ޓޫރިސްޓުން ރާއްޖެ އައި އަދަަދު މިދިޔަ އަހަރުގެ ޖުމްލަ އަދަދަށް ވުރެ އިތުރުވެ، މި އަހަރުގެ އަމާޒާ ގާތަށް! ---ފޮޓޯ: ފަޔާޒް މޫސާ | މިހާރު
29 އޮކްޓޯބަރ 2022 - 06:37
13 comments
މި އަހަރުގެ މިހާތަނަށް ރާއްޖެ އައި ޓޫރިސްޓުންގެ އަދަދު މިދިޔަ އަހަރުގެ ޖުމްލަ އަދަދަށް ވުރެ އިތުރުވެ، މި އަހަރު ނިމޭއިރު ރާއްޖެ ގެނައުމަށް ސަރުކާރުން އަމާޒުކޮށްފައިވާ އަދަދާ ގާތަށް ޖެހިލައިފި އެވެ.
މިދިޔަ އަހަރު 1.3 މިލިއަން ޓޫރިސްޓުން ރާއްޖެ އައިސްފައިވެ އެވެ. ޓޫރިޒަމް މިނިސްޓްރީން އާންމުކުކޮށްްފައިވާ ތަފާސް ހިސާބުތަކުގައިވާ ގޮތުން މި އަދަދު ވަނީ މިދިޔަ ބުދަ ދުވަހުގެ ނިޔަލަށް ހަމަވެފަ އެވެ.
ސަރުކާރުގެ އަމާޒަކީ މި އަހަރު ނިމޭ އިރު ރާއްޖެ އަށް 1.6 މިލިއަން ޓޫރިސްޓުން ގެނައުމެވެ. ތަފާސް ހިސާބުތަކަށް ބަލާއިރު، މި އަހަރު ނިމުމުގެ ކުރިން އެ އަދަދަށް ވާސިލްވާނެ ކަމަށް މިނިސްޓްރީން ލަަފާކުރެ އެވެ.
ސީޒަނާ ދިމާކޮށް ރާއްޖެ އަންނަ ޓޫރިސްޓުންގެ އަދަދު އަންނަނީ ދުވަހެއް ދުވަހަކަށް އިތުރު ވަމުންނެވެ. މި މަސް ތެރޭ އެވްރެޖްކޮށް ކޮންމެ ދުވަހަކު 5000 ޓޫރިސްޓުން ވަނީ ރާއްޖެ އައިސްފަ އެވެ.
އެންމެ ގިނައިން ޓޫރިސްޓުން އައިސްފައި ވަނީ އިންޑިއާއިންނެވެ. މިދިޔަ ބުދަ ދުވަހުގެ ނިޔަލަށް އެ ގައުމުން ވަނީ 186،388 ޓޫރިސްޓުން ރާއްޖެ އައިސްފަ އެވެ.
ދެވަނަ އަށް އެންމެ ގިނައިން ޓޫރިސްޓުން އައިސްފައިވަނީ ރަޝިއާއިންނެވެ. އެ ގައުމުން 159،657 ޓޫރިސްޓުން އައިސްފައިވެ އެވެ. ލިސްޓުގެ ތިން ވަނާގައި 144،566 ޓޫރިސްޓުންނާ އެކު އޮތީ އިނގިރޭސިވިލާތެވެ.
ޓޫރިޒަމް މިނިސްޓަރު ޑރ. އަބްދުﷲ މައުސޫމް އިއްޔެ ކުރެއްވި ޓުވީޓެއްގައި ވަނީ ބުރާސްފަތި ދުވަހުގެ ނިޔަލަށް ޓޫރިސްޓުން ރާއްޖެ އައި އަދަދު، މިދިޔަ އަހަރުގެ ޖުމްލަ އަދަދު ފަހަނައަޅައި ގޮސްފައިވާ ކަމަށް ވިދާޅުވެފަ އެވެ.
މި ނަތީޖާއާ އެކު މިނިސްޓަރު ވަނީ ޓޫރިޒަމް ދާއިރާގައި މަސައްކަތް ކުރާ މުވައްޒަފުންނާއި، އިންވެސްޓަރުންނާއި، އެހެނިހެން ސްޓޭކްހޯލްޑަރުންގެ އިތުރުން ރާއްޖޭގެ ރައްޔިތުންނަށް މަރުހަބާ ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ެއެބޮލި
29 October 2022
އެކަމަކު މާލިއްޔާއަށް ވަންނަ ޑޮލަރެއް އިތުރެއްނުވޭ. ތި ޓޫރިސްޓުން އައިސްގެން މި ރާއްޖެއަށް ވަންނަ ޑޮލަރުތަކުން މާލިއްޔާ އަށާއި މި ގައުމުގެ ބޭންކިން ނިޒާމުގެ ތެރޭގައި ދައުރުވާ އަދަދު އިތުރުވެގެން ނޫނީ އަހަރެމެންނަށް އުފާވެެރިކަމެއްނެތެވެ.
