15 ސެޕްޓެމްބަރ 2018 - 13:11
57 comments
އަންނަ ހަފުތާގެ އާދީއްތަދުވަހު ބާއްވާ ރިޔާސީ އިންތިޚާބުގެ ކެމްޕެއިނާ ދިމާކޮށް، ޕީޕީއެމްގެ ކެންޑިޑޭޓް އަދި ރައީސް އަބްދުﷲ ޔާމީން ރަށްރަށަށް ކުރެއްވި ދަތުރުފުޅުތައް ފުވައްމުލަކުން ރޭ ނިންމަވާލައްވައިފި އެވެ.
ރައީސް ޔާމީންގެ ރިޔާސީ ފުރަތަމަ ދައުރުގެ ކެމްޕެއިން ފެއްޓެވީ ވެސް އޭރުގެ ރަނިންމޭޓް އަދި އެމަނިކުފާނުގެ ސަރުކާރުގެ ފުރަތަމަ ނައިބު ރައީސް ޑރ. މުހައްމަދު ޖަމީލް އަހުމަދުގެ އުފަން ރަށް ފުވައްމުލަކުންނެވެ. އަދި ރިޔާސީ ދެވަނަ ދައުރުގެ ކެމްޕެއިނާ ދިމާކޮށް، ރައީސް ޔާމީން މި ފަހަރު ރަށްރަށަށް ކުރެއްވި ދަތުރުފުޅުގެ އެންމެ ފަހު މަންޒިލަކަށް ވެސް ހެއްދެވީ، މި ރިޔާސީ އިންތިޚާބުގައި ވާދަކުރައްވާ އިދިކޮޅު ރަނިންމޭޓް ފައިސަލް ނަސީމްގެ ވެސް އުފަން ރަށް ފުވައްމުލަކެވެ.
އެ ސިޓީގައި ރޭ ބޭއްވި ފޯރިގަދަ އަދި ވަރަށް ގިނަ ބަޔަކު ދިޔަ ޖަލްސާގައި ރައީސް ޔާމީން ވެސް ވަނީ އެކަން ފާހަގަކުރައްވައިފަ އެވެ.
ފުވައްމުލަކުގައި ރޭ ބޭއްވި ޖަލްސާގައި ރައީސް ޔާމީން ވާހަކަފުޅު ދައްކަވަނީ.---ފޮޓޯ: ރައީސް އޮފީސް
"އަޅުގަނޑުގެ ރިޔާސީ އިންތިޚާބުގެ މަސައްކަތް ފެށީ ފުވައްމުލަކުން. އަޅުގަނޑުގެ މި ދައުރުގެ މަސައްކަތާއި އާ މަސައްކަތަށް [ރިޔާސީ ދެވަނަ ދައުރުގެ ކެމްޕެއިން] ރަށްރަށަށް ކުރާ ދަތުރު މިހާރު މި އޮތް ވަރުން ވެއްޖިއްޔާ އަޅުގަނޑު މި ނިންމަނީ މި ރަށުގައި. އެހެންވީމާ، ޝައްކެއް ވެސް ފުވައްމުލަކަކީ އަޅުގަނޑަށް ޚާއްސަ ރަށެއް. އަޅުގަނޑުގެ ލޯބި ތިޔަބޭފުޅުންނާ އެކީ ހިމެނޭ ރަށެއް،" ރައީސް ޔާމީން ވިދާޅުވި އެވެ.
ރައީސް ވިދާޅުވީ 2013 ވަނަ އަހަރުގެ ރިޔާސީ އިންތިޚާބު އެމަނިކުފާނު ކާމިޔާބު ކުރެއްވުމަށް ފަހު، ރައްޔިތުންގެ މަޖިލީހުގެ ފުވައްމުލަކު ދާއިރާގެ ތިން ގޮނޑި އާއި މި ސަރުކާރުގެ ފުރަތަމަ ނައިބު ރައީސް [ޑރ. ޖަމީލް] އާއި ރައްޔިތުންގެ މަޖިލީހުގެ ރައީސް [އަބްދުﷲ މަސީހް] ފުވައްމުލަކުން "އަޅުގަނޑަށް ދެއްވި" ކަމަށެވެ.
