ޕްލޭނިން މިނިސްޓަރު މުހައްމަދު އަސްލަމް އިފޯޕްކާގައި ޕެނަލް ޑިސްކަޝަންގައި ވާހަކަދައްކަވަނީ--ފޮޓޯ:ފަޔާޒް މޫސާ/މިހާރު
17 ނޮވެމްބަރ 2022 - 11:56
79 comments
ސަރުކާރުން ރިއަލް އެސްޓޭޓް ނުވަތަ ހައުސިން ޕްރޮޖެކްޓްތައް ހިންގުމުގެ ވިޔަފާރީގައި އުޅުން ހުއްޓާލައި، ޕްރައިވެޓް ސެކްޓަރަށް މިހާރަށް ވުރެ ބޮޑަށް ފުރުސަތު ހުޅުވާލަން ޖެހޭ ކަމަށް ހައުސިން މިނިސްޓަރު މުހައްމަދު އަސްލަމް މިއަދު ވިދާޅުވެއްޖެ އެވެ.
ކޮންސްޓްރަކްޝަން ދައިރާއާ ގުޅޭ 45 ވަނަ "އިިފޯޕްކާ ކޮންވެންޝަން" ގައިި އަސްލަމް ވިދާޅުވީ، ރާއްޖޭގެ މި ވަގުތު އެންމެ ބޮޑަށް ރިއަލް އެސްޓޭޓްގެ ވިޔަފާރި ކުރަނީ ސަރުކާރުން ކަމަށެވެ. އެއީ އެކަން އޮންނަން ޖެހޭ އުސޫލު ނޫން ކަމަށާއި އެގޮތަށް އެކަން ކުރުމުން ގޯތިގެދޮރުގެ އަގު ހޯދަން އުނދަގޫ ކަމަށް އޭނާ ވިދާޅުވި އެވެ.
"މިކަން ކުރަން ފެށުމުން [ގެދޮރު އަޅަން ފެށުމުން] ރައްޔިތުން މިހާރު ގަބޫލު ކުރަނީ ކޮންމެ މީހަކަށް ވެސް ބޭނުންވާ ގެދޮރު [އެންމެ މުއްސަނދިންނަށް ވެސް] ސަރުކާރުން ހޯދައި ދޭން ޖެހޭ ކަމަށް. ގެދޮރު އެޅުމުގެ ގާބިލްކަން ނެތް މީހުންނަށް އެކަން ދައުލަތުން ފޯރުކޮށްދޭން ޖެހޭ. އެކަމަކު ހުރިހާ ރައްޔިތުންނަށް އެ ބޭނުންވާ ގެދޮރު ފޯރުކޮށްދޭކަށް ނުޖެހޭ،" ޕެރެޑައިސް އައިލެން ރިސޯޓުގައި އަސްލަމް ވިދާޅުވި އެވެ.
އޭނާ ވިދާޅުވިގޮތުގައި، ކައުންސިލް ހައުސިން ނުވަތަ އެންމެ ދަތި ހާލުގައި އުޅޭ މީހުންނަށް ގެދޮރު ފޯރުކޮށްދޭން ޖެހެ އެވެ. ނަމަވެސް ގެއެއް މިލްކު ކުރަން ބޭނުން ނަމަ، އެ އަށް އަގު ދައްކަން ޖެހޭނެ ކަމަށް ވިދާޅުވި އެވެ.
އިފޯޕްކާގެ ޕެނަލް ޑިސްކަޝަންގައި ބައިވެރިވި ބޭފުޅުން--ފޮޓޯ:ފަޔާޒް މޫސާ/މިހާރު
އަސްލަމް ވިދާޅުވީ، ރާއްޖޭގައި ގެދޮރު ފޯރުކޮށްދިނުމުގެ ވިޔަފާރި ސަރުކާރު ކުރުން ހުއްޓާލަން ޖެހޭ ކަމަށެވެ. އެކަން އަމިއްލަ ވިޔަފާރިތައް ހުޅުވާލުމުން ފައިސާ ދެއްކުމުގައި ވެސް އާންމުން ޒިންމާދާރުވާނެ ކަމަށް އޭނާ ވިދާޅުވި އެވެ.
