އޮބާމާގެ ކަރުނައިގެ ތައުރީފް މިޝެލް އަށް

ވަދާއީ ތަގުރީރުގައި އަނބިކަނބަލުން މިޝެލް އަށް ތައުރީފްކުރެއްވި އިރު އޮބާމާ ކީރިތިކުރައްވަނީ

އާސިޔަތު މުހައްމަދު ސައީދު، މިހާރު

11 ޖެނުއަރީ 2017 - 11:30

ބަރަކް އޮބާމާގެ ވަދާއީ ތަގުރީރުގައި މުހިއްމު އެތައް ކަމަކަށް އަލިއަޅުވާލެއްވި އިރު ވަކިން އަސަރުގަދަ ވަގުތުކޮޅެއް ވަނީ ފާހަގަވެފަ އެވެ. އަނބިކަނބަލުން މިޝެލް އޮބާމާ އަށް ކުރެއްވި ޝުކުރުން ފުރިގެންވާ ތައުރީފެވެ.

އެމެރިކާގެ ރައީސްކަމުން ވަކިވެވަޑައިގަތުމުގެ ކުރިން ދެއްވި ފަހު ތަގުރީރުގައި އަނބިކަނބަލުންނާ މުޚާތަބުކުރައްވައި އޮބާމާ ވިދާޅުވީ އޭނާ އާއި މުޅި ގައުމު ވެސް މިޝެލްއާ މެދު ފަޚުރުވެރިވާ ކަމަށެވެ.

"މިޝެލް ތިއީ ވޭތުވެދިޔަ 25 އަހަރު ތެރޭގައި އަހަރެންގެ އަންހެނުން އަދި އަހަރެންގެ ކުދިންގެ މަންމަގެ އިތުރުން އަހަރެންގެ އެންމެ ގާތް އެކުވެރިޔާ،" ތަގުރީރުގައި އަނބިކަނބަލުންނަށް ޚާއްސަކުރެއްވި ކުރު އެކަމަކު ފޮނި ބަސްކޮޅުގައި އޮބާމާ ވިދާޅުވި އެވެ.

ޖަޒުބާތުން ފުރިގެންވާ އެ ޖުމްލަތައް ވިދާޅުވާން ފެއްޓެވުމާ އެކު އޮބާމާ އަށް ވެސް ކީރިތިކުރެއްވުނެވެ. ރުމާލުން ކަރުނަ ފޮހެލައްވާ މަންޒަރު، ޓީވީ ބަލަމުން ދިޔަ މީހުންނަށް ފެނުނު އިރު، މިޝެލްއާ ޖެހިގެން އިންނެވި ދޮށީ ދަރިކަނބަލުން މަލިއާ ވެސް ކީރިތިކުރެއްވި އެވެ. އަދި އެ ތަނުގައި ތިބި އެންމެން ވަނީ މިޝެލް އަށް އިހުތިރާމް އަދާކުރުމުގެ ގޮތުން ކޮޅަށް ތެދުވެފަ އެވެ.

އޮބާމާ ވަދާއީ ތަގުރީރު ދެއްވުމަށް ފަހު އަނބިކަނބަލުން މިޝޭލް އާއި ދަރިކަނބަލުން މަލިއާއާ އެކު

އޮބާމާ ވިދާޅުވީ އޭނާގެ އަނބިކަނބަލުންގެ ގޮތުގައި މިޝެލް އަދާކުރައްވަން ޖެހިވަޑައިގަތީ މިޝެލް އަމިއްލަފުޅަށް ހޯއްދެވި މަގާމެއް ނޫން ކަމަށް ވިޔަސް އެއީ އަމިއްލަ ކަމެއްގެ ގޮތުގައި ބައްލަވައި، ފަސްޓް ލޭޑީގެ ދައުރު އަދާކުރެއްވީ ޝަރަފްވެރިކަމާއި ހިތްވަރުގަދަކަމާއި ވައްޓަފާޅިއާ އެކުގައި ކަމަށެވެ.

ވައިޓް ހައުސްއަކީ އެންމެންގެ ތަނަކަށް މިޝެލް ހައްދަވައިދެއްވާފައިވާ ކަމަށާއި އޭނާ ދެއްކެވި ނަމޫނާގެ ސަބަބުން އާ ޖީލެއްގެ އަމާޒުތައް އާ އުސްމިންތަކަކަށް ގެންގޮސްފައިވާ ކަމަށް ވެސް އޮބާމާ ވިދާޅުވި އެވެ.

މިޝެލްއާ ބެހޭގޮތުން އޮބާމާ ވާހަކަފުޅުދެއްކެވުން

ބަރަކް އޮބާމާ މިޝެލް އޮބާމާ އެމެރިކާ

10 ކޮމެންޓް, 63 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަރަށްދެރަ

12 January 2017

ޯޮޮޮޮއޮބާމާ ރޯނީ،، ނުވަތަ ރޮއި ލައްވާނީ، އެއްގޮތަކައްވެސް ކީރިތި ކުރެއްވީ ކަމަކައް ނުބުނެވޭނެ، އެބަހަކީ ހަމައެނި އަހަރެމެންގެ ލޮބުވެތި ރަސޫލާ މުޙައްމަދުގެފާނަށް އެކަނި ނިސްބަތް ކުރެވޭ ބަހެއްކަމުގާ ދެކެން،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބީތާ

11 January 2017

އޮބާމާއަށް ރޮވުނީ ވެރިކަމުގެ ސާނާ ޝައުކަތު ގެއްލޭތީ.. އޭގެ ބާރު ގަދަ ކަމަކީ 30 އަހަރު ވެރިކަން ކުރެއްވިޔަސް ވެރިކަން ދޫކޮއްލާ ހިތް ނުވުން.. އެވަރުން ނުވެއްޖިއްޔާ ވެރިކަމަށް އަރާހާމީހަކު ވެރިކަމުން ބޭލުނުގޮތަކަށް ބޭލުން.. ތީނަ ރަގަޅު 8 އަހަރުކޮއްފަ ރޮމުން ރޮމުން ސުލްހައިގަ ފޭބިކަންވެސް..