ބޮޑުމީހާ
29 October 2022
1.6 މިލިއަން ޓޫރިސްޓުން، މީހަކު 2000 ޑޮލަރު ރާއްޖޭގައި މަދުވެގެން ހޭދަކުރިޔަސް އެއީ 3.2 ބިލިއަން ޑޮލަރު ނުވަތަ 48 ބިލިއަން ދިވެހި ރުފިޔާ. މިހުރިހާ ފައިސާތަކަށް ވާގޮތަކީ ކޮބާ! ހުރިހާ ކަމެއް މެނޭޖްކުރަނީ ބޮޑެތި ލޯނުތައް ނަގައިގެން
އަނގަބޮޑުމީހާ
30 October 2022
އެފައިސާ ދާނީ އޯނަރުންނަށް. ސަރުކާރަށް ލިބޭނީ ހަމައެކަނި ޓެކްސް ދެއްތޯ؟
ކަކުނިބޯ
29 October 2022
ދައުލަތް ހައެއްކަމީހުންއަތުގާ. ޓޫރިޒަމް ޕްރޮމޯޓްކުރުން ދައުލަތަށް ޓާގެޓަށް މީހުންގެނައުން ދައުލަތަށް 2500ޑޮލަރ އަށް ރޫމެއްވިއްކާ ބޭރުޤަުމަކަށް ފައިސާތަށް ކަހަނީ ރެއަކަށް 250ޑޮލަރގެ ރޭޓުން ޓީޖިއެސް ދައްކަނީ ދައުލަތަށް ލިބޭއާމްދަނީގެ ބޮޑުބައި ލިބެނީ ޓޫރިޒަމްއުންނޮ އެކަމު އޭގެން ބޮޑުހަރަދުކުަރަނީ މީމިހުންގެ ވިޔަފަރި ޕްރޮމޯޓްކުރަން
އުފާ
29 October 2022
ތިޔަ ކަމުގެ ހަގީގީ އުފާ އޮތީ ދިވެހި ހައެއްކަ އަށެއްކަ މަހުޖަނަކަށާއި ބޭރުގެ ކުންފުނިތަކަށް. ދިވެހިރައްޔިތުންނަށް ތިކަމުގެ އެއްވެސް އުފަލެއް ނެތް. ރިޒޯޓެއްގެ ހިއްސާއެއް ގަންނާކަށް ލިބެން ނެތް. ލިބޭހައި ފައިސާއެއް ދާނީ މިމީހުންގެ ޖީބަށް. ދައުލަތަށް ވެސް ލިބޭނީ މަކަރު ހަދާފައި ދެއްކި އެއްޗެއް. ސަރވިސްޗާޖަށް މަކަރު ހަދާއިރު ދައުލަތަށް އެއްޗެއް ދައްކަންވީމާ ހަދާ މަކަރުތައް މާގިނަވާނެ.
ކޮރަލް
29 October 2022
ޓޫރިސްޓުން އަންނަ ވަރު ގިނަ ވާ ވަރަކަށް ރައްޔިތުން ނަށް ފައިދާ ވުމަށް ވުރެ ބޮޑަށް އޭގެ ގެއްލުންދަނީ ފެންނަ މުންނެވެ. ޓީޖީއެސްޓީ އަދި ޖީއެސްޓީ ބޮޑުވަނީ އެވެ. ދެން ތަކެތީގެ އަގު ބޮޑުވެ ޑޮލަރު ގެ އަގު ވެސް ބޮޑު ވާނެ އެވެ. ޓޫރިޒަމް ރަނަގަޅުވެ ޓުރިސްޓުން އަންނަ ވަރު ގިނަ ވާ ވަރަކަށް ރައްޔިތުންނަށް އޭގެ ސީދާ ފައިދާ ނުފެންނަ ސަބަބު ބަލާލަން ޖެހެ އެވެ. ޑޮަލރު ތައް އެބަ ގެއްލެ އެވެ. ނޫނީ ބަޔަކު ވަގަށް ބޭރު ކުރަނީ އެވެ.
ކައުންޓް
29 October 2022
އެރައިވަލް ގިނަކުރާނެ މޮޅު ގޮތެއް ބުނެދީފާނަން. އެންމެ ގިންވެގެން 3 ރޭ ތިބެވޭގޮތައް ހެދީމަ. އޭރުން ކައުންޓް އިތުރުވާނެ.
