18 އޮކްޓޯބަރ 2022 - 10:02
އިޒްރޭލުން ފޭރިގަނެފައިވާ ފަލަސްތީނުގެ ބިންތަކުގެ ތެރެއިން ހުޅަނގު ގުދުސްއަކީ، އިޒްރޭލުގެ ވެރިރަށް ކަމަށް އޮސްޓްރޭލިޔާގެ ކުރީގެ ސަރުކާރުން ގަބޫލުކުރި ގަބޫލުކުރުން އެ ގައުމުން އަނބުރާ ގެންގޮސްފި އެވެ.
އޮސްޓްރޭލިޔާ ސަރުކާރުން ބުނި ގޮތުގައި ހުޅަނގު ގުދުސްއަކީ އިޒްރޭލުގެ ވެރިރަށް ކަމަށް އޮސްޓްރޭލިޔާ އިން މިހާރު ގަބޫލެއް ނުކުރެ އެވެ. އޮސްޓްރޭލިޔާގެ ކުރީގެ ބޮޑުވަޒީރު ސްކޮޓް މޮރިސަންގެ ސަރުކާރުން 2018 ވަނަ އަހަރު ނިންމި ނިންމުން އުވާލައި، މިހާރުގެ ސަރުކާރުން ބުނީ، ހުޅަނގު ގުދުސްގެ ހައިސިއްޔަތު ކަނޑައަޅަންޖެހޭނީ، އިޒްރޭލާއި ފަލަސްތީނާ ދެމެދު ގާއިމުކުރެވޭ ސުލްހައިގެ އެއްބަސްވުމެއްގެ ދަށުން ކަމަށެވެ.
"ހުޅަނގު ގުދުސްގެ މައްސަލައަކީ، އިޒްރޭލާއި ފަލަސްތީނު ރައްޔިތުންގެ މެދުގައި ގާއިމުކުރެވޭ ސުލްހައިގެ އެއްބަސްވުމެއްގެ ދަށުން ހައްލުކުރަންޖެހޭނެ މައްސަލައެއްގެ ގޮތުގައި އޮސްޓްރޭލިޔާ އިން ޒަމާނުއްސުރެ ދަމަހައްޓަމުން އަންނަ ސިޔާސަތު މިއަދު ވެސް އަލުން ކަށަވަރުކޮށްދެން،" އޮސްޓްރޭލިޔާގެ ޚާރިޖީ ވަޒީރު ޕެނީ ވޮންގް މިއަދު ނެރުއްވި ބަޔާނެއްގައި ވިދާޅުވެފައިވެ އެވެ.
އެ ބަޔާނުގައިވާ ގޮތުން ކުރީގެ ބޮޑުވަޒީރު ސްކޮޓް މޮރިސަންގެ ސަރުކާރުން ނިންމި ނިންމުން އުވައިލުމުން، އިޒްރޭލުގައި ހުންނަ އޮސްޓްރޭލިޔާގެ އެމްބަސީ ހުންނާނީ އިޒްރޭލުގެ ވެރިރަށް ތެލް އަބީބްގަ އެވެ. އަދި އޮސްޓްރޭލިޔާގެ ސިޔާސަތަކީ، އިޒްރޭލާއި ފަލަސްތީނާ ދެމެދުގައި ގާއިމުކުރާ ސުލްހައިގެ އެއްބަސްވުމެއްގެ ދަށުން އެކުލަވާލައި، ބައިނަލްއަގުވާމީ މުޖްތަމައުން ގަބޫލުކުރާ ސަރަހައްދީ އިންތަކަކާ އެކުގައި އުފެދޭ، އިޒްރޭލާއި ފަލަސްތީނުގެ މިނިވަން ދެ ދައުލަތް އޮތުން ކަމަށް ވެސް އެ ބަޔާނުގައިވެ އެވެ.
އެ ސިޔާސަތާ ޚިލާފަށް އެއްވެސް ބަޔަކު ހުށަހަޅާ ހުށަހެޅުމެއް އޮސްޓްރޭލިޔާ އިން ގަބޫލު ނުކުރާނެ ކަމަށް ވެސް، އެ ގައުމުގެ ޚާރިޖީ ވަޒީރު ވިދާޅުވި އެވެ.
އިޒްރޭލާއި ފަލަސްތީނާ ދެމެދު ސުލްހަ ގާއިމުކުރުމަށް ކުރިމަތިވެފައިވާ އެންމެ ބޮޑު ހުރަހަކީ ވެސް، ގުދުސްގެ މައްސަލަ އެވެ. ފަލަސްތީނުން ދެކޭ ގޮތުގައި އިރުމަތީ ގުދުސަކީ ފަލަސްތީނުގެ މިނިވަން ދައުލަތުގެ ވެރިރަށެވެ. އިޒްރޭލުން ދެކޭ ގޮތުގައި މުޅި ގުދުސަކީ އިޒްރޭލުގެ ވެރިރަށެވެ.
