ބޯހިމެނުން: މާލެ ސަރަހައްދުން މައުލޫމާތު ނުލިބޭ 900 ތަނެއް އެބަހުރި

މާލޭގައި ބޯހިމެނުމުގެ މަސައްކަތްކުރާ އެނިއުމަރޭޓަރުން އެ މަސައްކަތުގައި: މާލެ ސަރަހައްދުން އަދިވެސް މައުލޫމާތު ނުލިބޭ ވަރަށް ގިނަ ތަންތަން އެބަހުރި -- ފޮޓޯ: ފަޔާޒް މޫސާ | މިހާރު

އިފްރާޒް އަލީ، މިހާރު

02 އޮކްޓޯބަރ 2022 - 10:43

16 comments

ބޯހިމެނުމަށް މާލެ ސަރަހައްދުގައި މައުލޫމާތު ނުލިބޭ 900 އަށް ވުރެ ގިނަ ތަންތައް އަދިވެސް އެބަހުރި ކަމަށް މޯލްޑިވްސް ބިއުރޯ އޮފް ސްޓެޓިސްޓިކްސް އިން މިއަދު ބުނެފި އެވެ.

އެ ބިއުރޯ އިން ނެރުނު ނޫސްބަޔާނެއްގައި ބުނީ، ބޯހިމެނުމުގެ ފީލްޑް މަސައްކަތް ރާއްޖޭގެ ހުރިހާ ރަށެއްގައި ވެސް މިހާރު ނިންމާލާފައިވާ ކަމަށެވެ. އެކަމަކު، މާލެ ސަރަހައްދުން މައުލޫމާތު ނުލިބޭ 900 އަށް ވުރެ ގިނަ ތަންތަން އަދިވެސް އެބަހުރި ކަމަށް ބުންޏެވެ.

"...މި ބިއުރޯ އިން މި އަންނަނީ މިފަދަ ތަންތަނުން މީހުންނާ ގުޅޭނެ ގޮތް ފަހިވޭތޯ ބެލުމަށް މަސައްކަތް ކުރަމުންނެވެ،" ބަޔާނުގައި ވެ އެވެ.

ބޯހިމެނުމުގައި ބައިވެރިނުވެވި ތިބި މީހުން 1423 އަށް ގުޅަން އެދެފި https://t.co/M47W4w6RKl
— Mihaaru (@Mihaarunews) September 28, 2022

މައުލޫމާތު ނުލިބި ހުރި ތަންތަނުގެ ތެރޭގައި، ތަޅުލާފައި ހުރުމުންނާއި ގުޅޭނެ ގޮތެއް ނުވުމާއި މައުލޫމާތު ދޭނެ މީހަކާ ދިމާނުވުމާއި ރަށުން ބޭރުގައި އުޅުމާއި އެޕޮއިޓްމަންޓް ދިން ނަމަވެސް އެ ގަޑި އަށް ޓީމުތަކަށް ނުދެވި ހުރި ތަންތަން ވެސް ހިމެނޭ ކަމަށް ބިއުރޯ އޮފް ސްޓެޓިސްޓިކްސް އިން ބުންޏެވެ. އޭގެ ތެރޭގައި ބޭނުންނުކުރާ ތަންތަނާއި މީހުން ދިރިނޫޅެ ތަންތަން ހުރުން އެކަށީގެންވާ ކަމަށް ވެސް އެ އިދާރާ އިން ބުނެ އެވެ.

އެހެންވެ، ބޯހިމެނުމަށް މައުލޫމާތު ނުދެވި ތިބި މީހުން އެ ބިއުރޯގެ ހޮޓްލައިން ނަންބަރު 1423 އަށް ގުޅައި، މައުލޫމާތު ހިއްސާކުރުމަށް އެދުނެވެ. ނުވަތަ އެ އޮފީހުގެ ވެބްސައިޓުގައިވާ އެ ކަމަށް ހާއްސަ ފޯމު މެދުވެރިކޮށް ވެސް އެންގޭނެ ކަމަށް ބިއުރޯ އޮފް ސްޓެޓިސްޓިކްސް އިން ބުންޏެވެ.

އެ އިދާރާގެ ބަޔާނުގައި ބުނިގޮތުގައި، ބޯހިމެނުމުގެ މައުލޫމާތު އިތުރަށް ފުރިހަމަކުރުމުގެ މަސައްކަތް ކުރަން ޖެހޭތީ ވަގުތީ ނަތީޖާ އިއުލާންކުރާ ދުވަހަށް ވެސް ވަނީ ބަދަލު ގެނެސްފަ އެވެ. ވަގުތީ ނަތީޖާ އިއުލާންކުރާ ގޮތަށް ކުރިން އޮތީ އަންނަ ބުރާސްފަތި ދުވަހު އެވެ. ނަމަވެސް، ތާރީހެއް ނެތް ގޮތަށް މިހާރު ވަނީ ފަސްކޮށްފަ އެވެ.