ރައީސް ޔާމީން، ފުވައްމުލަކުގައި ރޭ ބޭއްވި ޖަލްސާއަށް ދިޔަ ބައެއް މީހުން.---ފޮޓޯ: ރައީސް އޮފީސްފު
"އެހެންވީމާ ފުވައްމުލަކުން އަޅުގަނޑަށް ލައްކަ ހަދިޔާ ކުރައްވައިފީމު ނޫންތޯ؟ އެއިން މި ދައްކައި ދެނީ ރައީސާއި ފުވައްމުލަކާ ދޭތެރޭގައި އޮތް ގާތްކަން. އެ ގާތްކަން އަޅުގަނޑަށް ފެނިގެން އައީ މިއަދު [ފުވައްމުލަކުން] އެއާޕޯޓުގައި އަޅުގަނޑުގެ އިސްތިގްބާލުގައި ތިޔަ ހުރިހާ ބޭފުޅުން ތިއްބެވި ތިއްބެވުން. އަޅުގަނޑަށް ދަލީލުވެ ފުދޭ ތިޔަބޭފުޅުންގެ އޮތް ލޯބި އަޅުގަނޑާ ދޭތެރޭގައި. އަޅުގަނޑަށް ވިދާޅުވި ހޫނު މަރުހަބާ އާއި ހޫނު އިސްތިގްބާލަށްޓަކައި ފަށްފަށުން ޝުކުރު ދަންނަވަން،" ރައީސް ވިދާޅުވި އެވެ.
އެމަނިކުފާނު ވިދާޅުވި ގޮތުގައި ފުވައްމުލަކުން ކިތަންމެ ބޮޑު އުފަލެއް ލިބިވަޑައިގަތަސް ހިތްދަތިކަން ވެސް އެބައޮތެވެ. ރައީސް ވިދާޅުވީ، ޑރ. ޖަމީލާއި ޕީޕީއެމްގެ މަޖިލީހުގެ ދެ މެމްބަރުން [އަލީ ޝާހާއި އަލީ ފަޒާދު] ވަކި ހިސާބަކުން "އޮޑިން ފުންމާލެއްވީ" ކަމަށެވެ.
"މި ފުންމައިލި މީހުންނާ އެކީ އަޅުގަނޑުމެންގެ ތެރެއިން 13، 14 މެމްބަރުން ގެއްލިގެން ދިޔައީ. ރައްޔިތުން ކައިރީ ކޯޗެއް ވިއްކައިގެން ތޯ އައީ؟ ރައްޔިތުން ކައިރީގައި ވިއްކީ ރައީސް ޔާމީންގެ 2013 ވަނަ އަހަރުގެ ތަސައްވުރު. ރައްޔިތުން ކައިރީގައި ވިއްކީ ރަށްރަށަށް ކޮށްދޭން ހުރި ކަންތައްތައްތައް. ރައްޔިތުން ކައިރީ އަޅުގަނޑުމެން ދެއްކީ ދުވަހަކު ވެސް އިސްލާމްދީނަށް ކުޑައީމީސް ވާ ކަމެއް މި ސަރުކާރުގައި، ރައީސް ޔާމީންގެ ސަރުކާރުގައި ދުވަހަކު ވެސް ނުހިނގާނެއޭ،" ރައީސް ޔާމީން ވިދާޅުވި އެވެ.
އެމަނިކުފާނު ވިދާޅުވީ، ޕީޕީއެމަށް އައިސްފައި އޮތް "އަނަރޫފަކަން" ފުވައްމުލަކުން އެކަނިވެސް އިހްސާސް ކުރައްވަން މަޖޫބުރު ކަމަށެވެ. އެހެންވެ، އާދަޔާ ޚިލާފު ހިތްވަރެއްގައި ފުވައްމުލަކުން މި ރިޔާސީ އިންތިޚާބުގައި އެމަނިކުފާނަށް މަސައްކަތް ކޮށްދިނުމަށް ހާލަތު ނިޔާކުރާ ކަމަށް ރައީސް ވިދާޅުވި އެވެ.