އަސްލަމް ވިދާޅުވީ، އެ ހިޔާލަށް އާންމުންގެ ފާޑުކިޔުން ބޮޑުވި ނަމަވެސް، އެއީ ސަރުކާރު ކުރިއަށް ދިއުމަށް ކުރަން ޖެހޭ ކަމެއް ކަމަށެވެ.
"ގެދޮރަށް އަގު ދެއްކޭނީ ހަމައެކަނި ބިޒްނަސް މޮޑެލްއެއްގެ ދަށުން އެކަން ކުރާ ނަމަ. ސަރުކާރުން ގެދޮރު ދިނީމާ އެ އަށް ދޭންޖެހޭ ކުލި ނުދޭ،" އޭނާ ވިދާޅުވި އެވެ.
އަސްލަމް ވިދާޅުވީ، ސަރުކާރުން ގެދޮރު އަޅަން ފެށި ހިސާބުން، ހިލޭ ދިރިއުޅުމުގެ ވިސްނުން ބޮޑުވެ، ސަރުކާރުން ފޯރުކޮށްދޭ ފްލެޓްތަކުގެ ކުލި ނުދައްކާ މައްސަލަ އިތުރުވަމުންދާ ކަމަށެވެ. އެކަމަކު ކުލި ނުދައްކާ ފްލެޓްތަކުން މީހުން ބޭރު ކުރާނެ ހިތްވަރު ސަރުކާރުތަކުގައި ނުހުންނަ ކަމަށް ވިދާޅުވި އެވެ.
"ގިނަ ރިއަލް އެސްޓޭޓް ޕްރޮޖެކްޓްތައް ޕްރައިވެޓް ސެކްޓަރަށް ދޫކުރަން ޖެހޭ. ސަރުކަރުން ބަލަން ޖެހޭ ގެދޮރު ހުރިހާ ރައްޔިތުންނަށް ލިބޭތޯ. ފަގީރުންނާއި އެންމެ މަތީ ފަންތީގެ ދިރިއުޅުން އުޅޭ ފަރާތްތަކަށް ވެސް ގެދޮރު ލިބޭތޯ ބަލަން ޖެހޭ" ހައުސިން މިނިސްޓަރު ވިދާޅުވި އެވެ.
ރާއްޖޭގައި ގެދޮރުގެ ކަންކަން ހިނގާ އުސޫލު ބަދަލު ކުރަން ސަރުކާރުން އެކަމާ ގުޅޭ އުސޫލުތައް ބަދަލު ކުރަން ޖެހޭ ކަމަށް އަސްލަމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފެންސު
19 November 2022
އެހެންވީމާ ރައްޔިތުންގެއަތުން ޓެކްސްނުނަގާ! އެމް.ޑީ.ޕީ އަށް ނޫނެކޭ ބުނަންޖެހޭ ކަމެއް މީވެސް
އެމްސް
19 November 2022
ދައްކާ ކޮންމެ ވާހަކައެއްވެސް ވަށާޖެހޭ އެއްޗަކަށް ވާންޖެހޭ! މިނިމަމް ވޭޖަކީ -/5،000 ރ! ދެކޮޅު ޖެހޭ އާމްދަނީގެ ވަޒީފާ ވަރަށް ނެތް! އަދި ވަޒީފާގެ ބާޒާރުގެ %90 އަކީ ބިދޭސީން! އަނެއްކޮޅުން އެންމެ އަގު ހެޔޮ ބޯހިޔާވަހިކަންވެސް ހުރީ މިލިޔަން މިލިޔަނުގަ! އެހެންކަމުން ޕޮލިސީ މޭކާސް/ރެގިއުލޭޓަރީ ބޮޑީސް މިފެންނަނީ އުފެދުމުގަވެސް ފެއިލްވެފަ ތިބި ތަން! ތަފާތުވާ އެއްވެސް ސަރުކާރެއް އަދިއެއް ނާދޭ!
އަހައްމަދޫ
19 November 2022
ދެން މިނިސްޓްރީ އުވާލައިފައި ގެޔަށްދޭ. ކީއްކުރަން ބޮޑުމުސާރަ ދީފަ ބައިތިއްބާބަޔެއްތަ. ހައުސިންގ ކަންތަކައް ކުޑަ ޑިޕާޓްމަންޓް އެއް ބެހެއްޓީމަ ރަނގަޅުވާނެ
ސައްޙާފް
19 November 2022
މީނައެކޭ މޭބިސްކަދުރު ވެލަށް އައި ކާޅެކޭ ކޮބާ ތަފާތަކީ؟ އޭތިވެސް އަނގަފާރުވެގެން ނުކެވުނީމާ ބުނީ ތިމަންނާއަށް މޭބިސްކަދުރު ނުބައޭ. މީނަވެސް 4 އަހަރުން އެންމެ ފްލެޓެއް ނޭޅޫނީމަ މިކިޔަނީ ފެލެޓް އަޅަން ނުޖެހޭނެއޭ!
