އަމީނީ މަގުގައި ހުންނަ ސްޓެލްކޯގެ މައި އޮފީސް އިމާރާތް: އެ ކުންފުނިން މިދިއަ ހުކުރު ދުވަހުން ފެށިގެން ވަނީ ފިއުލް ސާޗާޖު ބޮޑުކޮށްފައި
08 ޖެނުއަރީ 2017 - 12:36
27 comments
ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން ތެލުގެ ސާޗާޖުގެ ގޮތުގައި ނަގާ މިންވަރު ޔުނިޓަކަށް 27 ލާރިން 38 ލާރިއަށް ބޮޑުކޮށްފި އެވެ.
މިއީ އެ ކުންފުނިން އެއް މަސް ތެރޭގައި ފިއުލް ސާޗާޖު ބޮޑުކުރި ދެވަނަ ފަހަރެވެ. ސަރުކާރުން ކަރަންޓުގެ އަގަށް މިދިޔަ ފެބްރުއަރީ މަހު ބަދަލު ގެނައި ފަހުން، މިހާތަނަށް ހަތަރު ފަހަރެއްގެ މަތިން ތެލުގެ ސާޗާޖު، ކަރަންޓް ބިލުގައި ވަނީ ހިމަނައިފަ އެވެ. މިދިޔަ ސެޕްޓެމްބަރު 19 އިން ފެށިގެން ސާޗާޖުގެ ގޮތުގައި ޔުނިޓަކަށް ނަގަމުން އައީ ހަތަރު ލާރި އެވެ. ނޮވެމްބަރު 16 އިން ފެށިގެން ވަނީ ޔުނިޓަކަށް ނަގާ މިންވަރު 12 ލާރިއަށް ބޮޑުކޮށްފަ އެވެ. އޭގެ ފަހުން ޑިސެމްބަރު 9 ގައި ޔުނިޓަކަށް 27 ލާރި ހަމަޖެއްސި އެވެ.
ސަރުކާރުގެ ކަރަންޓް ކުންފުނީގެ ވެބްސައިޓްގައިވާ ގޮތުން މިދިޔަ ހުކުރު ދުވަހުގެ ފަހުން ތައްޔާރުކުރާ ބިލްތަކަށް، ތެލުގެ ސާޗާޖުގެ ގޮތުގައި ނަގާނީ، 11 ލާރި ބޮޑުކޮށް، ޔުނިޓަކަށް 38 ލާރި އެވެ.
ސްޓެލްކޯ އަށް ޑީސަލް ގަންނަން ލިބޭ އަގު ލީޓަރެއް 8ރ. އަށް ވުރެ ބޮޑުވާ ނަމަ އިތުރުވާ ކޮންމެ 10 ލާރިއަކަށް ތިން ލާރީގެ ފިއުލް ސާޗާޖު ނެގުމުގެ ހުއްދަ މޯލްޑިވްސް އެނާޖީ އޮތޯރިޓީން އޮންނަނީ ދީފަ އެވެ. އެ ކުންފުންޏަށް މިހާރު ޑީސަލް ލީޓަރެއް ގަންނަން ލިބެނީ 9.28ރ. އަށެވެ.
ސާޗާޖަށް އަލަށް ގެނައި ބަދަލަށް ބަލާ ނަމަ، މިހާރު 1،000ރ. އަރާ ބިލަކަށް ގާތްގަނޑަކަށް 250ރ. އިތުރުވާނެ އެވެ.
ސްޓެލްކޯގެ އޮފިޝަލަކު ވިދާޅުވީ ފިއުލް ސާޗާޖު މައްޗަށް ދަނީ އެ ކުންފުންޏަށް ޑީސަލް ގަންނަން ލިބޭ އަގު ބޮޑުވުމުން ކަމަށެވެ.
މިދިޔަ ޖެނުއަރީ މަހު އާއްމުން ބޭނުންކުރާ ކަރަންޓްގެ އަގުތަކަށް ގެނައި ބަދަލާ ގުޅިގެން ކަރަންޓް ބިލު ބޮޑުވާ ކަމުގެ ޝަކުވާ ގިނަ ބަޔަކު ކޮށްފައިވެ އެވެ. އަދި އޭގެ ފަހުން 500 ޔުނިޓުން ފެށިގެން ދަށުގެ ޔުނިޓްތަކުގެ އަގު ސަރުކާރުން ހެޔޮކުރި އެވެ. އެއާ އެކު ވެސް ކަރަންޓް ބިލު ބޮޑުވާތީ އެ ޓެރިފް ރޭޓްތަކަށް ބަދަލު ގެންނަން ނިންމާފައިވާ ކަމަށް މިދިއަ އަހަރުގެ ކުރީކޮޅު ރައީސް އަބްދުﷲ ޔާމީން ވިދާޅުވެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑީސަލް
09 January 2017
500 ޔުނިޓުން މަތި އަގުހެޔޮ ކޮޮށްބަލަ
ތަކުރު
08 January 2017
އޯކޭވާނެ! އޯކޭދިވެހިން!