ރައީސް ޔާމީން ރޭ ވިދާޅުވީ، ފުވައްމުލަކުގެ ތަރައްގީ އަށް އެމަނިކުފާނުގެ ސަރުކާރުން މިހާތަނަށް 1.1 ބިލިއަން ރުފިޔާ ޚަރަދު ކޮށްފައިވާ ކަމަށާއި އަދިވެސް އެ ސިޓީގެ ތަރައްގީ އަށް ކަންކަން ކުރަން އޮތީ ކަމަށެވެ. އެކަމަކު މިދިޔަ ސަރުކާރުން ފުވައްމުލަކަށް ހޭދަކޮށްފައި ވަނީ އެންމެ 26 މިލިއަން ރުފިޔާ ކަމަށް އެމަނިކުފާނު ވިދާޅުވި އެވެ.
ރައީސް ޔާމީނަށް ފުވައްމުލަކުން ތާއީދުކުރާ ޒުވާނުންތަކަކާ އެކު އެމަނިކުފާނު ރޭ ފޮޓޯފުޅެއް ނަންގަވަނީ.---ފޮޓޯ: ރައީސް އޮފީސް
ރައީސް ފުވައްމުކަށް ކުރެއްވި ދަތުރުފުޅުގައި، އެ ރަށުގައި ހިންގި ތަރައްގީގެ މަޝްރޫއުތައް ނިންމުމުގެ ހަފުލާގެ އިތުރުން، ޕީޕީއެމާ އަލަށް ގުޅުނު ޒުވާނުންނާއި ކެމްޕެއިންގެ ކޯ ގުރޫޕަކާ ވަކިން ބައްދަލުކުރެއްވި އެވެ. ރައީސް ރޭ ވަނީ ފުވައްމުލަކުގެ ނަރުދަމާގެ ޚިދުމަތް ފައްޓަވައި ދެއްވައި، އެ ސިޓީގައި ގާއިމް ކޮށްފައިވާ ހައުސިންް ޔުނިޓް ތަކާއި ނޭޗާ ޕާކް ހުޅުއްވައި ދެއްވައިފަ އެވެ. އަދި ފުވައްމުލަކު ބަނދަރުގެ އެއްގަމުތޮށީގެ މަސައްކަތުގެ ނިމުން ފާހަގަކޮށްދެއްވި އެވެ.
ރައީސް ޔާމީންގެ ކެމްޕެއިންގައި ރަށްރަށަށް ކުރައްވާ ދަތުރުފުޅުތައް ފުވައްމުލަކާ ހިސާބުން ނިންމައިލެއްވި ނަމަވެސް، މާލެ ސަރަހައްދުގައި ކެމްޕެއިން ކުރިއަށް ގެންދަވާނެ ކަމަށް ބެލެވެ. އަދި އަންނަ ހޯމަ ދުވަހު މާލޭގައި ބޮޑު ޖަލްސާއެއް ބޭއްވުމަށް ޕީޕީއެމުން އަންނަނީ ތައްޔާރުވަމުންނެވެ.
