އަނަސް: އޭނާ މަރާލި މައްސަލާގައި ދައުވާލިބުނު ކުޑަކުއްޖާގެ މައްޗަށް ކުށް ސާބިތުވާ ކަމަށް ހައިކޯޓުން ވަނީ ނިންމާފައި
11 އޮކްޓޯބަރ 2022 - 14:48
9 comments
ގްރޫޕަކުން ގޮސް ތޫނު އެއްޗެހިން ހަމަލާދީ މަރާލި މުހައްމަދު އަނަސްގެ މަރުގެ މައްސަލާގައި ކުށް ސާބިތުނުވެ، ސަލާމަތްވެފައިވާ ކުޑަކުއްޖާގެ މައްޗަށް ހައިކޯޓުން މިއަދު ކުށް ސާބިތުވެއްޖެ އެވެ.
ޖުލައި، 2017 ގައި ލިޓަސް ސާވިސް ސެންޓަރު ތެރޭގައި އަނަސްއަށް ހަމަލާދީ މަރާލި މައްސަލާގައި ޖުވެނައިލް ކޯޓުގައި ކުށް ސާބިތުނުވެ، ސަލާމަތްވީ އެ ހާދިސާ ހިނގިއިރު އުމުރުން 17 އަހަރުގެ ކުއްޖަކަށެވެ.
އޭނާއަށް މިހާރު 18 އަހަރު ފުރިފައި ވިޔަސް، ކުޑަކުދިންގެ ގޮތުގައި ތިބެ ކުށްކުރާ މީހުންގެ މައުލޫމާތު އާންމު ކުރުމަކީ ގާނޫނީ ގޮތުން މަނާ ކަމަކަށްވާތީ އޭނާގެ މައުލޫމާތު އޮތީ ސިއްރުކޮށްފަ އެވެ.
އޭނާ ސަލާމަތްވި މައްސަލަ ދައުލަތުން އިސްތިއުނާފް ކުރުމުން އޭނާގެ މައްޗަށް ކުށް ސާބިތުވާ ކަމަށް ހައިކޯޓުގެ ތިން ފަނޑިޔާރުންގެ އިއްތިފާގުން ކަނޑައެޅިޔަސް، އެ ހުކުމުގެ ތަފްސީލެއް އަދި ހާމައެއް ނުކުރެ އެވެ. އޭނާގެ މައްޗަށް އަދަބު ކަނޑައެޅުމުގެ މަރުހަލާ އޮންނާނީ ފަހުންނެވެ.
އެ މައްސަލާގެ ޝަރީއަތް ހައިކޯޓުން ކުރިއަށް ގެންދަނީ ސިއްރުކޮށްގެންނެވެ.
އަނަސްގެ ވާރިސުންގެ ބަސް މީގެކުރިން ހައިކޯޓުން ނެގިއިރު، އޭނާގެ ކިބައިން މަރަށް މަރު ހިފަން ބޭނުންވާ ކަމަށް ހުރިހާ ވާރިސުން ވެސް ބުނެފައިވެ އެވެ. އެކަމަކު ކުޑަކުދިންގެ އަދުލުގެ ގާނޫނު އޮންނަ ގޮތުން، ކުޑަކުއްޖެއްގެ ގޮތުގައި ހުރެ ކުރާ ކުށްތަކަށް މަރުގެ އަދަބެއް ނުދެވޭނެ އެވެ.
ޖުވެނައިލް ކޯޓުން އޭނާ ސަލާމަތްވީ ދައުލަތުގެ ހެކިންގެ ބަހުން، އަނަސްއަށް ހަމަލާދިން ބަޔަކު އެނގެން ނެތުމާއި އެ ހާދިސާ ހިނގިދުވަހު ދައުވާލިބޭ ކުއްޖާ އުޅުނީ އެހެން ބަޔަކާ އެކު ހުޅުމާލޭގައި ކަމަށް ދިފާއީ ހެކިން ބުނެފައިވާތީ އެކަންކަމަށް ރިއާޔަތްކޮށެވެ.
