ކޮކޯ ޝީކުގެ އިސްތަށި އިންދުން: ނަތީޖާ ފެންނާނެ

ބޮލުން އިސްތަށި ފައިބައި، ބޯ ތަލަވުމަކީ ދެޖިންސުގެ މީހުންނަށް ވެސް ކުރިމަތިވާ މައްސަލައެކެވެ. ރާއްޖޭގައި އެ މައްސަލަ އާއްމުކޮށް ކުރިމަތި ވަނީ ފިރިހެނުންނަށެވެ. އެއީ ވަރަށް ހަގު އުމުރުގައި ވެސް ފިރިހެނުންނާ ކުރިމަތިވާ މައްސަލައަކަށް ވަނީ ވެފަ އެވެ. އިސްތަށި ފޭބުން ހުއްޓުވުމަށް ތަފާތު ފަރުވާތައް މިހާރު ލިބެން ހުއްޓަސް ޖެނެޓިކަލް ނުވަތަ ސިއްހީ މައްސަލައަކާ ގުޅިގެން އިސްތަށި ފައިބާ ފޭބުމަށް އެދެވޭ ހައްލެއް ނުލިބެ އެވެ.

ޖެނެޓިކްސްގެ ސަބަބުން އާއްމުކޮށް ތަލަވުމަށް ދިމާވަނީ އެންޑްރޯ ޖެނެޓިކް އެލޮޕީޝާ ކިޔާ ބައްޔެއްގެ ސަބަބުންނެވެ. ބޮލުގެ ނިއްކުރިއާ ދިމާލުން މެދުން ތަލަވެ އެވެ. ބައެއް މީހުންގެ މުޅި ބޯ ވެސް ތަލަވެ އެވެ. އިސްތަށި ފަޅައި، ހެދިބޮޑުވުމަށް އެއްބާރުލުންދޭ ޑީއެޗްޓީ ހޯމޯން އަށް ޖެނެޓިކަލް ސެންސިޓިވިޓީއެއް އުފެދުމުގެ ސަބަބުން ވެސް ތަލަވުމަށް ދިމާވެ އެވެ. އެ މައްސަލަތަކަށް އެދެވޭ ހައްލެއް ނެތް ނަމަވެސް، ތަލަވުމުން އަލުން އިސްތަށިފަޅުވައިދޭ ޕްރޮސީޖާތައް ދުނިޔޭގެ އެކި ސަރަހައްދުތަކުގައި ވެސް ކާމިޔާބުކަމާ އެކު ހަދަ އެވެ. އޭގެ ތެރެއިން ހެއާ ޓްރާންސްޕްލާންޓަކީ ބޭރު ދުނިޔޭގައި ވެސް ގިނަ ބައެއްގެ މެދުގައި އާއްމު ޕްރޮސީޖާ އެވެ.

އެއީ މީގެ ކުރިން ރާއްޖޭގައި ހެދެން ނެތް ޕްރޮސީޖާއެއް ކަމަށް ވިޔަސް ދާދި ފަހުން އެ ހިދުމަތް ކޮކޯ ޝީކް ކްލިނިކުން ވަނީ ތައާރަފު ކޮށްފަ އެވެ.

ކޮކޯ ޝީކް ކްލިނިކަކީ އެ ފަދަ ގިނަ ބިއުޓީ ޕްރޮސީޖާތަކެއް ތައާރަފުކޮށް، އާއްމުންނަށް ދިމާވެފައިވާ އެ ފަދަ މައްސަލަތަކަށް ހައްލު ހޯދައި ދިނުމަށް ފެށި ބިއުޓީ ކުލިނިކެކެވެ.

އެ ކްލިނިކްގައި ހެއާ ޓްރާންސްޕްލާންޓް ހަދައި ދޭން ފެށީ މިދިޔަ މަހު އެވެ. ހިދުމަތް ދެނީ ހަތް އަހަރުގެ ތަޖުރިބާ ހުރި ޑރ. ނިރާޖް ކުމާރު ސިންހަ އެވެ. އޭނާ އަކީ ރަޝިއާގެ ގޮމެލް ސްޓޭޓް އިންސްޓިޓިއުޓުން މެޑިސިން ކިޔަވައިގެން ހުރި ޑޮކްޓަރެކެވެ.

ހެއާ ޓްރާންސްޕްލާންޓު ހަދަން ބޭނުންވާ ކަސްޓަމަރުންނަށް ކޮކޯ ޝީކުން ޑޮކްޓަރަށް ދައްކަން އެޕޮއިންޓުމަންޓެއް ބޭނުން ވާނެ އެވެ. އެޕޮއިންޓްމަންޓް ހަދަން ޖެހެނީ އިސްތަށިގަނޑުގެ ހާލަތާއި އިސްތަށި ފައިބާ ސަބަބު އަދި ސްކަލްޕުގެ ހާލަތު ދެނެގަތުމަށެވެ. އެ އެޕޮއިންޓުމަންޓަށް ފަހު، ލޭގެ ޓެސްޓުތަކެއް ހަދަން ދޭނެ އެވެ. އޭގެ ބޭނުމަކީ، ޓްރާންސްޕްލާންޓު ހެދުމަށް އެ މީހާ ފިޓުތޯ ބެލުމެވެ. އެ ޓެސްޓުތަކަށް ފަހު، އައްސި ކުރުމަށް ދޭ އިންޖެކްޝަނަށް އެލާޖިކުވޭތޯ ބަލައި ހެއާ ޓްރާންސްޕްލާންޓް ސެޝަން ހަމަޖައްސާނެ އެވެ. އެއީ އެއް ސެޝަނުން ނިންމައިލެވޭ ޕްރޮސީޖާ އެކެވެ.