އިރުމަތީ ގުދުސަކީ 1967 ވަނަ އަހަރު އިޒްރޭލާއި އަރަބީންނާ ދެމެދު ކުރި ވަރުގަދަ ހަނގުރާމައިގައި އަރަބިން ބަލިކޮށް އިޒްރޭލުން ހިފައި އަޅުވެތިކޮށްފައިވާ ސަރަހައްދެކެވެ. އެ ސަރަހައްދުން އިޒްރޭލު ސިފައިން ބާލައި އެ ބިން ފަލަސްތީނާ ހަވާލުކުރުމަށް ގިނަ ގައުމުތަކަކުން ގޮވަމުން ދިޔަ ނަމަވެސް، އެމެރިކާގެ ތާއީދާއެކު އިޒްރޭލުން ގޮތް ދޫކުރާކަށް ބޭނުމެއް ނުވެ އެވެ.
ހުޅަނގު ގުދުސްއަކީ އިޒްރޭލުގެ ވެރިރަށް ކަމަށް އޮސްޓްރޭލިޔާ ސަރުކާރުން 2018 ވަނަ އަހަރު ގަބޫލުކުރީ، ގުދުސަކީ އިޒްރޭލުގެ ވެރިރަށް ކަމަށް، އެމެރިކާގެ ކުރީގެ ރައީސް ޑޮނަލްޑް ޓްރަމްޕުގެ ސަރުކާރުން ގަބޫލުކޮށް، އެމެރިކާގެ އެމްބަސީ ތެލް އަބީބުން އިރުމަތީ ގުދުސަށް ބަދަލުކުރުމާ ގުޅިގެންނެވެ.
އިޒްރޭލު ސަރުކާރުގެ އެ ނިންމުމާ ގުޅިގެން އެ ގައުމުގެ އޭރުގެ އިދިކޮޅު ލޭބާ ޕާޓީން ވަނީ އެކަން ކުށްވެރިކޮށް، ވެރިކަން ލިބިއްޖެ ނަމަ، އެ ނިންމުން ބާތިލުކުރާނެ ކަމަށް ބުނެފަ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ސަލީމު އިދުރީސް
19 October 2022
އިޒުރޭލު މީހުން ބުނަނީ ބާވާލެއްވި ފޮތްތަކުން އިޒުރޭލަކީ ދަރިފަސް ކޮޅެއްކަން އެގޭކަމާ އެއްންމެ ކުރީގަ އޮތްތައް ބިންތައް ބެހިއްޖެނަމަ މިހިސާބުގެ ބޮޑުގައުމަކީ އިޒުރޭލު ކަމައް އަދިބޫނޭ ފަލަސްތީނު ކިއާ ދަރިފަސް ކޮޅެއް އުޅުންކަން އެވެސް ފޮތަކުން ފެނައް ނެކަމައް!
ހާމަކޮށްލަން 1
19 October 2022
ބާވާލެއްވި ފޮތްތަކުގަ އޮތީ ބަނީ އިސްރާއީލުންގެ ވާހަކަ..ބަނީ އިސްރާއީލުންނޭ ކިޔަނީ ޔައުޤޫބުގެ ފާނުގެ 12 ދަރިކޮޅަށް ނިސްބަތްކޮށް..އެއީ ފަހަރެއްގަވެސް މިހާރު ފަލަސްތީނުގެ ބިން ފޭރިގެން އުޅޭ ހުޅަނގުން ހިޖުރަކުރި ޔަހޫދީންނެއް ނޫން. ޔަހޫދިއްޔާ މިކިޔަނީ މޫސާގެފާނަށް ބާވާލެއްވި ޝަރީއަތަށް..އެޝަރީއަތަށް ތަބާވި މީހުންނަށް މިކިޔަނީ ޔަހޫދީން..އެއީ ބަނީ އިސްރާއީލުންގެ ތެރެއިން މާފަހުން އައި ބައެއް..މޫސާގެފާނު ދިރިއުޅުއްވީ މިސްރުގަ..
hasan
18 October 2022
ބަލަ ، ކަލޭމެން ، ތީ ، މޫސާގެފާނު ގެ ފިރުއައުނު ޒަމާނުއްސުރެ ، މިބިމުން ބޭރުކޮއްލެވިފައި ވާ ބައިގަޑެއް ! އުޅޭނެ ، ނޫޅެނެ ތަނެއް ނެތި ނާޗާރު ވެގެން ދެވަނަ ބޮޑުހަގުރާމައިގެ ދުވަސްވަރު ހެދުނު ބެލްފޯ ޑިކްލެރޭޝަންގެ ދަށުން އިޒްރޭލް ކިޔާ ދައުލަތެއް ، އިގިރޭސީން އަޑީގަ ތިބެގެން އަލުން އުފެއްދި ބިންކާ ބައިގަޑު ތަކެއް ! ފޭވޭ ، ނޫނީ ފެއްސޭ !