ވަގުތީ ނަތީޖާ އިއުލާންކުރާ ތާރީހަށް ބަދަލު ގެނަޔަސް، ކުރިން އޮތް ގޮތަށް މި މަހުގެ 20 ގައި ދާއިމީ ނަތީޖާ އިއުލާންކުރާނެ ކަމަށް ބުންޏެވެ.

އާބާދީ ބޯހިމެނުން މާލެ

16 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައްޓަމަސް

03 October 2022

އަހަރެންގެ ގެޔަކަށް ނާދޭ, ގެތަޅެއް ނުލަން މީހުނވެސް އުޅޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

02 October 2022

މާލެއިން ބޭރުގަ އުޅޭ މާލޭ ބޭފުޅުންނާ ވިޔަފާރި އަދި ސިޔާސީ މީޙުންގެ މައުލޫމާތު ނަގާ ހެނެއް ހީއެއް ނުވެ އެވެ. އެމީހުން ރުފިޔާ ޑޮލަރަށް ހަދާފަ ބޭރު ކުރަނީ އެވެ. މާލޭ އިމާރާތް ތައްވެސް ކުއްޔަށްދީ ޑޮލަރަށް ހަދާފަ ބޭރު ކުރަނީ ރާއްޖެ އިން ބޭރަށެވެ. ބޭފުޅުންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަތީފާ

02 October 2022

މައުލޫމާތު ދިނުމުގެ ބޭނުން ބުނެބަލަ؟ 1. އެއްކުރެވޭ މައުލޫމާތުން ސިޔާސަތު އެކުލަވާލަނީކީ ނޫން! މައުލޫމާތުގެ މައްޗައް ދިރާސާކުރެވޭނެ ގާބީލު މީހުން ތިބެމެ ބޭނުން ނުކޮށް ލޫކަސް ޖަލީލު، ތައްޔިބު، ސުމިތު، ޖެނީ، އަމުރުގެ ދެމަފިރިން ކަހަލަ އެކްޓިވިސްޓުން ލައިގެން ދައުލަތް ހިންގަނީ! ރާއްޖޭގެ ކަންކަން ބޮއްސުންލާފަ! 2. އެއްކުރާ 80% މައުލޫމާތަކީ މިހާރުވެސް ދައުލަތުގެ މުއައްސަސާ ތަކުގައި ފަސޭހަކަމާއި އެކު އެއްކޮށްލެވޭނެ މައުލޫމާތު! އެހެނަސް ވިސްނުމެއް ނެތް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރަބި

02 October 2022

މީ އިސްލާމީ ގައުމެއް. މިގައުމުގައި ބޯހިމަނާއިރު ފުރަތަމަ އަހަންޖެހޭނީ އަރަބި އަކުރުން ލިޔަންކިޔަން އެނގޭތޯ. އަރަބިބަސް އެނގޭތޯ. މިހާރު އަރަބިބަސް ކިޔަވާ މީހުންވެސް މަދެއް ނޫން. އެކަމަކު ފަރަންޖީވެގެން ގޮސް ކޮންމެ މީހަކު ގާތުން އަހަނީ އިނގިރޭސިބަސް އެނގޭތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިފޮނިޓައްޕު ކުމާރު

02 October 2022

މަށަަށް ހީވަނީ މިކަންވެސް ނިމިގެންދާނީ އިބިލީހުގެ ކައިވެންޏަށް ވެގެންދިޔަގޮތަށް ވެގެންހެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚަބަރުދަބަރު

02 October 2022

އަހަންނަށް ޚަބަރުދަބަރު ލިބޭ ގޮތުގައި ބައެއް ގޭގެޔަށް ދާއިރު އެ ގޭގޭގައި ތިބެނީ ކުޑަކުދިންނާއި މައުލޫމާތު ދޭން ނޭނގޭ ކުޑަކުދިން. މަޢުލޫމާތު ދެވޭވަރުގެ މީހުން ތިބޭނީ ބަންދުދުވަހެއްގައޭ ބުނީމާ ދާ ގޮތަށް ތިޔަ ބުނާ ބަޔެއްގެ ޚަބަރެއް ނުވޭ. ދެން ކިހިނެތް މަޢުލޫމާތު ދޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޔަ

02 October 2022

ތިހިރީ މާބޮޑައްވެސް ބޮލާ އެހެންތަންތަނާ އެކު ހިމެނިފަ ދެން ބުނޭ ރާއްޖޭގަ އަންްހެނުންނައްވުރެ ފިރިހެނުން 5% ގިނައޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޑަ ކަމަނަ

02 October 2022

1423 އަށް ގުޅީމަ މައުލޫމާތު ނަގަން އަންނާނަމޭ ކިޔާފަ އެކުދިންނަށް ނާދެވޭ. ސެންސަސް ސައިޓް ގަ ވޮލުންޓަރީ ކޮށް މައުލޫމާތު ދެވޭނެ ޕޯޓަލް އެއް ބަހައްޓަން ވީނުންތޯ، އަޅުގަޑު މައުލޫމާތު ހިއަސާކޮށްދޭނަން.