އަނަސްގެ މަރާ ގުޅިގެން އިތުރު ހަތް މީހެއްގެ މައްޗަށް ކްރިމިނަލް ކޯޓުގައި ދައުވާކޮށް، ޝަރީއަތް ދަނީ ހިނގަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުރުމަންޖެ
12 October 2022
ރާއްޖޭގެ ޤާނޫނުގައި ކުއްޖާ ކިތަންމެ ކުޑަޔަސް، އިސްލާމް ދީނުގައި ބާލިޣު ވުމަށްފަހު ބޮޑުމީހަކަށްވެދޭ. ކުޑަކުއްޖެއްކަމުގައި ވަންޏާ މިކަހަލަ ކަންކަން ގޭންގުތަކާ ގުޅިގެން ކުރެވިގެންވެސް ނުވާނެ އެންނު. ބުއްދިސަލާމަތުން ހުރެ ބާލިޣުވެފައިވާ ބޮޑު މީހެއްކަމުގައި އިސްލާމް ދީން ބަލާއިރު ކުޑަކުއްޖެކޭ ކިޔާ އަދަބު ނުދެވޭންވީ ސަބަބެއް ނެތް.
އަރީ ސަހީމް
12 October 2022
މިއަށްވުރެ ފާޅުކަން ބޮޑު އަނިޔާވެރިގޮތެއްގައި މަރާލި މީހަކަުނެތެވެ. އެއީ ރޯމާ ދުވާލު މާލޭގެ އެންމެ ކާރޫބާރުބޮޑު ވަގުތު ހަމަ ފާޅުގައި ދުވަގޮސް ގަރާޖެއްގެ ތެރެއަށްވަދެ ވަޅިތަކުން ކެމެރާތަކުގެ ކުރިމަތީގައެވެ. އެކަމަކުވެސް ސާބިތުކުރަން އުނދަގޫވަނީ ކީއްވެބާއެވެ. އަޖައިބެކެވެ. މިއޮތްފަދަ ތަރައްޤީ ޒަމާނުގައިވެސް މިކަންކަން އޮންނަ ހާލަކީ ހަމަ މީހެއްޔެވެ؟
ޙިނި
11 October 2022
5 އަހަރު ފަހުން މިފުރުނީ 18 އަހަރު. މީހުންގެ ހަމްދަރުދީ ހޯދަން
ޛަލު
11 October 2022
ޖަލުގައި ތިބި މީހުން ދޫކޮށް ލުމަށް ގޮވާލަން. ސާބިތު ނުވެދާނެ ތީވެ ޝަރީއަތް ނުހިންގައި ތިބުމަކީވެސް އަނިޔާ އެއްް.
ހާމިދު ޝާހިދު
11 October 2022
ޤާނޫނަކުން މިކަން ހަންޏެއް ނުކުރެވޭނެ. ކުޑަޔަސް ބާލިގްވާ އުމުރަކީ 15 އަހަރު (އިސްލާމްދީނުގައި) އެހެންވީމާ އަމުދުން އެކުއްޖާއަށް މިހާރު 23 އަހަރުން މައްޗަށް ގޮސްފައިވާއިރު އޭނާގެ ނަމާއި ވަނަވަރެއް ސިއްރެއް ނުކުރެވޭނެ. ސާބިތުވެ އަދަބު ކަނޑައަޅާ ހިސާބުން އެމަޢުލޫމާތު ހިއްސާ ކުރަންޖެހޭނެ. އެއީ، މުޖްތަމަޢުގެ ދެންތިބި މީހުންނަށް ރައްކަލެއްގެ ގޮތުގައާއި، އެމީހުންނަށް ފިލާވަޅެއް ދިނުމުގެގޮތުން ވެސް ހާމަކުރަންޖެހޭ. ކުޑަކުދިން ކުއްކުރުން މަދުކުރެވޭނީއޭރުން
އެކްސްޓަސީ
11 October 2022
މީހަކު މަރާލާފަ ހެވި ދިލިފަ އުޅެވޭ ގައުމަކައް މިގައުމު ވުމަކީ ހާދަ ފަޙްރު ވެރި ވާކަމަކޭ!
މުލޭ
11 October 2022
ދޮގު ހެކިދޭ މީހުންނަށް ދުނިޔެއާއި އާޚިރަތުގައި ވެސް ގެއްލުމާއި ހަލާކުހުރި.
ޖާބެ
11 October 2022
ރާއްޖޭގަ މަރުގެ ހުކުމުން ސަލާމަތްވެ މިނިވަންވެސްވޭ މިއީ އަޖައިބެއްފަދަކެއް
ސަސި
11 October 2022
ތިކަމުގަ އުޅޭ ބޮޑެތިމީހުން ކަންތައްވެސް އަވަހަށް ނިންމަން އުޅެެބަލަ. މާ ބޮޑަށްވެސް ލަސްކޮށް ތި އުޅެނީ