ޔާމީން އަންނަ މަހު ދެކުނުގެ ތިން އަތޮޅަށް؛ ރިޔާސީ އިންތިހާބުގެ ކުރިން ހުރިހާ ރަށަކަށް ވަޑައިގަންނަވާނެ
ޔާމީން: އަންނަ މަހު އެމަނިކުފާނުގެ ދެކުނުގެ ތިން އަތޮޅަކަށް ވަޑައިގަތުމަށް ވަނީ ހަމަޖެހިފައި --- ފޮޓޯ/މިހާރު
22 އޮކްޓޯބަރ 2022 - 19:24
13 comments
ކުރީގެ ރައީސް އަބްދުﷲ ޔާމީން އަންނަ މަހު ދެކުނުގެ ތިން އަތޮޅަކަށް ވަޑައިގަންނަވާނެ ކަމަށާއި ރިޔާސީ އިންތިހާބުގެ ކުރިން، ރާއްޖޭގައި މީހުން ދިރިއުޅޭ ހުރިހާ ރަށަކަށް ވަޑައިގަންނަވާނެ ކަމަށް ޕީޕީއެމުން ބުނެފި އެވެ.
އަންނަ އަހަރުގެ ރިޔާސީ އިންތިޚާބުގެ ކެމްޕެއިންގައި ޔާމީން މިހާރު ގެންދަވަނީ ރާއްޖޭގެ އެކި ރަށްރަށަށް ދަތުރު ކުރައްވަމުންނެވެ. އަންނަ ހަފުތާގައި ނ. އަތޮޅަށް ޔާމީން ވަޑައިގަތުމަށް މިހާރު ވަނީ ހަމަޖެހިފަ އެވެ.
އިދިކޮޅު ޕީޕީއެމުން މިއަދު ބޭއްވި ނޫސްވެރިންގެ ބައްދަލުވުމުގައި އެ ޕާޓީގެ ސްޕޯކްސްޕާސަން ހީނާ ވަލީދު ވިދާޅުވީ އަންނަ މަހުގެ ކުރީކޮޅު އައްޑުއަށް ހަމަޖެހިފައިވާ ކަމަށާއި އަންނަ މަހު ފުވައްމުލަކާއި ގދ. އަތޮޅަށް ވެސް ޔާމީން ވަޑައިގަތުމަށް ހަމަޖެހިފައިވާ ކަމަށް އޭނާ ވިދާޅުވި އެވެ.
"ނޮވެމްބަރު މަހުގެ ތެރޭގައި އައްޑޫ ސިޓީއަށް އެ މަނިކުފާނު ވަޑައިގަތުމަށް ވަނީ ހަމަޖެހިފައި. އަދި ހަމަ ނޮވެމްބަރު މަސް ތެރޭގައި ގދ. އަދި ފުވައްމުލަކަށް ވަޑައިގަތުމަށް ދަތުރުތަކެއް ރޭވެމުންދާކަން ހަމަ ތި ބޭފުޅުންގެ މައުލޫމާތަށްޓަކައި ދަންނަވާލަން،" ހީނާ ވިދާޅުވި އެވެ.
ހީނާ ވިދާޅުވީ އަންނަ ރިޔާސީ އިންތިޚާބުގެ ކުރިން، މީހުން ދިރިއުޅޭ ހުރިހާ ރަށަކަށް ޔާމީން ވަޑައިގަންނަވާނެ ކަމަށެވެ. އެ ދަތުރުތަކުގެ ބޭނުމަކީ އިންތިޚާބަށް ތައްޔާރުވާން ކުރަންޖެހޭ މަސައްކަތްތައް ކުރުން ކަމަށާއި އަދި ވަރަށް ގިނަ ރަށްރަށަށް ޔާމީން ވަޑައިގަތުމަށް ދައުވަތު ލިބެމުން އަންނަ ކަމަށް ވިދާޅުވި އެވެ.
