ބޮޑު މުސާރައާއެކު، އެންޑީއޭގެ ސީއީއޯގެ މަގާމަށް ޑިމާންޑު ބޮޑުވެއްޖެ!

އެންޑީއޭ ހިންގާ އިމާރާތް.-- ފައިލް ފޮޓޯ: މިހާރު

އާސިމާ ނިޒާރު، މިހާރު

05 އޮކްޓޯބަރ 2022 - 14:31

ނޭޝަނަލް ޑްރަގް އެޖެންސީ (އެންޑީއޭ) ގެ ސީއީއޯ މަގާމުގެ މުސާރަ އާއި އިނާޔަތްތައް 12،500ރ. އިން 48،450ރ. އަށް ބޮޑުކޮށް، އެ މަގާމަށް މީހަކު ހޯދަން އިއުލާނުކުރުމުން 12 މީހަކު ކުރިމަތިލާފައިވާ ކަމަށް އެ އެޖެންސީ ހިންގާ ބޯޑުން މިއަދު ބުނެފި އެވެ.

ޗެއާމަން ޝަމާއު ޝަރީފު "މިހާރު" އަށް ވިދާޅުވީ އެންޑީއޭގެ ސީއީއޯގެ މުސާރަ ބޮޑުކުރުމުން އެ މަގާމަށް ޑިމާންޑު ބޮޑުވެފައިވާ ކަމަށެވެ.

އެ މަގާމަށް ކުރިމަތިލި މީހުންނާ އިންޓަވިއުކުރަމުން އަންނައިރު، ދޮޅު އަހަރަށް ފަހު މި މަހު އެ މަގާމަށް ބޭފުޅަކު އައްޔަން ކުރެވޭނެ ކަމަށް ޝަމާއު އުންމީދު ކުރައްވަ އެވެ.

މަސްތުވާތަކެއްޗާ ބެހޭ ގާނޫނުގެ ދަށުން އުފައްދާފައިވާ އެޖެންސީގެ ސީއީއޯގެ މުސާރައިގެ ގޮތުގައި މިހާތަނަށް ދެމުން އައީ މަހަކު 18،000ރ. އާއި 1،000ރ. ގެ ފޯނު އެލަވަންސް އަދި ލިވިން އެލަވަންސަށް 12،500ރ. އާ އެކު ޖުމްލަ 31،500ރ. އެވެ.

އެކަމަކު، މި ފަހަރު ސީއީއޯގެ މަގާމަށް އިއުލާނުކުރީ 48،450ރ. އަށް މުސާރަ ބޮޑުކުރުމަށް ފަހު އެވެ.

ސީއީއޯގެ މަގާމަށް އެންމެ ފަހުން މިދިޔަ އަހަރުގެ ޖެނުއަރީ 18 ގައި އައްޔަންކުރެއްވީ މުހައްމަދު ހަބީބެވެ. ނަމަވެސް، ޕްރޮބޭޝަންގެ މުއްދަތުގައި ކުރެއްވި މަސައްކަތުގެ އިވެލުއޭޝަނުން ރަނގަޅު ނަތީޖާއެއް ނެރެދެވިފައި ނުވާތީ ކަމަށް ބުނެ، މިދިޔަ އަހަރުގެ މޭ 16 ގައި ވަނީ އޭނާ މަގާމުން ވަކިކޮށްފަ އެވެ.

އޭގެ ފަހުން ވެސް އެ މަގާމަށް އިއުލާނުކުރި އެވެ. އެކަމަކު އެކަށީގެންވާ ތަރުހީބެއް ނުލިބުމުން، މުސާރަ ބޮޑުކޮށް އަލުން އިއުލާންކުރީ އެވެ.

ސީއީއޯގެ ޝަރުތުތަކުގެ ތެރޭގައި މާސްޓާސް ޑިގްރީ ނުވަތަ ކަމާ ގުޅުން ހުރި ދާއިރާއަކުން ޑިގްރީ ހާސިލްކޮށް، ލީޑަޝިޕްގައި ފަސް އަހަރު މަސައްކަތް ޕޮސތކުރުމުގެ ތަޖުރިބާ ނުވަތަ ހިންގުމުގެ ދާއިރާގައި 10 އަހަރު މަސައްކަތްކުރުމުގެ ތަޖުރިބާ ހުރުން ހިމެނެ އެވެ.

މަސްތުވާތަކެތީގެ ގާނޫނުގައިވާ ގޮތުން، އެންޑީއޭ ބޯޑުގެ މަސައްކަތަކީ އެކި ކަންކަމުގައި ލަފަ އާއި އިރުޝާދު ދިނުމެވެ. އެ ކަންކަމަށް ރިއާޔަތްކޮށް ތަން ހިންގުމުގައި އިސްކޮށް ހަރަކާތްތެރިި ވާނީ ސީއީއޯ އެވެ.

