މާފަރު އެއާޕޯޓުގެ ފިއުލް ފާމް މި އަހަރު ނިމޭނެ

މާފަރު އެއާޕޯޓަށް ޖެއްސި ޖެޓްތަކެއް. އެ އެއާޕޯޓަށް ގިނަ އަދަދެއްގެ ޖެޓް ޖައްސާ--ފޮޓޯ:މާފަރު އެއާޕޯޓު

ފާތިމަތު ޝަނާ މުހައްމަދު، މިހާރު

23 ސެޕްޓެމްބަރ 2022 - 10:12

ނ. މާފަރު އެއާޕޯޓުގައި ފިއުލް ފާމެއް ހެދުމުގެ މަސައްކަތް މި އަހަރު ނިމުމުގެ ކުރިން ނިމޭނެ ކަމަށް އައިލެންޑް އޭވިއޭޝަންގެ މެނޭޖިން ޑިރެކްޓަރު މުހައްމަދު މިހާދު ވިދާޅުވެއްޖެ އެވެ.

"މިހާރު" އަށް ދެއްވި ހާއްސަ އިންޓަވިއުގައި މިހާދު ވިދާޅުވީ އެކުންފުނިން ހިންގާ މާފަރު އެއާޕޯޓުގައި ފިއުލް ސެޓަޕްގެ މަސައްކަތް ކުރަން ފެށިތަނާހެން ކޮވިޑް ކުރިމަތިވި ކަމަށެވެ. އެއަށްފަހު އެ މަސައްކަތް ހުއްޓިފައި އޮތުމަށްފަހު އަނެއްކާ ވެސް އެކަން ކުރަން ފަށާފައިވާ ކަމަށެވެ. އޭނާ ވިދާޅުވީ، މާފަރުގައި ޖެޓް ފިއުލް ވިއްކޭ ގޮތް ވުމުން އައިލެންޑް އޭވިއޭޝަންގެ އާމްދަނީ އެތަށް ގުނައަކަށް އިތުރު ކުރެވޭނެ ކަމަށެވެ.

"މާފަރަށް ޖައްސަމުން އަންނަ ޕްރައިވެޓް ޖެޓްތަަކަށް ވެސް އަދި އެހެން ޗާޓާ ފްލައިޓުތަކަށް ވެސް ފިއުލްގެ ހިދުމަތްދޭން ފެށީމަ އާމްދަނީ އިތުރުވެގެންދާނެ،" އޭނާ ވިދާޅުވި އެވެ.

މިހާދު ވިދާޅުވީ ޑިސެމްބަރު މަހު އެކަން ހަމަޖެހިގެންދާނެ ކަމަށެވެ.

މާފަރު އެއާޕޯޓަށް ވޭތުވެދިޔަ އަހަރު ތަކުގެ ޕީކް ސީޒަންގައި ގިނަ އަދަދެއްގެ ޖެޓްތައް ޖައްސަ އެވެ.

މާފަރު އެއާޕޯޓަކީ ވެލާނާ އިންޓަނޭޝަނަލް އެއާޕޯޓަށް ފަހު ރާއްޖޭގައި ހެދި އެންމެ ބޮޑު އެއާޕޯޓެވެ. އަބޫ ދާބީ ފަންޑް ފޯ ޑިވެލޮޕްމެންޓް (އޭޑީއެފްޑީ) އިން 60 މިލިއަން ޑޮލަރު ހަރަދު ކޮށްގެން ހެދި މާފަރު އިންޓަނޭޝަނަލް އެއާޕޯޓަށް މާލެެ އިން ދިއުމަށް 40 މިނިޓް ނަގަ އެވެ. ގާތްގަނޑަކަށް 3،500 މީޓަރުގެ ދިގު މިނުގެ އެ އެއާޕޯޓަށް އޭ320 އާއި ބޮއިން 737 މަރުކާގެ ބޯޓު ފަހަރަށް ވެސް ޖެއްސޭނެ އެވެ.

އައިލެންޑް އޭވިއޭޝަން ނ. މާފަރު މޯލްޑިވިއަން އެއާލައިން

6 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވައްޒަ2

23 September 2022

މާފަރު ކުރީގެ ޕްރިންސިޕަލާ ތިޔާތަން ހަވާލު ކުރަން ވަރަށް ފައްކާވާނެ. ދޯ ބިއްލޫރި ބައްޓޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިޔާލީ އަލީ

23 September 2022

މުޅި ނޫނު އަތޮޅުގަ ރަސްކަލަކަށް ހެދިގެން ހުރިހާ ރީތިރަށެއްގަ ރިސޯޓު ހަދައިގެން އުޅޭ ސަންސިޔާމުގެ ހަމައެކަނި ބާރު ނުފޯރުވޭ ތަނަކީ ތިޔަ މާފަރު އެއަރޕޯޓު، އަޑުއިވޭ ގޮތުން އެއަތޮޅު އެންމެ ބާރުގަދަ މީހުން އެމްޑީއެއް ވައްދައިގެން މިހާރު ކުރަން ރާވާފައޮތް ކަމަކީ މާފަރު އެއަރޕޯޓަށް ބާރުފޯރުވުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުއްރަންގަޅުކޮއްދިނުން

23 September 2022

“މާފަރު އެއާޕޯޓަކީ ވެލާނާ އިންޓަނޭޝަނަލް އެއާޕޯޓަށް ފަހު ރާއްޖޭގައި ހެދި އެންމެ ބޮޑު އެއާޕޯޓެވެ“ މީއަދި ރަނގަލު މައުލޫމާތެއްނޫން.. މިހާރު ރާއްޖޭގެ އެންމެ ބޮޑު ރަންވޭޔަކީ ގަމުގެ ރަންވޭ.. ވެލާނާ އެއާޕޯޓުގެ މިހާރުގެ ރަންވޭޔަށްވުރެ ބޮޑު. އެކަމަކު ވެލާނާ އެޔާޕޯޓުގެ އާ ކޯޑު އެފް ރަންވޭ ހުޅުވުމުން ގަމުގެ ރަންވޭ އެއްވަނައިން 2 ވަނަޔަށް ވެއްޓޭނެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުންބުލި

23 September 2022

ތިތަން ހިންގަން މާލިކު އާ ހަވާލު ކުރުން ފެނޭ ! ޥަރަށް ފައްކާވާނެ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާމިހް

23 September 2022

ސިމްޑި އެއާ އިން ފަޝަންވާއިރަށް ކުރާކަމެއް އެއީ. އެމީހުންގެ ވަރަށް ބޮޑު ޓާގެޓެއް މާފަރު އެއާޕޯޓަކީ. އެތަނުން ޑައިރެކްޓް ފްލައިޓް ޔޫރަޕަށް އެޅުން ފްލޭނަކީ. މަށަށް އިގިގެނޭ މިބުނަނީ.