އުރީދޫގެ "ފަން ރަން" ގައި ބައިވެރިވުމުފެ ފުރުސަތު ހުޅުވާލައިފި

ހުޅުމާލެ: ނޮވެމްބަރު 30، 2019- އުރީދޫން މި އަހަރު ބޭއްވި ފޯރިގަދަ ކަލަ ރަންގެ ބައިވެރިން ގަޔަށް ކުލަ ޕޮއިންޓަކުން ކުލަޖަހަނީ: އާންމުންގެ ބޮޑު ތަރުހީބެއް ލިބުނު މި އަހަރުގެ މި ހަރަކާތުގައި 5،000 ވުރެ ގިނަ މީހުން ބައިވެރިވި ކަމަށް އުރީދޫން ބުނޭ.---ފޮޓޯތައް: އުރީދޫ

އައިޝަތު ޖަޒްލީ، މިހާރު

03 ނޮވެމްބަރ 2022 - 10:42

3 comments

އުރީދޫން މި މަހުގެ 25 ގައި ބާއްވާ ފޯރިގަދަ މެރަތަން "ފަން ރަން" ގައި ރަޖިސްޓަރީ ކުރުމުގެ ފުރުސަތު ހުޅުވާލައިފި އެވެ.

އެއީ ކުރިން ބާއްވަމުން އައި "އުރީދޫ ކަލަރަން" ގެ ނަން ބަދަލުކޮށް، އިތުރު ބަދަލުތަކަކާއެކު ބާއްވާ ފުރަތަމަ ދުވުމެވެ.

މި ފަހަރުގެ މެރަތަންގައި އުމުރުން ހަ އަހަރުން މަތީގެ ކޮންމެ މީހަކަށް ވެސް ބައިވެރިވެވޭނެ އެވެ. ގިނަ ހަރަކާތްތަކަކާ އެކު ބާއްވާ އެ މެރަތަންގައި އުރީދޫގެ އީ ކޮމާސް ޕްލެޓްފޯމު މެދުވެރިކޮށް މި މަހުގެ 15 ގެ ނިޔަލަށް ރަޖިސްޓަރީ ވެވޭނެ އެވެ.

Marathons

މި ލިންކުން "ފަން ރަން"އަށް ރަޖިސްޓްރީ ކުރެވޭނެ.

"ފަން ރަން" އަކީ އަލަށް ދުވާ މީހުންނަށް ވެސް ބައިވެރިވެވޭނެ ފަސް ކިލޯމީޓަރުގެ ކުރު ދުވުމެކެވެ. އެ ރަންގެ ކިޓުތައް ވިއްކަނީ ދެ ކެޓަގަރީއަކަށް ބަހާލައިގެންނެވެ.

އެއީ ފަން ރަން ޓީޝާޓާއި ރިސްޓްބޭންޑް ހިމެނޭ 100ރ. އަށް ވިއްކާ ސްޓޭންޑަޑް ކިޓާއި ފަން ރަން ޓީޝާޓަކާއި ރިސްޓްބޭންޑު އަދި ފޮތި ދަބަހެއްގެ އިތުރުން އައިނާއި ބަންޑެނާ ހިމެނޭ 200ރ. ގެ ފަން ކިޓެވެ.

✨Register now to the biggest, the most Happiest 5K Run in the Maldives - #OoredooFunRun 🤩

✨Get your kits now via https://t.co/JvZVisTXmB and have it delivered right to your doorstep.

✨Registration closes on 15th Nov, so grab your slots NOW! pic.twitter.com/KMtPahkc4b
— Ooredoo Maldives (@OoredooMaldives) November 2, 2022

އެ ރަންއާ ގުޅޭ ގޮތުން އުރީދޫއިން ކުރި ޓުވީޓެއް.

އުރީދޫން ބުނިގޮތުގައި "ފަން ރަން" ގެ އަމާޒަކީ، ދުޅަހެޔޮ ދިރިއުޅުމަކަށް، ދުވުމަކީ މަޖާ އަދި އުފާވެރިކަން ގެނެސްދޭނެ ހަރަކާތެއްކަން އަންގައިދިނުމެވެ. އެ ދުވުމުގެ ކޮންމެ ކިލޯމީޓަރެއް ނިމުމުން، ސްޓޭޝަންތަކުގައި، ކުލަގައިގެ އިތުރުން ފެން އަދި މަޖާ ހަރަކާތްތަކެއް ކުރިއަށް ގެންދާނެ ކަމަށް ވެސް ބުންޏެވެ.

އެއީ ވަކި ވަގުތެއްގައި ނިންމަން ޖެހޭ ރޭހަކަށް ނުވާތީ، ހިނގާފަ އާއި ދުވަމުން ނުވަތަ ނަށަމުން ވެސް ދުވުން ނިންމި ދާނެ އެވެ.