އިޔެ
08 January 2017
އިންތިހާބަކުން މިދަތިހާލުން މިންޖުވާނެ ކަމަށް ދެކިގެން، އަދި ނަޝީދު، މައުމޫން ނުވަތަ ގާސިމު ފަހަތުން ދުވެގެން މަގޭ ދަރިންނަށް އުޖާލާ މުސްތަޤުބަލެއް ލިބޭނެކަމަށް ނުބަލަން. އިންޝާﷲ، މިތުރުންގެ ހިތަށް ދަތިކުރި ރޭތަށް އަލިގަދަ ފަތިހަކަށް ނިމޭނެ. އަނގުރު އަލިފާނުން ބަނޑުފުރާނަ މުއްތި ކުރުންވެސް ނިމޭނެ. ގައުމު އެދި ގޮވަނީ ހުސެން އާދަމް، ދޮންބަންޑާރައިން ނުވަތަ އަލިރަސްގެފާނު ފަދަ ބަތޮލަކަށް.
ޢަބްދުﷲނާފިޒު
08 January 2017
ކަރަންޓް ބިލު ބޮޑުވާތީ އެ ޓެރިފް ރޭޓްތަކަށް ބަދަލު ގެންނަން ނިންމާފައިވާ ކަމަށް މިދިއަ އަހަރުގެ ކުރީކޮޅު ރައީސް އަބްދުﷲ ޔާމީން ވިދާޅުވެފައިވެ އެވެ މިހާރު ތިއޮތީ ޓެރިފް ރޭޓަށް ބަދަލު ގެނެސްފަ، ޖީބަށް ބުރަވިއަސް ހެވެއްނު ބަދަލު ގެނެސްފިތާ، ދެއްތޮ.
ފަލަކު
08 January 2017
ދުނިޔޭގެ މާރުކޭޓްގައި ސާފުނުކުރާ ތެޔޮވެސް މިހާރު ދަނީ ފަތުއަޑުކިޔާފައި މައްޗަށް. އެހެންކަމުން ސާފުކުރި ތެޔޮ ލިބޭނީ އެއަށްވުރެވެސް އަގުބޮޑުކޮށް. ސްޓެލްކޯ އިން ލިޓަރަކުން 11 ލާރި މިފަހަރު އެބޮޑުކުރީ. އެނގޭކަމަކީ އަގުބޮޑުވަމުންދާއިރު ތެލަށް ބޭނުންވާ ފައިސާ ސްޓެލްކޯގެ އެކައުންޓަށް އިތުރުނުވާގޮތަށް ކަރަންޓްގެ ޚިދުމަތް ދެމެހެއްޓެނިވިގޮތެއްގައި ނުދެވޭނެކަން. ކަރަންޓް އަގުހެޔޮކުރަންޏާ ތެލުން ހިންގާ ޖެނެރޭޓަރތައް ޖެހޭނީ ހުއްޓާލަން. ނޫނީ އެއްގަޑިއިރަށް ކަރަންޓް ދީފާ އަނެއް ދެގަޑިއިރު ކަރަންޓާ ނުލާ އުޅެން. މިހާރު މާލޭގެ ގެތަށް ހެދިފައިވާގޮތުން ކަރަންޓާ ނުލައި އެންމެ މިނިޓަކުވެސް ފަރުޖައްސާލެވޭކަށް ނެތް. ސަރުކާރުން ކުރާ އެއްވެސް ކަމެއް ރަނގަޅުކަމަކަށް މިހާރަކު ނުވޭ. އަގުބޮޑެތި ރެސްޓޯރަންޓްތަކަށް އަރައި މޮޅުމެނޫއަށް ކާލައިގެން ބިލްކަނޑާލާފައި ސާވިސް ޗާޖްގެ ގޮތުގައި އެތައް ރުފިޔާއެއް ނުވަތަ ބާކީ ގެންނަ 4 ރުފިޔާގެ ކޮއިން ވެސް ވޭޓަރަށް ދޫކޮށްލާފައި ދާއިރު ޚިދުމަތެއް ދެމެހެއްޓުމަށް ނަގާ 11 ލާރިއާ ހެދި ތިވަރުން އުޅުމަކީ ދެރަކަމެއް. އަސްލު އަހުރެންނަށް ފެންނަގޮތަކަށް ހަދާނަމަ އަގުބޮޑުވާ ކޮންމެ 10 ލާރިއަކުން 8 ލާރި ނަގަން ބުނީމުސް. ސަރުކާރެއް ގެންނަނީ އެ ސަރުކާރެއްގެ މެނިފެސްޓޯ ބަލާފައި ރައްޔިތުންނަށް އެންމެ ފައިދާ ކުރާ މެނިފެސްޓޯއެއް ހުށަހަޅާފަރާތެއް. 2018 މި އޮތީ އަތްޖެހޭހާ ކައިރީގައި. ނުގަބޫލިއްޔާ ވޯޓް ނުއަޅާނީ. ވޯޓްވެސް ދީފައި އަނެއްކާ އެތިވަރު ގޮވުމަކީ އަމިއްލަ އަތުގައި ދަތްއެޅުން ކަހަލަ ކަމެއް.