ނެޝަނަލް ޑްރަގް އޭޖެންސީ ހެލްތު މިނިސްޓްރީ މާލޭގެ ޑެޕިއުޓީ މޭޔަރު ޝަމާއު ޝަރީފް ސިޔާސީ މަގާމުތައް މަސްތުވާތަކެތި

11 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަގުމާތް ޖައުހަރު

06 October 2022

ނަމެއްގަ އާރެއް ބާރެއް ނެތް ގޮތުގަ ފިޔަފާޅިއެއްގެ ގޮތުގަ 40 އަކަށް އަހަރު ހިންގުމަށްފަހު ޑްރަގަކީ ލުނބޯ މިރުސް ވިއްކާހެން ޢާއްމު އެއްޗެއްގެ ގޮތުގަ ލިބި 48 ހާސް މުސާރަދޭ މަޤާމަކަށް ވެ ކަމުގެ ޑްރަގުގެ އަސަރު މުޖްތަމަޢުގަ ފޭސިގެންދާ މިންވަރު މި ފެންނަނީއެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޑާ

06 October 2022

ތިތާގެ ޗެއާމަން ތީ އެއްވެސް ކަމެއް ކުރަން ޖެހޭ މީހެއް ނޫން ދޯ؟ ހަމަ އެހެން ހުރެގެން ބޮޑުމުސާރަކައިގެން ހުރުން ކަމަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިތަކުރު

06 October 2022

މުސާރަ ކުޑަވެގެން ކުރިމަތިލާ މީހުން މަދުވިއްޔޭ ކިޔާފައި ކުރިންއޮތް މުސާރަ 4 ގުނަ ކުރަންޖެހޭބާވައެވެ. ކޮންމެ ބަޔަކުވެސް މިބަލަނީ ކެވުނުގޮތަކުން އަތުޖެހުނު އެއްޗެއްވިއްޔާ ކެވޭތޯއެވެ. ރަނގަޅަށްވިއްޔާ ތިކަމަށް ކުރިމަތިލާފައިތިބޭނީ ތިޔަ މިސާރަ ކަނޑައެޅުމަށް ނުފޫޒު ފޯރުވިމީހުންނެވެ. އެހެންނޫންނަމަ ދެގުނަ ނުވަތަ ކޮންމެސް ޕަސެންޓެއްވެސް މަތިކޮށްލެވުނީސްތާއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޗީ

05 October 2022

އެއްބަޔަކު މަސްތުވާތަކެތީގެ ވިޔަފާރިން ބޮޑެތި މަހުޖަނުންނަށްވެ ، މުޅި މުޖްތަމައު ފުނޑާލަނީ. މުޖްތަމައުގައި ހިނގާ 90% ކުށްތަކަކީ މަސްތުވާ ތަކެއްޗާއި ގުޅުންހުރި ކަންކަން. ސަރުކާރުން އެމީހުން ފަހަތުން ނުދެވެ މަސަތްކަތް މިކުރަނީ ޓެކްސް ލާރިން އެމީހުން ބަލިކުދިންނަށް ހަދައިގެން ފަރުވާއޭ ކިޔައިގެން ގޭސް އަނބުރާ ރަށްޔިތުންގެ ލާރި ބޭކާރު ކުރަނީ. ކިހާ ތާހީރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމަރޭ

05 October 2022

ތި ސީއީއޯގެ އިޚްލާސްތެރިކަމެއްނެތް ތިކަމުން ސާބިތުވަނީ ފައިސާއަށް އަޅުދޭސްވެފައިވާކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

06 October 2022

ވޯލްޑް ބޭންކުން ކަނޑަ އެޅި ލިވިންގ ވޭޖަކީ މަހަކު -/46،000 ރ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

48343

05 October 2022

މިކަން އެންމެ ހަރުކަށިޢިބާރާތުން ކުއްވެރިކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައުދު

05 October 2022

މުސާރައަށް އެޓްރެކްޓް ވެގެން އަންނަވަރުގެ ވަޒީފާއެއް ނޫންތީ. ވިސްނުމުގެ މައްޗަށް ބާރު ނުހިންގޭ ބައެއް ބަންދުގައި ބަހައްޓައިގެންނާ މުޖްތަމައަށް ދޫކޮށްލައިގެން ބެލެހެއްޓުމަކީ ވަރަށް ބޮޑު ޒިއްމާއެއްް. އެކަން އެނގިހުރެ 24 ގަޑި އިރު ވޯކް ކުރެވޭނެ ޝަވްޤުވެރިކަން ހުރި ވަރަށް މުރާލި މީހަކަަށް ތިކަން ކުރެވޭނީ. ޢާއިލާގެ ޒިއްމާތައް ނަގަމުން ވިޔަފާރި ހިންގަމުން ނުވިތާކަށް ރައްޓެހިންނާ އެކު ދެދަޅައަށް ކޮފީއަށް ދަމުން ތިކަމެއް ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ ޝަރީފް

05 October 2022

ސިޔާސީ މީހުންނާ އެމީހުންގެ ޢާއިލާގެ މީހުން ޅިޔަން ފަހަރިންނާ ކޮއްކޮމެންނާ ބޭބެމެން އެން.ޑީ.އޭގެ ސި.އީ.އޯގެ މަޤާމަށް ނަގައިގެން އެކަމުގެ ގެއްލުން މުޅި ޤައުމަށް ކުރިކަން ވަރަށް ސާފުކޮށް ފެންނަން މިއޮތީ. އެހެން ނަގާފައި ތިބި މީހުންގެ ތެރޭގައި ސަރުކާރުގެ ވަޒީފާ ތަކުގައި ފަރުވާ ކުޑަ ވެގެން ކަނޑާލާފައިވަަ އެބަތިބި.