ޚަބަރު / ކުޑަގިރި ޕިކްނިކް އައިލެންޑް

ޕިކްނިކް އައިލެންޑް ހުޅުވަން އާ ތާރީހެއް، މި މަހު ހުޅުވޭތޯ ބަލަނީ

ދަތުރު ދާ މީހުން ބޭނުންކުރުމަށް ކުޑަގިރީގައި ހަދާފައިވާ ހަޓެއް-- ފޮޓޯ: ފަޔާޒު މޫސާ | މިހާރު

އާސިމާ ނިޒާރު، މިހާރު

06 ޑިސެމްބަރ 2022 - 14:19

10 comments

ކުޑަގިރި ޕިކްނިކް އައިލެންޑް މި މަހު ހުޅުވަން މަސައްކަތް ކުރާ ކަމަށް ޕްލޭނިން މިނިސްޓްރީން އަނެއްކާވެސް ބުނެފި އެވެ.

އެ މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން މިއަދު ވިދާޅުވީ ކުޑަގިރި ހުޅުވުމަށް ކުރަންޖެހޭ ހުރިހާ މަސައްކަތެއް އަދިވެސް ކުރަމުން އަންނަ ކަމަށެވެ.

މި މަހުގެ ތެރޭގައި އެ ކަންކަން ނިންމައި ޕިކްނިކް އައިލެންޑް ހުޅުވުމަށް މަސައްކަތް ކުރަމުން އަންނަ ކަމަށް އަކްރަމް ވިދާޅުވި އެވެ.

ސަރުކާރުން ކުރިން ނިންމާފައި އޮތީ މި އަހަރުގެ މިނިވަން ދުވަހާ ގުޅުވައިގެން އެ ތަން އާއްމުންނަށް ހުޅުވާލުމަށެވެ. އެ މުއްދަތަށް އެ މަސައްކަތް ނުނިމުމުން ދެން ހަމަޖެއްސީ މިދިޔަ މަހުގެ 11 ވަނަ ދުވަހު އެތަން ހުޅުވާށެވެ.

އެކަމަކު، އެ މުއްދަތުތައް ފާއިތުވެގެން ދިޔައިރު ވެސް ޕިކްނިކް އައިލެންޑު ނުހުޅުވުނެވެ.

ކުޑަގިރި މަތިން ނަގާފަވާ ފޮޓޯއެއް: މިއީ ދަތުރު ދާ މީހުން ރަށަށް އަރާ ސަރަހައްދު.- ފޮޓޯ: ފަޔާޒު މޫސާ | މިހާރު

ޕްލޭނިން މިނިސްޓްރީން ބުނީ ޕިކްނިކް އައިލެންޑެއްގެ ގޮތުގައި ކުޑަގިރި ތަރައްގީ ކޮށްފައި ވަނީ އާއިލާތަކަށް ހިތްފަސޭހަކަމާ އެކު ވަގުތު ހޭދަކުރެވޭ ގޮތަށެވެ. އިންތިޒާމްތައް ހަމަޖައްސާފައި ވާނީ ޒަމާނީ އަދި ތިމާވެއްޓާ ރައްޓެހި ކޮންސެޕްޓަކަށް ކަމަށް ވެސް އެ މިނިސްޓްރީން ބުންޏެވެ.

މާލެއާ 10.5 ކިލޯ މީޓަރު ދުރުގައިވާ ކުޑަގިރިއަށް ލޯންޗެއްގައި ގާތްގަނޑަކަށް 15 މިނެޓުން ދެވެ އެވެ. އެތަން ހިއްކަން ޕްލޭންކުރީ ދަތުރުދާން ރަށަކާ އެކު 1.5 ހެކްޓަރުގެ ސޭންޑްބޭންކް ގޮތަށް ފިނޮޅެއް ވެސް ހަދާ ގޮތަށެވެ.

އެ ރަށުގައި މިސްކިތަކާއި އާއްމުންގެ އަސާސީ ބޭނުންތަކަށް ބޭނުންވާ އިމާރާތްތައް ވެސް ވަނީ ހަދައިފަ އެވެ. ގާތްގަނޑަކަށް 41 މިލިއަން ހޭދަކުރަން ނިންމާފައިވާ ޕިކްނިކް އައިލެންޑުގައި ކަރަންޓާއި ފެނުގެ ހިދުމަތް ވެސް މިހާރު ވަނީ ނިމިފަ އެވެ.

