ ބަ އެ އް ހިޔާފުލެޓުތަކުން ސަ އިކަލާ ބަ އިސްކަލު ވަގަ އްނަގަ އިގެން ހަކުރުބޯ މީހުން އެވި އްކަނިކީ ނިކަމެތި ރަ އްޔިތުން އާދެސް ކުރިޔަސް ވާކަމެ އްހަރާން
ދިއްދޫމީހާ
16 August 2022
މަޝްހޫރޭ؟؟ އަހުންގެ އުމުރުން 60މައްޗަށް މިދިޔައީ އަދި ތިޔަ ބުނާ މަޝްހޫރް މީހާގެ ނަން އަޑުއެހީ އެހެނެއް މަޝްހޫރް އަލަމްގިރިއޭ ބުނިނަމަ ތަންކޮޅެއް ގަބޫލްކުރަން ފަސޭހަވާނެ..
ޢިސްމާލު
16 August 2022
އަޅުގަނޑަށް ހީވަނީ ޝަރީޢަތް ނިމެންދެންހެން ބަންދަށް ޖެހީ
ހަމީ65
16 August 2022
ތިޔަބުނާ "މަޝްހޫރު ސްކޭޓަރ" އެއީ މަމެން ދަންނަ މީހެއްނޫން. ކޮން މަޝްހޫރެއްތޯ؟ މިއީވެސް ނޫސްވެރިކަންތޯ؟
އަހުމަދު00
16 August 2022
ސުރުޚީ ރަނގަޅު ކޮށްލައްވާ. ސުރުޚީ އާއި ލިޔުމާއި ދިމައެއް ނުވޭ. "ފުލުހުންގެ މީޑިއާ އޮފިޝަލް ވިދާޅުވީ، ފުލުހުންގެ ތެރެއިން މިހާތަނަށް އެއްވެސް ފޮޓޯއެއް ލީކުވި ކަން އެނގިފައި ނެތް ކަމަށެވެ. "އެފަދަ ކަމެއް [ފުލުހުންގެ ތެރެއިން ފޮޓޯތައް ލީކުވުން] ހިނގާފައިވޭތޯ މި ހިދުމަތުން ބަލާނެ،" ފުލުހުންގެ ތެރެއިން ފޮޓޯ ލީކުވިތޯ ނޫސްވެރިން ސުވާލުކުރުމުން ފުލުހުންގެ މީޑިއާ އޮފިޝަލް ވިދާޅުވި އެވެ.
ހިބިރިންބެއްޔާގެ ކުޑަސޮރު
16 August 2022
ފުލުހުންނޫންބަޔަކަށް އެތަނަށްވަދެ ފޮޓޯނެގިދާނެބާ؟
ހުވަދޫ އަހައްމަދޭ
16 August 2022
"ޝިއާއުގެ މަރާ ގުޅިގެން ފުލުހުން ވަނީ މަޝްހޫރު ސްކޭޓަރު، އަލީ ޝާހިލް 22، އެ އެޕާޓްމަންޓުން ހައްޔަރުކޮށްފަ އެވެ" ކޮން މަޝްހޫރެއްތަ އޭނަ؟ އަހަރުމެން ކޮންމެ ދުވަހަކު ރާއްޖޭގެ ހުރިހާ ނޫހެއް ބަލަން. ތި ކަލޭގެ ވާހަކަ އަޑުއެހީ އަލަށް... ޖައްބާރެއް.