މިދިޔަ ހަފުތާގައި ޔާމީން ވަނީ ހއ. އަދި ހއ. އަތޮޅަށް ވަޑައިގެންފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
23 October 2022
ގައުމު ވިއްކާލާ، ގައުމުގެ އިގްތިސާދީ ސަރަހައްދުން ބައެއް ދޫކޮށްލަން ބޭނުންވާ ވެރިއަކަށްވުރެ ޔާމީންވެސް މާ ރަގަޅު
ސައީދާ
23 October 2022
ފޯޅަވައްސަށް ދިޔުމެއް ނެތްތަ؟ އެވެސް ރާއްޖެ ދޯ؟
1123
23 October 2022
ކުރިން ކީއްވެބާ ހުރިހާ ރަށަކައް ނުދިޔައީ؟؟
މ.އަތޮޅު
23 October 2022
މިއަތޮޅަށް އައިސްފަ ކޮމްބަތަރެއްގެ ކޮހެއްބާ މިފަހަރު ގޮވާނީ ބަލަންތިބެމާ
އިސްލާހުޖާޑި
23 October 2022
ރަށްރަށަށް ވަޑައިގަތަސް ނިމުނީއެއްނޫން , 500% އިތުބާރު ކުރި ކުދިން އަތުން ގައުމުގެ ބައިތުލްމާލަށްވީގޮތެއް ގިނަ ދިވެހިން ހަނދާނެއް ނުނެތޭ , ފަނޑިޔާރުގެ ފުރާޅު ނައްޓައިގެން އެންޓިޓޯޗާ ހިންގި ހަނދާންވެސް
މ.އަތޮޅު
23 October 2022
އަވަސް ކުރައްވާ މ.އަތޮޅުގަ ހާދަ ބައިވރު ޕުރޮޖެކުޓުތަކެއް އެބަހިނގައޭ ބައްލަވާ ލައްވަން ވާނެ އާރާބާރު މިވީހާތަނައް އަތުގަ އޮތްއިރު އަޅާނުލާއޮތްތަނެއް މ.އަތޮޅަކީ
ޚަބަރުހަދަނީ
22 October 2022
ކޮންމެވެސް ތަނަކަށް ދަނީއޭ ކިޔައިގެން ކޮންމެ ދުވަހަކު ނޫސް ކޮންފަރެންސް ބާއްވައި ބަޔާންނެރެ މިހަދަނީ ޚަބަރަށް އަރަންވެގެންދޯ. ދާތަނަކަށް ދިޔައިމަ ވީނު!
ޑަބްޑޫލް
23 October 2022
ކަލޯ އެއީ ރައީސެއް.އޭނަ ތަންތަނަށް ދިޔައީމަ ނޫސްތަކުގަ ލިޔާނެ.އެހެންނޭ ކިޔާފަ ކަލޭގެ ވާހަކައެއް ނުލިޔާނެ.
ބަކަމޫނު
24 October 2022
ބަލަ ތަނަކަށް ނުގޮސް ގޭގަ ތިބެގެނޭ ތިގޮވަނީ. ކަލޯ އެއީ ކުރީގެ ރައީސެއް. ކަލޭގެ ވާހަކަވެސް ނޫސްތަކުގައި ލިޔާވަރުން ބޮލަށް އުނދަގޫވޭ. މަޝްހޫރުކަމަށްވެސް ސަވާބު އިތުރުވާނެ ވިއްޔާ!
ޖަމާއީ
22 October 2022
ޔާމީނަކީ ތަރައްޤީގެ ބޮޑެތި މަޝްރޫޢުތަކަށް ހުރި މީހެއްކަމަށް ގިނަ ބަޔަކު ގަބޫލްކުރޭ އަދި އަންނަ އަހަރު ވެރިކަން ލިބިއްޖެ ނަމަ ރާއްޖޭގެ ތަރައްްޤީގައި ބޮޑެތި ބިޔަ ކަންތައް ތަކެއް ކުރައްވާނެ ކަމުގަ ރައްޔިތުންދެކޭ ކާމިޔާބުވުމަށް ސަބަބު މެދުވެރި ކުރުވާ އޮތް މަގަކީ އެއީ އެހްނނަމަވެސް ޔާމީނަކީ ކުރިން ވެރިކަން ކޮށްގެން އޭޝިޔާތެރޭގަ ހުރި މުއްސަނދި މީހަކަށް ވަނީ ވެފަ
ނިޔަމި
22 October 2022
ކޮސްފަށެއްގޮވާލާނެ.
ަޢަލީ
22 October 2022
ކުރިން ބުނިއެތި ކެންސަލް