އެމްޕީއެލްގެ ސީއީއޯ ޖުނައިދު: އެމްޕީއެލްޗއަށް ބާ ދޯންޏެއް ގަތް ކަމަށް ބުނާ ވާހަކަތައް އޭނާ ދޮގުކުރައްވާ.---މިހާރު ފައިލް ފޮޓޯ
10 ޖެނުއަރީ 2017 - 16:00
45 comments
މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ބޮޑު އަގުގައި ބާ ދޯންޏެއް ގަތް ކަމަށް ބުނެ އެންޓި ކޮރަޕްޝަން ކޮމިޝަން (އޭސީސީ) އަށް މައްސަލަ ހުށަހެޅިޔަސް އެއީ ބާ ދޯންޏެއް ނޫން ކަމަށް އެ ކުންފުނިން މިއަދު ބުނެފި އެވެ.
އެމްޕީއެލް އިން ފަސް މިލިއަން ރުފިޔާ އަށް 40 ފޫޓުގެ ބާ ދޯންޏެއް ގަތް ކަމަށް ބުނެ އޭސީސީ އަށް އަމިއްލަ މީހަކު ވަނީ މައްސަލަ ހުށަހަޅައިފަ އެވެ. އެ މައްސަލަ އޭސީސީން ބަލަމުން އަންނަ ކަން އެ ކޮމިޝަނުން ވަނީ ކަށަވަރުކޮށްދީފަ އެވެ.
މި މައްސަލާގައި އެމްޕީއެލްގެ ސީއީއޯ މުހައްމަދު ޖުނައިދު "މިހާރު" އަށް ވިދާޅުވީ އެއީ ބާ ދޯންޏެއް ނޫން ކަމަށާއި އެހާ ބޮޑު އަގެއްގައި ބާ ދޯންޏެއް ބަޔަކު ގަންނާނެ ކަމަށް ބުއްދި ގަބޫލު ނުކުރާނެ ކަމަށެވެ. ދޮގު ތުހުމަތުތައް ކޮށްގެން މައްސަލަ ހުށަހަޅަނީ އެމްޕީއެލްގެ ކަންކަމަށް ނުފޫޒު ފޯރުވަން މަސައްކަތް ކުރާ ބަޔަކު ކަމަށް ވެސް ޖުނައިދު ވިދާޅުވި އެވެ.
"އެމްޕީއެލްގެ ކަންކަމަށް އަތް ބާނަން އުޅޭ ދެތިން މީހަކު ކުރާ ކަމެއް މިއީ،" ޖުނައިދު ވިދާޅުވި އެވެ.
ބާ ދޯންޏެއް އެމްޕީއެލް އިން ގަތް ކަމަށް ބުނެ ސޯޝަލް މީޑިއާގައި ފޮޓޯ ދައުރުވަމުންދާ ދޯނީގެ ފޮޓޯއެއް
އޭނާ ވިދާޅުވީ އެމްޕީއެލް އަށް ގަތީ ވެސް 40 ފޫޓުގެ ދޯންޏެއް ނޫން ކަމަށެވެ.
"އަޅުގަނޑުމެން ގަތީ ވެސް 60 ފޫޓުގެ ދޯންޏެއް. ތިއީ މުޅިން ދޮގު ވާހަކަތަކެއް،" ޖުނައިދު ވިދާޅުވި އެވެ.
އޭނާ ވިދާޅުވި ގޮތުގައި އެ މައްސަލާގައި އޭސީސީން ބޭނުންވާ މައުލޫމާތުތައް އެ ކޮމިޝަނަށް ވަނީ ދީފަ އެވެ.
އެމްޕީއެލް އަށް ގަތް ބާ ދޯނި ކަމަށް ބުނާ ދޯނީގެ ފޮޓޯތައް ވެސް ސޯޝަލް މީޑީއާގައި ދަނީ ދައުރު ކުރަމުންނެވެ. ފޮޓޯތަކުން ފެންނަ ގޮތުގައި އެއީ ވަރަށް ބޮޑަށް ބާވެ، ހަލާކުވެފައިވާ ދޯންޏެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްލާ އަލީ
11 January 2017
މިކަހަލަ ދޯންޏެއް އެއް ޒަމާނަކު މީހަކު ވިއްކާލި އޭރުގެ އަގު ހުރިގޮތުން އެއްލައްކަ އިންޖީނު އަޅަން ކޮޅުކަނޑާފަ ހުރި ބާދޯންޏެއް.ދޯނި ގަތް ފަރާތުން ދޯނި ގަނެފާ އެދޯނި އެހިލީ މީހުން ދިރިނޫޅޭ މީހުން ތިބޭރަށަކަށް މިދޯނި އެހިލާ މަރާމާތު ކުރުމަށް ޖެހުނީ ދޯނީގެ ބަޑުފިލާގެ ހުރިހާ ވަކަރުތަކާ އެތރޭގެ ހުރިހާ ސާމާނެއް ބަދަލުވީ ބުނެވޭނީ ގަތް ދޯނި ގަތްއިރު ހުރި އެއްވެސް ލަކުޑިކޮޅެއް ނެތޭ މަރާމާތު ކޮށް ނިމުނުއިރު . މިއީ ލޮލުން ދެކެ އަތުން ހިފި ހަގީގީ ހާދިސާ އެއް.