ރައީސް ޔާމީނަށް ފުވައްމުލަކުން ތާއީދުކުރާ ބަޔަކާ ރޭ ވަކިން ބައްދަލުކުރައްވަނީ.---ފޮޓޯ: ރައީސް އޮފީސް
ރަށްރަށުގައި ސަރުކާރުން ކުރިއަށް ގެންދިޔަ ތަރައްގީގެ މަޝްރޫއުތަކުގެ ނިމުން ފާހަގަކުރުމާއި ރިޔާސީ އިންތިޚާބުގެ ކެމްޕެއިން ރައީސް ޔާމީން ގިނަ ރަށްރަށުގައި ކުރިއަށް ގެންދެވީ އެއްކޮށް ކަހަލަ ގޮތަކަށެވެ. ތަރައްގީގެ ބައެއް މަޝްރޫއުތަކުގެ ނިމުން ފާހަގަކުރެއްވުމަށް ފަހު، ޕީޕީއެމްގެ މެމްބަރުންނާއި އިންތިޚާބުގެ ކޯ ގުރޫޕްތަކާ ވަކިވަކިން ބައްދަލުކުރައްވައި އެމަނިކުފާނު މަޝްވަރާ ކުރައްވަ އެވެ. އަދި ބައެއް ރަށްރަށުގައި އާންމުކޮށް ރައްޔިތުންނާ ބައްދަލުކުރެއްވުމުގެ ބަދަލުގައި ކޯ ގުރޫޕްތަކާ އެކަނި ބައްދަލުކުރައްވައި ކެމްޕެއިނާ ގުޅޭ މައުލޫމާތު އޮޅުން ފިލުއްވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަބީބު
17 September 2018
ފުވައް މުލަކު ފަހުރަށަކައް ނިންމާނުލާ ހދ ކުޅުދުއްފުއްޓައްވެސް ވަޑައިންނަވާ ހަވާ އަރުވާފަ އެއާޕޯޓު ހުޅުވަން ނަމަވެސް ކުޅުދުއްފުށި ރައްޔިތުންވެސް ދެފަހަރަކައް އެއާޕޯޓަކައް އަގެއްނުދައްކާނެ އާވައުދެއް ނުވޭ ބާކީ 5 އަހަރު ދީފިނަމަ ދެންމިރާއްޖެ އަނބުރާ ނުފެންނާނެ ކުޑަމިނުން އިންޓްރަސްޓް ކުޑަލޯނެއްވެސް މިސަރުކާރަކުން ނުދޭ ގޯތި ނުހެދިފަ ކިތައްމީހުން މިތިބީ އިބޫއައް ވޯތުދޭން ޖެހޭ ސަބަބަކީ އެއީ އެލޯނު ފައިސާ ހޯދައިގެން ގޯތި ހަދައިގެން ފަތުރުވެރިން ގެނެސް
ފާތުމަތު / ހިތަދޫ ފުރަ ހިތަދު / އައްޑޫ ސިޓީ
15 September 2018
އަޅުގަނޑު މީ ރައީސު ޔާމިނުގެ ސަޕޯރޓަރެއް އަދި ވޯޓުވެސް ލާން ކުރީގައި ނިންމައިގެން ހުރީވެސް އެމަނިކުފާނަށް.. އަޅުގަނޑު މީ ރާއްޖޭގެ އެއްމެ ދެކުނުގެ ރަށަކަށް ނިސްބައްވާ ކުއްޖަކީމު.. ހާލަތު ދިމާވިގިތުން ރޭގައި އަޅުގަނޑައްވެސް ހުރެވުނީ ޅ. ހިންނަވަރުގައި، އަޅުގަނޑު ހަމަ ހައިރާންވެ އަންތަރީސް ކޮށްލި ހިންނަވަރުގެ ރައްޔަތުން ރޭގައި އެދެއްކެވި ވަރުގަދަ ހިތްވަރަށް.. ރޭގެ ޖަކަސާގައި ކޯލިޝަނުން ގޮސްތިބި 16 މީހުން ފިތަވައި މުޅީންވެސް ތިބީ ހިންނަވަރު މީހުން
މިފަހަރު ކުރިދަތުރު
15 September 2018
ފުވައްމުލަކު މެދު އަދި ފެން ހެޔޮ ރަށް މިފަހަރު ކުރި ދަތުރުގެ ސަބަބުން ހިތް ކުދި ކުދި ވެއްޖޭ، ހޮއްލަނީ ހޮޅިއޭ، ކިޔާނީ ވެޑެޔޭ، ހަދަނީ ދޮގޭ
ވަތުބަތާނަ
15 September 2018
ތީ ހުރިހާ ބާރެއްގެ ނަތީޖާ! ބާރު ދާން ފެށީމާ ތިނަޖީދަނީ އެކޮޅުކޮޅުން އަނެއް ކޮޅަށް ވެއްޓެމުން.