ޢަލީ އެކުބަރު
18 October 2022
ކުރީގެ މީ އެމީހުންގެ ބިމެއްބާ
އިޒްރޭލް
19 October 2022
ތިމަން ސުވާމީންގެ ފިރްޢައުނު ކަނޑަށް ޣަރަޤްކުރައްވައި ކަންޢާންގެ ބިން އިޒްރޭލް ދަރިކޮޅަށް ވާރުތަކޮށް ދިނީމެވެ. (އިސްރާ 104، ޝުޢަރާ 59)
ހާމަކޮށްދެން
19 October 2022
@އިޒުރޭލް..އާޔަތްތަށް މުޅިން ރޯ ނުބައިކޮށް މާނަކޮށްގެން ތިލިޔަނީ..ފިރުއައުނާއި އޭނާގެ ލަޝްކަރު ޣަރަޤު ކުރެއްވި ވާހަކަ އަންނަނީ ސޫރަތުލް އިސްރާގެ103 ގަ..ސޫރަތުއްޝުޢަރާގެ 59 ގަ އޮންނަނީ ބިން ވާރުތަކޮށްދިން ވާހަކައެއް ނޫން..އެއާގުޅިގެން 57އަދި58 ގަ އެއޮތީ ވާރުތަކޮށްދިން ތަކެތީގެ ވާހަކަ..މިއާޔަތްތަކުގަ އެބުނަނީ ބަނީ އިސްރާއީލުގެ ދަރިކޮޅުގެ ވާހަކަ..ބިން ފޭރިގެން އުޅޭ އިޒުރޭލު މީހުންގެ ވާހަކައެއް ނޫން..
ބީރުބޮލު ވަޒީރު.
18 October 2022
ޝުކުރިއްޔާ އޮސްޓްރޭލިޔާގެ ސަރުކާރަށް. އިޒްރޭލަށް ލިބެންޖެހޭނީ ޢަރަބިންގެ އަތުން ބޮޑުއަގުގައި އެމީހުން ގަނެފައިވާ ބިންތައް އެކަނި. އެމީހުންގެ ދައުލަތެއް ފަލަސްތީނުގެ ބިމުގައި ގާއިމުކުރެވިގެން ނުވާނެ. އެމީހުން ގަނެފައިވާ ބިންތަކުގައި ފަލަސްތީނުގެ ދައުލަތުގެ ބެލުމުގެ ދަށުގައި ދިރިއުޅެވެންޖެހޭނެ. ހިފާފައިވާ ހުރިހާ ބިމަކުން އިޒްރޭލް ފައިބަންޖެހޭނެ.
ޢަހުމަދު އަކުބަރު
18 October 2022
ޢެންމެ ކުރީގަ މި ބިމުގެ އަހުލުވެރިންނަކީ ކޮން ބައެއްބާ
ޖުހާ.
18 October 2022
އަހުމަދު އަކުބަރު ހާދަ ޅައޭ. އެންމެ ފުރަތަމަވެސް އޭގެފަހުންވެސް މިހާރުވެސް ފަލަސްތީނުގެ ބިމުގައި އުޅެނީ އާދަމުގެ ދަރިން.
އަފްރާސިޔާބު
19 October 2022
އަހައްމަދަށް ވިސްނޭ ގޮތަށް ކިޔާދީފާނަން. އޮސްޓްރޭލިޔާ ކިޔާ ގައުމެއް އުފެދުނުއިރު އެ ގައުމުގައި މިހާރު އެތިބަ ދޮން މީހުންގެ ވަޒަންވެރިވުމުގެ ކުރީގައި ތިބީ އެބޯރިޖިއަނުންނޭ ކިޔާ ބައެއް. އެއީ އޭސިޔާގެ އިރުމަތީ ބިތުގެ ރައްޔިތުން. 1600 ވަނަ އަހަރުގެ ތެރޭގައި ޔޫރަޕުން އެތަނަށް ވެރިވެ އެތާ ރައްޔިތުން މަރަމުން ދަނިކޮށް އޭގެ ފަހުން އިނގިރޭސިން އެތަނަނަށް ގޮސް އެއިރު އޮތް ޔޫރަޕުގެ ބާރުގެ މައްޗަށް ގަދަވެގަނެ އޮސްޓްރޭލިޔާ އުފަން ކުރީ. މީ އިސްރާއީލުގެ މިސާލު
ރަދީފްއޮފިޝަލް
18 October 2022
މުޅި އިޒްރޭލް ވެސް އެއީ ޔަހޫދީންގެ ބިމެއް ނޫން.އެއީ އެމީހުން ފޭރނު ބިމެއް.ލަދު ކޮބާ؟؟ ވ.ވެދުން