ހުރަވީ ބިލްޑިން ހުރި އިމާރާތުގައި ހަދާ ޕާކް: އެތަނުގައި 226 ސައިކަލު ޕާކް ކުރެވޭ ޕާކިން ޒޯނެއް ވަނީ ހަދައިފައި -- ފޮޓޯ: ފަޔާޒް މޫސާ | މިހާރު
27 އޮކްޓޯބަރ 2022 - 13:25
13 comments
ހުރަވީ ބިލްޑިންގް ހުރި ބިމުގައި ހަދަމުން އަންނަ ޕާކުގައި 226 ސައިކަލުގެ ޕާކިން ޒޯނެއް ހަދައިފި އެވެ.
ޕްލޭނިން މިނިސްޓްރީން ހަދަމުން އަންނަ އެ ޕާކުގެ މަސައްކަތުގެ ބޮޑު ބައެއް މިހާރު ވަނީ ނިމިފަ އެވެ. އެ ޕާކު ހަދަނީ ވެހިކަލް ޕާކް ކުރެވޭނެ ބޮޑު ގާޖައަކާ އެކު ފޫހިފިލުވައިލަން ގޮސް އިށީނދެލައިގެން ތިބެވޭނެ ތަންތަން ވެސް ހުންނާނެ ގޮތަށެވެ. ހުކުރު މިސްކިތާއި ހުރަވީ ބިލްޑިންގާ ދެމެދުގައި އޮންނަ މަގަށް ވަނީ ދޮންވެލި ލައިފަ އެވެ.
ހުރަވީ ބިލްޑިން ހުރި އިމާރާތުގައި ހަދާ ޕާކް: އެތަނުގައި ގަސް އިންދުމުގެ މަސައްކަތް ކުރަނީ -- ފޮޓޯ: ފަޔާޒް މޫސާ | މިހާރު
އެނގިފައިވާ ގޮތުގައި އަންނަ މަހު އެ ޕާކު ހުޅުވާނެ އެވެ. އެކަމަކު ސީދާ ތާރީހެއް އަދި ނޭނގެ އެވެ.
މާލޭގެ މޭޔަރު ޑރ. މުހައްމަދު މުއިއްޒު މިއަދު ކުރެއްވި ޓުވީޓެއްގައި ވިދާޅުވީ ހުރަވީ ބިލްޑިންގް ހުރި ބިމުގައި ސައިކަލް ޕާކިން ޒޯން ކުރަހައިދިނުމުގެ މަސައްކަތް މާލޭ ސިޓީ ކައުންސިލުން މިއަދު ފަށާފައިވާ ކަމަށެވެ.
ހުރަވީ ބިލްޑިން ހުރި އިމާރާތުގައި ހަދާ ޕާކް: އެތަނުގައި 226 ސައިކަލު ޕާކް ކުރެވޭ ޕާކިން ޒޯނެއް ވަނީ ހަދައިފައި -- ފޮޓޯ: ފަޔާޒް މޫސާ | މިހާރު
"ޖުމްލަ 226 ސައިކަލު ޕާކް ކުރެވޭނެ،" މޭޔަރު ވިދާޅުވި އެވެ.
އެ ޕާކު ހެދުމުގެ މަސައްކަތް ފެށީ މިދިޔަ އޮގަސްޓް މަހު އެވެ.
ހުރަވީ ބިލްޑިން ހުރި އިމާރާތުގައި ހަދާ ޕާކު ހެދުމުގެ މަސައްކަތް ކުރަނީ -- ފޮޓޯ: ފަޔާޒް މޫސާ | މިހާރު
މީގެ 35 އަހަރު ކުރިން އިމާރާތްކުރި ހުރަވީ ބިލްޑިންގުގައި މި ފަހަކާ ޖެހެންދެން ވެސް ސަރުކާރުގެ ބައެއް އޮފީސްތައް ހިންގި އެވެ. އެކަމަކު އެ އިމާރާތް ވަރަށް ބޮޑަށް ބާވެފައި ވާތީ އެ ތަނުގައި މީގެ ކުރިން ހިންގި އޮފީސްތައް އެހެން ތަންތަނަށް ބަދަލުކުރުމަށް ފަހު އިމާރާތް ހުސްކުރީ އެވެ.
ހުރަވީ ބިލްޑިންގްގައި ހިންގި ސަރުކާރުގެ ބައެއް އޮފީސްތައް ހުޅުމާލޭގައި ހަދަފާއިވާ ސަރުކާރުގެ އޮފީސް އިމާރާތަށް އަންނަ ޑިސެމްބަރު މަހު ބަދަލުކުރަން ވެސް ނިންމާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
28 October 2022
މާލޭގަ ހުރިހާ އޮފީހެއް ހުރުން އެއީ ލާޒިމްކަމެއް ތޯ! މިސާލަކަށް ފެނަކަ އޮފީސް މާލޭގައި ހުންނަންޖެހެނީ ކީއްވެބާ! މި އޮފީސްތައް އެކިއެކި ރަށްތަކަށް ބަހައިގެން ދައުލަތަށް ޚަރަދުކުޑަކުރެވި އެހެން ރަށްތަކަށްވެސް މީހުން ބަދަލުވާން ބާރަކަށް ވާނެ. މިސާލަކަށް އަމާން ހިޔާތައް އެހެން އަތޮޅުތަކަށް ބަދަލުކުރުމުގެ ސަބަބުން ހުރިހާ ގޮތަކުންވެސް ރަގަޅު
އޮފީސް
29 October 2022
މިޒަމާނަކީ އޮފީސް ގިނަ ކުރާ ޒަމާނެއް ނޫން. މޯބައިލްގެ ޒަމާންް. ކޮންމެހެން އޮފީހެއް ނެތަސް ޚިދުމަތް ދެވޭނެ. އޮފީސްތަކާއި މުވައްޒަފުން ދައުލަތުން މަދުކޮށްގެން ނޫނީ ޤައުމަށް ކުރިއެރުމެއް ނެތް.