ދީބު
15 September 2018
ފުވައްމުލަކަށް ކޮށްދޭން ވީވަޢުދު ނުފުއްދާ އަދި ކުރިޔަށް އޮތް ދައުރަށް އެއްވެސް ކަމެއް ކޮށްދޭން ވަޢުދެއް ނުވޭ. ކަޑަދޯ.
އަލިފް
15 September 2018
ވޯޓަކީ މަޖްބޫރުން ހޯދޭނެ އެއްޗެއް ނޫނެވެ. އެކަމު ވަޒީފާގެ ބިރު ދައްކާ،މަޖްބޫރުކޮށްގެން ޖަލްސާއަށް ފޮނުވިދާނެއެވެ.
ސީނު
15 September 2018
14 މެންބަރުން ދާނީ ކަމެއްވީމާ ކަމަށް ފެންނަނީ މިސަރުކާރުން ހިންގީ ނަރުދަމާ އަދި 3 އަހަރު ވީއިރު ދަމާ ނުނިމޭ. ޢިބޫގެ ދަތުރަށް ބަލަމާ!
ލޯޔަރ
15 September 2018
އެއްކަލަ ލައިކް ކުރާ ކުދިންކޮޅަށް ހަވީރު ސައިިކޮލެއް ލިބިއްޖެކަން އެނގިއްޖެއެވެ. މިނިސޓަރުން އަންގައިގެން އެއްކަލަ ޓެބްލެޓު ތަކުން ލައިކް ކުރަން ބަނޑުފައިވަންދެން ހިފަހައްޓާލާށެވެ.
ޖަޖު
15 September 2018
ތިތާގަ ބަހާ ދިޔާ އެއްޗަކަށް ވުރެ އަހަރެމެންނަށް ސައިފޮދު މާ ރަނގަޅު.
ކެކެ
15 September 2018
މިއޮތް ސަޅި މެޗް ނުބަލާ މީގަކޮމެންޓް ކޮށްލަ ކޮށްލަ ތިއިންނަނީ ލޯޔަރު ވިސްނުންފުޅު އޯކޭތޯ؟
ތުނބުޅިސޖ
15 September 2018
ފުވައްމުލަކު ދަރިންނަށް ދެއްކި ދުއްތުރާ ޯޓުން ފެންނާނެ
ފުވައްމުލަކު ނަންއިވޭ
15 September 2018
އިންތިޚާބެއްގައި މީހަކު އަޅާނެ އެންމެބޮޑު ޅައެއްޗަކީ މުޠުލަޤަށް ދޮގުހެދުމެވެ. ފުވައްމުލަކާ އައްޑުއަތޮޅާ ހުވަދުއަތޮޅަށް މިވެނި ވަރެއް ޚަރަދު ކުރީމޭ ކިޔައިގެން ތިޔަ ހެއްދެވީ ހުސްދޮގެވެ. ޝައްކު އުފެދޭފަދަ ޢަދަދު ތަކުން އިންތިޚާބުގައި ވާހަކަ ދެއްކުމީ ވަރަށް ދަށު ދަރަޖައިގެ ކަމެކެވެ. ކުރި ކަންްތަކެއް ނުދެއްކެއެވެ. ފައިސާ ޚަރަދުކުރީ ކޮން ކަމަކަށް ކަމެއް ސާފުކޮށެއް ނުދެވުނެވެ. ޕްރޫފް ނުކުރެވެއްޏާ ސަޅިއެއް ނުވާނެއެވެ. ދެން ބެލެވޭނީ ވަރަށް ކަޑަ ކަމަށެވެ.