އެމްސް
29 October 2022
99% މީހުނަށް ތިވަރުވެސް ގެޓެއް ނުވާނެ! ފިނޭންސް މިނިސްޓަރާއި، އިކޮނޮމިކް މިނިސްޓަރާއި، ޓުއަރިޒަމް މިނިސްޓަރާއި، ރައީސް ވެސް އެ %99 ތެރޭގަ ހިމެނޭނެ!
ބްލަޑް
29 October 2022
1.6 މިލިއަނަށް އެރިޔަސް އެއްވެސް އުފަލެއް ނެތް! ފިނޭންސް މިނިސްޓަރ ވިދާޅުވީ ޖީ. އެސް. ޓީ. ބޮޑު ނުކުރަންޏާ ނަތީޖާ ހިތިވާނެ ކަމަށް!!!! އަޅެ މިޔައްވުރެ ރީތި ބަހުރުވައިން ރައްޔިތުން ކާރީގަ ބުނަން އެގެންޖެހޭ. މަހެއް ނޫނީ ދެމަހެއް ކުރިން ހަމަ ތި މިނިސްޓަރު ބުނި ރާއްޖެއަކީ ކޮވިޑް ޕެންޑަމިކަށްފަހު އެކޮނޮމީ އެންމެ ރަނގަޅައް ކުރިއަރަމުން އަންނަ ޤައުމެއް ކަމަށް. އަނެއްކާ މިނިސްޓަރުގެ ހަނދާންފުޅު މައްސަލައެއް ހުރޭތޯ؟
އެމްސް
29 October 2022
ޓޫރިސްޓް އެރައިވަލް ކިތަންމެ މިލިއަނަކަށް އެރިކަމުގާ ވިޔަސް، ޓުއަރިޒްގެ ބޮޑު ފައިދާ ކުރަނީ ދިވެހިންގެ ތެރެއިން ވަރަށް މަދު ރަޢިއްޔަތަކަށް! ޓުއަރިޒަމްގެވެސް ގިނަ ވަޒީފާތައް ޚާއްސަކުރަނީ ބިދޭސީންނަށްކަމުން ކަންކަން އަދި އިތުރަށް ގޯސްވޭ!
ޙުނި
29 October 2022
ޑޮލަރ ހުރީ 18 ގައި. ޢިކޮނޮމީ ނޭނގޭ މީހަކު ވެރިކަމުގައި ހުރީމާ ކިތަށްމެ ޑޮލަރ ލިބުނަަސް ވާނެ ކަމެއް ހަރާމުން ހަރާމް
އެމްސް
29 October 2022
މަދުބަޔެއްގެ އަތްމަތީ މުޅި ޓުއަރިޒަމް އޮންނަ އޮތުމީ ޑޮލަރުގެ ރޭޓަށްވެސް އެބަޔަކު ހަދާނެ އެއްޗެއް ހަދަން ދެވޭ ފުރުސަތެއް! ވަޒީފާއެއްގެ ގޮތުގަ، ރިސޯޓުވެރިންގެ ޑޮލަރު ބްލެކްމާކެޓަށް ނެރެދޭ ބަޔަކުވެސް އެބައުޅޭ! އެމްޑީޕީގެ ފުރަތަމަ ދައުރުން ފެށިގެން ޑޮލަރުކުޅި ފެށިއްޖެ! އޭގެފަހުން އައި ހުރިހާ ވެރިކަމެއްގަވެސް އެކަން ދިޔައީ ތަރައްޤީވަމުން! ކިރިޔާވެސް ބޮޑީވޯންކެމެރާއަކާއި އެކު މާލޭގަ ހުންނަ އެކްސްޗޭންޖް ތަނަކަށް ވަދެލިޔަސް ޑޮލަރުކުޅީގެ ބަޔަކު އަތުވާނެ!
ށަވިޔަނި
29 October 2022
ވެރިކަމުގައި ހުންނަމީހާ އިކޮނޮމިސްޓަކަށް ވާކަށް ނުޖެހޭ. ތިގޮތަށް ބަލަންޏާ ވެރިކަމުގަ ހުންނަމީހާއަކީ ހުރިހާކަމެއް ދަންނަ މީހަކަށްވާންޖެހޭ. އެމީހާ ވާންޖެހެނީ ހިންގުންތެރި އެކިއެކި ދާއިރާތަކުގެ ތަޖުރިބާލިބިފައިވާ މީހުންގެ އަޑުއަހާ މީހަކަށް. މިހާރު ބެލެނީ އެންމެކަމަކަށް.