މާލިމީ
10 January 2017
ތިދޯނި ގަންނަން ޖެހެނީ އަސްލު 7 މިލިޔަނަށް. ވީމާ ވިއްކި މީހާ އަށް އަދި 2 މިލިޔަން ދޭން ފެނޭ. އަނެއްކޮޅުން ތިދޯނިން ވާނެ ފައިދާ ނުވިސްނޭ ބަޔަކު އަރުވާ އަޑަކަށްވާނީ.
ސިފާނު
10 January 2017
އެމްޕީއެލް އަށް ގަތް ދޯނދޯނީގައި ބާރއެއް ނުހިންނނުހުންނާނެ ކޮރެޕްޟަން އޭޖެންސީ މޮޔަގޮވަނު
ކުރިއަށް
10 January 2017
ޖުނޭދު ތިޔކޮށަނީ ރައީސް ގެ ހަލާކު ގެ މަގު
ޕުރަބާކަރަން
10 January 2017
ތިޔަދޯއްޏަކީ މީގެކުރިން އެތަށް އަހަރުތަކެއްވަންދެން އެމްތީސީސީގަ ފެރީއެއްގެގޮތުގަދޯއްޏެއް. ތިދޯނި މާލެވިލިނގިލި ޓާމިނަލަށް ކައިރިކުރަންޢުޅުމުގެތެރޭ ވިއްސާރަދުވަހެއްގަ އިންޖީނުހުއްޓި ފެރީޓާމިނަލް ކުރިމަތިންއޮތް ތޮށިގަނޑަށްލައްވެ ފޫގޮސްގެންވެސް މަރާމާތުކުރި ހެޔޮނުވާނެ 60 ފޫޓުގެ ބާވެފައޮތް ލަކުޑި ދޯއްޏެއް ފަސްމިލިޔަން ދިވެހިރުފިޔާއަށް ގަންނަން 90 ފޫޓް ފައިބަރދޯނިވެސް ތިއަގަށްލިބޭނެ . އެމްޕީއެލް އަކީ ސަރުކާރުގެ ކުންފުނިތަކުގެތެރެއިން ރައްޔަތުންގެ އަތުން ނަހަމަގޮތުގަ ފައިސާނަގާ އެފައިސާ ނަހަމަގޮތުގަބޭނުންކޮށް އެފައިސާއަށް ޚިޔާނާތްތެރިވާތަނެއް ފާއިތުވި 5 އަހަރަށް ނަޒަރުހިންގާލާއިރު 70 މިލިޔަން އޭގެފަހުން 180މިލިޔަން އަދި ޓަގެއް ބަންނަން 13މިލިޔަން އެފައިސާ ނުދެއްކި ޖުރިމަނާ 140މިލިޔަން އެމައްސަލާގަ ވަކާލާތުކުރި ވަކީލަށް ދޭއްޕޮއިންޓް ނުވައެއް މިލިޔަން މިހާރު ފޫގޮއްސައޮތް ބާލަކުޑިދޯނިގަނޑެއް 5މިލިޔަން މިތަނުގެ ސީއީއޯ އަދިވެސް ހަމަހެވިފަ ޓީވީތަކަށައި ނޫސްތަކަށްއަރާ ދިފާޢުގަ މަރުފަލިޖަހަމުންދާތަންފެންނަނީ މީއަރަތެއްތަ
މަންމަނު
10 January 2017
ކެރެންޏާ ދޯނިބަން މާވަޑިޔާގެ ސެޓްފިކެޓާއި ފުރަތަމަ ހެދި ރަޖިސްޓަރީ އާންމުކޮށްލާ ދީބަލަ
ކޮލޮމްބޯ
10 January 2017
ޑިފެންސަށް ކުޅެކުޅެ ތިއްބާ އެހެރެގެންދަނީ ގޯލަކަށްފަހު ގޯލެއް ވަންނަމުންނެވެ. ދިވެހިރާއްޖޭގެ ތާރީޚުން ކޮރަޕްޝަނުން ރަންވަނައެއް މި ސަރުކާރުން ހޯއްދަވާނެއެވެ. މަރްހަބާ!
ފީފަންހާ
10 January 2017
އޯހް.. ތީދޯ ލިޓްލް ސިންގަރޕޯގަ ދޯނި ގަންނަ ގޮތް.. އެއްބައި އަތަށް އަނެއްބައި ކަނޑަށް..
ބީތާ
10 January 2017
ތިދޯނީގެ އިންޖީނު ވެސް ނުލިބޭނެ 5 މިލިޔަނަކަށް ދޯ ޖުނައިދޫ.........
ޖުނޭދު
10 January 2017
އަޅެ ފަހެ ނޫސްވެރިންގެ ލޮލަށް މިތިބެނީ ލޮނުމިރުސް އެޅިފަތަ.. ބަލާބަލަ ކިހާ އައުދޯންްްޏެއް.. މިވަރުވެސް ތިދޯންޏަށް ކުޑައީ.. ދިވެހިންނަށް ވިސްނޭނީ ތަންކޮޅެއް ފަހުން...