ޚަބަރު / ގޭންގް ހަމަނުޖެހުން

މާލޭގައި އިއްޔެ ދެ މާރާމާރީއެއް ހިންގައި ދެ މީހުން ޒަހަމްކޮށްލައިފި

މިިދިޔަ ޖޫން މަހު މާލޭގައި މަރާމާރީ ހިންގި ސަރަހައްދުގައި ފުލުހުން ހަރަކާތްތެރިވަނީ: ރޭ ވަނީ ދެ މާރާމާރީ ހިންގާފައި.

އާސިމާ ނިޒާރު، މިހާރު

12 ޖެނުއަރީ 2017 - 14:29

1 comments

މާލޭގައި އިއްޔެ ދެ މާރާމާރީއެއް ހިންގައި ދެ މީހަކު ޒަހަމް ކޮށްލައިފި އެވެ.

ފުލުހުންގެ މީޑިއާ އޮފިޝަލް ވިދާޅުވީ ފުރަތަމަ މާރާމާރީ ހިންގި ކަން ރިޕޯޓުކޮށްފައިވަނީ ހަވީރު 3:50 ހާއިރު ކަމަށެވެ. ޖަނަވަރީ މަގުގައި ހިންގި އެ މާރާމާރީގައި ޒަހަމްވީ 29 އަހަރުގެ މީހަކެވެ. އޭނާ އަށް އޭޑީކޭ ހޮސްޕިޓަލުން ފަރުވާ ދެމުން އަންނަ ކަމަށް އޮފިޝަލް ވިދާޅުވި އެވެ.

ދެ ވަނަ މާރާމާރީ ހިންގާފައިވަނީ ވެސްޓަން ޔޫނިއަން ހުންނަ ގޯޅި ތެރޭގައި ރޭ 7:00 ހާއިރެވެ. އެ މާރާމާރީގައި ޒަހަމްވީ 22 އަހަރުގެ މީހެއް ކަމަށާއި އޭނާ އަށް ވެސް އޭޑީކޭގައި ފަރުވާ ދެމުން އަންނަކަމަށް ފުލުހުން ބުންޏެވެ.

މި ދެ މާރާމާރީއާ ގުޅިގެން އަދި އެއްވެސް މީހަކު ހައްޔަރެއް ނުކުރެ އެވެ. ފުލުހުން އަންނަނީ މައްސަލަ ތަހުގީގުކުރަމުންނެވެ.

އޭޑީކޭ ހޮސްޕިޓަލްގެ މެނޭޖިން ޑިރެކްޓަރު އަހުމަދު އަފްއާލް ފޯނު ނުނަންގަވާތީ އެ ދެ މީހުންގެ ހާލު އަދި ސާފެއް ނުވެ އެވެ.