ރޭސިސްޓް
19 November 2022
އެއްކަލަ ރޭސިސްޓް މީހާ އަނެއްކާ ފާޅުވީދޯ؟ ތިމަންނާގެ ނާގާބިލުކަމާއި އުރައްޕެއްނެތުމުން ތިމާއަށް ނުކުރެވޭ ހުރިހާ ކަމަކީ ކުރަން ނުޖެހޭ ކަންކަމޭ ކިޔާނެކަމެއްނެތް. އަސްލަމަށް ފްލެޓްއް 4 އަހަރުތެރޭ ނޭޅުނުތާ ކުޑަމިނުން ނިންމާފަހުރި ހިޔާ ފެލްޓް ހަވާލުކުރުން (އެވެސް މަސައްކަތް ފުރިހަމަ ނުކޮށް) 3 އަހަރު ނެގި. ވިނަރެސް ފެލްޓް ފޯމު ފުރިތާ 2 މަސް ވެއްޖެ. އަދި ތިއުޅެނީ 2 މަސް ވިއިރު އެންމެ 1300 ފޯމު ވެރިފައިކޮށް އެޗްޑީސީއަށް ނުފޮނުވިގެން. އަދިވެސް އަނގަތަޅާ!
އެމްސް
19 November 2022
ސަރުކާރު ވަޒީފާގަ އެންމެ ސަޅި ތަންކޮޅަކީ ކަމެއް ނިއްމުނަސް އަދި ނުނިއްމުނަސް ފުރިހަމަ މުސާރަ އެއްވެސް އުނިއިތުރެއްނެތި ހަމަ ބަރާބަރަށް ލިބޭކަން!
ޑޮނާޑު
19 November 2022
ޓެކުސްދައްކަނީ ވަކިމީހެއްނޫނެވެ.އެންމެންވެސްޓެކުސްދައްކައެވެ.ވީމާއެންމެންއަތުންޓެކުސްނަގާފަ ވަކިމީހަކައް ހިލޭގޯއްޗާފުލެޓާދޭކައްނުޖެހޭ ވީމާސަރުކާރުންރައްޔިތުންގެހައްގުތަކައްއަރައިނުގަނެއެންމެންއަތުންކުލިނަގަންޖެހޭ ކުލިނުދައްކާނަމަކޯޓައްމަސްއަލަވައްދަންޖެހޭ!ދެމީހުނައްފުލެޓުދީފަ އެކަކުކުލިދައްކާއިރު އަނެކަކުކުލިނުދައްކާހުންނަންދޫކޮއްލުމަކީއިންސާފެއްނޫންކުލިނުދައްކާއެންމެންގެމަސްއަލަކޯޓައްވައްޓާލާ ވޯޓުގެދަހިވެތިކަމުގަ އެހެންވެސްހަދާކައްނުކެރޭނެ!
ބީބާ
19 November 2022
ސަރުކާރުން ހިންގަނީ ރައްޔިތުން އަތުން ޓެކުސް ނަގައިގެން ކަން އަސްލަމަށް ނޭގެނީތަ..
ލީޒާ.
19 November 2022
ހައުސިން ޕްރޮޖެކްޓްތައް ހިންގޭވަރުގެ ގާބިލު ކަމެއް ނެއް
އިރުސާދު
19 November 2022
ނާގާބިލުކަމުން ނުވިއްުުޔޭ ބުނިނަމަ މާރަނގަޅުވީސް..ކާލަކާލަ ގާތްމީހުންނައް ބަހާލަ ބަހާލަ ހަމަ ތިބެނީ
ވިޖޭ
19 November 2022
ފުލެޓެއް ނޭޅި ދައުރު ހަމަވާ ސަރުކާރެއް މިނޫނީ މަނުދެކެން ... ނާސިރުވެސް ފުލެޓު އެޅި ވާހަކަ އަޑުއެހިން..