އަހްމަދު
08 January 2017
ހަބޭސް ރައްޔިތުން ހެވިފައި، ސިޓިންރޫމުގައި ތިބެގެން އެއްބަޔަކު ޔާމިނަށް ބަވަނީ އަނެއްބަަޔަކު، ކިއާނެ އެއްޗެއްނެތިފައި
ލިބޭދިމޢނދެމުން
08 January 2017
މަޑުންތިބުމުގެ ފައިދާ ނަގަމުން މިދަނީ، ރައްޔިތުން މިކަން ނުހުއްޓުވާފިނަމަ މިކަމައް ހައްލެއް ނުލިބޭނެ. ޢަދިވެސް ވާނީ މަތި
އުފާކުރަން ޖެހޭ
08 January 2017
މުދަލާއި ޙިދުމަތްތަކުގެ އަގު ބޮޑު ކުރިޔަސް ސިޓިން ރޫމާ ކޮފީ ތަކުގަ އެކަނި ސަރުކާރަށް ފާޑު ކިޔާލާފަ ނޫސްތަކަށް ކޮމެންޓް ކުރަން އެނގޭ ބަޔަކަށް ހައްްގުވާ މިންވަރަކީ މިއީ. ކަލޭމެން ކަލޭމެންގެ ހާލަތު ބަދަލު ކުރާކަށް ބޭނުމެއް ނުވޭ. މިނޫން ދުވަހެއް ހޯދާކަށް ބޭނުމެއް ނުވޭ.
މެންޓަލިސްޓް
08 January 2017
ދެން ބޭރުދުނިޔޭގެ ސާފްނުކުރާ ތެޔޮފީފާއެއްގެ އަޑު 30 ޑޮލަރަށް އަރައިގެން ދިއައިރު ކީއްވެތޯ ސްޓެލްކޯއަށް ސާފްކުރި ތެޔޮލިބޭވަރު ދައްނުވީ ،، ،އެސްޓީއޯއިން ގަސްދުގައި ސްޓެލްކޯއަށް މާއަޑުބޮޑުކޮށް ތެޔޮވިއްކީތޯ ؟؟ މިކަން ރަގަޅަށް ރައްޔަތުންނަށް އެބަޖެހޭ ސާފްވާން ،، ސްޓެލްކޯއަކީވެސް ފައިދާ ވާންޖެހޭ ކުންފުންޏެށް ނަމަވެސް އެކަމުގައި ކޮންމެވެސް ހައްދެއް އޮންނަންވާނެ ،، ރައްޔަތުންވެސް ކަރަންޓާހެދި ފެލިހުސްވެގެން ނުވާނެ ،،، ވަރަށްވެދުން
ފަޤީރުކަލޯ!
08 January 2017
މަހަކު ހަތަރު ލާރިން ފަސްލާރިން ފަނަރަ ލާރިން ތިރީސް ލާރިން ބިޑުކުރަމުން އެގެންދަނީ މީހުންނަށް އޮޅުވައިލާންވެގެންނެވެ. އެމީހުން ބޭނުބްވާ އަދަދަކާހަމަވަންދެން އެގޮތަށް މަހަކު ލާރިކޮޅަކުން ކޮށްޓާލަ ކޮށްޓާލައި އެތިބެނީ މަކަރުވެރި ގޮތުގައި އެކަން ކުރަންވެވެންނެވެ.