ގާޒީ މުހުތާޒް 29 އަހަރުގެ ޚިދުމަތަށްފަހު ރިޓަޔާވެއްޖެ

ގާޒީ މުހުތާޒް: އޭނާ ރިޓަޔާ ކުރެއްވީ 29 އަހަރުގެ ޚިދުމަތަށްފަހު --- ފޮޓޯ/މިހާރު

މުއިއްޒު އިބްރާހިމް، މިހާރު

17 ނޮވެމްބަރ 2022 - 19:38

ފަނޑިޔާރުކަމުގައި 29 އަހަރު ޚިދުމަތް ކުރެއްވުމަށް ފަހު ޑްރަގް ކޯޓުގެ ގާޒީ މުހުތާޒް ފަހުމީ މިއަދު ރިޓަޔާ ކުރައްވައިފި އެވެ.

ކުރިން ކްރިމިނަލް ކޯޓުގެ ގާޒީކަން ވެސް ކުރެއްވި ގާޒީ މުހުތާޒް ފަނޑިޔާރުކަމުން ރިޓަޔާ ކުރެއްވީ މިއަދުން ފެށިގެންނެވެ. އޭނާ ރިޓަޔާވީ އަމިއްލައަށް އެދިވަޑައިގެންނެވެ.

އޭނާ ކްރިމިނަލް ކޯޓުގެ ގާޒީކަމުގައި ގިނަ ދުވަސްތަކެއް ވަންދެން ހުންނަވަނިކޮށް 2018 ވަނަ އަހަރު ޑްރަގް ކޯޓަށް ބަދަލުކުރީ ސުޕްރީމް ކޯޓުގެ ހުށަހެޅުމަކަށެވެ. އޭނާއަކީ ކްރިމިނަލް ކޯޓުގައި ބޮޑެތި މައްސަލަތަކެއް ބެއްލެވި ފަނޑިޔާރެކެވެ.

ވ. ރަކީދޫގައި އަނިޔާކޮށް މަރާލި ތިން އަހަރުގެ މުހައްމަދު އިބްތިހާލްގެ މަރުގެ މައްސަލަ ވެސް އެންމެ ފުރަތަމަ ބެއްލެވީ މުހުތާޒެވެ.

މުހުތާޒްގެ އިތުރުން ފަނޑިޔާރު ކަމުގައި 32 އަހަރު ހޭދަކުރެއްވި މެޖިސްޓްރޭޓް އަހުމަދު ޝަރީފާއި 26 އަހަރު ޚިދުމަތް ކުރެއްވި އިބްރާހިމް މުނީރު ވެސް މިއަދުން ފެށިގެން ވަނީ ރިޓަޔާ ކުރެއްވި އެވެ. ފަނޑިޔާރުކަމުން ރިޓަޔާ ކުރެއްވުމުން ޚިދުމަތްކުރި މުއްދަތަށް ބަލައި، ރިޓަޔާމެންޓް އިނާޔަތް ލިބޭނެ އެވެ.

ފަނޑިޔާރުން ޖުޑީޝަލް ސާވިސް ކޮމިޝަން ޖުޑީޝަރީ ޑްރަގް ކޯޓް

6 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސާދާސީދާ

20 November 2022

ވަރަށް މަޑުމައިތިރި، އިންސާފުވެރި ފަނޑިޔާރެއް. ދުވަހަކު ވެސް ނޫހެއްގައި ފަނޑިޔާރު މުހުތާޒްއަށް ކޮރަޕްޝަން ފަދަ އެއްވެސް ކަމެއްގެ ތުހުމަތެއް ނެތް. ހިންގަވާފައި އަބަދުވެސް އުޅުއްވާނީ. މީހަކު ދުވަހަކު އެއްވެސް ގޯނާއެއް ވެސް ނުކުރޭ.