އަހަމަދުފުތާފޭދޫ
28 October 2022
ތިޔާ ބަނގްލަދޭޝް ބޭކަލުންނައް އާމްދަނީ ހޯދަން ކޮށާދެވޭ މަގުތައް ހުސް. އެބައިމީހުން ސައިކަލު ދޮވެ ސާފުކޮއް ހަދައިގެން އެއްވެސް ހުރަހެއް ނެތި މިގައުމުގަ އެބަ އުލެވޭ ވީއްޔާ އާމްދަނީ ހޯދާކައް އެބައިމީހުނަކައް މަނާ އެއްވެސް ކަމެއް ނޯވޭ މި ރާއްޖޭކު. ނިކަން ދެކެން ތިބެމާ ބައިސްކަލު ގަރާޖު ތަކުން އެތަން ފުރާލާނެ. ދިވެއްސަކު މިކަމުގަވެސް އުޅެފިއްޔާ ފަހާލާނެ.
ބަސް
28 October 2022
ބަންގާޅު ފިނި މައިޒާން...
ފަހުދު
27 October 2022
ދެންއަންނަ ވެރިކަމެއްގައި މޑޕ ރޮންގާލި ފައްޗައް ރައީސްއޮފީސް ކުރިމައްޗައް އެއްވެ މުޒާހަރާ ކުރެވޭނެ މަގު ފަހިކޮއްދިނީ
އިސްމާއީލް ރަޔާން
27 October 2022
އަނެއްކާ ވެސް ބަންގްލާ މީހުންނަށް ފިނި މައިޒާނެއް ތައްޔާރު ވަނީ އޮތަ؟ ހެޔޮ ނުވާނެ ހީނާމާގޭ ގަ ހެން ބަންގްލާ އިން ކޮންޓްރޯލް ކުރާ ތަނަކަށް ތިތަން ހެދިޔަ ނުދީ. ތަންތިހިރީ ރައީސް އޮފީސް ބިއްދޮށާ ސިފައިންގެ ބުޑުގަ ކޮންމެ ވެސް ހައްދެއް އޮތްނަން ވެއްޖެ މިހިރަ ކަންކަމުގަ. މަޖީދީ މަގު ހީނާމާގެ ހިސާބުން ވެސް މަގު ހި ގަން އުނދަގޫ މުޅި ހިސާބާ އެތާކާރީ މިސްކިތް ވެސް އެވެރީން ޙިސޯރު ކޮށްފަ.
ފަޓަން
27 October 2022
ތީރަގަޅުކަމެއް ނަމަނަމަ މުއީޒަށް ތިބިން ނުދޭތި ވަގުތުން ވިއްކަންފަށާނެ
ޖބކޖވ
27 October 2022
މާލޭގަ ހުރި ހުރިހާ ސަރުކާރު އޮފީހެއް ވީ ތިޔަ ހުޅުމާލެއަށް ބަދަލުކުރަން. ބަދަލުކޮށްގެންވެސް މިތާ މިއޮތް ތޮށްޖެހުމަށް ލުޔެއްލިބޭތޯ ބަލަން.
ނުލިބޭނެ
29 October 2022
ތޮއްޖެހުން ކުޑަކުރަން ޚަރަދު ކުޑަކުރަން ބޭނުމިއްޔާ އޮފީސްތަކުން މުވައްޒަފުން މަދުކޮށްފައި އޮންލައިންކޮށް ޚިދުމަތް ދެވޭނެ މަގުތައް އިތުރުކުރަންވީ.
ސުމޭމާ
27 October 2022
ތިޔަ މަގައް ދޮންވެލިލާ ތިހިސާބު ބުޅާތަކަށް ފާހާނާބަރިއެއް ހެދުމުގެ ބަދަލުގައި އެމަގުގައިވެސް ޕާކިން ޒޯނެއް ހެދުން އެދެނީ މިހާރުވެސް މިއުޅެނީ ޕާކިން ނުލިބިގެން
2022
27 October 2022
ޢަސްލު މާލެ ސަރަހައްދުގެ އިމާރާތްތަކުގެ ބިލްޑިންގ ކޯޑް ބަދަލުކޮށް އަންޑަގްރައުންޑްގަ ޕާކިންޒޯން ހަދަންވީ.... ބޮއިހަލަކި
ބިލްޑިންގ ކޯޑު
29 October 2022
ތިޔަ ބުނާ ކޯޑެއް އޮންނާނެ. ރާއްޖޭގައި ލޮލަށް ނުފެންނަ މީހުން ގިނަ ކަމުން ކޯޑުގައި ލިޔެފައި އޮތް އެއްޗެއް ނުފެންނާނެ.
ސިމްޕަލް
27 October 2022
ޕްލޭނިން މިނިސްޓްރީން ޕާކް ހަދާފަ މިޖެހެނީ، ސައިކަލް ޕާކިން ޒޯން ކުރަހައިދިނުމުގެ މަސައްކަތް ކުރަން މާލޭ ސިޓީ ކައުންސިލަށް ދަންނަވަން. މަރުހޫމް ޢުމަރު ޒާހިރުގެ ދުވަސްވަރުނަމަ، ތިޔަތަނުގައި ޕާކުހަދާ، ގާ އަތުރާ، ޕާކިން ޒޯން ކުރަހާ ހުރިހާ ކަމެއް 10ވަރަކަށް މީހުންގެ ޓީމަކުން 30އަކަށް ދުވަހުގެ ތެރޭގައި ނިންމާނެ ކަމަށް ލަފާކުރެވޭ.