ވިޔަފާރި / އުރީދޫ

އުރީދޫން ދުވާލަކު 50ރ. އަށް 10 ޖީބީ ޑޭޓާ ލިބޭ ވަގުތީ ޕެކޭޖެއް

އުރީދޫ މަގޭ ޕަވާ: ދުވާލަކަށް 50ރ އަށް 10ޖީބީ ޑޭޓާ

އަހުމަދު އަރުޝަމް، މިހާރު

21 އޯގަސްޓް 2022 - 09:39

1 comments

އުރީދޫން 50ރ. އަށް 10 ޖީބީ ޑޭޓާ ދުވާލެއްގެ މައްޗަށް ލިބޭ ވަގުތީ ޕެކޭޖެއް ތައާރަފްކޮށްފި އެވެ.

"މަގޭ ޕަވާ 50" ކިޔާ އެ ޕެކޭޖަކީ އުރީދޫން އަލަށް ތައާރަފްކޮށްފައިވާ ޕްރިޕެއިޑް "މަގޭ ޕަވަ ޕެކްސް" ގެ ތެރޭގައި ހިމެނޭ ޕެކޭޖެއް ކަމަށް އެ ކުންފުނިން ބުންޏެވެ.

އޭގެތެރޭގައި ދެން ހިމެނެނީ "މަގޭ ޕަވާ 500" އެވެ. އެއީ މަހަކު 50ރ. އަށް 50 ޖީބީ ލިބޭ ޑާޓާ ޕެކޭޖެކެވެ.

އުރީދޫ މަގޭ ޕަވާ: މަހަކު 500ރ އަށް 50 ޖީބީ ޑޭޓާ

އުރީދޫން ބުނިގޮތުގައި، މަގޭ ޕަވާގެ ދެ ޕެކޭޖަކީ ވެސް ވަގުތީ ޕެކޭޖުތަކެކެވެ. އެކަމަކު އެ ޕެކޭޖުތައް ލިބެން ހުންނާނީ ކިހާ ދުވަހަކަށް ކަމެއް އެ ކުންފުނިން ހާމައެއް ނުކުރެ އެވެ.

"މަގޭ ޕަވަ ޕެކްސް" ފަރުމާކޮށްފައިވަނީ ޕްރިޕެއިޑް ކަސްޓަމަރުންނަށް، ގޭމުކުޅުމާއި ފިލްމް ނުވަތަ ވީޑިއޯ ސްޓްރީމް ކުރުން ފަދަ އާންމުކޮށް އިންޓަނެޓް ބޭނުން ކުރާ ކަންކަމަށް އެންމެ ފުރިހަމަ ޑޭޓާގެ ހިދުމަތް ދޭން ކަމަށް އުރީދޫން ބުންޏެވެ.