އޭސީސީގެ މެމްބަރުން: އޭސީސީން އެ މައްސަލައިގެ ބައެއް ލިޔުންތައް ވެސް ވަނީ ގެންގޮސްފައި --ފޮޓޯ: ވީމީޑިއާ
05 ޖެނުއަރީ 2017 - 14:13
15 comments
މޯލްޑިވްސް ޕޯޓްސް ލިމިޓެޑަށް ތެޔޮ ގަތުމަށް މެރީޑިއަމް ސާވިސްއާ އެކު ހެދި އެއްބަސްވުމުގެ މައްސަލަ އެންޓި ކޮރަޕްޝަން ކޮމިޝަން (އޭސީސީ) އިން ބަލަން ފަށައިފި އެވެ.
ރައްޔިތުންގެ މަޖިލީހުގެ ވިލުފުށީ ދާއިރާގެ މެމްބަރު ރިޔާޒު ރަޝީދުގެ މެރީޑިއަމާ އެކު ހެދި އެ އެއްބަސްވުން އެމްޕީއެލް އިން ބާތިލްކޮށްފައި ވަނިކޮށް، އެ އަށް އަމަލު ކުރަން ކޯޓުން ވަނީ އަމުރު ކޮށްފަ އެވެ. އެ މައްސަލަ އިސްތިއުނާފް ކުރަން ނިންމައި، އެމްޕީއެލް އިން ބުނަމުންދަނީ އެ އެއްބަސްވުމަކީ އެ ކުންފުނީގެ ބޯޑުން ފާސް ނުކޮށް ހެދި އެއްބަސްވުމެއް ކަމަށާއި މެރީޑިއަމަކީ އެކަމަށް ކުރިމަތިލި ކުންފުނިތަކުގެ ތެރެއިން އެންމެ ދަށް އަގު ހުށަހެޅި ކުންފުނި ނޫން ކަމަށެވެ. އެކަމަކު މެރީޑިއަމުން އެ ތުހުމަތުތައް ދޮގު ކުރެ އެވެ.
އޭސީސީގެ ނައިބު ރައީސް މުއައްވިޒު ރަޝީދު މިއަދު ވިދާޅުވީ އެ މައްސަލަ އެ ކޮމިޝަނުން ތަހުގީގު ކުރަން ފެށީ އެ މައްސަލަ މީޑިއާގައި ފެންމަތިވުމުން އެ ކޮމިޝަނުން އިސް ނަގައިގެންނެވެ.
އެނގިފައިވާ ގޮތުގައި އެ މައްސަލައިގެ ބައެއް ލިޔުންތައް އޭސީސީން މިހާރު ވަނީ ގެންގޮސްފަ އެވެ.
އެމްޕީއެލްގެ ތުހުމަތުތައް ދޮގުކޮށް، މެރީޑިއަމުން ބުނެފައިވަނީ އެމްޕީއެލްގެ ބޯޑުން އެ އެއްބަސްވުން ފާސްކޮށްފައިވާ ކަމަށާއި އެންމެ ދަށް އަގު ހުށަހެޅީ ވެސް އެ ކުންފުނިން ކަމަށެވެ. އަދި އެމްޕީއެލް އިން މަސައްކަތް ކުރަނީ ސަރުކާރާ ގުޅުން އޮންނަ އެހެން ކުންފުންޏެއްގެ އަތުން ތެޔޮ ގަންނަން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުމަރު
07 January 2017
އޭސީސީން އަބަދުވެސް މައްސަލަ ބަލަނީ އެކަމަކު އޭގެ ނަތީޖާއެއް ނުފެނޭ
ހަސަނު
07 January 2017
ދެން ބުނޭ ބެލި އިރު އެއްވެސް މަައްސަލައެއްނެތޭ. ގުއި ތަފާލުގައި ދަނޑިން ތެޅިއްޔާ މާ ތާހިރުވާނެ ތިކަން ކުރުމަށްވުރެ. ދައުލަތުގެ މުދަލުން މުސާރަ ކައިގެން ތިމާމެންގެ މަސްއޫލިއްޔަތު އަދާނުކޮށް ތިބޭ އިރު ކޮބާ ލަދު ޙަޔާތް.
މުޙައްމަދު
06 January 2017
ހެޔޮނުވާނި ނުބަލާތި، އެއީ ބެލިޔަސް ތިޔަ މައްސަލައިގެ ރިޕޯޓެއް ނުފެންނާނެ.
ދޫނި ރާއްޖެ
06 January 2017
މިކަންތައްތަކުން ވިސްނިގެން މަޖިލިސް މެންބަރުން އިންސާފްވެރިކޮށް މަސައްކަތް ކުރަންވެއްޖެއެއް ނޫންތޯ؟ އެންމެފަހުން ފަޔަށް ހިނިއަރަން ތިފެށީ!
އިބުރޭ
06 January 2017
ބަލަނީ، ބަލަނީ ވިންވާނީ ރިޔާޒު ރަސީދު. ވަރަށް ސާފު
މަތި ޖެހުން
06 January 2017
މިހާރު މިއިކީ މިނިވަން އެންޓި ކޮަޕްޝަން ކޮމިޝަނެކޭ ނުބުނެވޭނެ! މިއީ ސަރުކާރުން ހިންގާ ކޮރަޕްޝަން މަތި ޖަހާފަ، ރައްޔިތުން ލޮލުގަ އަނދުން އަޅުވަން އުޅޭ ބައެއް! މިމހުންނަކަށް ހަމަ އެއްވެސް ކަމެއް ކޮރަޕްޝަނަށް މަގުފަހިވާ ގޮތަށް ހުންނަ ކަމަކަށް ނުވޭ! އަޖައިބެއް ދޯ މިއީ!
ތަކުރު
05 January 2017
ތިކަމުގައި އެމް ޕީ އެލް ގެ ޑިިޕާޓް މަންޓުގެ ވެރިންނަން ތިބި މީހުންނާ ދޭތެރޭ ހަރުކަށި ފިޔަވަޅު އަޅަން ޖެހޭނެ !
ޢީ އެން އި
05 January 2017
ތިކޮމިސަނައް ކޮރަޕުސަން އަކީ ކޯޗެއް ކަން އިގެތޯ ....؟
ސަލާމީ
05 January 2017
ފުލެޓުގަ އުޅޭހާ ދުވަހަކު ޖެހޭނީ ހަމަ ކަސޯޓީ ޑުރާމާ ކުޅެން....
އައްޑޫ ރަދުން
05 January 2017
މިމީހުން ކިޔާއެއްޗެއް ގަބޫލުކުރާ ބަޔަކު މިހާރަކު ތިބިހެނެއް ހީއެއްނުވޭ.ވަރަށްވެސް ތާށިކޮށް އުޅޭ ކަމިޝަނެއް މިއީ...