ސްޓޭޓް މިނިސްޓަރު އަކްރަމް ކަމާލުއްދީން ޕިކްނިކް އައިލެންޑް ހައުސިން، ލޭންޑް އެންޑް އާބަން މިނިސްޓްރީ ކުޑަގިރި ޕިކްނިކް އައިލެންޑް

10 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙަބީބު.

07 December 2022

މާލެ އެކަނި ސިޓީޔަކީ ސިޓީޔަކައް ބޭނުންހުރިހާ ކަމެއް އެބަކުރެވޭ ކުޅުދުއްފުށި އެއާޕޯޓު ލައިޓު ޖަހާނުދީ 4 އަހަރު ހަނިމަދޫއައް މިދާންޖެހެނީ 1500 ލޯންޗު ހިފައިގެން ބަލިމީހުން ގޮވައިގެން ކިހާތާހިރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

06 December 2022

އަނިޔާވެރިކަމަކީ ހަމައެކަނި ވޯޓް ކަރުދާސްކޮޅު އަތަށް ނުލިބުމާއި އެކަރުދާސްކޮޅުގައި ހިތް އެދޭ ފާހަނގަ ޖަހާން ފުރުސަތު ނުލިބުމެއްނޫން. # އާބާދީ 200 ވަރަކަށް ރަށަށް ބެހިފައިވާ 5 ލައްކަ ރައްޔިތުންގެ މެދުގައި އަދުލުވެރިކަމާއި އިންސާފާއި އެކުގައި ދައުލަތުގެ މުއްސަނދިކަމާއި ވަސީލަތް ނުވަތަ ވެލްތް ޑިސްޓްރިބިއުޓް ނުކުރުމަކީވެސް އަނިޔާވެރިކަން. # އެހެންކަމުން މާލޭސަރުކާރުން ގެންގުޅޭ "އެއްރަށް ދައުލަތް ސިޔާސަތަކީ" މިދެންނެވި އަނިޔާވެރިކަމުގެ ސިޔާސަތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

06 December 2022

2023އަށް މަޑުކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްސަ

06 December 2022

އިނގިލި، ކުޑަވައި އިނގިލި ބިންދައިގެން ދުވަސްގުނާ މީހުންނާ ހަވާލުކުރީމަ ވީގޮތް، ދެއްތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަނީފް

06 December 2022

މި ސަރުކާރަށް އެއްކަމެއްވެސް ވޭތަ؟ 4 އަހަރު ނިމުނުއިރު ބުރިޖުގެވެސް އެންމެ ތަނބެއް ޖަހާލެވުނީ. ބުރިޖު އަޅާ މީހުން އުޅެނީ އެމީހުންގެ އެކޮމޮޑޭޝަން ބިލްޑިންގް ނިންމޭތޯ. އެހެންކަމަކާ ނޫޅޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޡުހޫ

06 December 2022

މީ ފިނޮޅެއެތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮހޮނު

06 December 2022

ނިއު އިއާ ބާއްވަބަލަ ތިތާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަސ

06 December 2022

ތިތަން އަދިވެސް ނުހުޅުވާތަ؟ މަ ހީކުރީ މި އަހަރު މިނިވަން ދުވަހު ހުޅުވައިފި ކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދައުލަތް

06 December 2022

ދައުލަތައް ލިބޭ ފައިސާކޮޅު، ޕިކުނިކު އައިލެންޑޭ ކިޔައިގެން ހުސްކޮއްލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރުގާ

06 December 2022

ބަލަނީ ބަލަނީ ބަލަނީ ބަލަނީ ބަލަނީ ބަލަނީ ބަލަނީ ބަލަނީ ބަލަނީ ބަލަނީ ބަލަނީ ބަލަނީ ބަލަނީ ބަލަނީ ބަލަނީ ބަލަނީ ބަލަނީ ބަލަނީ ބަލަބަލަ 5 އަހަރު ދިވެހި ރާއްޖޭން އިސްރާފުވެގެން މިދަނީ......