ހެއާ ޓްރާންސްޕްލާންޓް ހެދުމަށް ބޭނުންވާ ހެއާ ގްރާފްޓް ނަގާނީ ބޮލުގެ ފަހަތުންނެވެ. ހެއާ ގްރާފްޓަކީ އިސްތަށި އުފެދިފައިވާ ހަންކޮޅުތަކަށް ކިޔާ ނަމެކެވެ. ހެއާ ޕްލާންޓް ހެދުމަށް ބޭނުންވާ ހިސާބުގެ ކައްޓަކުން ކުދިކުދި ލޯވަޅުތަކެއް އަޅައި އެ ލޯވަޅުތަކުގައި އިސްތަށި އިންދާނެ އެވެ. އެ ޕްރޮސީޖާ ކުރިއަށް ގެންދާނީ އައްސި ކޮށްގެންނެވެ.

ޕްރޮސިޖާ ހަދާ އިރު ގްރާފްޓު ނަގާ ސަރަހައްދާއި ޓްރާންސްޕްލާންޓް ބޭނުންވާ ސަރަހައްދު ފަސޭހަވެ، ރަނގަޅުވާން ގިނަ ދުވަހެއް ނުނަގާނެ އެވެ. ހެއާ ޓްރާންސްޕްލާންޓް ކާމިޔާބު ވާނީ، ޑޮކްޓަރުގެ އިރުޝާދާ އެއްކޮށް އަމަލު ކޮށްގެންނެވެ. ފުރަތަމަ ދެ ހަފުތާގައި ބޭކާރު ގޮތުގައި ބޮލުގައި އަތް ނުލުމާއި ހާޓްރޭޓް މަތިވާ ކުޅިވަރުތައް ނުކުޅުން މުހިންމު ވާނެ އެވެ. އަދި ޑޮކްޓަރު ދޭ ބޭސް ގަޑިން ގަޑިއަށް ނަގަން ޖެހޭނެ އެވެ.

ހެއާ ޓްރާންސްޕްލާންޓް ހެއްދުމަށް ފަހު، އޭގެ ނަރީޖާ ފެންނަން ތިން މަހައި ފަސް މަހުގެ މުއްދަތެއް ނަގާނެ އެވެ. އެކަމަކު، އޭގެ އެންމެ ފުރިހަމަ ނަތީޖާ ފެންނާނީ އަހަރެއްހާ ދުވަސް ފަހުންނެވެ. އަހަރަކަށް ފަހު، އިސްތަށި އިންދި ސަރަހައްދުން އިސްތަށިގަނޑު ބޯވެ، ޕްރޮސީޖާގެ "ފުލް އެފެކްޓް" ފެންނާނެ އެވެ.

ކޮކޯ ޝީކް ކްލިނިކަކީ "ކޮންފިޑެންސް ބޫސްޓު" ކުރުމަށް ބޭނުންވާ އެކި ހިދުމަތްތައް ފޯރު ކޮށްދޭ ތަނެކެވެ. އެ ތަނުން "ނޮން ސާޖިކަލް އެންހާންސްމަންޓު"ގެ ގިނަ ޕްރޮސީޖާތަކެއް ވެސް ހެދެން ހުރެ އެވެ. އޭގެ ތެރޭގައި، މޫނުގައި ހުންނަ ރޫ ފިލުވުމާއި އަންޑާ-އައި އޭރިއާ ރީތި ކުރުމާއި ނެކް ލިފްޓިން އާއި ޖޯލައިން އެންހާންސްމަންޓާއި ތުންފަތް އިތުރަށް ފުރިހަމަ ކޮށްދޭ ޕްރޮސީޖާތައް ވެސް ހެދެން ހުރެ އެވެ.

ކޮކޯ ޝީކް ކްލިނިކުން އެކި ހިދުމަތްތަކުގެ މައުލޫމާތު އެ ތަނުގެ ފޭސްބުކް އަދި އިންސްޓަގްރާމް ޕޭޖުން ލިބޭނެ އެވެ. އެ ކްލިނިކުން ދެ ޖިންސުގެ މީހުންނަށް ވެސް ހިދުމަތް ދޭނެ އެވެ.

● ނޯޓު: މިއީ ކޮކޯ ޝީކްގެ ޕްރޮމޯޝަނަލް އާޓިކަލެކެވެ.